من يتحاور معي شعر

[احلام عابره]

شلون يحيا قلب ن من الشوق خالي
وشلون تسعد الروح والحب ..مفقود

الغالي يانجم يبقى على الدوم غالي
لو مرت علينا ظروف الليالي.. السود

لو حسبت انك مم الحب خالي البالي
الدمع والآه على الوجد دليل وشهود

[نجم ضاوي]

صاحبت لي ناس بعقول جهالي
اصحاب .. أفاعي وعقارب سود


حسبتهم ملاذي من سود الليالي
حسبتهم فعلآ اهل الكرم والجود


اثرهم انذال . في اثياب الرجالي
يحكو عليه في الخفاء كل منقود


ويش اسوي . في نفسي وحالي
اسهر مع الليل .. والناس . رقود


لو اكتب قصيده في إللي جرالي
سبعين بيت .. ويمكن بعد . زود

[احلام عابره]

يانجم ضاوي كما حالك حالي
صاحبتلي ناسٍ ملاكهم نمرود

حسبتهم مثل عمامي وخوالي
تاريهم بالبشر صعاليك وجرود

سوالف كبارهم ...... ياهملالي
ولامجالسهم تقل مجلس قرود

هجرتهم وحلف بربي المتعالي
لو جار الزمان لديارهم ماعود

قلّبت المواجع يانجم
اتمنى تغير القافيه

[نجم ضاوي]

قالت علامك .. يا ابو سلمان تعبان
حتى عيونك .. باين السهر .. فيها


قلت ارفقي .. أنا مثلك تري إنسان
ولي مشاعر .. داخل القلب اخفيها


لا تسوي بي . . مثل لينا .. بعدنان
اتعبت قلبه . وهو المسكين يغليها

[احلام عابره]

البارحه انا دون الخلق ......سهران
عيوني مدري ليه النوم ...مجافيها

بالصدر تضج الآه والقلب.... تعبان
كل ماغفت عيني طيوف تصحيها

والسبب روحي الي هامت بانسان
وهولاهي عنها ولا يدري بلي فيها