احساس شاعر

[هيّال]

الاخ احساس شاعر

السلام عليكم المعذره ياخوان الرسايل ماقدر ارسل رساله
عن طريق الملف الشخصي او الخاص فحبيت ارد على الاخ عن طريق موضوع
ولامانع من حذفه بعد التأكد ان اخوي احساس شاعر قراة رد الرساله


هلا ومرحبا
حياك الله أخي احساس
من الفايزين

ماعندك مشكله يالعود

وحبذا لو انها تكون الساعه 10
وازهلها هههه
:ah11:

[إحساس شاعر]

وعليكم السلام ورحمة الله وبركاته

هلا بك .. وانتبهت لمشاركاتك انها ما وصلت للحد المسموح له بالمشاركة في الرسائل

ابشر أبشر وشد حيلك ونبي الصفوف وإن شاء الله تلقاني قدامك :0005:

أشكر لك استجابتك يا هيال وجميل الخصال .

[إحساس شاعر]

"
وينك يا هياال ..
استلم لا هنت :
للشعر ساحة فسيحة ودنا نطرق طروقه
وين هيال المسمى في ميادين المعاني
"
ضيف جانا من قبل شهرين ويسابق بروقه
شايل البندق وقلبه بين خوف وبين أماني

[هيّال]

:61::61::61:


المعذره المعذره ياحساس والله ان توني انتبه

ابشر بالرد

[هيّال]

مرحبـا بالشاعـر اللـي كل طـاروقً يسوقـه
ماتخلـف عن لزومـة ياعريبيـن المجـــانـي
جاك هيّال وتحيزم من سلايـل روس روقـه
مالفينـا الا نجدد ماضـــي اعهود الزمــاني




والله اني انشغلت المعذرة

بسم الله وتفرغنا ياحساس ياويلك هههههه

[هيّال]

:MonTaseR_96:

[إحساس شاعر]

مرحبـا بالشاعـر اللـي كل طـاروقً يسوقـه
ماتخلـف عن لزومـة ياعريبيـن المجـــانـي
جاك هيّال وتحيزم من سلايـل روس روقـه
مالفينـا الا نجدد ماضـــي اعهود الزمــاني






الله الله
:
البقاء يا الشاعر اللي جابته من حسن ذوقه
يا الله ان العشر تبقى عشر ما ترجع ثماني
"
والنعم فيكم وكلٍّ يستند لاسمٍ يشوقه
بس وش حدك تغيّر من فلان ليا فلاني

"
والله اني انشغلت المعذرة

بسم الله وتفرغنا ياحساس ياويلك هههههه
ههههه حياك وكفو والله .. والميدان الميدان

[هيّال]

ماحدانـا المستعار ولا مشينا في طروقه
ولاصنعته وابتدعتـه يــوم ماربي وعانــي
جانـي من عودٍ كبيرً حقـة انقدر حقوقــة
مانغيـر ماعطانــا والله المعطي عــطانـي

[إحساس شاعر]

"
ما نذم الاسم يا هيّال والتقدير طوقه
انت في الماضي لفيت وجيت ياهيال ثاني
"
جرة الطرقي تباريها الخيول اللي سبوقة
نوب يمشي بالقدم وأحيان في ظهر الحصاني

[هيّال]

دست القـاف الله المستعان بس
:icon17:

[هيّال]

العفـو،، عن ماتبيّن والندا رده يروقه
والمحال يدوم حال الآدمي والعمر فاني

ماتغيـرّ والدقايـق عن مواعيده سروقه
بيـن ذي وبين هاذي راحت الساعه ثواني

[إحساس شاعر]

"
دام طال الليل والمعنى نشوف الصمت فوقه
ودي أنشد شاعر الروقه بعد شرّف وجاني
:
النخل وش يفرقه عن بعض لا جدت عذوقه
بعد ما شافت عيونك في السماء سهيل اليماني

[إحساس شاعر]

* وقت مستقطع يا شاعرنا في حدود الساعة

[هيّال]

كـل ردٍ عندنـا رده ، ومنطوقً يلوقــــــه
عن لواهيـب الضما والقيض يالخافي تباني

لو حصدنـا كل مبسـوق،،،،،تجدد به عروقـه
لو يبس منها سعفهـا ماتليـنه السوانـي

[هيّال]

* وقت مستقطع يا شاعرنا في حدود الساعة

عير خير انشاء الله

:MonTaseR_222:

[إحساس شاعر]

"
الله يديم الأمن والستر ما تبدي فتوقه
واحمد الله بعد قر القلب من تحت المحاني
"
انتهى الليل وتعدى وانت تشرب من غبوقه
ودنا لو طال لكنه قرب وقت الاذاني

[هيّال]

مرحبـا والنفـس في ميدانكم دايم شفوقـه
نعيدها والله يديم امنه علينا والامانـــــي
اقتفى الليل وظلامه والصباح ابدى شروقه
وخير مما قيل ركعة وتـر وايـة من قرآنـي


حياك الله احساس والله اني استمتعت معك وشهادة حق
اني جايك بنفسيه منتازه لكن زفتها النت عندي

تصبحون على خير جميعاً

[إحساس شاعر]

"
صح لسانك وبيض الله وجهك

تشرفت بمحاورتك . وأشكر لك استجابتك

يعطيك العافية و الله يصبحك بالرضا والخير

[عاشق جنوني]

‏

الشاعر هيال
الشاعر احساس شاعر
صح الله السنتكم على الطاروق الكايف
شعراء مبدعين واطربتونا بالقاف الراايـــــق

تحياتي وتقديري لكم

:111::111:
‏

[نجم ضاوي]

الاخ الشاعر .. احساس شاعر ..
والاخ الشاعر .. هيال ..

عز الله انكم كفيتو ووفيتو وفالكم البيرق ...
امتعتونا بهذا الطاروق العذب ...
لله دركم ...

لا خلا ولا عدم ...