وين شعراء مسك الغلا

[الغاوي]

وين الشعر وين القصيد وينه
وين القوافي يا ناظمين القوافي

وين الغزل والمدح هالوقت حينه
وايه النصايح بالقصايد خوافي



وينكم ياهل القصيد مبطين عن سوالفكم

[آمتنان]

بنتظار قصايدكم الطيبه .:Dl3:.

[نجم ضاوي]

اخر الاسبوع . . يا اخوك شينه
نكبر هالمخده . والفرش دافي

واللي يتمشى مع مظنون عينه
يبدي له من الوله ماكان خافي

اما انا كاشت .. خارج هالمدينه
للبر ومعي اثنين من الخرافي


..... تفضل معي يا الغاوي .....

... اخر الاسبوع وافهم يا فهيم ...

[القارظ العنزي]

هنيتكم ياللي تحكل ........... بعينه
والا انا كحلي من غبار .... السوافي
من حد المشرق لين اطراف المدينة
عجاجة ما هي عليكم ...... خوافي
يا ليتني ومسعود ولمة ...... قطينه
مع كبسة سواها بلحم .... الخرافي
ليه العزايم يا ابو ضاوي ..... غبينه
خصيت الغاوي دوننا ..... يالسنافي
ايامنا عقب المعزة ............ حزينة
واصحابنا ما هم علينا ...... عوافي

[نجم ضاوي]

هنيتكم ياللي تحكل ........... بعينه
والا انا كحلي من غبار .... السوافي
من حد المشرق لين اطراف المدينة
عجاجة ما هي عليكم ...... خوافي
يا ليتني ومسعود ولمة ...... قطينه
مع كبسة سواها بلحم .... الخرافي
ليه العزايم يا ابو ضاوي ..... غبينه
خصيت الغاوي دوننا ..... يالسنافي
ايامنا عقب المعزة ............ حزينة
واصحابنا ما هم علينا ...... عوافي



يا هلا وغلا بأخوي ومحزمي .. القارظ العنزي ...

اولآ / اقول لك الحمدلله على سلامة الوصول للاردن ...

ثانيآ / عظم الله اجرك واحسن الله عزائك في وفاة اخوك ...

اسأل الله جل في علاه .. ان يغفر له ويرحمه ويتجاوز عنه ...
ويسكنه فسيح جناته .. انه سميع مجيب الدعاء ...

الله يجبر خواطركم في مصابكم هذا ويلهمكم الصبر والسلوان ...

[نجم ضاوي]

انت ربان .. وقائد . هالسفينه
اجيك من معزه امشي وعافي

اشتاق لك قلبي . وتزايد انينه
انت . . في نظر عيني خرافي

قلبي غدى لك وللغاوي رهينه
الله يعلم . بمافي القلب خافي

لك عندي .. وللغاوي .. عزيمه
ادسم شواربكم . بأربع خرافي

هذا وعد .. وانا وعودي عظيمه
ولا وعد ابو سلمان للوعد وافي

[القارظ العنزي]

الله يجزاك بالخير يا بو ضاوي ولا ترى مكروه باذن الله ، وهذي حال الدنيا ، كل من عليها فان ، ولا يبقى الا ذو الجلال والاكرام سبحانه .

[وهج]

مساحة جميلة للبوح

أبدعتم جميعًا
الغاوي / نجم ضاوي / القارظ العنزي



متابعة ...

[عتيم]

..

يا صاحبي والشعر مثل السفينه
ربانه التفكير .. والدرب سافي


وين القصيد اللي تجمل يمينه
تزهر على راحة يديه الفيافي


::

[ناشي الغيم]

مال السفينة كود مرسى ومينه
ومال البوادي كود جمس وهافي

تاصل حدود الحرف ولا يمينه
وابعد من وساع(ن) مداها قوافي

[هونج..!]

،





..رائع جدا مثل هذا الحوار الشعري ..





تحيه ..

[نجم ضاوي]

عسى الله قلب العاشق يعينه
ياكم كتبنا .. دواوين وقوافي

سقى الله الحب ايامه وسنينه
راح الحب وما بقى إلا عوافي

[العـ(احمد)ـالمي]

ماشاء الله عليكم مبدعين
الله يعطيكم العافية ويقويكم

[الغاوي]

يا جعلي والله فدا هالوجيه الطيبه
ولا هنتوا على هالقصيد الحلو
قسم بالله انكم ونعم
كلكم

[نجم ضاوي]

الروح يا الغاوي في حبه سجينه
سنين ضاعة . من عمري جزافي

صارت حياتي .. لذكرى .. رهينه
بيحت من هجره .. ظاهر وخافي

[نجم ضاوي]

ياعتيم روحي .. من غلاته . هزيله
عكر مزاجي .. بعد ماكان . صافي

عطني نصيحه .. والفوايد . جزيله
في حب من هي كاملات الوصافي

[الغاوي]

صح بوح والقوافي تعشقك
يا نجم يا شاعر المسك والساحه

علطتك صدقت من هي تفتنك
خلك ذهين وفرق ضحك وقتك واتراحه

[نجم ضاوي]

يا كيف حبيبك .. في الحب ينصفك
ويا كيف تلقى .. في محبته راحه

دامه في قربه وفي البعد يصفعك
والقلب تعبان .. ما يضمد . جراحه

[أورانوس]

‏قال الشاعر :
يا طير بلغ سلامي للحبايب

قال الطير :
والله في ذا الجو ماني متحرك شبر 😂

[نجم ضاوي]

تدري وش اللي .. شاغل القلب . وتاعبه
اني بدونك .. او معاك .. اشكي . الفقد

وتدري وش اللي مخوف ن قلبي وراعبه
اخاف حبي ينفرط .. مثل .. سبحة العقد

[الغاوي]

كلن ينادي باسم هو يشتاق له
وانا انادي حرف واتلعثم بحرف

[نجم ضاوي]

اعذب معاني الحب اقراها بعيونك
واحلى حروف الحب تنطقها شفاك

ما الوم الناس . . لو هم يعشقونك
وكيف الوم القلب . . لو ذاب بهواك

[الغاوي]

هيضتني ذيك العيون النواعس
حتى خلتني اتلعثم بالسلام

واقف على رجلي واحسبني جالس
تسأل اخباري قلت ذايب بالغرام

[نجم ضاوي]

كيف تبغاني .. اعيش العمر .. دونك
كيف قول لي .. بس .. انسى هواك

اعشقك واعشق حتى اللي يعشقونك
أنا بعطيك قلبي وإنت اعطيني وفاك

[الغاوي]

خطيت من هاجسي زين الأبيات
فيها الغزل والشوق وفيها حنيني

يا لعنبو زينك غطى على كل البنات
ويا لعنبو نظرتك جابت كل ما فيني

[نجم ضاوي]

عمري مضى مابقي منه إلا رفات
وانا انتظر واقول بكره يمكن يجي

وانتهى بكره . وبعده والعمر فات
وانا .. على الموعد صابر وارتجي

[الغاوي]

عاشق انا وخاطري فيه ونه
تايه على درب عشقي وبابه

ما كني الا فقير وهو يا كنه
يعطي البعيد ويخلي احبابه

[نجم ضاوي]

عاشق انا وخاطري فيه ونه
تايه على درب عشقي وبابه

ما كني الا فقير وهو يا كنه
يعطي البعيد ويخلي احبابه



حبيبك قاسي .. وما بقلبه محنه
او اظنها بس . ..غيمة .. سحابه

الصبر ياخوك .. مفتاح . . للجنه
شوف الجفى منه وويش اسبابه

[الغاوي]

أسباب خلي غيرة في مظنه
يغار من ضحكتي حتى لأصحابه

ويددق الكلمه على الحرف والغنه
لا واعذاب القلب منها لا وا عذابه

[نجم ضاوي]

يا خوفي عيون الغير غاونه
يدور الغلطه . لاتفه اسبابه

ولا . حتى هو الغير يطرنه
احذر فرخ الداب السم بانيابه

[نجم ضاوي]

يا خوفي عيون الغير غاونه
يدور الغلطه . لاتفه اسبابه

ولا . حتى هو الغير يطرنه
احذر فرخ الداب السم بانيابه


اسف يا الغاوي على هذي الهجمه المرتده ...

[INSAAN]

مساء الخير عليكم
لااعلم هل أنتم متمسكين بالقافية
أم المشاركة مفتوحة .
شيء عابر ومتواضع سأدلي به حتى حين بينه
دمتم بخير
/
الله على زمن فيه الجار جار على الجار
ولا بقى بين الاصحاب حشمة وشيمة

ومن زود العتب ياصاح تشكي الدار للدار
وأصبح الوصل بين الناس بليا قيمة

زمانٍ صار فيه الرفيق ريال ودينار
وشلون يحياه من حيا حياتٍ قديمة

يوم الجار مايبني دون جاره جدار
وإن حكى عنه ما يجيبه بملام ولا نميمة

دوم يذكره بالخير على كل ما صار
يدور رضى ربي والوصايا غنيمة

[نجم ضاوي]

مساء الخير عليكم
لااعلم هل أنتم متمسكين بالقافية
أم المشاركة مفتوحة .
شيء عابر ومتواضع سأدلي به حتى حين بينه
دمتم بخير
/
الله على زمن فيه الجار جار على الجار
ولا بقى بين الاصحاب حشمة وشيمة

ومن زود العتب ياصاح تشكي الدار للدار
وأصبح الوصل بين الناس بليا قيمة

زمانٍ صار فيه الرفيق ريال ودينار
وشلون يحياه من حيا حياتٍ قديمة

يوم الجار مايبني دون جاره جدار
وإن حكى عنه ما يجيبه بملام ولا نميمة

دوم يذكره بالخير على كل ما صار
يدور رضى ربي والوصايا غنيمة






هلابك اخوي .. إنسان .. مليون ولا يسدون ...
مساك الله بالخير والعافيه والمسرات ...
لا يا اخوي مافيه التزام بأي قافيه معينه ...
اللي عندك قوله ...


المثل قال يا انسان الجار قبل الدار
مجورت الغانم .. يا اخويه .. غنيمه

لا تخسر الجار .. لو صار مهما صار
وخيانة الجار .. عند الله . . عظيمه

دقو لي البوص وارفعو نغمة الطار
وغنو لي العاج .. حليمه . يا حليمه

على نغمة الطار صابني نشوت الزار
يابو سليمان العسيري والنيه سليمه

ابكي واصيح .. واهل الدمع مدرار
يا خاين الجار ترى العواقب وخيمه

[إحساس شاعر]

""
إن كان عز اللقاء تكفى
لا يعز عني سماع الصوت
"
قلبي شبع شوق واستكفى
بين الأمل وانتظار الموت

[نجم ضاوي]

""
إن كان عز اللقاء تكفى
لا يعز عني سماع الصوت
"
قلبي شبع شوق واستكفى
بين الأمل وانتظار الموت



كانه حبيبي .. باللقا يجفى
اهون عليه .. اني .. اموت

حبي على الناس ما يخفى
لابو شفايف .. مثل التوت

[إحساس شاعر]

"
غرك زمانك وأمانك وابتدى صدك
ولا غرني فيك مليون شهدوا ضدك
من كثر ما أغليك أنا وأهواك واودك
بعت البشر والأدلة واشتريتك انت
....
طبعي ليا من صفا بالود ما عككر
لو شاف منك الجفاء ما عاتب ونككر
يسخي بوده على شانك ولا فككر
إنك تبيعه .. وبكامل عهوده خنت
....

[نجم ضاوي]

"
غرك زمانك وأمانك وابتدى صدك
ولا غرني فيك مليون شهدوا ضدك
من كثر ما أغليك أنا وأهواك واودك
بعت البشر والأدلة واشتريتك انت
....
طبعي ليا من صفا بالود ما عككر
لو شاف منك الجفاء ما عاتب ونككر
يسخي بوده على شانك ولا فككر
إنك تبيعه .. وبكامل عهوده خنت
....



ويش على هالحال يا احساس حدك
عطني على هالقول . علمك وردك
بيحت لكل لناس .. يا اخوك . سدك
هو الذي خان .. وانت . الذي صنت

لو كان . . في لحظه . . ركز وفكر
كان . . لماضي فات . . عاد وتذكر
ولو ماضيه . . من الذكرى . . تهكر
وش علامك تهجري احساس يا بنت


هههههههههههههههههه ...
.. طيرت النوم من عيني يا .. احساس شاعر ..

[إحساس شاعر]

"
يا نجم ياعالي ويا صاحب الشأن
يا مزبن اللي يشتكي ضيم وهموم
:
جيتك ولا جيتك على الشعر طربان
لكن حداني وقت ...والبال مكلوم
:
ولا قصرت الشعر من عيّة لسان
الشعر ليّه ساس والساس معلوم
:
أرويت حرفي من مداهيم الأمزان
وأمطر على رياض الهناء طل وغيوم
:
ليت اليقين اللي ملأ قلبي إيمان
عن موت أعز الناس.. يملاني اليوم
:
وفي الختام أقول كلمة وعنوان
لعلها تبقى معك دايم الدوم
:
بيت الوهم لو زان لك .. ماله أركان
لا يستر أصحابه ولا يجير مظلوم
:

[القارظ العنزي]

الحقيقة هزني بيت احساس شاعر الاخير من قصيدته وهو قوله :
بيت الوهم لو زان لك ما له اركان
لا يستر اصحابه ولا يجير مظلوم
وقد ذكرني بقول الامير محمد الاحمد السديري :
يا عل قصر ما يجي له ظلال
ينهد من عالي مبانيه للساس
فقلت انا :

يا احساس بيتك ولع بالجوف نيران
هز الضمير اللي من الوقت مجحوم
صدقت الدار ما هي صبة . وعمدان
الدار ظل المستحي وكل .. محروم
والا عساها بالبلا وكل ...... شيطان
دام المعزة عندها ذل ...... واسموم

[نجم ضاوي]

"
يا نجم ياعالي ويا صاحب الشأن
يا مزبن اللي يشتكي ضيم وهموم
:
جيتك ولا جيتك على الشعر طربان
لكن حداني وقت ...والبال مكلوم
:
ولا قصرت الشعر من عيّة لسان
الشعر ليّه ساس والساس معلوم
:
أرويت حرفي من مداهيم الأمزان
وأمطر على رياض الهناء طل وغيوم
:
ليت اليقين اللي ملأ قلبي إيمان
عن موت أعز الناس.. يملاني اليوم
:
وفي الختام أقول كلمة وعنوان
لعلها تبقى معك دايم الدوم
:
بيت الوهم لو زان لك .. ماله أركان
لا يستر أصحابه ولا يجير مظلوم
:






ابشر بسعد .. يا اعز .. انسان
اموت ولا يوم . . تبات مضيوم

ماجزاء الاحسان .. إلا الاحسان
يخسى . . الضيم فيك والهموم

اجيك من جده على جيب نيسان
الى ينبع .. واخذ منك . العلوم

ما يتخلا عن صاحبه كود الجبان
وانا لك الله . من قوم ن سلوم

دامي معك . . وقت الفرح حان
ابشر بعزك .. قول ماهو حلوم

ياصبي حرب .. تو . سهيل بان
وانجلت عن خافقي . كل الغيوم

[آمتنان]

يقــول ..

انتي أجمـل أيـآم عمري وانتصاراتهـ
ياكل شيء على هالارض يعنيني :ah11:

[نجم ضاوي]

النفس مالت في الهوى واستمالت
والعين . . حاربها .. لذيذ المنامي

يوم العواذل . بيننا . صالت وجالت
ضيعت .. في الهوى . كل احلامي