لعبة الأقدار •• حصرية

[أنا فداهم]

لا هزتك ذكرى و لا جابتك الدروب
يا ليتني ما عرفتك ...ولا عرفتيني

عيوني عالشاشة و إيدي يا دوب
تحاول تودع صورة سكنت فيني

أكرهك يا لقيا تجي عند الغروب
تطير فيها الحمايم وتخليني

أشوفك يا ماشي لسنين الهروب
وأقول يا صبر فيني اللي يكفيني

عمري يحايلني و موتي ينوب
و عين المفارق تكون قدام عيني

ذبت بك مثل سكر بالشاهي يذوب
وقلت لك تعال لكنك ما توحيني

ما باقي من خيام المحبة نصوب
ما باقي سواي تعالي و اخذيني

نيران المحاني يا خلي شبوب
الماي بايدك وانتي ما رويتيني

يا لعبة الأقدار ترى ماني مغصُوب
عطيني وعدك الحين والا اتركيني

[فراشة كريستالية]

صح لسانك يالغالي ولا هنت
قصيدة رائعه كروعتك
تسلم يمينك على هالاحساس المرهف
بإنتظار الجديد و الرائع من عذب مشاعرك

تحياتي لك :نبض:

[مرجانة]

روووعة
صح اللسانك يا فداهم

الشطر الأخير صريح و صادق
حبيت القصيدة
احسنت

[ام أسعد]

ماشاءالله تبارك الرحمن جميلة

وفقك الرحمن


بإنتظار المزيد المزيون

[العـ(احمد)ـالمي]

صح لسانك واعتلا شانك

قصيدة جميلة

[قلب المجروح]

ابيات جميله تدخل القلب
يعطيك العافيه