المساعد الشخصي الرقمي

مشاهدة النسخة كاملة : انحرمت طلعات الزواج بسببها


عزف المحبه
07-04-18, 01:48 AM
السلام عليكم ورحمه الله وبركاته

عيدكم الحب ياكثر مناسبات والافراح عندنا زواج من اهل ابوي بس مقهوره من انسانه

جرحتها مشاعري ولااقدر اشوفها فكرت اني ماحضرها زواج عشانها هي موجوده

بنات اعمامي وخالتي قالوا لي انتي خبلا تحرمين نفسك عشان وحده

وانا صح ماقدر اكابر بمشاعر او اجاملها قولت خلاص اتهربت منها

بكره زواجهم محتاره اروح او لا

أم الرجال
07-04-18, 04:25 AM
.



وعليكم السلام ورحمة الله وبركاته
ما أتضح لي منو إللي جرح مشاعر الثاني
لكن في كل الأحوال مشكلتك هي إنك ما ودك تقابلينها
إنتي خبلة تحرمين نفسك عشان وحدة ؟ :icon10:
معهم حق بنات أعمامك وخالاتك
روحي الزواج بدون تفكير
أرقصي طول الوقت لا تعطيها مجال تقعد معك
أمزح معك أهجدي بس مانتي مجبورة تجامليها
وإذا خوفك من مواجهتها كبير للحد إللي كتبتيه
روحي الزواج وإنتي متوقعة أسوأ الإحتمالات
عشان تقدرين تواجهين الموقف مهما كانت نتايجه

تتهنين يارب





.

سحاابة عطر
07-04-18, 04:44 AM
ايه خبله اذا مارحتي خبله :خجول: اجل احشر نفسي عشان وحده اقول روحي بس وتكي واشربي من قهوتهم وشوفي كشختها حلوه ولا لا اذا مو حلوه قولي لينا هههههه امزح بس رووحي استانسي :73344:

الغاوي
07-04-18, 09:58 AM
من اللي غلطان على الثاني
انتي غلطانه عليها وجارحتها او هي اللي جرحتك ؟

يا كثر مشاكلكم يالحريم

روحي للزواج بنية زينه وبنية الصلح فرصة الزواج تتصالحون وترجع القلوب صافيه

خلي هذي نيتك لا تبيتين النيه الشينه وتحطين براسك العناد


وتذكري خيرهم م ن يبدا السلام )

صعفق طاش كندي
07-04-18, 12:06 PM
افضل وسيله للدفاع الهجوم

واجهي مخاوفك ترى ماراح ينقص راسك

الجادل 2018
07-04-18, 01:56 PM
وعليكم السلام ورحمة الله وبركاته ،،
حياتي عزف أنتي كم عمرچ ؟؟؟
والله كل خوفي أنچ جدا في عمر صغير وفعلا اللي بينكم
لا يتعدى عن كونه لعب يهال ،،
في سن معينة تزداد نسبة الحساسية عند البنات وحتى الاولاد،،
وتصدقين يمكن حتى هي ما تقصد من الأساس ولا تدري ان وجودها يضايقج،،
أما وأن صح ذلك لنفترض مع اني مقدمة جدا حسن النية هني،،
اللي عزموج واروح او ما أروح ؟؟؟
أروح أو ما أروح بناء على شخصية الوحدة بين تحب اجواء الاعراس أو لا ،،
مب عشان وحده ،،
لأنه في النهاية المناسبات ليست شخص واحد فقط،،
وبعد يعتمد على مدى القرب ودرجة القرابة من الناس،،
ولا زال عندي أحساس أنه اعماركم صغيرة
وغيضني واغيظك ذي سوالف ناس أنا عاجنتهم عدل:)
،،
وكل مناسبة وأنتي أقوى :)
وإن شاء الله دوم منتصرة نعمممم :)
مررت من هنا
الجادل ،،،

أورانوس
07-04-18, 03:26 PM
ههههههههههههههه
يسعد قلبك يارب
مبين صغيرة والا لو كبيرة رحتي وولا همك فيها
( حبيبتي ) الزعل اللي بينكم ممكن ينتهي بأي يوم وتتصالحوا وتنسوا اللي فات
لكن الزواج ما راح ينعاد عشان تحضريه مرة ثانية ، فـ حتفوتك حاجات كتييير
مشان هيك روحي احضري الزواج وبلاها من زعله من الشيطان
سلمي عليها مع رفقاتك أو أي حدا من أهلك ( لا تروحي لها مخصوص مع جماعة أفضل )
وخلي حدودك معها سلام وبس
وانسي انها موجودة في الزواج انبسطي وارقصي وارجعي بيتكم

بعد فترة راح ترجعوا مع بعض صدقيني لا تنسحبي من شيء كبير هكا

روزا
07-04-18, 08:49 PM
،






ياالخبله أحضري وزوكي عليها 💃

شاهستا
07-04-18, 09:16 PM
انا لو بمكانك اطقها احلى كشخه واتنكس واسولف واضحك واعيش الجوووو
ليش انكد نفسي وما احضر مناسبات علشان حضرة جنابها
مستحيل اربط روحااتي وجيااتي ووناستي بأشخاص
وانا اختك تكخشي و فليها واستانسي ماعليك منهم

Maher-94
07-06-18, 11:58 AM
الحقيقة جئت متأخراً وما ادري أنتِ رحت الزواج أو لا ؟ وكيف كان الموقف معها ؟
بشكل عام اغلب الردود هي المشجعة والتي تحفزك على الحضور ودون الاهتمام بتلك (أخت) التي تهربين من شوفتها-ان صح التعبير.
بعدين الحفلة أكيد فيها عدد كبير من الأقرباء وبعدين مافي وقت تتفكري بها،،،،،،،:MonTaseR_56:


SEO by vBSEO 3.6.1