((لولا بناتي ما نوينا المسايير))

[القارظ العنزي]

لولا بناتي ما نوينا ......... المسايير
للديرة اللي شوفها يشعل ...... النار
نار ن بجوفي كنها شعلة ...... الكير
ينفخ بها اللي ما رجا رب .... الابرار
الله يجازي من نوى نية ...... الخير
والله يجازي من نوى درب الاشرار
كل ن على النية يسوق .. المظاهير
وكل ن على النية يدرهم .. ويختار
والحمد لله نيتي دايم ن ....... غير
ماني من اللي نيته ذبحة ..... الجار
واللي نوانا بالردى ......... والمعايير
يبلاه ربي بالبلا وهتك. ..... الاستار
والعبد يبلا من البشر ...... والمعاثير
تخفيف ذنوب وجنة وسطها .. انهار
يا عيد عايدهم وعايد لنا .... اصغير
عايد لنا الوردة الصغيره ... والازهار
يا عيد لو تدري وش اللي بنا يصير
تبكي كما نبكي وتشدو .... بالاشعار
هذي ثلاث سنين والرابعة ...... مير
اشد من اللي قبلهن كني ....... بغار
والقلب كنه بخفقته خفقة ... الطير
تقل وحيد ن والبشر عندي ... اكثار
كتبتها ودموع عيني ....... شخاتير
قام يتسابق دمعها مثل .... الامطار

القارظ العنزي

[احلام عابره]

يالله تحيي الي نوى عالمسير
ويالله تحيي الي باقي لي جار

ياصاحبي الديره بلياك ......غير
نهارها ليل وليلها مابه ......اقمار

البلاد لاخلت من غالي مابها خير
وقلب بلياكم مافتحت... بهازهار

القارض العنزي
مؤلم جدا حرفك وعذب جدا
لك مودتي وباقة ورد

[داعي الشوق]

صح لسانك يالشاعر

هطول جميل وجزاله وابداع

صح لسانك مدد
مع التحية لك

[القارظ العنزي]

الطير ما ينصاد غير بشبك ..... طير
هذا وحش وذاك من طيرة .... الدار
وانت ي من الشيهان يا عز من طير
لك مخلب يرمي من الطير .. ما طار
بنت الذي يثني بتالي ...... المعاشير
ما قالوا العدوان عن حلته ....... نار
يا مرحبا بك يا زميل ..... الشواعير
يا صاحب الطاروق في زين الاشعار
احب انا مثلك الياسمت ....... بخير
بعشرة الحجة واحتوت كل الاذكار
عيدك مبارك يالغضي وساعة الخير
قبل العياد ومن قبل وقت الاسحار
ردك اسعدني يا حفيد ...... المناعير
اللي لهم بالطيب وقفة ...... وتذكار
وانت العناق اللي يقود ..... الغنادير
ما مثلها بالبيض ولا ظنتي ..... صار
زود ن على زين النبا ...... والتباشير
انت الذي تبدع وبالقاف ....... بيطار

[القارظ العنزي]

داعي الشوق هذا من لطفك لاهنت أسعدني مرورك

[احلام عابره]

انت الي طوع الحرف والشعر منك غير
وانت العلم اليا حل طاري....... الشعار

وليا حل طاريك قالو الدنيا...... بخير
ومكارمك والجود يحكي بها...السمار

حاشا ياصاحبي ماجامنك..... تقصير
ما يجي التقصير من الناس.... الاخيار

العيد قرّب ........وكل عام وانت بخير
وياعسى غواليك طيبين وديرتكم عمار


القارض العنزي لازم اكون شاعر متمكن لحتى اقدر اجاريك
هاذ ردي يسبقه اعتذاري عن التقصير

احترامي

[القارظ العنزي]

صح السانك شاعرتنا الفاضلة أحلام عابرة ، وكل عام وانت ي بصحة وسلامة وعيد سعيد ومبروك ، وكل الاعضاء والقراء بايام سعيدة . أعاده الله على الامة الاسلامة بالامن والامان واليمن والمسرات .

[فراشة كريستالية]

كلمات في غاية الروعه والجمال
دائما نجدك مبدع في كتاباتك

تحياتي لك :نبض:

[القارظ العنزي]

الروعة والجمال في مرورك بمتصفحي بنت عدنان الله يحفظك

[ام أسعد]

صح لسانك واعتلا شأنك

ماشاءالله تحفة من تحف الفن بالشعر والقصيد

ننتظر جديدك

[القارظ العنزي]

صح احساسك يا ام أسعد ربي يحفظك

[قلب المجروح]

صح لسانك واعتلى شانك ابيات روعه

[القارظ العنزي]

صحة أنفاسك قلب المجروح