على الهون ياجرح المفارق وضيق البال .. [الأرشيف] - منتديات مسك الغلا

المساعد الشخصي الرقمي

مشاهدة النسخة كاملة : على الهون ياجرح المفارق وضيق البال ..


حنآيآ الروح
08-14-18, 07:41 PM
على الهون ياجرح المفارق وضيق البال ..


.
.
.

على الهون ياجرح المفارق وضيق البال ..
.. .. .. .. .. .. .. .. على الهون ياهمٍ سطابي وقدّرته .!
اعزك لو انك جرح ومجاهدك قتال ..
.. .. .. .. .. .. وروضت جسمي لأجل سقمك وصبرته .!
لأجل من ملك قلبي من الجال لين الجال
.. .. .. .. .. .. .. وفجّيت له بابٍ عن الناس سكرته .!
وحطيت له عن شمس قيظ الغرام اظلال ..
.. .. .. .. .. .. وشـيّـدت له بـيـتٍ بقلبي وعمرته .!
عشقته ودلّلته وجرّيت له موال ..
.. .. .. .. .. .. وتخـيّرت قـربه لـيـتـني ماتخيرته .!
رعى ريف قلبي لين صارالحشا مدهال ..
.. .. .. .. .. .. وعــن مـدهـله جنّبت غيره وذيرته .!
سقيته من عدود الغلأ والغرام زلال ..
.. .. .. .. .. .. .. بعـد ماجذب مــن دم قلبي وصدّرته .!
اداري عليه من الزعل وأزعل العذال ..
.. .. .. .. .. .. .. وخطاه ان كبر في عين غيري تصاغرته .!
ترافقت انا وياه من يوم كنّا اطفال ..
.. .. .. .. .. .. .. .. تكوّن غــلاه بوسـط قلبي وكبرته .!
قبل مايغطي ليله المنتـثر بالشال ..
.. .. .. .. .. .. .. .. سرقت الكرى من نون عينه وسهرته .!
نقش كل حرفٍ من حروفي على السلسال ..
.. .. .. .. .. .. .. .. تباهى بها واغاظ ناسٍ مجـاكرته .!
وكتبت القصايد في عيونه على اليامال ..
.. .. .. .. .. .. .. .. ولامرني صــوت النواخذ تذكرته .!
تكاثر علي الله يجازيه كيف الحال ..
.. .. .. .. .. .. .. .. وانا يوم أسوق العمر له ماتكاثرته .!
وبعد كل هالتقدير والحب والإجلال ..
.. .. .. .. .. .. .. .. تغيّر وهقواته عـليـه مـغـيرته .!
لبسته ثياب الغطرسه لين جاء يختال ..
.. .. .. .. .. .. .. .. وكبر في عيونه يوم الأوهام غررته .!
واذا السالفه ضحك ومهازل ولعب اطفال ..
.. .. .. .. .. .. .. خبطت الغصن لين أبرق الريش طيّرته .!
خلصنا وقفلنا الصناديق بالأقفال ..
.. .. .. .. .. .. .. .. ومن جور حكمه كامل القلب حررته .!

للمتألق / تركي الميزآني

الفيفي2017
08-14-18, 07:48 PM
يعطيك العافية وصح لسان الشاعر وسلم بنانك على النقل الجميل

حنآيآ الروح
08-14-18, 08:45 PM
لمرورك العذب رونقه الجميل*
ولتواجدك العطر شذاه الفواح
سعدت باطلالتك الرائعة*
ودي لك ..~

احلام عابره
08-14-18, 11:33 PM
صح لسان شاعرها
وسلم بنان ناقلها

رائعه جدا

احترامي

فراشة كريستالية
09-13-18, 05:28 PM
واذا السالفه ضحك ومهازل ولعب اطفال ..
.. .. .. .. .. .. .. خبطت الغصن لين أبرق الريش طيّرته .!
خلصنا وقفلنا الصناديق بالأقفال ..
.. .. .. .. .. .. .. .. ومن جور حكمه كامل القلب حررته .!



صح منقولك يعطيك العافيه


SEO by vBSEO 3.6.1