المساعد الشخصي الرقمي

مشاهدة النسخة كاملة : خسوف كلي للقمر يوم الجمعة (القمر الدموي) ، موضوع كامل ، وانتظر تعليقاتكم ..


Az22
07-25-18, 01:10 AM
السلام عليكم

وأهلا بالجميع في عالم الفيزياء الجميل .. :MonTaseR_194:

باقي القليل على حدث كثير من الناس تنظره وخصوصا المهتمين بعلوم الكون والفضاء ..
بس من وجهه نظري المتواضعة ، أنا اشوف هالحدث يخص الجميع لأن الكل راح يشوفه أو ع الاقل راح يسمع فيه ..

يوم الجمعة مساءً ان شاء الله ، ننتظر حدوث خسوف كلي للقمر أو ( القمر الدموي ) اللي يعتبر الاطول مدةً في القرن الحالي ..!
راح تبدا مراحله الساعة 8:20 م وينتهي تماما في الساعة 2:28 ص.

----------------------------------------------------------------
هذي الظاهرة الكونية ، كيف تصير ؟ وليه يسمونها بالقمر الدموي ؟

عشان يصير خسوف كلي للقمر ، شرطين دقيقين لازم يصيروا :
1- الارض تكون بين الشمس والقمر ، والثلاثة لازم يكونوا على محاذاة خط واحد.
2- القمر لازم يكون مكتمل (بدر) .

بس الغريب ليه الناس يسمون الخسوف الكلي بالقمر الدموي ..؟
كلمة دموي مالها اي علاقة بالدم ، بس لان القمر راح يصير لونه أحمر..

خلال الكسوف الكلي ، القمر راح يمر بعدة مراحل من بداية الخسوف لنهايته .. وللتوضيح أكثر راح استخدم صورة للتوضيح ..

https://f.top4top.net/p_9358yrgg1.jpg (https://up.top4top.net/)


والشيء اللي لازم نفهمه في الصورة ، ولفهم المراحل اللي يمر فيها القمر ، لازم نعرف أن الارض لها نوعين من الظل اللي يصير خلفها بسبب الشمس .. وهم :
1- منطقة الظل الكامل ( اسمها UMBRA في الصورة).
2- منطقة الظل الخفيف والمنتشر ( اسمها PENUMBRA في الصورة) وهي عبارة عن منطقتين من الظل الخفيف .
---------------------------------------------------------------------

مراحل الكسوف الكلي:

1- في المرحله الاولى راح يدخل القمر في منطقة الظل الخفيف وراح يبدا يختفي لين ما يختفي تماماً.


2- القمر بعدها راح يدخل في منطقة الظل الكامل ، وهنا راح يصير القمر لونه احمر. والسبب ، في هذي المنطقه اشعه الشمس اللي لونها احمر راح تمر في الغلاف الجوي حق الارض ، وراح تنكسر هذي الاشعه الحمراء كلها باتجاه القمر ( الغلاف الجوي للأرض في هذي الحال راح يكون زي العدسة ، تكسر الضوء وتجمعه في نقطه وحده) --< راح يفهمها اللي كان يستخدم العدسة المكبرة مع ضوء الشمس عشان يحرق الاوراق هههه .
مدة مرحله القمر الدموي تقريبا ساعه و 45 دقيقة (من 10:30 م إلى 12:15 ص ).


3- بعدها راح يرجع القمر يدخل في منطقة الظل الخفيف من الجهه الثانيه ، وراح يكون مختفي تماما ، وبعدها راح يبدا بالظهور لين ما يطلع من المنطقه ويرجع بدر.


وبس ..
و لا تنسوا صلاة الخسوف ، وهذي احد الادله على دقة خلق الله ، فتبارك الله أحسن الخالقين ..
اعترفوا ، مين اللي يخاف من هالاشياء هههه .
اللي عنده سؤال أو تعليق ، هالشيء يسعدني.
دمتم بخير ..

العـ(احمد)ـالمي
07-25-18, 01:29 AM
بما انك اثرت الموضوع احب انوه :
قد تصادف هذه الليلة افراح او مناسبات للزواجات
فاتمنى عدم ظهور المعازف والغناء احترام لمشاعر
المسلمين واظهار الخوف والتضرع الى الله بانجلاء
هذه الظاهرة الكونية
اشكرك على طرح هذا الموضوع الموفق

ودي لك

Az22
07-25-18, 02:28 AM
احمد ..
اسعدني مرورك يالغالي ..

فعلا كلامك جدا صحيح ..

حتى اللي عنده مناسبه ..
أقل الخير انه يصلي صلاة الخسوف ..

سلمت أخوي ..

zion
07-25-18, 05:14 AM
موضوع ممتع شكرا للافآده

آمتنان
07-25-18, 07:18 AM
موضوع مفيـد ومعلومات قيـمه
شكرا لك ..

Az22
07-25-18, 12:45 PM
شكرا على مروركم .. :)

إن شاء الله تشوفوها بعيونكم و تصير السالفة اوضح ..
تحياتي لكم ..

ساقي الروح
07-25-18, 10:55 PM
سبحان الله
اكيد اذا راينا هذه الايات نخشع ونخاف من ربنا عز وجل
وهذه اية من ايات الله تدل على غضبه وسخطه وعدم رضاه
عن بعض احوال الناس وذنوبهم
نسال الله الرضا والسلامة

شكرا وجزاك الله خيرا اخيAz22 على نقل وافادتنا بهذه المعلومات
التي تجعلنا نتفكر ونتدبر ايات الرحمن

BlueCocktail
07-25-18, 11:20 PM
ايه من ايات الله يخوف بها عباده

Az22
07-25-18, 11:45 PM
BlueCocktail اسعدني مرورك وتواجدك ..

ساقي الروح ..
اسعدني تواجدك واشكرك لانك اعطيتني فرصه اتكلم عن هالشي ..
الخسوف والكسوف فعلا هم من ايات تخويف الله للعباد وللتذكير بالعباده ..
بس ما ورد انهم دليل على غضب الله .. هم دليل على قوته ودقه خلقه سبحانه ..
وفيه فرق بين الغضب والقوة ..

لان الخسوف والكسوف هي احد الظواهر الكونيه الطبيعيه ..
وهذي الاشياء موجوده في العلم ..
و موجود جداول لكل خسوف وكسوف راح يجي خلال العشر سنوات الجايه ..
والتوقيت حقها بالدقيقه ..

وهذا ما يعني اننا ما نخاف منها او ما نعتبر منها ..
بالعكس .. كل شخص لازم يعتبر ولازم يفزع للصلاة ..

والله اعلم..


اسعدني مروركم ..

رآقـيے بطبعيے
07-28-18, 12:56 PM
سلمُ لناهذُآ الذوُوُق..
الذُي يقطفُ لنا..
وسلم لنا هذا القلم المميز
آجمًل العبارات وٌآروعهـــاآ..
ما ننحرُم منُ ذآئقتُك الجميلهُ والمميزهُ..
تحية عطرة ل روحك الجميلة
شكراً لك من القلب على هذآ العطاء
ل روحك الجووري
بانتظار جديدكِ بشوق
https://abs.twimg.com/emoji/v2/72x72/1f54a.pnghttps://abs.twimg.com/emoji/v2/72x72/2615.pnghttps://abs.twimg.com/emoji/v2/72x72/1f339.pnghttps://abs.twimg.com/emoji/v2/72x72/1f1f0-1f1fc.png


SEO by vBSEO 3.6.1