((أناجي الصورة هي وحبة الخال)) [الأرشيف] - منتديات مسك الغلا

مشاهدة النسخة كاملة : ((أناجي الصورة هي وحبة الخال))

القارظ العنزي

10-02-18, 10:03 AM

خليتني سهران وعزي ......... لحالي
اناجي الصورة هي وحبة ..... الخال
اخذ يمين شوي واخذ ........ شمالي
احاكي الحبة واسلي بها ...... الحال
يا عزوتي يا غنوتي ........ يا حلالي
متى تروق وترحم الحال .... يا خال
ترحم ضعيف ن ما له بالناس . والي
يا غير طيوفك يا هوى القلب والبال
عمرك صغير وتجهل اللي .... جرالي
ورع صغير وتلعب في عقل .. رجال
كل ما غفينا طيفك يا قف .... قبالي
واقوم انا من الشوق يا طيب . الفال
افزع وادور زولكم من ......... هبالي
واثرة خيال ازوال ن مع لمعة اظلال
عسى يتحقق ما تصور ......... ابالي
جمع الشمل مع الغضي زين . الاقبال

القارظ العنزي

مداوي

10-02-18, 10:58 AM

اسعد الله ايامك

صح الله لسانك شاعرنا

كلمات جميله تسلم يمناك عليها

تقديري لسموك :81:

القارظ العنزي

10-02-18, 11:05 AM

الله يسعدك ويخليك مداوي . شرفني مرورك وتقييمك

ام أسعد

10-03-18, 12:18 PM

تسلم يا شاعر

يعطيك العافية

من متابعينك دوماً

اسعدك الرحمن

القارظ العنزي

10-03-18, 01:04 PM

يسعد أيامك أم اسعد هذا من لطفك

بهنس ~

10-08-18, 07:31 AM

أيها القادم من عمق نفسك الرائعة

لتجتلب لنا من روح الروعة مايعيننا على الإيمان بأن الشعر لازال بخير وعافية

وأن فوارسه تتقحم لجج النور وفجاج الإبهار

شكرا يافارس الكلمة ..

اخوك/ عزف~

القارظ العنزي

10-08-18, 10:14 AM

هلا بك اخوي عزف ، يكفيني شرفا معزوفتك التي عطرت بها متصفحي لاهنت

فراشة كريستالية

10-10-18, 01:16 PM

هالله هالله
صح لسانك واعتلى شانك
مبدع كعادتك :67:
تحياتي لسموك

القارظ العنزي

10-10-18, 02:03 PM

صح احساسك بنت عدنان

احلام عابره

10-10-18, 05:18 PM

مرت علي ذكراك وانشغل..... بالي
الله يسعد حالك ياشاغل .....البال

بليلة سمر والصيف حلو .....الليالي
وشربت من دلة السعاده ... فنجال

في بسمته سحر والهنا . ......جالي
والقلب غنى لعذب الهوى .....موال

وحنيت لذاك المسا وانت...... قبالي
والشوق عصف فداخل القلب .زلزال

مكانك ياتوام الروح مازال .....خالي
تعال لك من الحب في حافقي شلال

القارظ العنزي
ابدعت
تقبل مروري كما هو

احترامي

القارظ العنزي

10-11-18, 02:06 PM

يا حلام ما ينفع تعال .... وتعالي
الياصار ما هرجك تقل بن فنجال
ابي كلام تشتهيه ........ الرجالي
كله وفاء ما يدخله قول .. جهال
ابي الياقالوا وين ........ الغزالي
اشرح لهم يا بنت ما يطرب البال
واقهر بن الضاوي العود الظلالي
يا كم ضيع من البيض .. واحتال

احلام عابره

10-11-18, 05:51 PM

جيتك وانا كلي عشق ........ودلالي
وبين الشفا كل ما يطرب ... الرجال

وجيتك وانا مشتاق ارجى ..الوصالي
وبردانه والهوى عن كتفي شال الشال

اليا غبت عني يوم عزي .......لحالي
وان جيتني غنيت للحب الف موال

تعال يامهجة الروح وخلك...... قبالي
الليله ليلة حب وتعاليل شوق ووصال

هههههههه

القارظ العنزي
صح لسانك

لقلمك قوافل الجوري

نجم ضاوي

10-11-18, 06:15 PM

مسكين يا نجم . . ويا عزي لحالي
الروح ضاقت .. من ضيقة . الحال

:ah11::ah11::ah11:

الصاحب اللي لغيرنا شد الرحالي
غدى .. في دربهم . . ظل وظلال

:ah11::ah11::ah11:

اقفى وخلاني .. في الدنيا لحالي
مع .. صكات .. بقعى . والاهوال

:ah11::ah11::ah11:

دام قلبه .. من هوى . ودنا خالي
الله يهنيه .. مع . صاحب ن دجال

:ah11::ah11::ah11:

وانا عسى ربي . يعوضني غزالي
اشوفه بعيني .. قصيده .. وموال

القارظ العنزي

10-11-18, 10:50 PM

يا حلام لو تدرين وش صار . بحالي
تبكي عيونك تنثر الدمع ........ همال
يا حلام اعيش المر واسهر .... ليالي
ولا دري في حالتي كل ......... طبال
ولا دري في همي عمي ....... وخالي
اضحك مع المخلوق والحال في حال
لو عرضوا لي يالغضي ....... بالغزالي
ذيك الهنوف اللي بها الزين ..... قتال
ما حركت من واقعي ....... او خيالي
من شدة اللي صابني بكل ..... ولوال
ظرف الزمن من عقب ماني .. بسالي
وقت جفاني والعرب بس .... الازوال

القارظ العنزي

10-11-18, 11:02 PM

يالضاوي ليه الظلم وانت . الظلالي
تلميذك كيف يصير يالقرم .. دجال
دروسك اللي علمتي ........ بحالي
والخبرة اللي عندكم ليلها .... طال
خليتني دجال بغيرة ....... رجالي
وش ذنبي كان الزين ينظر . لعقال
بنت تريد اللي حموله ....... ثقالي
تبي الوليف اللي يعينه .... الياقال
وانا الوليف اللي يحطه ..... ببالي
مانساه لو طال الزمن زين الاقبال