المساعد الشخصي الرقمي

مشاهدة النسخة كاملة : ... لولا الحيا ...


نجم ضاوي
09-23-18, 07:24 AM
كتبت فيك الشعر .. واحلا .. القوافي
واجمل . . معاني القاف لاجلك نثرته

بيّحت لك .. ماكان في القلـب خافـي
شيّن وصفته .. فيك .. وشيّن . تركته

يا ابو عـيونٍ سـود . زينـك خـرافـي
لولا الحيا . . فيك الخـافـي وصفـتـه

سبحان من اعطاك . زين الوصـافــي
يا اجمل انسانٍ .. في عـمري عرفتـه

وهبت لـك حـبٍ مـن الـروح صـافــي
غالـي ولـكنــك بـطـبعـك رخـصـتـه

يـكفـي الـتغلّي . والـهجر منك كافي
يـلـّي عشـانك كـل ليـلـي سـهـرتـه

سـواح مـن فـرقـاك بـيـن الـفيـافـي
تايه وحزني .. فـوق .. متني حـملـته

جيتك علـى وعـدٍ .. قـطـعـناه وافـي
اموت قبل اخـلـف . . بوعـدٍ قـطعـته

لـكـنـك انـت الّـي نـويـت الـخـلافـي
والله حـسافـه فـيـك قـلـبٍ وهـبـتـه

اتـعـبـنــي الـتفـكيـر وكثر التجــافي
تعـب وسـهـر مـن زود حبـك ورثـتـه

ودي . من حنان الحب . ينبوع صـافـي
عوضني . ماضي . من بعادك خسـرته

مرجانة
09-23-18, 07:43 AM
جميييييلة :(
صح لسانك يا نجم ضاوي

تَصف الحب في سطورٍ عذبة
فنعيش معَ أحاسيسكَ الشوقَ و الحب و الحنين

دمتَ لامعاً ..

عاشق جنوني
09-23-18, 07:48 AM


رائعه من روائع النجم

صح لسانك وسلم فكرك وبنانك

كلمات وابيات في قمة الروعه

دمت كما أنت بإبداعك

تحية اجلال وتقدير

لك ولحرفك السامي


:MonTaseR_137::MonTaseR_137:

فراشة كريستالية
09-23-18, 07:52 AM
جيتك علـى وعـدٍ .. قـطـعـناه وافـي
اموت قبل اخـلـف . . بوعـدٍ قـطعـته

لـكـنـك انـت الّـي نـويـت الـخـلافـي
والله حـسافـه فـيـك قـلـبٍ وهـبـتـه



أقف عاجزة لتعبير عن هذه القصيدة
الرائعه فهنيئاً لنا بصاحب هذا القلم الرائع
تحياتي لسموك :نبض: :

هوى
09-23-18, 08:01 AM
'





وماذا يمنع أن تنجو ل في صفحاتك ونتمتع بيما يزرعه قلمك



كلماتك لامست قلبي
استمر بطرحك

ام غاليه
09-23-18, 08:29 AM
صح السانك يانجم
والله يعطيك العافيه
في قمة الرووووعه

جنون
09-23-18, 08:49 AM
ماشاء الله صح لسانك مليووون
رااائعه
لاهنت

صرقوعه بنت شايب
09-23-18, 09:32 AM
ياسلام
ماشاء الله منت سهل ي راقل ابدعت واكترررر
تسلم اياديك وصح لسانك
شوقتني للمزيد والمزيد
تحياتي ......

إحساس العالم
09-23-18, 12:51 PM
يا ملح القصيد واعذبه


وهبت لـك حـبٍ مـن الـروح صـافــي
غالـي ولـكنــك بـطـبعـك رخـصـتـه

يـكفـي الـتغلّي . والـهجر منك كافي
يـلـّي عشـانك كـل ليـلـي سـهـرتـه

ابدعت تميّزت ...
شكراً على إمتاعنا باللوحة الجميلة
:0741:

أعد النجوم
09-23-18, 07:01 PM
مبدع شاعرنا

صح لسانك


دايم امتعنا بهذا القصيد الجزل

تحيه لك

الوسم
09-23-18, 10:31 PM
ماشاء الله و صح لسانك
طلعت قمة الشعر ياأبو ضاوي بهذه الجميلة
وهبت لـك حـبٍ مـن الـروح صـافــي
غالـي ولـكنــك بـطـبعـك رخـصـتـه
يـكفـي الـتغلّي . والـهجر منك كافي
يـلـّي عشـانك كـل ليـلـي سـهـرتـه
مبدع وتستاهل الثناء تحياتي لك.

ام أسعد
09-24-18, 02:57 AM
جميلة تلك الكلمات


يعطيك العافية

جديلة ورد
09-24-18, 04:05 AM
صح السانك ~
صح احساسك وقلمك ~.

كالعاده ممبدع بقصايدك
لاهنت..:61:

القارظ العنزي
09-24-18, 08:41 AM
خل الحياء قمت هات كل . الخوافي
أشرح لنا وش صار يومك ... حظنته
حب الحياء يا فلان طعن . الشلافي
يذبحك ان ما رميته عنك وفصخته
اشرح لنا وش صار وانت . السنافي
انا ادري انك بالضرورة ..... شرحته
اشرب من ريقه بالهنا .... والعوافي
قبل تشيب والعود يقعد مع .. اخته
قبل الغدر والترف يمكن .... يعافي
وتضرب بالكف الكف ليتك طرحته
واحذر من اللي يلبسن ... الغدافي
اللي يشوحك بالجفا ... ما مشحته

صح السانك واحساسك لاهنت يا بو ضاوي على روعاتك وابداعاتك الجميلة

أنا فداهم
09-24-18, 06:27 PM
إبداعك غير مستغرب فأنت أهلٌ للإبداع يا مرهف الإحساس

أخي النجم ضاوي كتبت فأبدعت و طرحت فأمتعت

صح لسانك و كل بيت له نكهة خاصة و لمسة تمثلك

لا خلا ولا عدم

صعفق طاش كندي
09-25-18, 01:51 AM
سلمت يمينك

ابيات روعه .. كروعة كاتبها

ياللي تنشد عن الغزل وينه
شفه عند الضاوي منوخ ركابه

ماعليك من البيت مكسور .. مطعج .. منعفط

اهم شي المعنى
لاهنت

ام سارونا
09-25-18, 08:45 PM
ابيات راقت لي
صح لسانك
يعطيك العافية

الفيفي2017
09-26-18, 05:40 PM
اتـعـبـنــي الـتفـكيـر وكثر التجــافي
تعـب وسـهـر مـن زود حبـك ورثـتـه

ودي . من حنان الحب . ينبوع صـافـي
عوضني . ماضي . من بعادك خسـرته



صح لسانك وسلم بنانك ولافض فوك

قلب المجروح
09-27-18, 03:53 PM
صح لسانك
ابيات روعه

إرحليّ بسكـآـآت
10-01-18, 01:09 AM
تايه وحزني .. فـوق .. متني حـملـته

الله الله على هذا الشطر

صح لسانك أيها النجم.

ابداعك مستمر .. وكن كما انت جميلٌ بإبداعك.

احلام عابره
10-01-18, 07:40 PM
يالي نثرت القاف بالله ...كافي
قلبي من الحزن ياهيه . فطرته

نظمت در القصيد كافي ووافي
وانا لاجل عيونك الرد ... نظمته

لك بين الحنايا احساس . خافي
تذوب قلوب العشاق لو ... نثرته

اسقيتك من الحب كاس ..صافي
وكاس الشقا من يمينك . شربته

الحب في خافقي يازين . غافي
والليل يالغلا بانتظارك .. سهرته


نجم ضاوي ابدعت
صح لسانك مدد بلا عدد

القارظ العنزي
10-01-18, 08:03 PM
يالترف خفف من هواكم ... وكافي
ترى رفيقك بالهوى ........ ما قهرته
يا بنت نجم من هوى البيض عافي
اعلن التوبة واعتكف عند .... مرته
يلعب عليكم واللي بالقلب . خافي
نبشت قليبه وبالمساحي ... حفرته
عليك باللي شرواي وافي . ويافي
جرب كلام بالقوافي ......... مهرته

احلام عابره
10-01-18, 11:42 PM
ههههههههااااي
هيك لعاد
استلم الرد يالعنزي


* * *
ليش الملامه يالعنزي يالسنافي
احزنت قلبي ياصديقي وقهرته

نجم مثلك وشرواك . ماينعافي
ولو صدقني بالهوى .....صدقته

انا اعرف ان قلبك بالغلا ..وافي
ولو وليفك غاب عنك ....ماخنته

وآقول ليه نجم بهالايام ..مجافي
آتاري الصقر معتكف عند.....مرته

وسلامة قلبك وروحك

القارظ العنزي
10-02-18, 02:09 AM
الصقر مع بيضه المكنون .. دافي
والله يشهد في قولنا يوم .. زرته
وانت وانا واياك بين .... الفيافي
نبحث عن حظي يالغلا ما خبرته
هاتي عطيني من الوفا لا تخافي
وان جاك ضاوي يالغلاوي . نهرته

نجم ضاوي
10-02-18, 02:21 AM
حسبك على الله يا مخل بالطوافي
قلبي . . يا القارظ .. بقافك طعنته

كشفت ترى المستور . يا السنافي
والعهد .. وياك . . ما عاد . . صنته

مشيتني على الرمضا ياخوك حافي
اسلوبك .. المايل .. توني .. فطنته

القارظ العنزي
10-02-18, 02:39 AM
ياكافينا ربنا منك ......... يا كافي
تشتكي والترف يالضاوي .. لهمته
يركضن البيض خلفك هن حوافي
وعجز حتى ابليس يلحق واتهمته
نارنا ما خمده حتى ...... المطافي
تشعلون النار في قلب ...... قهرته
اتق الله شفتكم عند .... الطوافي
عمرتك بالبيت والله .... ما عمرته
ارجع جدد عمرتك وانت السنافي
السونامي حولكم والله ... بحرته

احلام عابره
10-02-18, 03:23 AM
ههههههههه
هي مشاكسه لك يالقارظ

اسمع

يالقارظ انت رحت .... للعرافي
لحتى الي بقلب النجم . عرفته

والا هوجاس وانت تحت اللحافي
جاب الخبر وبمعرفتك ......برمته

ان قال نجم قصيد نقله .. عوافي
ويازينه من قصيد الي ... نظمته

ماذكر اني بيوم ن ركضت . حافي
ورا الضاوي ولا بيوم ن .... لحقته

بحسن الخلق والكلام ...... الوافي
رميت الصقر وبالنظره.......اسرته

القارظ العنزي
10-02-18, 08:39 AM
ياللي تلحف في ثقيل .... اللحافي
وقلبك على الضاوي يالغالي جمرته
ان طعتني تنحاش قبل لا تنشافي
ومن الخطر يا سيدي ... لو حضرته
اسمع كلامي وانتبه ........ للعرافي
الضاوي مشعوذ وربك ..... كشفته
والحضن اللي ظنيتيه......... دافي
ابرد من البارد لو جيت .. وحضنته

أورانوس
10-08-18, 07:18 AM
ابتسمت ابتسامة عريضة وأنا أقرؤها :SnipeR103:
أبدعت في الوصف والتسلسل الجذاب ،
دمت متألقاً:MonTaseR_1:

ورده بريـــــه
10-09-18, 08:01 AM
جمال في الوصف والمشاعر

تخلله الحزن بالهجر والجفا والنكران

تحولت بك القصيدة لمنحى مختلف

الفاظ جميلة وسلسة

امتعتني قراءتها كثيرا

سلمت اناملك العازفة

NORAH
11-09-18, 01:34 AM
صح لسانك شاعرنا المبدع
ولاحرمنا عطر قافك

NOURA.
11-09-18, 10:04 PM
كلماتك لامست قلبي
يعطيك ألف عافيييه ..


SEO by vBSEO 3.6.1