حياتي ارويها لكم كما هي

[العـ(احمد)ـالمي]

اذا واحد سبّك وقال لك كلام بذئ
وش تسوي؟
ترد عليه بفس اسلوبه؟
او تتجاهله ؟
او تضربه باي شي عندك؟
والا وش تسوي معه؟

بقول لكم شي جربته وصار معي بالضبط
بدا يزبد ويرعد ويتكلم بصوت عالي طبعا اصغر منّي
تركته حتى تعب وخلًص وبكل بساطه قلت له خلّصت ؟
قال لا رد عليّ قلت له كل كلامك صحيح تامرني بشي؟
انا بروح عندي شغل والا باقي عندك كلام؟
صدقوني فتح فمه ووقف وتعوذ من الشيطان وصار كل مايشوفني
ينزل راسه بالارض ويعتذر لي عن كلامه

عامل الناس باخلاقك ليس باخلاقهم

[العـ(احمد)ـالمي]

كثير من الناس يجعل عنده مشكله من لامشكله
والسبب اعطاء نفسه رسائل سلبية تنعكس علبه
لذلك دائما امنح نفسك رسائل ايجابية ومحفزه
حتى اوهمها بالسعادة لتسعد

ربي يسعدكم

[العـ(احمد)ـالمي]

كن جميلا


ترى الوجود جميلا

[العـ(احمد)ـالمي]

اشكر الصدفة اللي ساقتني لمنتدى

مسك الغلا

[العـ(احمد)ـالمي]

اسعد الله صباحكم جميعا

زوّاري الكرام اتقدم لكم بخالص الشكر والعرفان

على اقتصاصكم لجزء من اوقاتكم لمتابعتي هنا

واتمنى ان استحق هذا الوقت المهدر منكم

ولا يسعني الا ان ادعو لكم بظهر الغيب

واتمنى لكم مااتمناه لنفسي

اللهم اسعد الجميع :نبض::نبض::نبض:

[العـ(احمد)ـالمي]

اذا لم توفق لوظيفة فلا تقول انا ماني موفق, ولكن قل سوف أجد وظيفة
_ اذا كان أحد ابنائك غير صالح لاتقول مافيه امل يصلح,ولكن قل راح يصلح ويكون ناجح
_ اذا صادفتك ضائقة مالية لاتقول ماعندي حل,ولكن قل راح ربي يحلها ويرزقني قريب
وقيس على ذلك في شؤون حياتك , ودائما أعط نفسك رسائل ايجابية وابتعد عن الكلمات السلبية
لأن : كلماتك تصنع حياتك

[العـ(احمد)ـالمي]

موقف حصل لي مع عمّي حفظه الله
هو يعيش بقرية ولا يعرف حياة المدن , وزارني مره بالشرقيه
وجبت القهوة والشاي والقدوع وآنية فيها ماء حتى يغسل
يديه بعد التمر بس هو طال عمره يحسب الماء سمن وغط فيه التمر
عندها ماقدرت امسك نفسي من الضحك :icon10:

ربي يسعده

[العـ(احمد)ـالمي]

ﻣــﺄﺳـــﺎﺓ: ﺃﻥ ﺗﺼﺒﺢ ﻛﺎﻻﻋﻤﻰ ﺍﻟﺬﻱ ﻳﺘﻜﻰﺀ ﻋﻠﻰ ﻛﺘﻒ ﺷﺨﺺ ﻏﺮﻳﺐ
ﻻ ﻳﻌﻠﻢ ﻣﺎﺫﺍ ﺳﻴﻜﻮﻥ ﻧﻬﺎﻳﺔ ﺍﻟﻄﺮﻳﻖ ﺍﻟﺬﻱ ﺳﻴﻮﺻﻠﻪ ﺍﻟﻴﻪ

ﻏﺒـــﺎﺀ : ﻋﻨﺪﻣﺎ ﺗﺼﺒﺢ ﺑﻄﻴﺒﺘﻚ ﻣﻜﺎﻧﺎ ﻳٌﻠﻘﻲ ﻋﻠﻴﻪ ﺍﻟﻤﺴﺘﻐﻠﻮﻥ ﺟﺒﺮﻭﺗﻬﻢ
ﻭﺃﺧﻄﺎﺋﻬﻢ ﻷﻧﻚ ﻃﻴﺐ ﻭﺳﺘﺴﻜـﺖ ﻭﻟﻦ ﺗــﻮﺍﺟـﻪ

هنا الموضوع كامل
http://www.al2la.com/vb/t90364.html

[العـ(احمد)ـالمي]

من لايشكر الله لايشكر الناس
هذا اقل شي اعبر فيه عن ذلك لهذا الشخص
http://www.al2la.com/vb/t93913.html

[العـ(احمد)ـالمي]

يارب اسألك
الجنّة
الخير
والعافية
والسعادة
والفوز
والنجاة
لي ولكل من زارني هنا :16:

[العـ(احمد)ـالمي]

اسعد الله اوقاتكم جميعا

[العـ(احمد)ـالمي]

نقطة اخر الطر

ــــــــــــــــــــــــــــــــ اترك الحسد حتى يبقى الجسد

[العـ(احمد)ـالمي]

ربنا لاتؤاخذناان نسينا او اخطأنا

[العـ(احمد)ـالمي]

يابني اكلت الحنظل وذقت الصبر
فلم أرى أمرّ من الفقر , فان افتقرت
فلا تحدّث به الناس ,ولكن اسأل الله تعالى من فضله

اسعد الله صباحكم

[العـ(احمد)ـالمي]

صباح الامطار والاجواء الجميلة

[العـ(احمد)ـالمي]

الف مبروك فوز العالمي على الراقي وحظ اوفر لكل اهلاوي
مباراة قمة بين الكبيرين وروح رياضية عاليه بينهم
شكرا لكل الفريقين

[العـ(احمد)ـالمي]

وعن أبي هريرة رَضِيَ اللَّهُ عَنهُ قال، قال رَسُول اللَّهِ صَلَّى اللَّهُ عَلَيهِ وَسَلَّم: «يتعاقبون فيكم ملائكة بالليل وملائكة بالنهار، ويجتمعون في صلاة الصبح وصلاة العصر، ثم يعرج الذين باتوا فيكم فيسألهم الله- وهو أعلم بهم-: كيف تركتم عبادي؟ فيقولون: تركناهم وهم يصلون وأتيناهم وهم يصلون» مُتَّفَقٌ عَلَيهِ.

[العـ(احمد)ـالمي]

ثقتك بنفسك لاتعني انك مغرور

اترك عنك كلامهم

[العـ(احمد)ـالمي]

انتشرت مقاطع للبعض من
يسحب كلب اجلّكم الله بسيارته
او يقتل بعض الحيوانات عبثا
اتقوا الله فينا يمكن يحجب الله عنّا خيراته بسببكم

[العـ(احمد)ـالمي]

متابعيني الكرام
اعتذر عنكم بسبب غيابي اللي راح
لظرف وفاة خالي رحمة الله عليه
وهذا انا رجعت لكم من جديد
واشكر كل من واساني او سأل عنّي

ربي يحفظكم

[العـ(احمد)ـالمي]

الحمد لله من امس الاجواء خورافيه
امطار وخبر ودفا

[العـ(احمد)ـالمي]

اغرس في قلوب الناس بذور المحبة
واسقها بحسن التعامل
فالحياة لاتدوم ولن يبقى الا جميل مازرعت
وكل مااحسنت نيتك احسن الله حالك
وكلما تمنيت الخير للغير
جاءك الخير من حيث لاتحتسب

[العـ(احمد)ـالمي]

نفسيا ......

من يهزم رغباته اشجع ممن يهزم اعدائه
لان اصعب انتصار هو الانتصار على الذات

[العـ(احمد)ـالمي]

يأتي البعض لحياتك كنعمة
ويأتي البعض لحياتك كدرس
فحافظ على النعمة وتعلم من الدرس

[العـ(احمد)ـالمي]

كلّما قذفوك بالحجارة اجعلها
اسفل قدميك وابني منها سلّم
تصعد عليه الى الاعلى :iqf03163:

[العـ(احمد)ـالمي]

لاتجعل اخطاء الاخرين شمّاعة لك حتى لاتخوض التجربة
بل اجعلها درس تتعلم منه كيف تنجح

[العـ(احمد)ـالمي]

بعد ماصحيت من النوم رحت ابي افرّش اسناني
وحصلت المعجون منتهي وعصرته حتى طلّعت
البقايا اللي فيه , يعني تمشي الحال وحطيت
الفرشاة تحت الصنبور ومع قوة ضغط الماء
طاح المعجون اللي كنت اعصر فيه ساعة
وفرشت اسناني بريحة المعجون :eh_s(11):

[العـ(احمد)ـالمي]

الثقة جميلة اذا كانت في مكانها

لذلك اعرف وتأكد بمن تثق

[العـ(احمد)ـالمي]

:u::u::u::u:

يالبيه

:u::u::u::u:

العالمي

:u::u::u::u:

لون الطبيعة

:u::u::u::u:

[العـ(احمد)ـالمي]

اجواء ماطره وجميلة من امس
بس عكرها تغريزة الى اذان الفجر
يعني اليوم المزاج مقلوب مانمت كويس
والحين مداوم الله يعين اللي يزعلني:MonTaseR_127:

[العـ(احمد)ـالمي]

اسعد الله صبحكم زواري الكرام

[العـ(احمد)ـالمي]

بقول لكم موقف حصل معاي

كان عندي موضوع وارسلني واحد على شخصية كبيرة
ولما وصلت عند السكرتير قال لي تفضل دخلت عليه وسلمت
قال عليكم السلام اخبارك قلت والله بخير ومن هالكلام
شوي قال لي عن اذنك دقيقة قلت تفضل خذ راحتك
وجيت بجلس على الكرسي الا ويصرخ عليّ
قم انت وش عندك هنا؟
انا انصدمت وش اللي غير سلوبه معاي
طلع حاط سماعت بلوتوث ويكلم وانا
على بالي انه يكلمني وبعد ماعطاني دش
وعلمته بموضوعي واني مرسول عليه
اعتذر مني وخلص موضوعي بس بعد
ماخرشني طبعا هههههههههه

وسلامتكم

[العـ(احمد)ـالمي]

اسعد الله

صباحكم

[العـ(احمد)ـالمي]

كان وي وكان ودي وكان ودي

بس كان ماكان وكان كان ماكان

انلحس مخي :MonTaseR_61:

[العـ(احمد)ـالمي]

زواري الكرام
اسعد الله جميع اوقاتكم بالخير والبركات

اليوم عندي رحلة للنعيرية مع مجموعة من الزملاء

والعودة ان شاء الله يوم السبت بالليل وللتذكير

هذي الرحلة قررنا البعد فيها عن الجوالات والكمبيوترات

والتلفزيونات في تجربة جديدة قررنا نخوضها ونريح المخيخ شوي

بس والله اني مقهور كيف اشوف مباراة العالمي الليلة :MonTaseR_163:

عاد لاتقلقون عليّ وان شاء الله يوم الا حد اعطيكم تفاصيل الرحلة


تريوني لحين يوم الاحد :SnipeR94:

استودعكم الله

[العـ(احمد)ـالمي]

السلام عليكم ياحبايبي

عدت لكم بعد الرحلة اهم شي قولوا لي الحمد لله على السلامة

بصراحة كانت رحلة ممتعة وفيها احداث كثيرة

شي زين وشي شين وتعتبر من الذكريات الحلوة

انتظروا تفاصيل رحلتي قريبا

ربي يسعدكم:MonTaseR_137:

[العـ(احمد)ـالمي]

سلام عليكم

انا واعدتكم احكي لكم تفاصيل رحلتي للنعيرية

وقلت لكم ان صار فيها احداث كثيرة

بس والله اليوم المزاج منقلب وصاير زيرو

اعتذر منكم وان شاء الله بكره اعلمكم بكل شي


قسم اني احبكم :m61:

[العـ(احمد)ـالمي]

يسعد لي ايامكم ياحبايبي

مثل ماواعدتكم اليوم بحكي لكم عن رحلتي للنعيرية

طبعا قلت لكم من اول انها رحلة بدون جوالات ولا اي شي من التقنية
وكانت البداية في عملية التجمع وتعرفون بر وكذا وفيه ناس ماعمرهم
طلعوا من بيوتهم واذا بتجي للموقع مافيه الا عن طريق الوصف ماكو
قوقل ماب وغيروه المهم : فيه ناس جوا على الوقت والوصف مثلي
طبعا :in_love: بعد العصر بساعة وفيه ناس ماجونا الا بعد ماتعشينا
وخلينا لهم عشاء وفيه ناس داخوا وارجوا ولا جونا الا من بكره طبعا
كان كل همي كيف اشوف مباراة العالمي مع الرايد وقلت لهم بروح
اجيب لكم بعض النواقص من النعيرية طبعا اتفقت مع واحد عالمي
مهووس بالنصر ورحنا وتفرجنا عليها بالمقهى وهم ينتظرونا وعطيناهم
تصريفة حلوة ماني معلمك فيها حتى ماتسونها ومشت عليهم
ومن بكرة علمناهم بالسالفة وليتنا ماعلمناهم لان امير الرحلة نظامي
وشديد وخلى مهمتنا تقطيع البصل والطماط وغسيل المواعين طول
ايام الرحلة وكان عشانا اول ليلة مقلقل لحم وحلقوم جبن وحركات حلوة
بس نص السهرة راحت بغسيل المواعين :فطسه:

بكره احكي لكم تفاصيل اليوم الثاني

الى اللقاء

[العـ(احمد)ـالمي]

السلام عليكم

اسعد الله جميع اوقاتكم

اكمل لكم الحكاية , سمرنا الليل وبعدين نمنا وصلينا الفجر
وبعد ماصلينا شبينا النار برّا وكان الجو مغيم وجميل يوم
تبين الشوف عندنا واحد متخصص بالخبز الجمري وسواى لنا
كم قرص ومعنا العسل والسمن وظبطنا الشاي والقهوة
وحليب بالزنجبيل وسولف وقصيد والغاز وكانت جلسة ممتعة
وبعد مااحتمت الشمس شوي فيه ناس راحوا ينامون وانا
ومعي مجموعة رحنا نمشي بالبر بدون نعال (تكرمون) وبصراحة
تذكرت الزمن الجميل يوم كنت اسرح بالغنم بدون نعال بعز الصيف
المهم بعد مارجعنا وريحنا شوي نمنا للظهر وبعدها بدت مهمة
تقطيع البصل والطماط وكانت الدموع اربع اربع ومعنا واحد من
اهل الطايف تبرع يسوي لنا برياني بس بصراحة كان غدا مميز


يتبع

[العـ(احمد)ـالمي]

سولفنا ولعبنا والجو غيّم ولعبنا كورة الى المغرب وبعد مااذن توضينا
ويوم كبر الامام للصلاة وقرا الحمد الا وتهب علينا عاصفة وادفنتنا
والله ماندري وش قرا الامام وصلينا بسرعة وهربنا لداخل الغرفة المتحركة
(بورتبل) وصلينا العشا داخل وكانت الغرفة تهتز فينا من شدة الهوى
وشوي وينزل مع العاصفة مطر ونطالع مع الدريشة الا وبيت الشعر
طايح على بعضه واغراضنا متدفنه ولو استمرت شوي كان شالتنا
بغرفتنا المتحركة لكن ربي لطف فينا وبعد ساعة وقفت الهوى
والمطر واتصلنا على صاحب المخيم وجا هو وعياله وماقصروا
رفعوا البيت ورتبوه وشدوه وغيروا اثاثه وصار احسن من اول
وكانت من اجمل الليالي لان صار فيها مواقف كثيرة
مايمديني احكيها لكم بصراحة وفيها مقالب جميلة
وسمرنا وكان عشانا حنيذ سواه لنا واحد من الجنوب
وبصراحة اكلنا حتى انتفخت البطون اهم شي كسبت
خبرة تقطيع البصل والطماط وحسيت عيوني طابت
وهي اول بس تحكني شكل البصل علاج وبدينا سمرتنا حتى الفجر
عاد انتظروا قصتنا باليوم الثالث يوم الاحد ان شاء الله

اترككم في رعاية الله

[العـ(احمد)ـالمي]

وشلونكم ياحلوين؟

اكيد تنتظرون باقي القصة !!!!

حظكم اليوم المزاج معفوس

انتظروني يمكن بكره:Chulo:

[العـ(احمد)ـالمي]

هناك حكمة قالها لي جدي رحمة الله عليه :
اذا بغيت تصير سعيد بحياتك
اذا اعطيت لاتنتظر اللي عطيته يعطيك
اذا سويت خير سوه لوجه الله ولا تنتظر اجره من الغير
اذا حبيت احد وعطيتهم كل شي وهجروك لاتندم على
فراقهم ويكفي انهم كانوا سبب لسعادتك ايام مضت

[العـ(احمد)ـالمي]

صارت بعد بكره ماعليش باقي المزاج بيض:MonTaseR_151:

[العـ(احمد)ـالمي]

المهم مالكم بالطويلة
نجي لليوم الثالث من الرحلة وهو اخر يوم
لمّا صلينا الفجر شبينا النار وسوينا القهوة والشاهي
والحليب والخبز الجمري وخبز الصاج وكل واحد طلع ابداعاته بصراحة
بس معنا واحد معه طائرة شراعية وبدا يحلق فيها وكان فيه ناس
نايمين وصار يقرب بالطيارة على سطح الغرفة اللي نايمين فيها
يعني ازعاج تايم ههههه كلهم صحوا الا واحد كانه ميت بس
بعد مانزل قرب محرك الطائرة عند الباب وشغلها الا والمروحة
تطيره هو وفراشه وقام مفزوع يحسبها مثل العاصفة اللي جتنا اول
وبدت السوالف الحلة كل واحد يجيب قصة وقصيدة وبصراحة من امتع الجلسات
بس واحد تكفل بالغدى وحطه بالكاتم بس تغدينا من المطعم سفري ههههه
عاد فيه احداث صارت مايصلح ذكرها هنا بصراحة خلوها مشفره
بس انصحكم جربوها وغيروا الروتين والله شي ممتع

اشكركم على سعة صدوركم وتحمل هذرتي:icon10:

:MonTaseR_197::MonTaseR_197:

[العـ(احمد)ـالمي]

كنت بشارك فيها بالمسابقة بس مافضيت ومعها مجموعة
بس هذا احس انها اقل وحدة واذا تبون الباقي علموني

https://e.top4top.net/p_1206cby6p1.jpg (https://up.top4top.net/)

[العـ(احمد)ـالمي]

ابي اشوف من يعرف الوقت اللي تم التصوير فيه بالليل والا النهار

[العـ(احمد)ـالمي]

عاد هذي الصورة كنت مسافر لينبع
وهذي من فوق مدينة الرسول عليه الصلاة والسلام
طيبة الطيبة

https://a.top4top.net/p_12067f88e1.jpg (https://up.top4top.net/)

[العـ(احمد)ـالمي]

اسعد الله ايامكم

السبت العالمي ضد المونديال بربع نهائي الكاس

بالتوفيق للـ :u:

[العـ(احمد)ـالمي]

وصيتي لكم :


لاتغضب

لاتغضب

لاتغضب

[العـ(احمد)ـالمي]

من اروع قصائد الشاعر مساعد الرشيدي رحمة الله عليه :

كيف أطفي الريح بثيابك وكيف اشعلك
كيف اتنثر على جمرك وكيف احتويك

نقضت ليل الحرير وجيت ما انت لهلك
سميت باللي فتني بك وقلت ابتديك

هذا اول الدرب اوهذا الطريق اولك
جيت اتوقا عذابات المدى واهتديك

شوقي مسافة وهمساتك مدار وفلك
ان ما ضميتك غلا ياعلني ما ارتويك

اية اعرفك واعرف اني من غلاك اجهلك
مرات اضمك واخاف اني مشبة عليك

مرات اشوفك بنفس الوقت واتخيلك
وانشد كفوفي عن اخر سالفة من ايديك

اعن لك لو تصب الموت واتهيلك
واجوع لك واتمنى خنجرك واشتهيك

ماقلت لك عمر سيف العشق مايقتلك
ماتشوفني حي قدامك وانا اموت فيك

اشتقت لك قبل اجيك وجيت واشتقت لك
البارحة طول ليلي بين هاذي وذيك

مليت جمر انتظارك واستحيت اسالك
واحسبتني ما بعد جيتك وفكرت اجيك

اثرك بقلبي من البارح وانا استعجلك
واثري نسيتك من الفرحة وقمت احتريك

[العـ(احمد)ـالمي]

اسعد الله ايامكم

النصر مهزوم ومالي نفس اكتب شي

:wild::wild::wild:

[العـ(احمد)ـالمي]

شايب يتفرج على مسلسل مع زوجته وعياله وشاف احد
الممثلات الحلوات وسأل احد اولاده وقال :
هذي من هي ياوليدي ؟
قال له هذي اسمها صابرين يايبه
وطالع لزوجته وقال لاوالله حنّا اللي صابرين ههههههههه
شكله متحسف الخبيث هههههههه

[العـ(احمد)ـالمي]

متابعيني الكرام ماخبرتكم بخلاء
كيف يجي الواحد منكم حتى مايجيب كوب ماء
ترى حلقي نشف وانا اسولف لكم

ياخي حسوا فيني:0005:

[العـ(احمد)ـالمي]

من صدق مع الله صدقه الله

[العـ(احمد)ـالمي]

احبتي كم رمضان مر علينا؟
هل تغيرنا للاحسن؟
ماهو حالنا بعد رمضان؟

[العـ(احمد)ـالمي]

الصيام ليس الصوم عن الاكل والشرب
لابد من صيام الجوارح عن كل خبيث

[العـ(احمد)ـالمي]

احذروا من الغيبة والنميمة
والتكاسل عن اداء الصوات في وقتها

[العـ(احمد)ـالمي]

سبحان الله اليوم 10 رمضان
ارفق بنا ياشهر الخير ماأسرعك!!

[العـ(احمد)ـالمي]

انقضت العشر الاولى من الشهر
اللهم اجعلنا من اللذين شملتهم رحمتك

[العـ(احمد)ـالمي]

يارب اجعلنا من عتقائك من النار

[العـ(احمد)ـالمي]

مهلا رمضان ماأعجلك

توك بديت وماباقي عليك الا ايام قليلة وتودعنا

اللهم لاتجعلنا من الخاسرين

[العـ(احمد)ـالمي]

كان الرسول عليه الصلاة والسلام
يجتهد في رمضان ولكن بالعشر
الاخيرة يضاعف الاجتهاد ويشد المئزر
اللهم لاتجعلنا من الخاسرين

[العـ(احمد)ـالمي]

اخر جمعة من رمضان لهذه السنة
شدوا الهمة ماباقي الا ليالي معدودة

[العـ(احمد)ـالمي]

الحمدلله والشكر
عيد ومطر واجواء خيالية

[العـ(احمد)ـالمي]

لاتنسون صيام الست من شوال ياجماعة

[العـ(احمد)ـالمي]

موقف محرج

اذا بتعطس وبنفس الوقت :

فيه اشياء بتطلع من تحت

خخخخخخخخخخخخ :iqf03163:

[العـ(احمد)ـالمي]

اسعد الله اوقاتكم

رجعت لكم بعد غياب متقطع

[العـ(احمد)ـالمي]

اووووووووووووف

مخي مقفل مع ذا الحر

ماني قادر اكتب كلمتين على بعض

[العـ(احمد)ـالمي]

وش السبب ياجماعة؟
انام بدري واصحى بنص الليل

[العـ(احمد)ـالمي]

يقول عنترة
ولقد ذكرتك والسيوف نواهل
مني وبيض الهند تقطر من دمي

تتوقعون انه صادق؟ :0005:

[العـ(احمد)ـالمي]

السلام عليكم
زواري الكرام انا ودي اعزمكم على حفلة
اخر الشهر وودي اللي موافق يعطيني خبر
حتى احسب حساب الجميع

[العـ(احمد)ـالمي]

احبائي اشكركم على تفاعلكم مع العزيمة
وان شاء الله بحدد وقتها قريب حتى نجمع
اكثر عدد ممكن من الاعضاء :g:

[العـ(احمد)ـالمي]

امس كنت ماشي بسيارتي وصادفت واحد يأشر على الطريق
ووقفت له
قلت له وين بتروح؟ قال: بروح للكورنيش قلت له اي كورنيش؟
الفناتير او النخيل قال النخيل قلت له تفضل احطك قدام شوي
لاني مشغول والا كان وصلتك قال تراه قريب من الكبري يمديك
تلف يمين وتطلع من الاشارة قاطعته وقلت اعرف المكان
بس انا مشغول ومستعجل ’ سكت
ويوم وصلته عند الكبري قلت له تفضل هنا
نزل وهو زعلان وسكر الباب باقوى شي عنده حتى ماقال شكرا
طيب السؤال :
من هو الغلطان الحين انا والا هو؟

[العـ(احمد)ـالمي]

امس مضى فلاتفكر فيه لانه مستحيل يرجع
فكر بيومك ولحظتك وبكره :iqf03163:

[العـ(احمد)ـالمي]

ياجماعة اوصيكم وصاية
اي شخص والديه او واحد منهم عايش
لايفارقهم ولا يخلي الخدم يخدمونهم وهو موجود
ترى والله اذا فقدتهم بتندم على كل دقيقة ماجلست فيها معهم

ربي يوفقكم جميعا

[العـ(احمد)ـالمي]

احبتي مايخفى عليكم اننا في احد الاشهر الحرم
لذلك انصحكم وانصح نفسي بالتوبة الى الله وعدم اقتراف الذنوب
واللي في خاطره شي على احد يتسامح منه ويفتح صفحة جديدة
واياكم والعقوق وقطيعة الارحام

ربي يوفقنا جميعا

[العـ(احمد)ـالمي]

ياجماعة الخير صار لي وقف اتوقع اغلبكم صار له

كنت طال بع صلاة الجمعة وزحمة عند باب الخروج
الا واشوف واحد اعرفه بس مبطي منه ومعطيني
ظهره واسحب شماغه بس طلعت سحبة قوية
ويطيح عقاله ويلتفي عليّ الا طلع واحد يشبهه
بنا ودي الارض انشقت وبلعتني
بس عاد ماني قايل لكم وش صار بعدها الا بعد يومين :MonTaseR_197:

[العـ(احمد)ـالمي]

كيف أطفي الريح بثيابك وكيف اشعلك
كيف اتنثر على جمرك وكيف احتويك

نقضت ليل الحرير وجيت ما انت لهلك
سميت باللي فتني بك وقلت ابتديك

هذا اول الدرب اوهذا الطريق اولك
جيت اتوقا عذابات المدى واهتديك

شوقي مسافة وهمساتك مدار وفلك
ان ما ضميتك غلا ياعلني ما ارتويك

اية اعرفك واعرف اني من غلاك اجهلك
مرات اضمك واخاف اني مشبة عليك

مرات اشوفك بنفس الوقت واتخيلك
وانشد كفوفي عن اخر سالفة من ايديك

اعن لك لو تصب الموت واتهيلك
واجوع لك واتمنى خنجرك واشتهيك

ماقلت لك عمر سيف العشق مايقتلك
ماتشوفني حي قدامك وانا اموت فيك

اشتقت لك قبل اجيك وجيت واشتقت لك
البارحة طول ليلي بين هاذي وذيك

مليت جمر انتظارك واستحيت اسالك
واحسبني ما بعد جيت وفكرت اجيك

اثرك بقلبي من البارح وانا استعجلك
واثري نسيتك من الفرحة وقمت احتريك

الراحل / مساعد الرشيدي

[العـ(احمد)ـالمي]

ايه اكمل لكم القصة :

المهم الرجال طوله مترين تقريبا
وانا ارفع العقال من الارض وامسحه عن الغبار
قلت ياجماعة الخير على مهلكم شوفوكم
طيحتوا شماغ الرجال وعقاله الله يهديكم
واعطيه عقاله وبعد ماكان زعلان ابتسم
وشكرني واخذه بس الحمد لله ماحد علم عليّ :MonTaseR_185:

وسلامتكم وانتظروني بموقف اخر :MonTaseR_151:

[العـ(احمد)ـالمي]

فيه عندي موقف صار بعد
والله صارت طعاتي كثير بقوله لكم

بس بكره مو الحين لاني مشغول

تريونا :)

[العـ(احمد)ـالمي]

اسعد الله ايامك زوراي الكرام
ماعليش انشغلت وتأخرت عليكم واعتذر منكم

بقول لكم الموقف اللي صار لي

كنت اتمشى باحد المولات والجو كان حار
وشربت عصيرات وماء وسوائل كثيرة ذاك اليوم
وبعد اشوي حسيت اني بحاجة لدورة المياة (تكرمون)
وبعد عدة محاولات وسؤال حصلت المكان وبسرعة دخلت
يادوب لحقت نفسي وبعد ماخلصت رحت بغسل يديني
الا واللي تصرخ عليّ وتطلع برّا بنت كانت كاشفه عند المرايه
قلت شكلها مجنونة وانا اغسل الا الامن والشرطة طابين عليّ
انصدمت مدري وش السالفه وحق الهيئة يقول : انت ماتخاف الله؟
متستحي؟ يوم تسوي هالسوايا؟ قلت له وش سويت انا؟
طلعت داخل دورات المياه الخاصة بالنساء
عاد حلني على بال ماقنعتهم اني دخلت بالغلط
ويادوب طلعت بتعهد وكفيل

وسلامتكم

[العـ(احمد)ـالمي]

زوراي الكرام
احس اني ابطيت عنكم واعتذر انشغلت
بس ان شاء الله لكم عندي قصة حلوة قريب
لاتغيبون خلوكم حولي:نبض:

[العـ(احمد)ـالمي]

بما اننا في ايام العشر المباركة
اتمنى نجتهد فيها بذكر الله
وفعل الصالحات والابتعاد عن المنكرات
الله يتقبل من الجميع

[العـ(احمد)ـالمي]

بقول لكم موقف صار قدامي قبل يومين:

واحد صار عليه حادث عنيف ماتوقعته يسلم منه
وطلع منه سليم معافى حتى الخدش ماجاه
ومن بكره جاب له سطحه تشيل سيارته وبعد
ماحملها كان هو راكب فيها حتى يعدلها
وبعدها نزل وطبح من السيارة وهي فوق السطحة
الا وتلتوي رجله وتنكسر كسر مضاعف

عسى الله مايبلانا انتبهوا من الحركات هذي


وسلامتكم

[العـ(احمد)ـالمي]

السلام عليكم
رجعت لكم بعد اجازة العيد
ومن العايدين وكل عام وانتم بخير وعافية

[العـ(احمد)ـالمي]

انا بالعيد هذا
اول عيد اللي عيدت مع العالم وبعدها
جاني تكرمون اسهال بالبطن ثلاث ايام متواصله
وانا طريح الفراش واليوم الرابع صحصحت والخامس
رجعت من السفر ومادريت عن باقي العيد

[العـ(احمد)ـالمي]

فيه ناس واعدتهم بعيديات
اللي يجي ياخذ عيديته

اول وحدة وفاء تفضلي :

https://2.top4top.net/p_1325vffse1.jpg (https://up.top4top.net/)

ثاني وحدة سارونة تفضلي:
https://4.top4top.net/p_1325qdevk3.jpg (https://up.top4top.net/)

ثالث وحدة انفاس تفضلي :
https://3.top4top.net/p_1325ov3of2.jpg (https://up.top4top.net/)

واسامحونا على القصور

[العـ(احمد)ـالمي]

اسعد الله صباحكم حبايبي

انتظروني بموقف خطيييييييييييييير

[العـ(احمد)ـالمي]

السلام عليكم
فيه ناس ردوا علي بالخاص يقولون :
اكيد ماعندك موقف خطير ولا شي بس
بتسوي فينا حركات وبالنهاية حتى ماتكمله لنا
وانا اقول لهم افاااااااااااا عليكم مالكم الا اللي يسعدكم
بس انتظروا:harhar1:

[العـ(احمد)ـالمي]

* مرة وأنا إمام مسجد كنت كالعادة أقوم لصلاة الفجر مسرع ، لأني طايح بمؤذن مايعرف الدقيقة ،
مع اني متوكل عن الامام اللي كان باجازة
المهم أني في هالمرة قمت توضيت ولبست ثوبي وأخذت شماغي

وهي العادة ماأسكر أزارير الثوب إلا وأنا داخل أو وهو يقيم لأن العالم كلها نايمه ( ماأحد يشوف )
فجأة وأنا متقدم والمؤذن يقيم ..... أحاول أني أسكر أزارير ثوبي ماقدرت ...

حاولت ولا نفع .. اكتشفت أخيراً أني لابس الثوب مقلوب ...:خجول:

وتعال دورني .... قعدت أغطي صدري بشماغي بعد الصلاة ولا أحد

انتبه لي ,.... وعدت الامور بسلام :)

[العـ(احمد)ـالمي]

يقول الشاعر :
اسافر معاك لبلاد وانزل معاك لبلاد
ومن ديره لديره نمشي ونمشي


والله من الفضاوة

[العـ(احمد)ـالمي]

رافق ولكن لاتوافق على خمس
لو يطلبونك صحبتك لاتوافق

فاسد وراعي بخل والمزعج العمس
معهم رفيق المصلحة والمنافق

[العـ(احمد)ـالمي]

اسعد الله صباحكم جميعا

اسأل الله لي ولكم العافية والثبات
ربي يحقق لكم امانيكم ويغفر لوالديّ ووالديكم

[العـ(احمد)ـالمي]

احبابي مثل ماعودتكم دايم
بجيب لكم مواقف طريفة راح تعجبكم
بس بشوف كم واحد متحمس معي
وبشوف كم واحد بيزورني ويؤيد اني انزلها لكم
بعدها تبشرون باللي يسرّكم
بانتظاركم حبايبي

[العـ(احمد)ـالمي]

حبايبي الغالين وراس مالي
اشكركم على تفاعلكم وحماسكم
وردود افعالكم الجميلة اللي اسعدتني
وتبشرةن باللي يرضيكم
وراح انزل لكم المواقف مثل ماواعدتكم

[العـ(احمد)ـالمي]

هذا الموقف حصل لابن احد الجيران يحكيه لي ويقول:

انا اروح للاستراحة كل ليلة وارجع متأخر دايم , وفي احد الليالي
وانا راجع لفت انتباهي شي غريب , الله يكرمكم درام النفايات
مقلوب ويتحرك , قلت لازم اشوف وش السالفه واروح وارفعه
الا تحته ذيك البنت اللي لابسه روب فقط
بسم الله انتي انس والا جن؟ قالت: انا بنت جيرانكم استر علي الله يخليك
طلعت سالفتها انها طلعت بترمي الزبالة والشارع فاضي مافيه احد وبترجع
بسرعة وجت عاصفة وسكرت الباب وقبل تطق الباب انا جيت ولما سمعت صوت
السياره تخبت تحت الدرام ولكن من شدة الريحة رفعت الدرام حتى تتنفس ,
المهم اهلها نايمين وماحد فتح الباب طبعا غطاها بشماغه ورجع سيارته
عند الجدار وطلعت عليها وطبحت بالبيت
الشاهد بالموضوع انه اعجبته وخطبها وتزوجها بعد ماشافها شوفه فوق الشرعية هههههههههه

هذا علمي وسلامتكم

[العـ(احمد)ـالمي]

انتظروني يوم الاحد ان شاء الله بموقف اخر:MonTaseR_69:

[العـ(احمد)ـالمي]

مااحد اعطاني حماس انزل لكم الموقف اليوم :MonTaseR_159:

[العـ(احمد)ـالمي]

https://1.top4top.net/p_1341u2f771.jpg (https://up.top4top.net/)

[العـ(احمد)ـالمي]

https://5.top4top.net/p_1341sevp91.jpg (https://up.top4top.net/)