صـآر .. الوطن [ غربـه ] .. !! [الأرشيف] - منتديات مسك الغلا

المساعد الشخصي الرقمي

مشاهدة النسخة كاملة : صـآر .. الوطن [ غربـه ] .. !!


‏ღعـــڒٍۅڒٍ‏ღ
07-20-18, 11:33 PM
صـآر .. الوطن [ غربـه ] .. !!

صار الوطن غربه وصار السفر دار
لويـــــن مدري لكـــــــن لا أي ديره


من عاش وقته مايحسب للأشــــوار
يضيع مايدري توالـــــــــي مصيره


للنفـــس حــــد ولـــو تعـــــدته تنهار
ماعاد تفــــرق بين خيـــــرن وخيره

بعض العرب في جوفها علوم وأسرار
والله هـــــو اللــي عالم(ن) بالسريره

كم واحد(ن)يشرب قراطيع ألامرار
ولا كـــن صابه مثـــل حب الشعيره

وكم واحد(ن)لو صابه أدنات ماصار
خلــــى الصغيره فــــي عيونه كبيره

اذا معك دينـــار قــــــــــدرك بدينار
مع أحترامــــي للــــــوجيه السفيره

كب الدلال وصـــك بابك عن الجار
وغير مسمــــاتك وخـــــل العشيره

تلقى مـــع العالــــم معـــزه وتعبار
الطيب تال الوقت أصبــــــح معيره

ماعاد بها الوقت حشيمــــه وتعبار
لو انك أنت شيخ فخــــــذك وأميره

المال يغسل من مـــــــلا وجهه العار
والفقر ذل أهل السيــــــوف الشطيره

يحقر اللي ماعلـــــى ساســـــه غبار
ويعـــز من شان النفــــــوس الفقيره

الفقر قصر مــــــن طويلين الأعمار
والمال طول فالأعمـــــار القصيره

هذا الصحيـــح ولو تجيبون الأعــذار
عذر أنسحــــاب القوم عقب الكسيره

الميت له دعوهـ وللكســــــــــر جبار
والهــــــرج ماسر الجروح الخطيره

اللي مشى في عـــــــزة النفس مابار
واللي يذل النفس بايــــــــــع ضميره

قدامنـــا جنـــــه وقــدامنـــــــــــا نار
واللي بغينــــاه الهــــــدى والستــيره

الفيفي2017
07-20-18, 11:46 PM
صح لسانك ولافض فوك

عذب القصيد
07-21-18, 06:00 PM
عوووافي

ساقي الروح
07-21-18, 07:40 PM
‏ღعـــڒٍۅڒٍ‏ღ

رائعة الكلمات :MonTaseR_171:
:MonTaseR_61:

أورانوس
07-22-18, 08:07 AM
وطلعت شاعر يا ولد ؟!!
صح لسانك وسلم بنان قلمك
بانتظار كتابك أو ديوانيتك على كذا

‏ღعـــڒٍۅڒٍ‏ღ
07-22-18, 01:02 PM
.
صح بدنكم
ونورتو الله يسعدكم
بارك الله فيكم
:13:

فراشة كريستالية
07-22-18, 06:01 PM
صح لسانك ابيات جميله ♥

آمتنان
07-24-18, 08:50 AM
صح لسانك يالشـاعر ..

‏ღعـــڒٍۅڒٍ‏ღ
07-26-18, 08:16 AM
.

الله يسعدكم
منورين موضوعي
شكرا


SEO by vBSEO 3.6.1