حصرية / المشكلة طاح من عيني أصحاب !

[أنا فداهم]

-

-

ماتت ثلاث فصول بأول كتابي
جمعت الشعر وأتعبني العتاب

ياشعري إذا عافوني أحبابي
وفسروا مكتوبي دون أسباب

مو مشكلة لو يجفوني أغرابي
المشكلة طاح من عيني أصحاب

أصحاب كانوا محزمي وجرابي
ما مرهم زيف و خداع و غياب

ياحسن نيتي هديتي أطنابي
وأنا سهير الليل أبنيهم أطناب

الجرح جاب عيدي وطق بابي
يا ليتني كنت أستاهل عتاب

هذي النهاية يا دفتري وكتابي
عقب ثلاث فصول أعلنته غياب


-
أنا فداهم
-
تمت
26-9-1439

[ام سارونا]

الله عليك
صح لسانك
ويعطيك العافية

[نجم ضاوي]

اصحابي . . هم نفسهم اصحابي
مهما حصل . . بيننا نظل اصحاب

ليش .. انت .. يحلا لك .. عذابي
ليش الزعل . . بليا عتب واسباب

انت الوحيد . . من ضمن احبابي
انت لا جيتك تعب تفتح لي الباب

كان يحلا لك . . يا لايمي عتابي
ترى .. أنا وإنت .. ما بيننا عتاب

وان كان .. ذكرك . . بيننا غابي
حتى أنا . . بعدك . . اعلن غياب


صح لسانك اخوي انا فداهم على هالحصريه الراقيه ...
ابدعت واجزلت وفالك البيرق ...

لا خلا ولا عدم ...

[أتنفسگ]

الله عليك صح لسانك
مبدع وكلماتك بالصميم :MonTaseR_137:

[مرجانة]

أكثر من رائعة
قلبكَ الكبير ، ربما حوى أشخاصاً لم يستحقو الإحتواء

طهورٌ أيها القلب .. عافاك

[حروف العز]

روعه ماشاء الله
صح لسانك اخوي :رحيق:

[أنا فداهم]

ظروف صكت دونكم بابي
راح ثلث الليل والقمر غاب

كنت أرقبه لين نامت أهدابي
ما كن جفن الليل بليا أهداب

سبايب وليف تلف لي أعصابي
خلاني بعده عاني و منصاب

لا يا صاحبي قلبي منه تابي
صار وصله فص ملح وذاب

عضيت على إبهامي بنابي
وعرفت إن ماللغياب أسباب


..

[نجم ضاوي]

اعاتبك ياخي .. والعشم . تقبل عتابي
احباب تروح .. ويجي .. غيرهم احباب

يا ولد الكويت القمر مايوم عننا غابي
لكن ذكرك . . من حرف . . قافنا غاب

ليش الزعل . . وليش القلب منصابي
وليش تصك . . دون . . اخوتك ابواب

وكل الله .. في الامر . . ولا ترتابي
دامك مع الله .. لا تخاف . ولا ترتاب