مطلوب شاعر محاورة

[إحساس شاعر]

السلام عليكم
مساء الخير
بنقصر الليل بمحاورة ..
اللي قريب من الميدان يتفضل ويشد حيله :SnipeR103:

"
السلام يتقدم والنداء له مجيب
يا سلامي على الشعار ما أخص أحد
"
ودي بشاعرٍ عن واجبه ما يغيب
يعرف الأولة واللي تجي من بعد

"
بانتظاركم ...

[أعد النجوم]

يا هلا بك وسهلا يااحساس الحبيب
عد ماهل غيمن نازلن بالرعد

علمك الغانم الي ماهو عنك غريب
ابشر ابشر وجينا ماخلفنا الوعد

[إحساس شاعر]

الله الله
صح لسانك واستلم :

==
البقاء يا زبون الموقف اللي صعيب
يا كفو في المهمة جيتني مستعد
"
لا تعد النجوم و لا تعدّى الرقيب
شوف درب النجاة وعنه لا تبتعد

[أعد النجوم]

صح بدنك

يا عزيز المقام ان جيت لك لي تجيب

وتعطي الحق لاهله يوم غيرك جحد


ياسليل الكرام وللمراجل نقيب

الله يزيد عمرك بالهناء والسعد

[إحساس شاعر]

"
من ترقّت عزومه ما غدا له ذهيب
والعزوم الضعيفة حظها ما صعد
"
اشرب الصبر في الأمجاد شرب الحليب
من فقد طول باله .. لو زرع ما حصد

[عاشق جنوني]

‏

صح الله السنتكم
شعراء مبدعين والطاروق بدا يشد
واصلوا الابداع ولكم متابعين

عاشق جنوني

:111::111:
‏

[إحساس شاعر]

‏

صح الله السنتكم
شعراء مبدعين والطاروق بدا يشد
واصلوا الابداع ولكم متابعين

عاشق جنوني

:111::111:
‏

صح بدنك .. وهلا والله بالشاعر اللي يحيي الميدان والصفوف

يشرفنا متابعتك ولا تبعد :y2o01875::y2o01875:

[أعد النجوم]

في زمنا لقينا كل شي(ن) عجيب

ناس تركض ورا الدنيا ركوض الفهد

لو معك خير تلقى كل شخص(ن) يجيب

مامعا الي فقير(ن) ياصديقي احد

[أعد النجوم]

صح بدنك شاعرنا عاشق


تعال شاركنا


المحاورة ماهي محصورة علي انا واخوي احساس


نبي الجميع يشارك

[إحساس شاعر]

"
الزمن ما تغير .. حالنا اللي مريب
كم عين أطلقت نظرة وجاها الرمد
"
أسألك كان قيل : الذيب وسط القليب
من هو اللي رجع ظامي ومن هو ورد

[أعد النجوم]

ان جرحنا زمنا مانلاقي طبيب

هالزمن صار يجرح مثل جرح الاسد

وعن سؤالك تراني ماني بقدر اجيب


نشرب الماء في علبه يوم حن في البلد

[إحساس شاعر]

الله الله

استمتعت بالمحاورة معك أخي أعد النجوم ,, وبيض الله وجهك

شاعر كبير تشرفت بمجاراتك في هذا الطارووق

لك جزيل الشكر على إجابة الدعوة

الطاروق هذا ختمناه .. ولو تبي طاروق جديد أبدع وأبشر بالرد ..


يعطيك العافية
:ah11::ah11:

[أعد النجوم]

الله يبقيك اخوي احساس

وانا بعد سرني محاورتك

والله يعطيك العافيه


والحين ماعاد به الا نوم


وبكره ان شاء الله لنا لقاء



تحيه لك

[عاشق جنوني]

‏
ابدعتم وامتعتم بالطاروق الكايف
وأجدتم فن الحوار والفتل والنقض
صح الله السنتكم
ولكم مني التحية والتقدير

:111::111:
‏

[إحساس شاعر]

‏
ابدعتم وامتعتم بالطاروق الكايف
وأجدتم فن الحوار والفتل والنقض
صح الله السنتكم
ولكم مني التحية والتقدير

:111::111:
‏

ألف باقة شكر وتقدير على حضورك ومتابعتك

صح بدنك ومنور يا شاعرنا

تسلم الله يعطيك العافية

تحيتي

[عتيم]

اولا صحت السنتكم

اهضت القريحه بالأمس

للامانه جيت اماس بغيت اشاركك المحاور يا احساس

كتبت الأبيات ويوم جيت ارسلها فصل النت عندي وراحت

لكن ابشر بالعوض .. اليوم متى ما فضيت تعال

بكتب بيتين ذلحين وعليك الرد

..

[عتيم]

*


هاتها يا احساس وإلا خذ من احساسي وعط
جيتك الصاحب عتيم ... وجيتك الشاعر بحر


ما يهم الطرق ... .. سقها لو على طرق العبط
دامها عقدٍ ............. يزيّن جيد ويزيّن نحر


#

[نجم ضاوي]

غرد القمري وعلى نيشان القلب حط
والسما هلت . . من بعد غيمتها مطر

ارسلت لك .. يا عتيم عبر الخاص خط
اشتكي واقول القلب اصبح في خطر


على فكره لا تورطني يا .. عتيم .. انا مو شاعر محاوره ...
بس عاد جات معي ولا ادري هل تروي قريحتك او لا ...
في انتظار الشاعر .. احساس شاعر .. لنرى ما يقول ...

[ابوالليل]

*


هاتها يا احساس وإلا خذ من احساسي وعط
جيتك الصاحب عتيم ... وجيتك الشاعر بحر


ما يهم الطرق ... .. سقها لو على طرق العبط
دامها عقدٍ ............. يزيّن جيد ويزيّن نحر


#

صح لسانكم

وهذي البيتين لجل اخوي الشاعر عتيم
شفت قدامي حروف وجيت باحطّ النقط
ياعتيم الحرف بلغها جميع اللي... حظر

قاف يرقى فوق نجم سهيل ماعمره سقط
وان قريته شفت تفصيله كثر عمق البحر

خلها للي وصوفه بين ذاك وذا .......وسط
المليحه ام العيون السود ممشوقه الخصر

في حلاها مالقيت من البشر ياخوي ..قط
صابني شك انها ياخوك ماهي من... البشر

[عتيم]

..


جعل صحت ألسنتكم جميع

ولا هنتوا

نجم .. لا فض فوك


اخوي .. ابو الليل

وفيت وكفيت .. ما خليت شي

بس خرجهنت عن نضام المحاوره .. لان نضامها على بيتين

وانت رديت علي بطريقة المجاراه .. واجدت بعمق

..

على العموم بما ان البيتين المقصود فيها اخوي احساس شاعر .. بنتظره

وانتوا .. تعالوا بأبيات جديده وقاف جديد .. وابشرو بالمحاوره

بس خلونا ننتهي انا واحساس شاعر


..

[نجم ضاوي]

خذ راحتك اخي الشاعر .. عتيم .. انت والاخ الشاعر .. احساس شاعر ..
في محاورتكم ونحن متواجدين نسمع منكم عذب الكلام ...
فكلاكم شاعر لا يشق له غبار ..

اتمنى لكم التوفيق ومحاوره ممتعه ...

[إحساس شاعر]

عتيم
ينشدك الحرف أكثر من شاعره
ويتهيأ لك الطاروق رغبة في جمال لحنك
...
حياك والله وشرفت الموضوع واللعب معك في المحاورة منية النفس ورغبة الشاعر

أعتذر عن عدم دخولي البارحة .. وإن شاء الله معوضة .. ويأتيك الرد على طارووقك

....
أبو الليل
أبو الإبداع ..حضورك إضافة لأي موضوع
شرفت وأنرت ..لا حرمت هذا الحضور المبهج
وصح لسانك وبيض الله وجهك
.....
نجم ضاوي
يا ما حلا هالطلة اللي تبهج الروح
وفيت بووجودك وهذي عوايدك

منور يابو ضاوي وصح لسانك و بيض الله وجهك

[إحساس شاعر]

*


هاتها يا احساس وإلا خذ من احساسي وعط
جيتك الصاحب عتيم ... وجيتك الشاعر بحر


ما يهم الطرق ... .. سقها لو على طرق العبط
دامها عقدٍ............. يزيّن جيد ويزيّن نحر


#


الله الله
استلم :

جيت والله جابك وعقد المعاني ما انفرط
منتظم طول الزمن .. ما يغيره بردٍ وحر

شاعر. في مستواك الله يجنبه الغلط
من تحصن قبل يبدا اليوم . ما يخشى السحر

[نجم ضاوي]

الله الله
استلم :

جيت والله جابك وعقد المعاني ما انفرط
منتظم طول الزمن .. ما يغيره بردٍ وحر

شاعر. في مستواك الله يجنبه الغلط
من تحصن قبل يبدا اليوم . ما يخشى السحر


... أنا اشهد ...

صح لسانك .. احساس شاعر ..

وينك يا .. عتيم .. اطربنا بعذب الحوار ...

[عتيم]

*


جيت والله جابني لك يا هجوم إلا وسط
فكرةٍ متعددة الأغراض ...والمعنى ظهر


عدّها الهزلات ثم حط آخر الدعوى نقط
شاعرٍ قد بـان وآخـر قد تـعـدّاه الــدهــر


**

[إحساس شاعر]

الله الله
....
المسافة كايدة عسى المسافر ما ورط
لو غشاه الليل لا يشكي معه طول السهر
...
ودي بكلمة وكلمة بيني وبينك فقط
قبل يا الظامي تمادى ثم يغرقك النهر

[عتيم]

..


ما حسبت ان صاحبي ماسك على المشوار خط
تـغـرقـه دمـعـة يـتـيـم....ودمـعـتـيـنٍ مـــن قــهــر

لـيـن بـيّـن خـافـيـة الأسـرار والـشـاعــر قـلـط
دونــه الـبـحـر الـمـجـلـجـل دونــه الــعـزم الأغــر


#

[إحساس شاعر]

"
اليتيّم ماتت أمه بس قلبه ما انجلط
وانت تخطبها ولا تدري توفّت من شهر
...

صاحبي شاعر ولكنه من الهقوة خلط
وده بليلى وليلى ما تجيه بلا مهر

[عتيم]

..


القلوب اللي تهافت والضمير اللي سقط
ما تداري علتك يا صاحبي لو هي جـهــر


صاحبي شاعر ولكنه من الضيقه بـسـط
سلعته لعيون سلمى في روى باقة زهر



#


إلى هنا وجعلك سالم .. اشبعتني والمتلقين شعرا


ولك ان تختم القاف


شكرا ان اتحت الفرصه للشعر والمتلقي

[إحساس شاعر]

"
وش علينا في الضمير اللي مشوّش لو ضبط
لو صحي والا غفي .. وكل بطنٍ له ظهر
:
يا عتيم الشعر يبنونه على نهج وخطط
كيف تبغى تلحم المعنى .. وتوه ما انصهر

"
صح لسانك .. شاعرنا عتيم شاعر عملاق عميق
تشرفت بالمحاورة معك ,, ونتطلع إلى سجالات أخرى إن شاء الله

يعطيك العافية
تحيتي

[ابوالليل]

الصباح يشع نوره يعلن اليوم .......الجديد
ماحلاه اليوم يبدا .......بالقصايد.... اوّله

عقب ماصليت فجر اقبلت ادندن بالقصيد
الهواجس حاضره والقافيه....... مسترسله

صباح الخير لكل اللي قراها

[السامي]

:61::61::61::61::61::61::61:

[نجم ضاوي]

طارت الطيور . بارزاقها يا وصابي
ما عطولك .. فرصتن .. تظهر ابد

حتى أنا . قافهم يا اخويه سرابي
عتيم وعد احساس واوفى بالوعد


... صباح النور والسرور يا طير شلوى ...

[الوسم]

السلام عليكم
مساء الخير
بنقصر الليل بمحاورة ..
اللي قريب من الميدان يتفضل ويشد حيله :sniper103:

"
السلام يتقدم والنداء له مجيب
يا سلامي على الشعار ما أخص أحد
"
ودي بشاعرٍ عن واجبه ما يغيب
يعرف الأولة واللي تجي من بعد

"
بانتظاركم ...

مرحبا والطلب غالي ونا لك مجيب
بالقوافي و ما فيها يجيك السعد
لو تشيب القوافي بيتنا ما يشيب
جاك معنى القصيد و وزنه المعتمد
و احترامي لمن شارك بقول عجيب
كل شاعر بشعره ما يوازيه أحد
الوسم

[آسيرة حرف]

:MonTaseR_210:


ضريبة اني ماتعلمت للشعر
اجلس اراقب وانتم تكتبون


ماشاء الله محاورات وتعليقات من الشعراء رائعه مشاركه وموضوع رهيب ومتنوع الذوق فيه
مابين مبتدي ومنتهي كل شاعر هنا
اضاف من عنده جمال مختلف باسلوبه


بالله كثرو من كذا مواضيع خفيفه ولطيفه بذا القسم :nosweat:ادري ماني بشاعره واطلب
ولكني اتذوق من الشعر ماتمر عليه عيوني





لعلي يوم اشاركم الساحه :MonTaseR_121:

[إحساس شاعر]

أبو الليل
نجم ضاوي
الوسم
أسيرة حرف
..
أضاء المكان وتحمس الشعر بحضوركم
بإذن الله سيكون لنا مبارزة شعرية أخرى هنا هذا اليوم ,,
:":
وصحت ألسنتكم على الإضافات الشعرية الجميلة ..

تسلمون ولا عدمناكم والله

[إحساس شاعر]

مرحبا والطلب غالي ونا لك مجيب
بالقوافي و ما فيها يجيك السعد
لو تشيب القوافي بيتنا ما يشيب
جاك معنى القصيد و وزنه المعتمد
و احترامي لمن شارك بقول عجيب
كل شاعر بشعره ما يوازيه أحد
الوسم

الله الله
صح لسانك واعتلى شأنك

شاعر من طراز أصيل

وبيض الله وجهك ما قصرت

لعلنا نلتقي في محاورة ثانية قريباً إن شاء الله
وإن كنت الآن قريب تعال مع الصبح هذا . يافتاح يا عليم هههههه

انتظرك والشعراء ينتظرونك ..

تسلم

[إحساس شاعر]

:montaser_210:


ضريبة اني ماتعلمت للشعر
اجلس اراقب وانتم تكتبون


ماشاء الله محاورات وتعليقات من الشعراء رائعه مشاركه وموضوع رهيب ومتنوع الذوق فيه
مابين مبتدي ومنتهي كل شاعر هنا
اضاف من عنده جمال مختلف باسلوبه


بالله كثرو من كذا مواضيع خفيفه ولطيفه بذا القسم :nosweat:ادري ماني بشاعره واطلب
ولكني اتذوق من الشعر ماتمر عليه عيوني





لعلي يوم اشاركم الساحه :montaser_121:

هذا الاهتمام والمراقبة تدل على أن هناك شاعرة متخفية :19:

لكن مصيرك تدخلين الميدان وتخارجي بعدين هههههه
"
حضورك ألطف من الموضوع أختي أسيرة حرف
وبانتظار مشاركتك إيانا الساحة ..
اعزمي بس ترى الدعوى تسلية و شرح خاطر ..

يعطيك العافية

[حروف العز]

روعه احب المجاواة في الشعر >> استمتعت بالموضع

ماشاء الله شعراء قمة على قمة

صح السنتكم جميعًا🌷

[إحساس شاعر]

روعه احب المجاواة في الشعر >> استمتعت بالموضع

ماشاء الله شعراء قمة على قمة

صح السنتكم جميعًا🌷

صح بدنك
ولا هنت على المرور العطر

اسعدنا حضورك ومتابعتك

يعطيك العافية