((عندك سلف والا نوينا على البنك)) [الأرشيف] - منتديات مسك الغلا

مشاهدة النسخة كاملة : ((عندك سلف والا نوينا على البنك))

القارظ العنزي

08-11-18, 07:20 AM

عندك سلف والا نوينا على .... البنك
واخذ ربا لو فيه ذنب ....... وخطية
عجل لنا وافزع ترى حالتي ... ضنك
ضاقت علينا بين هموم ........ وبلية
بعض العرب مثل الذهب ما بهم زنك
فزعاتهم تشفي النفوس ...... الشقية
وبعض العرب يعلها تبتعد ...... عنك
اهل العلوم الناقصة .......... والردية
ما ينفعك كوبان لو منبعه ....... منك
كنه بعيد الساس بدار ن ....... قصية
يعحبك مطنوخ على الطيب . عاونك
فزعة رفيق بالغلا ............ والحمية
صديقك اللي بالمواقف ....... يوزنك
ساسه عريب ولا دخل به ....... هفية

القارظ العنزي

ام سارونا

08-11-18, 02:30 PM

من قريت "عندك سلف " فزيت :138: احسبه شعر فيني ههههه امزح

الله يقرب لك العرب الي مثل الذهب ويبعد عنك الرديين

صح لسانك والله يرفع شانك

يعطيك العافية

القارظ العنزي

08-11-18, 05:02 PM

سعدت بمرورك ياسمينة كلك ذوق وصح بدنك

أورانوس

08-11-18, 09:11 PM

صح لسانك وسلم بنانك على هذه القصيدة الجزلة
انا ايضاً اعتقدت انها لعندك سلف < لا تؤاخذنا :SnipeR94:

،
كتبت فأبدعت ونثرت عبقاً بكلماتك
التي لامست واقعاً يعيشه الكثيرون
لك تقديري واحترامي ،،

القارظ العنزي

08-12-18, 08:03 AM

أشكرك أورانوس على المرور الطيب صح بدنك ولا هنت .

إحساس شاعر

08-12-18, 01:40 PM

الله يسعد الحاجات ويغنيك من فضله عن البنك واللي ما يثمنك .
..
قصيدة موسيقية جميلة ومعناها أجمل

صح لسانك واعتلى شأنك

القارظ العنزي

08-12-18, 01:50 PM

دوما احساسك جميل احساس شاعر وتعليقك اجمل وذوقك فريد وراقي لاهنت على هالطلة البهية كلك روعة وابداع .

احلام عابره

08-14-18, 11:22 PM

ول ول وااال
بنك وربا وخطايا
وحد الله يالقارظ احنا بعشرة الضحيه
ايام عباده ومغفره ودعوات مستجابه
لا عليها جيره مانت ماخذ الربا
حنا عزوتك وقت العوزه ما نلجيك للبنوك
نسلفك حاجتك ونزيد
والا نخلها هبه ماهو سلف

القارظ العنزي ابدعت
صح الله لسانك مدد بلا عدد
بانتظار ومتابع كل ما تجود به علينا

احترامي

القارظ العنزي

08-15-18, 03:03 AM

هذا من لطفك يا احلام تفضلي بما جادت به القريحة واشكرك على ذوقك واحساسك الراقي .

ما ازينك يا سيد المزايين ما ازينك
ما ازين كلامك يوم جاني ... هدية
لو كنت عندي ما توازى على البنك
اما سلف والا تجيني ......... عطية
طحت بزمان مختلف عني . وعنك
فيه العقوق وقلت ........ المرحمية
الله يهدي بالنا ونستحي ...... منك
والا نقول بساع قبل ....... الضحية
عجل علينا بفزعة تجلي .... الضنك
وانت ي من العدوان قول ... حمية

فراشة كريستالية

08-15-18, 07:37 AM

صح لسانك
الله يبعد عنك الاشخاص الردية
يعطيك العافية :ah11:

القارظ العنزي

08-15-18, 09:06 AM

اللهم آمين بنت عدنان صح بدنك

أمـ الـروح ـيـر

08-15-18, 09:07 AM

الله الله
صح لسانك

وجات بوقتها المناسب بما اننا باقي خير على الراتب ههههه

تسلم يمناك وماننحرم

القارظ العنزي

08-15-18, 09:10 AM

هلا بك أمير الروح صح بدنك لاهنت على المرور الجميل