المساعد الشخصي الرقمي

مشاهدة النسخة كاملة : ضياع بمعنى الكلمه ..


مشكلتي
06-25-18, 09:44 AM
والله ياجماعه تعبت تعبت من نفسي ماعاد اتحمل
زواج رفضت مرتين وللحين ماني عارفه السبب
اقسم بالله كويسين وابغا اوااافق لكن رفضت دراسه بطلعت روح كملت المتوسط بطلعت رووووح رغبتي للدراسه زفت زفت مو قادره اكمل مع انو كان طموحي اكون معلمه لكن كل محاولاتي للدراسه تفشل حتى بدايت السنه سجلت وخلصت كل شي للثانوي ورحت اول يوم
بس ولا قدرت اكمل الحين اكيد بتقولولي اغصب نفسي لان اهلي وكل الي اعرفهم قالولي كذا لكن مااحد يصدق اني مو قادره على نفسي ماني قادره اغصب نفسي لا على زواج ولا على دراسه
وصلت مرحله نفسي ابعد عن كل شي بالحياه مادري ابغا امشي ابغا اهج من نفسي زهقت توظفت مرتين وكلها ماكملت فيها حتى سبوع والله شي يقهر بديت اضايق حتى الناس الي حولي بديت احس انو مالي اي قيمه يالحياه مو قادره اضبط نفسي ياجماعه!!!
صار عمري25 وكل يوم يمر علي صار يخوفني والله يخوفني كثير بشكل ماحد يصدقه
شوفو حتى ماني عارفه كيف اوصلكم مشكلتي حتى تعبيري زفت
تخيلو صارت تجيني اسئله من الناس انتي وش تبين من هالحياه ؟

العـ(احمد)ـالمي
06-25-18, 03:43 PM
سؤال واحد بطرحه عليك وجاوبيني بصراحة وبعدها احاول اساعدك :

كيف علاقتك مع الله سبحانه وتعالى؟

ضياع
06-25-18, 06:37 PM
استغرالله كمان زفت اصلي الفروض بس
واغلب الايام اتوب واعتدل ماكمل يوم يومين الا ارجع زي ماانا

الجادل 2018
06-25-18, 07:00 PM
وعليكم السلام ورحمة الله وبركاته ،،
هلا وغلا بمن أسمت نفسها
بالضياع ،،
أول شي يعني كنا بنكون زميلات مهنة :)،،

،،

قلتي
أنا
(( حتى مشكلتي مب عارفة كيف أوصلها ؟؟؟))

من قال
أنتي أحسن شي سويتيه
طريقة كتابتج بأمتياز،،

ضياع
أشوف فيج إنسانه (( تمل بسرعة ))
وفشلج مرة في جانب في الحياة
خلاج تسقطين في وهم
(( أنا فاشلة ))
وأنتي لستِ كذلك ،،
فيه شخصيات لو فشلت مرة في حياتها،،
تقول أنا ما أنفع لشي،،
أنا شخصية فاشلة،،
وهالفكرة السلبية خلتج سايرة في نفس الخط،،
أنتي اللي مضيعج عدم معرفتج بقيمة قدراتج ،،
ما فيه يا ضياع حد ما تواجهه صعوبات،،
بس فيه شخصيات انهزامية
تحبط نفسها بسرعة ،،
لا تقدرين
فيه ناس حروب ،، ومشاكل الله العالم بحالهم
وقدروا وحققوا امنياتهم،،
سجلي السنة الجاية ثانوية ،،
درسي
كل شي يبي له أقناع بالقدرة ،
،،

ورفض المتقدمين 2
رغم مميزاتهم
خلاص راحوا زينين راحوا
قنعي نفسج ليست أنا من نصيبهم ،،
بس هني أشوف جانب آخر أحسه يكمل الجانب الأول
الملل + الخوف من تحمل المسؤولية
وما اعرف ليش أحسه ينطبق عليج
أنتي تخافين من خوض حياة جديدة
بتكسر روتين حياتج ،،
حياة أنتي حتى متمللة تعرفين ماهيتها وخايفة ،،

،،
أول خطوة
يا ضياع بلا تشتيت للذات
(( أنتِ تستطيعين وبشدة ))
وكملي الحياة تتوقف بتوقف العمر بروحه،،
فيه ناس يحبون الملل يعني بإختصار (( نفسيات ))
كله زهقانة
أن قعدت في البلاد مثلا
قالت
متمللة بسافر ،،
وإن سافرت قالت ردوني مليت ،،
،،
أنا قعدت في البيت قالت زهقانة طلعوني
وأن طلعت قالت خلاص أحس بضيقة وجعوني البيت،،
عالشخصيات الدلوعية :)

،،
ماااا فيج إلا العافية ،،
فقط
لا تستصعبين الأمور وبتهووون ،،

بس

تعالي كل يوم :)
،،

حياتي ربي يوفقج
وتخرجين
ونشوفج
أحلى عروس،،
اللهم آمين
مررت من هنا
الجادل ،،،

الجادل 2018
06-25-18, 07:03 PM
بعدين تعالي
ليش ما تصلين
تدرين شسوي في اليهال عندنا
أقولهم بطلعكم الساعة 2 الظهر في الشمس
تقدرون على الوقفة شكثر ،،
ذي يوم الحساب والعرض بس
:(
،،
أنتي ما شاء الله عليج فاهمة
الحياة قد تأخذنا يوما بغفلة
يا ليت الصلاة بالذات لا تقطعينها،،

،،
وذكرتج من باب إن الذكرى تنفع المؤمنين
الله يهديج يا رب ،،

،،

ضياع
06-25-18, 08:34 PM
الله يسعدك وشكر عظيم لك ولتفاعلك معي

والله ان شعور الفشل اكذب اذا قلت مايلازمني طول عمري

لكن انا احاول لكن افشل بسرعه عاجزه عن ارغام نفسي على اي شي فيه فايده لي

وايوا قد مااقدر صرت اهرب واخاف من اي مسوليه بسبب اني حملت مسئوليات كثير وانا طفله
احس اني اكتفيت خلاص ماعاد ابغا

الجادل 2018
06-26-18, 12:05 AM
حياتي أفا عليج ما سوينا شي تعالي كل يوم :)،،
ومن قال ما اعرف اعبر وما اعرف ما ادري أيش
،،
لا والله طلعتي تناقشين وتردين ،،
حلو حلو ،،
(( ارغام ))
قليلا من الارغام في الاول بعدين بيجوز لج الوضع،،
لما تروحين المدرسة بتلاقين ناس نفس اهتماماتج
مع الوقت بتكسبين صديقة تشاركينها افكارج دراستج واجباتج ،،
احسبيها معاي
10 سنوات قدام ،،
بتكونين بداية الثلاثينات ومتخرجة من الجامعة ومتوطفة
حلووو التصور ،،
تذكري عشر سنوات ورى
مرت بسرعة صح ،،
الأيام تركض ،،
وانتي لحد الحين صغيررة
وطموحج قدام،،

،،

ضحتيني أخر شي
(( ما أبغااا))
حسستيني أخاطب وحده من طالباتي
بها دلع شوي وما أبي وما أبي،،
بالعمس
أناي عندج خبرة
وذي الشي يحسب لج مب عليج ،،
قلنا اللي قدامنا شخصية دلع :)،،
بالعكس الله يرزقج كل اللي فيه خير لج
وبخبرتج السابقة بتكونين أجدر في تحمل الأتي،،
وتحمل للمسؤوليات من أنتي طفلة دليل جازم أنج أصلا
لستي فاشلة بل على العكس يعتمد عليج،،
زين على هالكلام
ودي اسمع كل طيب عنج ،،
ويسعدني والله،،
أحسج إنسانة شفافة وبج من طيبة الأصيلة
الشيء الكبير ،،

الله يوفقج،،
دوم ،،
مررت من هنا
مرتن ثانية
الجادل ،،،

أورانوس
06-26-18, 03:13 AM
اهلاً بك ( ضياع )
أولاً : عرضتي نفسك على طبيب نفسي ؟
أحس مشكلتك نفسيه لا أكثر
ومع التحفيز والتشجيع يتعدل أمرك بإذن الله

،
ثانياً : تذكري سعادتك ما تجي إلا اذا قربتي من الله
غير كذا كل حياتك بتكون تعاسه ونكد

،
ثالثاً : كونك فشلتي دراسياً واجتماعياً مو معناه انك فاشله بكل مجالات الحياة
كل انسان منا عنده شيء يميزه عن البقيه
يحتاج بس انك تكتشفي اش يميزة وتهتمي بهذا الجانب
يمكن تتميزي لكتاباتك زي ما كتبتي لنا الحين
ويمكن تتميزي بوسائل التواصل
المهم لا توقفي
وبما انك صغيرة في السن فشيء طبيعي تملين بسرعه من أي شيء
وبتوصلي مرحلة تتعبي من حياتك وتستمري على روتين معين

،
لا تستسلمي أهم شيء
وبالتوفيق :MonTaseR_1:

حنين النوارس
06-26-18, 03:55 AM
اهلا وسهلا وحاشى ان تسمي نفسك ضياااع انت مخلوق وكرمك الله فكيف تحملين نفسك مالاتطيقنها
ههههههههههه عارفه ذكرتيني ببعض الناس لي يحسون بالقرف من انفسهم ومن الحياه ومن لي حوالهم
اجربت وانت في عز احاسيسك ان تذهبي الى المرآة وتضحكي نعم ابتسمي ارغمي نفسك على الابتسامه
جربي كلما احسستي بالقهر ان تذهبي للمرآة وتظهري اسنانك وانت تبتسمين :0005:
سأقول لك شيئا ولا تزعلي اعتبريه كلاما من اخت اكبر منك وقد اكون مررت بظروف اقسى منك والله اعلم
25 سنة وتحسين بكل هذا ياعيني على الشباب
اغلبنا خرجنا صغارا للحرب مع الحياة لم يكن هناك اشياء كثيره جميله قدام وجوهنا وكنا نبتسم ونطلق العنان لضحكه ونخلق السعادة من أشياء بسيطه

انت بعيدة عني الله ولذلك الله بعيد عنك جربي ليس فقط ان تصلي من اجل ان تقولي انا اصلي لا جربي ان تصلي وانت في مكان هادئ وخاصة في منتصف الليل جربي ان تستمعي لقصص تحكي عن التحفيز
جربي ان تستمعي ل قصص فيها عبر
جربي ان تتأملي في الحياة وترين من هم اقل منك ولايملكون نصف ماتملكين جربي ان تنظري للمعاقين وهم مكافحين

نحن لانحتاج لاطباء نفسيين لان الاطباء اناس مثلنا نضريات يطبقونها على الانسان مرة تصيب وعشره تخيب ولي تخيب يداوونها بالعقارات

قلت انك لم تستطيعي اكمال دراستك لاتريدين الزواج ومنه انت غير مسؤوله
يوميا تنامين وصباحا تستيقضين ونفس الروتين القرف القرف من الحياة الى متى ؟
اغلبنا لسنا مقبلين على الحياه بتلك الروح القتاليه ولكن اغلبنا من أجل لقمة العيش عليه ان يتحرك
تخيلي ان لم يكن هناك من يصرف عليك هل كنت ستفكرين بنفس الاسلوب؟
الله سبحانه وتعالى لم يخلقنا عبثا ولم يخلقنا لنتذمر والحياة جميله انظري للكاس من الجهه المشرقه
انت مقبولة ماشاء الله تقدم اليك عرسان يعني انك انسانة فيها مواصفات يحلم بها بعض الناس
متعلمة هناك ناس اميه لاتجيد الكتابة ولا القراءه ماذا ينقصك بعد لتقبل على الحياه وتحبي نفسك
احبي نفسك وبعدها ستحبين الحياه كوني متأكدة من هذه الجمله

الغلا هديل
06-26-18, 11:12 AM
انتي باي صف تدرسين
انتي تبين زواج

الغاوي
06-26-18, 11:24 AM
ضياع وانا خوك

كثير يمر بحالتك هذي
لا تكبرين الموضوع وتعطينه اكبر من حجمه
من المهم انك تؤمنين بنفسك وبقدرتك على تغيير نفسك هذا اهم شي
ثانيا لازم تعرضين نفسك على طبيب نفسي وتثقين فيه
وقبل هذا وذاك كلهم
الصلاة بوقتها وبطمانينه وسكينه
الاذكار ( اذكار الصباح والمساء وادعية قبل النوم وكثري من الاستغفار بكل الاوقات )
رابعا لازم بر والديك امك وابوك اطيعيهم واعطيهم من وقتك الكثير
اشغلي نفسك لا تقعدين فاضيه الفراغ هو اللي سبب لاغلب الناس هالمشاكل النفسيه


وما فيك الا العافيه لا تعطين الموضوع اهمية اكثر من حقه

ام سارونا
06-26-18, 06:05 PM
والله وحدة من معارفنا كذا كل ماتقدم لها احد ترفضه من غير سبب
وراحت لشيخ وقرأ عليها وبعدها ارتاحت نفسيا وراحت العقدة منها واعرست
لكن مثل ماقالوا الب قبلي
قوي صلتك بالله
والله يوفقك

ضياع
06-27-18, 07:47 AM
شكرآآ الف ولا توفي الله يسعدكم ويعطيكم العافيه
والله يصلح حالي وحال الجميع

شطرنج
06-27-18, 04:22 PM
وعليكم السلام
مشكلتك انك تمشي عكس دوافعك الداخلية
اول خطوة
خذي ساعة صفاء مع نفسك كل يوم
وفكري في ايجابيات اهدافك
ثاني خطوة
اختاري الطريق المختصر للوصول الى ما تريدين
ثالث خطوه
اختاري العمل الي يعطيك خبره في التدريس وليس المكان
يعني تقدري تفكري بنوعيه التدريس دون ان تتبعي اساليب التدريس التقليديه علشان تكتسبي الخبره
يعني ممكن تصيري معلمه خلال سته اشهر او سنه
على حسب اندفاعك ورغبتك للوصول الى هدفك
رابع خطوة
الزواج لا تجعلي الزواج هدف رئيسي وتشغلي بالك
خليه هدف ثانوي
خامس خطوه
ابدأي الخطوه الاوله فقط ورب العالمين يسهلك الباقي
لأنك راح تتعودي على اسلوب جديد بتحبيه
دائما في اي مشكله تواجهك
غيري الاسلوب اذا كان طريقك صحيح
والعكس صحيح
مشكلتك محتاجه منك (جلسه مع نفسك )فقط
ولا تخلي اي شي يشوش تفكيرك

لكي كل التوفيق والسعاده

غير مهتم
06-27-18, 09:41 PM
انتي قلتي كل شي بس وش اللي شي اللي خلاك تقولي كذا

ما سويتي كل الا في شي دخلك اذا جوابتي بصراحه.

راح اقولك نصحيتي

روزا
06-27-18, 09:50 PM
انتي باي صف تدرسين
انتي تبين زواج


الله يزوجكم انتم الثنتين 😅


SEO by vBSEO 3.6.1