الغالي اللي تمثنا. [الأرشيف] - منتديات مسك الغلا

مشاهدة النسخة كاملة : الغالي اللي تمثنا.

إرحليّ بسكـآـآت

10-12-18, 09:58 AM

من الأرشيف
ومن البدايات كل شي يجبر.

جنت جنون الغالي اللي تمثنا
من فوق قلبي مثل ما انا تمثنيت

من فوق قلبه يوم جانا وغثنا
باسلوبه اللي لاهو حيٍ ولا ميت

الحمد لله في ضميره عبثنا
يمكن يحس بغلطته بعدها ليت

يرجع ويرجع كل شيٍ بعثنا
حب الغزل والقلب والقاف والبيت

دام الهوى في درب حبه يحثنا
يا بنت عن شم الهوى ما تخليت

من صادق الاحساس حنا ورثنا
الصد دامك يا هوى البال صديت

ماكنت اعرفك يا شبيهة علثنا
ياللي بحبك قاصرٍ عالي الصيت

هذا الصحيح لكل من جا وغثنا
وبلهجت الماسنجر بلوك ودليت

ام أسعد

10-12-18, 10:19 AM

ماكنت اعرفك يا شبيهة علثنا
ياللي بحبك قاصرٍ عالي الصيت

هذا الصحيح لكل من جا وغثنا
وبلهجت الماسنجر بلوك ودليت

الله جميلة

ننتظر جديدك

ام سارونا

10-12-18, 10:22 AM

صح لسانك
لكن مافهمت بعض معانيها
تمثنا
علثنا

ويعطيك العافية
:رحيق:

القارظ العنزي

10-12-18, 06:42 PM

يا مرحبا ياسكاات بقاف. ... نبثنا
قافك نبثنا وشربك المي بالزيت
جددت زروع من زمان ..... حرثنا
زرع قديم ومات مع شمعة البيت
مات الحبيب وموته اكبر .. حدثنا
من عقبها يالقرم لا حي . ولا ميت
مرت سنين ومثلها في ..... وعثنا
كن الطعام ملوث ...... بالحلاتيت
ماتت وحنا عقبها ......... ما عبثنا
ياما صبرنا ولا نفع ليت يا ... ليت
والحمد لله عقبها ما ......... خبثنا
سرنا على ذكرى الحبيبة . ومديت

أورانوس

10-12-18, 06:44 PM

صح لسانك شاعرنا ..
قصيدة جزلة ، ولكني لم أفهم معنى (( تمثنا ، و علثنا ))؟

القارظ العنزي

10-12-18, 07:12 PM

اورانوس : تمثنا مر من بيننا . وعلثنا اشغلنا . مفردات البدو قبل الاربعين سنة الماضية .

أعد النجوم

10-13-18, 01:43 AM

صح لسااااااااااااااااااااانك شاعرنا الكبير

ننتظر مزيد من ابداعاتك

تحيه لك

احلام عابره

10-13-18, 09:04 AM

تمهل ياناظم القاف ولا... تغثنا
علامك تجرح بالبيت تلو البيت

لا والله انا بالمشاعر ...ماعبثنا
ولا انت عن زلاتنا ... تغاضيت

صادق الشوق من قديم .ورثنا
ولا قلنا للمقفين عسى وياليت

وسلام لارحلي بسكات ..بعثنا
وان قلتلك انت غالي مازليت

ارحلي بسكات
ابدعت تقبل مروري كماهو
لك ودي واحترامي

BlueCocktail

10-13-18, 02:13 PM

الله الله ابداع
تسلم على هالطرح الرائع والمفردات الجميله
وايضا القارظ مبدع كعادتك

نجم ضاوي

10-15-18, 10:58 AM

هذا ما نود قرائته من عذوبة قلمك اخي .. ارحلي بسكات ..
الحقيقه ابداع وذوق رفيع ورقي هي قصيدتك ايها الراقي ...

صح اللسان مليون وسلم نبض الفؤاد والبنان ...
ابدعت لله درك وفالك البيرق ...

لا خلا ولا عدم ...