مشاهدة النسخة كاملة : *** ذكريات لا تنسى ***
الصفحات : 1 2 3 4 5 6 7
[
8]
9 10 11
بداخلي
اليقين التام بأن الله سيستجيب
💗💗💗
https://b.top4top.io/p_1480z0d3k0.jpg (https://top4top.io/)
لست بريئة ولا سيئة ،
أنا متوسطة صبر ،
و طويلة صمت ،
وفقيرة بوح ؛
وقارئة للوجوه وللإبتسامات الزائفة ؛
و واضحة إلى أبعد حد
وَ غنية بالله عن الناس أجمعين
الصورة من بعيد بتبان حلوة مثالية كاملة ، كل ما نقرب ونبدأ نشوف التفاصيل كل ما الصورة بتوضح وأحيانا قد تبان أسوأ ،نبدأ نشوف العيوب ، يبدأ جمال الصورة يقل في عنينا
وهكذا بعض الأشخاص مبهرين جداً من بعيد كل ما نقرب كل ما الصورة توضح كل ما نشوفهم أفضل ،عشان كده العلاقات السطحية دائما ناجحة ومثالية ،التعمق في تفاصيل ناس كتير ممكن يخليك تخسرهم بسهولة
منقوووول مما أعجبني
جالي تقييم من اجمل التقييمات اللي جاتلي
و صاحبته من الناس اللي برتاحلها هنا من اول ما دخلت بالمنتدى
سبحانه مؤلف القلوب
الارتياح للأشخاص اكيد مش من فراغ
مشاكل مصر إتحلت خلاص معتش ورانا غير حظر النقاب في الكليات في هيئة التدريس وكلام ملوش أي مليون لازمة بطلوا هيافة الناس ماشية بالعافية
مش فاهمة يعني كل شوية يطلعوا بحاجة غريبة و قرارات و افكار اغرب و قمة التخلف
انا صحيح مش منقبة انا محجبة الحمد لله و حجاب عادي
لكن يضايقني اللي بيحصل ببلدي لما كل شوية يستهدفوا الحجاب و مرة النقاب
يا ناس احنا بلد الأزهر ارحمونا بقى شوية و بطلوا إساءة لينا
فوقوا لمشاكل البلد و الفقر و مشاكل التعليم و البطالة و الدواء و نقصه و الغلاء و ...و ..
و ما خفي كان أعظم
"اقتحموا من تُحبون، لا تنتظروا رسائلهم بل راسلوهم، اتخذوا من المناسبات حُجة للحديث، اجبروهم على الثرثرة معكم لا تتركوهم يُعانون الغرق وبأيديكم النجاة لعلكم وقعتم فى حب أناسِِ يمتلكون الكثير من الخجل، الكثير من الحساسية المُفرطة والخوف."
منقول مما اعجبني جدا
والكثير من التردد
و اخيرا جبت رواية كويكول
💗
احلى رحلة اكيد اليومين دوول هاقضيها في قراءة الرواية
أنا متأكدة لأن كل أجزاء سلسلة مملكة البلاغة كانت رائعة و اكيد الجزء ده و هو الرابع منها هيكون بنفس الجمال بتاع الأجزاء السابقة
و اخيرا جبت رواية كويكول
💗
احلى رحلة اكيد اليومين دوول هاقضيها في قراءة الرواية
أنا متأكدة لأن كل أجزاء سلسلة مملكة البلاغة كانت رائعة و اكيد الجزء ده و هو الرابع منها هيكون بنفس الجمال بتاع الأجزاء السابقة
إنما الرواية اللي كمان كنت حابة اجيبها هى أمواج أكما
الجزء التالت من قواعد جارتين لعمر عبد الحميد
اللي عرفته أنها هتكون الجزء الاخير
بس للاسف ملقتهاش أو بمعنى أصح جابوها و خلصت فورا
و اشتريت كمان كتاب اسمه و تلك الأيام ل أدهم شرقاوي
اشتريت كمان كتب كتيرة لكن من الكتب و الروايات القديمة و كان عليها عروض و دي عملوها قبل ما يجيبوا كتب و روايات معرض الكتاب الجديد 2020
صراحة مفيش وقت أو بمعنى أصح معاتش فيه مقدرة زي زمان للقراءة لكن حبيت اجيبهم
المهم هابدأ بقراءة كويكول لحنان لاشين لفضولي الشديد اني اعرف الأحداث و لحبي لأسلوب الكاتبة و افكارها
قبل ما اغيب شوية بقى اليومين الجايين
حبيت اقول كل سنة و انتي طيبة و عيد ميلاد سعيد للجميلة و اطيب قلب وأقرب القلوب ليا.
رؤى 💗
4/2
عيد ميلاد سعيد رؤاتي و ربنا يوفقك بحياتك ويسعدك و تحققي كل اللي بتتمنيه
و اكيد هفضل فاكراكي دايما و عمري ما هنسى الناس الطيبة اللي زيك
و حتى لو مدخلتيش تاني و يمكن متشوفيش كلامي ده😘
التورتة المعتادة اهي 😂😂
https://c.top4top.io/p_1494d815n0.jpg (https://top4top.io/)
ايه ده
فين التقييمات القديمة اختفت كلها ليه كده
بدخل المدونة اصلا عن طريق التقييمات بدل ما اقعد ادور فين مدونتي بستسهل و بجيب التقييمات اللي غالبا بتكون عن التدوينات بالمدونةما انا اصلا معاتش يشارك في المنتدى الا بالكتابة بالمدونة
المهم و اخيرا دخلت المدونة بعد ما كنت بدور عليها و لقيتها بالصفحة الرابعة
استمتعت لغاية الوقت باللي قريته برواية كويكول
و لسة مخلصتهاش بس مبسوطة بيها
و بالكتب و الروايات اللي اشتريتهم
https://b.top4top.io/p_1501qyh190.jpg (https://top4top.io/)
من رواية كويكول ...حنان لاشين
عطر الندى
هههههه شكرا ع التقييم اللي هيسهل عليا دخول المدونة 😘
...........
المهم
نفسي اعرف الشخص ده اللي بيحلف بالله كدب و كمان بيحلف بحياة أولاده و كأن الموضوع عادي جدا بالنسبة له و المشكلة كدبه واضح جدا و اكيد هو عارف أنه بيحلف كدب يعني مثلا مش متهيأله و لا نسي مثلا
المهم ربنا يعطيه على قد نيته و بس
وحشتيني جدا و وحشني وجودك هنا
رغم اني عارفة انك معاتش هتدخلي و لا تشوفي كلامي بس مفتقداكي كتير و عمري ما هنساكي و بتمنالك كل خير في حياتك
للأسف رغم أهميتها الكبيرة و مجالاتها المتعددة
الا انها مش واحدة حقها كما يجب
https://k.top4top.io/p_1504lypqw0.jpg (https://top4top.io/)
😂
ما بين اننا نقولهم الحقيقة و الواقع المر و بين اننا نسيبهم يكتشفوا بنفسهم 😂
https://h.top4top.io/p_1504szwt70.jpg (https://top4top.io/)
جمعة مباركة ع الجميع
كالمعتاد
صاحية بدري انهاردة حتى قبل ميعاد الصحيان في ايام الشغل العادية
🙄
اي والله 😬
و الضرر واقع على الجميع
https://a.top4top.io/p_150654fn00.jpg (https://top4top.io/)
https://a.top4top.io/p_1509r7qdn0.jpg (https://top4top.io/)
ممتليء أنا يا الله بداخلي عشرات الأشياء التي لم تخرج ممتليء بأحاديث لم تُقال وأحلام لم تتحق وأمنيات وتوقعات لم تحدث ودعوات لم تُستجاب ودموع لم تنهمر وأشياء أخري بداخلي أخشي البوح بها فيظن الناس بي سوء فتظل بداخلي تحدث ضجيج ومعارك كادت ان تؤدي بي فهي تشبه النار التي تأكل وتحرق ولا تبقي وأنا كذلك ولكن النار في داخلي هذه المرة.
فاللهم هون ثم هون ثم الطف
منقول
مما اعجبني
والله احنا شعب مالوش حل 😂
انتهى الماتش من هنا و بدأت البوستات و التحفيلات و التريقة
الملاحظ في الموضوع أن التحفيلات ع الزمالك اللي هو اصلا فايز بالماتش😁 يعني سواء فاز أو اتهزم
و ده إن دل فيدل أن المصريين الغالبية العظمى منهم أهلاوية 😍
المهم
مبروك للزمالك الفوز 🙄
https://k.top4top.io/p_1511a02ij0.jpg (https://top4top.io/)
https://l.top4top.io/p_151160iiz1.jpg (https://top4top.io/)
https://a.top4top.io/p_15110f0k12.jpg (https://top4top.io/)
عيد ميلاد سعيد لأخويا الطيب
فيه ناس من الصعب ننساهم و ننسى مواقف كتيرة وذكريات حلوة
نسيوا اهم حاجة كانت يوم الجمعة قبل العصر برنامج الشيخ الشعراوي
https://b.top4top.io/p_1513ph62r0.jpg (https://top4top.io/)
😂😂😂😂😂
https://i.top4top.io/p_1513dfoh00.jpg (https://top4top.io/)
انا قولت
شعب مالوش حل �� �� ��
البوستات نازلة ترف ع الزمالك و انسحابه
بس بوستات والله مالهاش حل
وفاة الرئيس السابق محمد حسني مبارك
محبتش اعلق عليه امبارح
لكن ضايقني أن الناس يا إما معاه اوي بشكل مبالغ فيه يا إما ضده اوي و بشكل جارح رغم أنه مات لكن كلماتهم معجبتنيش
اكيد مش كل فترة حكمه كانت سيئة ..كان فيه فترة فيها كويسة لكن اسوأ الفترات اخر فترة حكمه اللي كانت قبل ما يترك الحكم لكن ده ميعطيش الحق للناس تشمت في الموت بالشكل ده مهما كانوا مختلفين معاه و بيكرهوه
عموما ربنا يرحم الجميع
و بعيدا عن السياسة ...و الكلام بشكل عام على كل شيء في حياتنا
اننا مفيش وسط عندنا لما بنحب بنحب جدا لدرجة العبط و لدرجة أننا نتعمي عن عيوب اللي بنحبهم و لما نكره أو نختلف مع شخص بننسى كل مميزاته و ننسى حتى الحاجات الحلوة اللي عملها لينا و وقوفه جنبنا في فترة من فترات حياتنا و نفتكرله بس السيء و ممكن نطرحه و نأذيه بشكل سيء
و ليا مواقف كتير في الحياة للأسف شوفتها بعيني أو عيشتها من النوع ده و مش لازم تكون تخصني
https://f.top4top.io/p_1517m8sfn0.jpg (https://top4top.io/)
عند تحضير محلول حمضي او تخفيف الحمض المركز
يتم صب الحمض على الماء و ليس العكس؟؟
لان امتزاج المياه بالحمض ينتج عنه حرارة عاليه
والماء مميز بمحتواه الحرارى العالى أى أنه يحتاج ل طاقه عاليه حتى يغلى
أما الحمض ف محتواه الحرارى أقل من الماء بكثير وهو شره للماء
لذالك عند صب الماء على الحمض
يعرض الشخص الذى يسكب الماء للخطر بحيث أن الحمض هيغلى بسرعة وهينتشر أجزاء منه ف الهواء بفعل الغليان دا غير أنو شره للمياه ف كأن فى خناقه على جزيئات المياه ال بتنزل
إنما العكس
لو صبيت الحمض على الماء
كل جزيء بينزل من الحمض بيتوزع ف الماء ف بيتوزع المحتوى الحرارى وبياخد وقت أو حجم أكبر عشان المياه تغلى.
لعل ما اردناه ولم يريدنا.. لم يكن لنا فى الاصل خيرا..
لعل كل هذا البلاء الذي حل على حياتنا كان هو سر انسانيتنا..
ان تحزن وان تفرح ليس بيدك.. لكن الأمل هو ما تمتلك..
اذا تخليت عن الأمل.. فكأنك تخيلت عن الحياة بأكملها.. بحزنها وفرحها.. بصدق البشر.. وبكذبهم ايضا..
لذلك لا تتخلى عن الأمل.. لعله الشعرة الوحيدة التي تربطك بالحياة..
#قلم_أخضر
منقول مما اعجبني
الذين يشاهدون محتوى الموضوع الآن : 15 ( الأعضاء 1 والزوار 14)
ايه العدد ده كله🙄🙄🙄
فينك يا ندى 😂
انا اكتر حد في مصر معصباني و مش فاهمة هى بتعمل ايه بالظبط
وزيرة الصحة المصرية
🙄 🙄
يلا ربنا يسترها معانا برغم اي شيء
بعيدا عن وزيرتنا الهمامة اللي راحت الصين و جابتهم هنا عندنا في مصر مش فاهمة لغاية الوقت ليه و ايه الهدف من كده
المهم
ما بين الواقع و بين الاشاعات و بين الناس اللي ما صدقت و استغلت الوضع ده
ربنا يسترها معانا و يحمينا
صحيح كتير مننا واخد الأمور هزار و مش عاطي للموضوع أهمية ده غير الكومنتات و المنشورات اللي فيها تريقة و ده طبعا حاجة فينا كمصريين عمرها ما هتتغير ساعات بحسها صفة حلوة فينا و ساعات بحسها سيئة وممكن تقلب بكارثة معانا لولا ستر ربنا
كلامي ده بناءا على اللي بشوفه بيحصل و عدم الاهتمام و الازدحام في اماكن كتير و لا كأن فيه مرض خطير منتشر بالعالم كله
ليه مهتمين اوي بالسياحة اللي ليها دور كبير بوصول المرض لمصر و كأن السياحة اهم من صحة الناس
ربنا يعديها على خير الفترة القادمة دي
😂 😂 😂
مروحتش و مش عايزة اروح في حتة اصلا 😬
https://c.top4top.io/p_1529zlmd10.jpg (https://top4top.io/)
😂 😂 😂
لا تعليق😬
https://a.top4top.io/p_15295yomy0.jpg (https://top4top.io/)
https://d.top4top.io/p_1532dwzuj0.jpg (https://top4top.io/)
الخبر ده اول ما شوفته امبارح الظهر كنت فرحانة لأن صراحة استغربت في الظروف الجوية السيئة دي و يعطوا اجازة بالمدارس بس و الموظفين لا
كملت الخبر بعدها لقيته
بيقول
ويستثنى من ذلك العاملون فى المرافق الحيوية، والتى تحددها السلطة المختصة، مثل خدمات مياه الشرب والصرف الصحى، النقل، الإسعاف، المستشفيات، المطاحن والمخابز، والخدمات الشرطية.
😂😂😂😂😂
يعني مكناش مع اللي هياخدوا اجازة
لكن رجعوا تاني عندنا في الشغل امبارح كتبوا على جروب الشركة على المغرب كده أنه قرروا يعطوه اجازة لينا ما عدا المعنيين بالأمر
يعني الحمد لله انا اجازة انهاردة 👍👍👍
صحيح الواحد متخوف من الجو ده و الاعصار
لكن لعله خير و ان شاء الله يكون خير
https://e.top4top.io/p_15321ry1p1.jpg (https://top4top.io/)
الحالة صعبة والله
ربنا يسترها معانا و الأمور تعدي على خير
اختفي التافهين والجهلاء ..
ومطربي المهرجانات ومذيعي التوك شو
وبقي للوطن 👇
- معلم يسهر ليتواصل مع طلابه ويطمئنهم
- وطبيب لا يخاف العدوى ويعالج مرضاه
- وجندي يسهر مرابطاً لحمايته
- وعالم يحاول أن يسبق الزمن ليجد علاجاً للوباء
- ومشايخ وأآمه يدعون ليل نهار بكشف الضر والبلاء
أظن الرسالة وصلت
فأعيدوا ترتيب المجتمع
الذي أصبح مقلوباً بكل المقاييس 👌✋🏼
حفظ الله جميع شعوب الارض
منقول مما أعجبني
ربنا يحمي بلادنا و اهلنا من كل شر
ربنا إن كنت طردتنا من بيوتك (لا عمرة، لا جمعة، لا صلاة في المساجد) فلا تطردنا من رحمتك ولا تؤاخذنا بما فعلنا و بما فعل السفهاء منا
والله حاجة توجع القلب
اللهم بلغنا رمضان لا فاقدين و لا مفقودين
جمعة مباركة ع الجميع
رغم الخوف و القلق من الأحداث و كل شويه خبر مؤلم و متعب
بس ربنا يسترها و يفرجها علينا قريبا
و يبلغنا رمضان لا فاقدين و لا مفقودين
وستمر علينا أيام عجاف .. يقل فيها الرزق وتكثر فيها الأوبئة
وتتألم فيها القلوب وتخشى الأم على صغيرها والأبناء على والديهم
فيذكرون الله قياماً وقعوداً وعلى جنوبهم ، ويتذكرون يوماً يرجعون فيه إلى الله
فيرسل الله لهم جنوده فتمهد لهم الرزق وتبسط لهم العيش وتبعث ف قلوبهم الأمان والاطمئنان 💙 ...
فإن حدثوك عن أمر مخيف .. فحدثهم عن رب لطيف ورحيم بكل العباد
https://f.top4top.io/p_1540tsa1a0.jpg (https://top4top.io/)
أنت من خوف المرض في مرض .. فلا تخف
معبرة جدا 😥
https://a.top4top.io/p_1541q8iu50.jpg (https://top4top.io/)
خليك بالبيت
ياريت والله بس فيه المضطر ينزل بقى ..ربنا بيعين
و اهو الوقت الشغل هيكون بالتبادل ثلاث أيام شغل و تلاتة اجازة
المهم
في الوقت اللي المفروض الناس تلتزم بيتها مادام معندهاش حاجة طارئة تنزلها و لا شغل و لا شيء ينزلهم
و بعد إعلان غلق كل القهاوي و الكافيهات و النوادي و صالات الافراح تماما
يجوا ناس يقفلوا على نفسهم في القهوة و لا كأن في خطر و لا كأن احنا في ظروف صعبة..و كأن لحظة القعاد في القهوة دي اهم من الحياة و حماية نفسه و عائلته...استغفر الله العلي العظيم ناس مغيبة عن الدنيا و الله
الناس التانية بقى و ده قمة التخلف
الافراح
أصروا على عمل الفرح بميعاده في صالة الأفراح
يعني مش خايفين على نفسهم و أهلهم و المعازيم ده لو كان معندهمش عقل و حضروا يعني و الكارثة ليكون معاهم اطفال كمان
المهم احنا في فترة غريبة اوي
اول مرة احس أن الحكومة هى اللي بتعمل الصح و الشعب اللي بيتغابى و هيتسبب في كارثة لينا لا قدر الله
ربنا يعديها على خير
نفس الليله إلى فرضت فيها الصلاه في المساجد فوق سابع سما.. هي نفس الليله إلى مُنعت فيها الصلاه بالمساجد.. النهارده ليله "الإسراء والمعراج" ..ليلة 27 رجب
اللهم إنا نشكو إليك ضعف قوتنا وقلة حيلتنا
اللهم اصرف عنا شر ما قضيت ����
تفكير حلو من الأطباء و الطبيبات بمدينتي كل واحد و تخصصه
أنهم ع الفيس عاملين جروب خليك بالبيت و استشيرنا
بحكم إن المفروض يعني مفيش نزول و الناس بقت بتخاف تروح الدكاترة و المستشفيات خوفا من العدوى لو بيشتكوا من اي شيء سواء مرض مزمن أو تعب مفاجئ أو أي شكوى من اي نوع
بداخلي شعور لا يمكنني وصفه، ولكني أتمنى لو استطعت قتله
#Hadeer_saeed
منقول مما اعجبني
اللهم إني أشكو إليك ضعف قوتي وقلة حيلتي وهواني على الناس، أنت رب المستضعفين وأنت ربي إلى من تكلني إلى بعيد يتجهمني أم إلى قريب ملّكته أمري إن لم يكن بك غضب عليّ فلا أبالي ولكن عافيتك أوسع لي، أعوذ بنور وجهك الذي أشرقت به الظلمات وصلح عليه أمر الدنيا و الآخرة من أن تنزل بي غضبك أو يحل عليّ سخطك لك الحمد حتى ترضى ولا حول ولا قوة إلا بك
هم يضحك و هم يبكي
ايه اللي بيحصل ده
شوفت الفيديو و حاجة مسخرة
يعني اسكندرية ..عاملين مظاهرات ضد كورونا 🙄
يعني خارجين في تجمع الساعة 2 صباحا ليه؟؟
بتكبروا
طيب ما ده كان ممكن كل واحد في بيته كبروا و استغفروا و صلوا و ادعوا بعلو الصوت بس مش تجمع فالشارع بالشكل ده
بجد مش لاقيه تعليق غير ..ربنا لا تؤاخذنا بما فعل السفهاء منا
المهم انهاردة كان أول يوم في التبادل ف الشغل ليا..الأيام اللي فاتت كانت اجازة
نزلت اليوم و احساس غريب اصلا عندي.
الشوارع كانت شبه فاضية و ناس بسيطة موجودة في الشارع
روحت الشغل مشي عشان مركبش مواصلات
و الحمد لله الشغل مش بعيد عن بيتي
مكانش فيه شغل اصلا كان بس باقي شغل من قبل كده كملته و كتابة نتائج و دفاتر من ساعة ما وصلت الشغل و قاعدة أرش و تدهن بمعقمات لغاية ما هاتخنق من ريحتها
مشينا بدري طبعا عن المواعيد الرسمية بساعة
ما صدقت وصلت البيت و الحمد لله
ربنا يهونها علينا
ناس متواكلة
عندهم برود فظيع و غباء
فيه فرق رهيب بين التوكل و التواكل
كلنا متوكلين على الله و سايبينها عليه
بس مع الحرص و الاهتمام و نعطي لكل شيء حقه و أهميته
اعقلها و توكل
ربنا يصبرنا على دي ناس
#الاستهتار الشعبي في مصر بدعوات البقاء في البيوت ، سيؤدي إلى الوضع المأساوي الحزين اللي في إيطاليا وبريطانيا وألمانيا وغيرها...
#متخيل استهتار مثيل في بلد كبير جغرافيا بحجم مصر، بكثافتها السكانية العالية، ممكن يبقى حجم الكارثة المنتظرة أد إيه؟
#كما حدث بالاسكندريه بالأمس و احتشاد الناس بالآلاف بالشوارع بهذا الشكل بالتهليل والتكبير فهذا هو الهلاك والغباء بعينه...ايه المانع أن يتم التكبير في الشبابيك والبلكونات لرفع البلاء...
#حاليًا كل أملي في الله ، معنديش أمل في وعي الناس؛ حزين وأنا بقول كده، بس ده الواقع..
#حبوا بلدكم يا مصريين... حافظوا على صحتكم وصحه اولادكم...خليكوا فى بيوتكم على أد ما تقدروا ...احموا انفسكم واسركم...ويااااااااارب ميختبرناش بحجم استهتارنا.....
منقول 👍
يارب لا تؤاخذنا بما فعل السفهاء منا
يارب احمينا و احمي بلدنا رغم استهتارهم
من مدونة روح طفلة ..عطر الندى 😘😘
ميما شفت الفيديو بصراحة متصدمتش
لان صدمتي وفقصتي فاتت لانه سبقانكم فاحد المدن عندنا
كانت الناس تكبر وتستغفر فالاسطح والشبابيك فجاة
تحمسوا ونزلوا لشوارع في مظاهرة ضد انفسهم ماشي ضد كورونا
قريت تعليق لمغربي ضحكني قال:
ابو الدنيا يخرج وام الدنيا متخرجش مجاتش
كان الوضع مسخرة وستغلوا حماس الشباب وقامت القيامة
في مواقع التواصل
كانت ليلة عاش فيها اغلب الشعب على اعصابه
خوفا من تكرار الامر والشمال قريب من اسبانيا وفيه ناس كثير دخلت قبل فترة من المعابر
لكن الدولة رجعت ظبط الوضع ومسكت المحرضين
والله شر البلية ما يضحك
لكن لما سمعت ان في امريكا عملوا حفلات
وسموها كورونا بارتي وبعدها انتشر المرض عندهم بطريقة مخيفة
تاكدت ان قلة الوعي وحدة
ضريبة من لم يدرس شعبه قوانين الانضباط اوقات الازمات
كل شيء ثقافة ويمكن ثقافة التعامل مع الفيروسات
سيكون لها منهج خاص بها في القريب العاجل
بعد انتهاء هذا الوباء مباشرة
والله يا ندوش حاجة تحزن
الموضوع خطير و الناس اتهبلت و بتتصرف يا إما بلا مبالاة شديدة يا إما ب خوف و رعب شديد
رغم أن عارفة أن نسبة كبيرة من الشعب هتكون كده بس متخيلتش بالشكل ده
اه عارفة اننا كمصريين يعني بتاخد غالبا الأمور ببساطة و هزار يعني مطلع فينا بمرور الأزمات بنقلبها كوميدي يعني و بنحاول نخرج من حالات الاكتئاب بكده
بس في الحالة اللي احنا فيها دي مينفعش ابدا اي استهتار
خاصة لو الموضوع واضح و شايفين مآسي بلاد تانية بتسبقنا في كل شيء و شوفي وصلت لفين بسبب الاستهتار رغم أنهم دول متقدمة عننا و إمكانياتها اعلى مننا بمراحل
والله احنا لولا ستر ربنا معانا كنا وصلنا للكوارث
بس الناس وصلت لمراحل كبيرة من الاستهتار و الاستهبال و مش خايفين من اللي احنا فيه
و موقف اسكندرية ده امبارح مسببلنا صدمة بجد
مش عارفة عملوا كده ازاي
يعني الجوامع قفلت أبوابها و ده شيء حزين عشان يحموا الناس و ميحصلش حاجة يقوم دوووول يتجمعوا و يتظاهرون و يكبروا في الشوارع
الناس نازلة تريقة و بيقولوا الظاهر شربوا الكحول بدل ما يستخدموه معقم
ربنا يستر و يحمي بلادنا
🙄
https://i.top4top.io/p_15461r4ct0.jpg (https://top4top.io/)
الناس رايحة المصايف و كأننا في اجازة للفسحة
و ضربت بعرض الحائط التحذيرات و الحظر المعمول
مفيش فايدة
و كأن مثلا الفيروس بيشتغل بالليل مثلا ..و بالنهار لا
مثلا الحظر بيبدأ الساعة 7 مساءا
البلد بتكون زحمة جدا بالنهار قال يعني بيلحقوا قبل الحظر يعملوا حاجاتهم
يعني و لا كأننا عملنا حاجة..الحظر معمول لتقليل تواجد الناس بالشارع و الاختلاط بغيرهم لكن اللي بيحصل أن الاختلاط بيكون اكتر بكتير فترة النهار
انتوا بجد؟؟؟؟!!!! اللي بيحصل ده بجد؟؟؟!!
الناس مالها مبقتش طبيعية
ايه اللامبالاة دي اللي عندهم
سترك يارب
اول مرة احس أن الحكومة هى اللي صح
و الشعب هو اللي غلط و هيضيعنا معاه
مع العلم انا كنت في الاول بقول أن الحكومة السبب في بداية ظهور الحالات بسبب انها تركت السياحة شغالة عادي و الطيران شغال و ده كان سبب ظهور الحالات الاولى في مصر
بعد كده بقى بعض الناس و لا عايزة تلتزم و لا خايفة على نفسها و اهلها و عندها حالة مبالاة فظيعة
المشكلة أن التصرف ده مش هيؤذيهمهما بس لا ده ممكن يسبب أذى لأهلهم و لأي حد حواليهم جيران بقى في الشغل أو حتى حد راكب معاهم في وسائل مواصلات
ربنا يسترها معانا
احسن
عشان الناس ترتاح و تبطل غباء
https://i.top4top.io/p_1548t8xme0.jpg (https://top4top.io/)
https://j.top4top.io/p_15485jba80.jpg (https://top4top.io/)
اه والله في وقت ده و الاحداث اللي بتحصل و الاحساس بالخطر في كل وقت
انا ودماغي وأفكاري لوحدنا في الظروف دي الموضوع بيوصل عندي لمراحل صعبة😥
بس في الاخر ربنا بيعين و الواحد بيرجع تاني عن مخاوفه و يتوكل على ربنا و أنه قادر على كل شيء
ليس كل شيء في القلب يقال ، لذلك خلق الله التنهيدة ، الدموع ، النوم الطويل ، الإبتسامة الباردة ، ورجف اليدين.
منقول مما أعجبني
https://e.top4top.io/p_1548fxjk50.jpg (https://top4top.io/)
معبرة جدا و بتحصل معايا بالشكل ده
اول لما قريتها افتكرت انطباعي عن ناس كتير قابلتهم من اول مرة
رغم قلة الإمكانيات المتاحة و المشاكل اصلا اللي متواجدة عندنا في المستشفيات من قبل موضوع كورونا
إلا أن الأطباء و التمريض عاملين جهد كبير على قد إمكانيات الضعيفة الموجودة بصرف النظر عن بعض الحالات الاستثنائية السيئة الحاصلة من القليل منهم
إلا أنهم عاملين مجهود كبير و كتير منهم اتصابوا و هما بيأدوا عملهم
اصلا في مدينتي فياصابات لأطباء الحمد لله بقوا كويسين و رجعوا تاني
و في لممرضات و تقريبا رجع منهم اتنين و بقوا بخير و عقبال الباقي
https://g.top4top.io/p_1549hr1k60.jpg (https://top4top.io/)
الصفحات على الجروبات العلمية ع الفيس بتسلي وقتها بمسابقات من النوع ده 😂😂😂😂
https://a.top4top.io/p_15495p0vp0.jpg (https://top4top.io/)
انهاردة حصل ايه كمان في بلدي الحبيب
😬😬😬
كان فيه ازدحام في السنترالات في معظم المحافظات
عشان شريحة التابلت و تفعيلها
للطلبة بتوع ثانوية عامة
يعني نعطي اجازة للمدارس عشان نمنع العدوى من جهة
و من جهة تانية نوديهم في الزحمة يفعلوا شريحة التابلت اللي عاملينها عشان الطلبة يوصلهم شرح دروسهم عن طريقها
بدل تكدسهم و نزولهم للمدارس بيتكدسوا و هما اجازة قدام السنترالات
؟؟؟؟!!!!!
🙄 🙄 🙄
يا بلد معاندة نفسها يا كل حاجة و عكسها
والله ما انا عارفة دي غلطة مين بالظبط الشعب و لا الحكومة
:MonTaseR_68:
نزلت انهاردة الشغل
صراحة نزول الشارع نفسه في الظروف دي بيسبب قلق
بس الحمد لله مفيش ازدحام
بالنسبة للشغل اصلا الشغل واقف الوقت و غالبا هيقعد فترة كده...بس ليه بننزل بقى ؟؟
والله مش عارفة على رأي زميلتي هما عايزنا ننزل نهوي و نشمس المعمل يمكن 😂
المهم ربنا يعدي الايام دي على خير
الأحلام و تفسيرها
لما بحلم حلم ساعات بيكون عندي فضول اعرف تفسيره و ادور على معناه خاصة الاحلام اللي بتتكرر و بتكون بنفس الصورة و نفس الاحداث مع اختلافات بسيطة كل مرة
يعني مبفكرش في الحلم و اني اعرف معناه
إلا لسبب اما تكراره بصورة غريبة أو غرابة الحلم نفسه و تفاصيله
جت لي فترة قبل كده كنت بدور على تفسير احلامي و بعدها معاتش بدور و بقيت بتجاهل الاحلام و اخاف ادور على تفسيرها
لكن امبارح لما حلمت حلمين ورا بعض هما مختلفين بس بينهم حاجة مشتركة بالذات الحلم التاني كان نفسي اعرف معناه جدا فمن ساعتها بدور على تفسيره
مش عارفة المرة دي فضولي عالي اوي اعرف تفسيره
و بعدين ارجع تاني اقول بلاش
دي أخرة الكورونا و عمايلها خلت الواحد بتوتر اكتر ما هو 🙄
اكتر حاجة مفتقداها من يوم موضوع الكورونا و القلق ده
زيارة ابن اخويا إياد
بجد والله مفتقدة كل حاجة
بنكلمه بالتليفون و احلى مرة بسمع اسمي لما بيناديني
😍 😍
المصريين اللي جايين من الكويت انهاردة و اتظاهروا في المطار و مش عايزين يبقوا ف الحجر الصحي أو العزل
و عايزين يروحوا بيتهم على طول
يعني مش فاهمة ايه مشكلتكم
اصلا كل الحالات الكورونا اللي في مصر من اول ما بدأت كانت من السياح يا إما المصريين اللي جايين من الخارج
فأبسط حاجة يعني حفاظا على نفسكم و على اهلكم و على جيرانكم انكم جيتوا من سفر اقعدوا اسبوعين معزولين عشان تطمنوا على نفسكم و بكده لا قدر الله لو حد عنده الفيرس ميتسببش في عدوى لاي حد
ولو تسألني ع الأحوال
أنا كويس، بخير وتمام..
و دي مش كدبتي ف إبريل
دي كدبة بقولها طول العام...
منقول مما اعجبني
و جه اليوم اللي نقول فيه كده
😂
https://c.top4top.io/p_1552fqx500.jpg (https://top4top.io/)
ــ تبين لي في ظل الوضع الراهن أن الجهل هو الفيرس الأخطر على الأطلاق، وأنا لا أقصد إهانة من أصِفهم بالجاهلين والله، بل أشفق عليهم ..
ــ أشفق على إنسان عاقل جعل نفسه بجهله أداة يحركها الأوغاد وعديمي الإنسانيه كيفما شاءوا وأينما توافرت مصالحهم ..
ــ أسأل الله أن يحفظ عائلتي وقريتي ومدينتي ووطني من كل مكروه، وأن يفرج الهم ويفك الكرب ..
ــ أسأل الله أن يرفع عنا البلاء والوباء ويبلغنا رمضان لا فاقدين ولا مفقودين يا رب العالمين 🧡🌻 ...
ــ #TaRek_Sasi
منقول مما اعجبني
حتى انتي كمان😂
بس ايه النظرة دي😁
https://e.top4top.io/p_1553jic3x0.jpg (https://top4top.io/)
أكتر ناس فعلا بتعاني الأيام دي عمال اليومية وإحنا داخلين علي شهر رمضان
يعني الناس دي اللي لا هى موظفة و بتقبض مرتب ثابت كل شهر من الحكومة و القطاع العام و الخاص
و لا ليها شغل خاص بيها
ناس كده على باب الله و شغلهم بيكون في أوقات معينة
يعني في الظروف اللي احنا فيها دي دووول اكتر ناس محتاجين و مظلومين صراحة
ربنا يرزقهم
جمعة مباركة ع الجميع
احساس غريب يوم الجمعة بدون صلاة الجمعة و الخطبة
المهم ربنا يصلح الحال
من كام يوم سمعت و شوفت تصريح من فنانة عربية من إحدى الدول العربية الشقيقة المفروض انها فنانة كبيرة قديرة يعني
تصريح سيء جدا و مقرف
عن العمالة اللي عندهم و ظهور كورونا و كلامها الغريب أكلوا من خير البلد و وجودهم مش عارفة ايه و ان مش ملزومين يعالجوهم
و ترميهم في الصحراء و كلام كده ملوش اي لازمة
مش فاكرة التصريح بتاعها و مش حابة افتكره
بس حابة افكرها ان الناس دي اشتغلت بجهدها و طفحت الدم بالتعبير المصري يعني
يعني مكنتوش بتعطوهم فلوس و مرتبات بدون مقابل بالعكس مقابلها خسروا كتير برضه و الا لو مكنتوش بتستفيدوا منهم كنتوا زمانكم رميتوهم من زمان بدون كورونا أو غيره
المهم الظروف اللي احنا فيها دي كشفت ناس كتير و لسة يا ما هاتكشف
____________________________________________
بجد
اول مرة اتمنى الصيف يجي بسرعة
يمكن تتحسن الأحوال
😂😂😂
https://k.top4top.io/p_1555l9m6n0.jpg (https://top4top.io/)
يعني تصوير مسلسلات رمضان و تجمعات الناس هناك مش هتنقل العدوى و الفيرس
أما الجوامع و الصلاة فيها هى اللي هتنقل العدوى
؟؟؟؟؟؟
!!!!!!!!!
فنقوم نمنع الصلاة في الجوامع
أما تصوير المسلسلات و تجمعات الممثلين هناك نسيبهم عادي؟!
للأسف مش لاقية تعليق
https://k.top4top.io/p_1556oes0c0.jpg (https://top4top.io/)
من أسوأ الاكلات الموجودة و أضرهم خاصة للأطفال
https://g.top4top.io/p_1556fm1ks0.jpg (https://top4top.io/)
- تعافي اكبر مريض مصري 88 سنه من مضاعفات كورونا وفصله من علي جهاز التنفس الصناعى.
- شفاء اصغر طفلة مصرية 4 سنوات مصابة بكورونا وخروجها من مستشفى العزل بقها.
- ولادة اول طفل مصري لام كانت مصابة بكورونا اثناء الحمل وتحليل الطفل بفضل الله سلبي.
تصبحوا علي أمل
"ونعوذ بك من التدين السطحي، وتوهم الإلتزام، والظن بأنا مُهتدون."
منقول مما اعجبني
اللهم آمين
https://i.top4top.io/p_1558ee7da0.jpg (https://top4top.io/)
ليا زميلة بتقول ياريت يبقى نظام الشغل كده على طول
بالتبادل و المرواح من الشغل بدري
😂
احنا في ايه و هى في ايه 😬
حاجة غتتة اوي
لما اكتب كل اللي عايزة أقوله و كلام كتير و ارجع امسحه تاني
مش مهم 🙄
المهم
عندنا الوقت نعمل حاجات كتير
نقرا
نحفظ قرآن
نحسن من نفسنا
نتعلم حاجات جديدة
و حاجات كتير تانية
الوقت موجود لكن الواحد معاتش عنده قدرة لأي حاجة
ليبدأ في شيء شوية و بعديها مفيش و يتوقف
بس ميمنعش نبدأ تاني و نكمل
عندي حاجات كتيرة حابة اعملها ..يارب يعطيني القوة
ادعوا كتير النهارده وبكرة قبل ما ترفع الاعمال
*دي كل الادعية اللي ف المصحف وكمان مرتبه ﺣﺴﺐ ﺗﺮﺗﻴﺐ ﺍﻟﻤﺼﺤﻒ ﺍﻟﺸﺮﻳﻒ.اجعلها صدقة جارية*
1- ﺭﺑﻨﺎ ﺗﻘﺒﻞ ﻣﻨﺎ ﺇﻧﻚ ﺃﻧﺖ ﺍﻟﺴﻤﻴﻊ ﺍﻟﻌﻠﻴﻢ، ﻭﺗﺐ ﻋﻠﻴﻨﺎ ﺇﻧﻚ ﺃﻧﺖ ﺍﻟﺘﻮﺍﺏ ﺍﻟﺮﺣﻴﻢ.
2- ﺭﺑﻨﺎ ﺁﺗﻨﺎ ﻓﻲ ﺍﻟﺪﻧﻴﺎ ﺣﺴﻨﺔ ﻭﻓﻲ ﺍﻵﺧﺮﺓ ﺣﺴﻨﺔ ﻭﻗﻨﺎ ﻋﺬﺍﺏ ﺍﻟﻨﺎﺭ.
3- ﺭﺑﻨﺎ ﺃﻓﺮﻍ ﻋﻠﻴﻨﺎ ﺻﺒﺮﺍ ﻭﺛﺒﺖ ﺃﻗﺪﺍﻣﻨﺎ ﻭﺍﻧﺼﺮﻧﺎ ﻋﻠﻰ ﺍﻟﻘﻮﻡ ﺍﻟﻜﺎﻓﺮﻳﻦ.
4- ﺭﺑﻨﺎ ﻻ ﺗﺆﺍﺧﺬﻧﺎ ﺇﻥ ﻧﺴﻴﻨﺎ ﺃﻭ ﺃﺧﻄﺎﻧﺎ، ﺭﺑﻨﺎ ﻭﻻ ﺗﺤﻤﻞ ﻋﻠﻴﻨﺎ ﺇﺻﺮﺍ ﻛﻤﺎ ﺣﻤﻠﺘﻪ ﻋﻠﻰ ﺍﻟﺬﻳﻦ ﻣﻦ ﻗﺒﻠﻨﺎ.
5- ﺭﺑﻨﺎ ﻭﻻ ﺗﺤﻤﻠﻨﺎ ﻣﺎ ﻻ ﻃﺎﻗﺔ ﻟﻨﺎ ﺑﻪ ﻭﺍﻋﻒ ﻋﻨﺎ ﻭﺍﻏﻔﺮ ﻟﻨﺎ ﻭﺍﺭﺣﻤﻨﺎ ﺃﻧﺖ ﻣﻮﻻﻧﺎ ﻓﺎﻧﺼﺮﻧﺎ ﻋﻠﻰ ﺍﻟﻘﻮﻡ ﺍﻟﻜﺎﻓﺮﻳﻦ.
6- ﺭﺑﻨﺎ ﻻ ﺗﺰﻍ ﻗﻠﻮﺑﻨﺎ ﺑﻌﺪ ﺇﺫ ﻫﺪﻳﺘﻨﺎ ﻭﻫﺐ ﻟﻨﺎ ﻣﻦ ﻟﺪﻧﻚ ﺭﺣﻤﺔ ﺇﻧﻚ ﺃﻧﺖ ﺍﻟﻮﻫﺎﺏ.
7- ﺭﺑﻨﺎ ﺇﻧﻚ ﺟﺎﻣﻊ ﺍﻟﻨﺎﺱ ﻟﻴﻮﻡ ﻻ ﺭﻳﺐ ﻓﻴﻪ ﺇﻥ ﺍﻟﻠﻪ ﻻ ﻳﺨﻠﻒ ﺍﻟﻤﻴﻌﺎﺩ.
8- ﺭﺑﻨﺎ ﺇﻧﻨﺎ ﺁﻣﻨﺎ ﻓﺎﻏﻔﺮ ﻟﻨﺎ ﺫﻧﻮﺑﻨﺎ ﻭﻗﻨﺎ ﻋﺬﺍﺏ ﺍﻟﻨﺎﺭ.
9- ﺭﺏ ﻫﺐ ﻟﻲ ﻣﻦ ﻟﺪﻧﻚ ﺫﺭﻳﺔ ﻃﻴﺒﺔ ﺇﻧﻚ ﺳﻤﻴﻊ ﺍﻟﺪﻋﺎﺀ.
10- ﺭﺑﻨﺎ ﺁﻣﻨﺎ ﺑﻤﺎ ﺃﻧﺰﻟﺖ ﻭﺍﺗﺒﻌﻨﺎ ﺍﻟﺮﺳﻮﻝ ﻓﺎﻛﺘﺒﻨﺎ ﻣﻊ ﺍﻟﺸﺎﻫﺪﻳﻦ.
11- ﺭﺑﻨﺎ ﺍﻏﻔﺮ ﻟﻨﺎ ﺫﻧﻮﺑﻨﺎ ﻭﺇﺳﺮﺍﻓﻨﺎ ﻓﻲ ﺃﻣﺮﻧﺎ ﻭﺛﺒﺖ ﺃﻗﺪﺍﻣﻨﺎ ﻭﺍﻧﺼﺮﻧﺎ ﻋﻠﻰ ﺍﻟﻘﻮﻡ ﺍﻟﻜﺎﻓﺮﻳﻦ.
12- ﺭﺑﻨﺎ ﻣﺎ ﺧﻠﻘﺖ ﻫﺬﺍ ﺑﺎﻃﻼ ﺳﺒﺤﺎﻧﻚ ﻓﻘﻨﺎ ﻋﺬﺍﺏ ﺍﻟﻨﺎﺭ.
13- ﺭﺑﻨﺎ ﺇﻧﻚ ﻣﻦ ﺗﺪﺧﻞ ﺍﻟﻨﺎﺭ ﻓﻘﺪ ﺃﺧﺰﻳﺘﻪ ﻭﻣﺎ ﻟﻠﻈﺎﻟﻤﻴﻦ ﻣﻦ ﺃﻧﺼﺎﺭ.
14- ﺭﺑﻨﺎ ﺇﻧﻨﺎ ﺳﻤﻌﻨﺎ ﻣﻨﺎﺩﻳﺎ ﻳﻨﺎﺩﻱ ﻟﻺﻳﻤﺎﻥ ﺃﻥ ﺍﻣﻨﻮﺍ ﺑﺮﺑﻜﻢ ﻓﺂﻣﻨﺎ، ﺭﺑﻨﺎ ﻓﺎﻏﻔﺮ ﻟﻨﺎ ﺫﻧﻮﺑﻨﺎ ﻭﻛﻔﺮ ﻋﻨﺎ ﺳﻴﺌﺎﺗﻨﺎ ﻭﺗﻮﻓﻨﺎ ﻣﻊ ﺍﻷﺑﺮﺍﺭ.
15- ﺭﺑﻨﺎ ﻭﺍﺗﻨﺎ ﻣﺎ ﻭﻋﺪﺗﻨﺎ ﻋﻠﻰ ﺭﺳﻠﻚ ﻭﻻ ﺗﺨﺰﻧﺎ ﻳﻮﻡ ﺍﻟﻘﻴﺎﻣﺔ ﺇﻧﻚ ﻻ ﺗﺨﻠﻒ ﺍﻟﻤﻴﻌﺎﺩ.
16- ﺭﺑﻨﺎ ﺃﺧﺮﺟﻨﺎ ﻣﻦ ﻫﺬﻩ ﺍﻟﻘﺮﻳﺔ ﺍﻟﻈﺎﻟﻢ ﺃﻫﻠﻬﺎ ﻭﺍﺟﻌﻞ ﻟﻨﺎ ﻣﻦ ﻟﺪﻧﻚ ﻭﻟﻴﺎ ﻭﺍﺟﻌﻞ ﻟﻨﺎ ﻣﻦ ﻟﺪﻧﻚ ﻧﺼﻴﺮﺍ.
17- ﺭﺑﻨﺎ ﻇﻠﻤﻨﺎ ﺃﻧﻔﺴﻨﺎ ﻭﺍﻥ ﻟﻢ ﺗﻐﻔﺮ ﻟﻨﺎ ﻭﺗﺮﺣﻤﻨﺎ ﻟﻨﻜﻮﻧﻦ ﻣﻦ ﺍﻟﺨﺎﺳﺮﻳﻦ
18- ﺭﺑﻨﺎ ﺍﻓﺘﺢ ﺑﻴﻨﻨﺎ ﻭﺑﻴﻦ ﻗﻮﻣﻨﺎ ﺑﺎﻟﺤﻖ ﻭﺃﻧﺖ ﺧﻴﺮ ﺍﻟﻔﺎﺗﺤﻴﻦ.
19- ﺭﺑﻨﺎ ﺍﻓﺮﻍ ﻋﻠﻴﻨﺎ ﺻﺒﺮﺍ ﻭﺗﻮﻓﻨﺎ ﻣﺴﻠﻤﻴﻦ، ﺃﻧﺖ ﻭﻟﻴﻨﺎ ﻓﺎﻏﻔﺮ ﻟﻨﺎ ﻭﺍﺭﺣﻤﻨﺎ ﻭﺃﻧﺖ ﺧﻴﺮ ﺍﻟﻐﺎﻓﺮﻳﻦ.
20- ﺭﺑﻨﺎ ﻻ ﺗﺠﻌﻠﻨﺎ ﻓﺘﻨﺔ ﻟﻠﻘﻮﻡ ﺍﻟﻈﺎﻟﻤﻴﻦ ﻭﻧﺠﻨﺎ ﺑﺮﺣﻤﺘﻚ ﻣﻦ ﺍﻟﻘﻮﻡ ﺍﻟﻜﺎﻓﺮﻳﻦ.
21- ﺭﺏ ﺇﻧﻲ ﺃﻋﻮﺫ ﺑﻚ ﺃﻥ ﺃﺳﺎﻟﻚ ﻣﺎ ﻟﻴﺲ ﻟﻲ ﺑﻪ ﻋﻠﻢ ﻭﺇﻻ ﺗﻐﻔﺮ ﻟﻲ ﻭﺗﺮﺣﻤﻨﻲ ﺃﻛﻦ ﻣﻦ ﺍﻟﺨﺎﺳﺮﻳﻦ.
22- ﺭﺏ ﺃﻧﺖ ﻭﻟﻴﻲ ﻓﻲ ﺍﻟﺪﻧﻴﺎ ﻭﺍﻵﺧﺮﺓ ﺗﻮﻓﻨﻲ ﻣﺴﻠﻤﺎ ﻭﺃﻟﺤﻘﻨﻲ ﺑﺎﻟﺼﺎﻟﺤﻴﻦ.
23- ﺭﺑﻨﺎ ﺇﻧﻚ ﺗﻌﻠﻢ ﻣﺎ ﻧﺨﻔﻲ ﻭﻣﺎ ﻧﻌﻠﻦ ﻭﻣﺎ يخفى ﻋﻠﻰ ﺍﻟﻠﻪ ﻣﻦ ﺷﻲﺀ ﻓﻲ ﺍﻷﺭﺽ ﻭﻻ ﻓﻲ ﺍﻟﺴﻤﺎﺀ.
24- ﺭﺏ ﺍﺟﻌﻠﻨﻲ ﻣﻘﻴﻢ ﺍﻟﺼﻼﺓ ﻭﻣﻦ ﺫﺭﻳﺘﻲ ﺭﺑﻨﺎ ﻭﺗﻘﺒﻞ ﺩﻋﺎﺀ، ﺭﺑﻨﺎ ﺍﻏﻔﺮ ﻟﻲ ﻭﻟﻮﺍﻟﺪﻱ ﻭﻟﻠﻤﺆﻣﻨﻴﻦ ﻳﻮﻡ ﻳﻘﻮﻡ ﺍﻟﺤﺴﺎﺏ
25- ﺭﺏ ﺃﺩﺧﻠﻨﻲ ﻣﺪﺧﻞ ﺻﺪﻕ ﻭﺃﺧﺮﺟﻨﻲ ﻣﺨﺮﺝ ﺻﺪﻕ ﻭﺍﺟﻌﻞ ﻟﻲ ﻣﻦ ﻟﺪﻧﻚ ﺳﻠﻄﺎﻧﺎ ﻧﺼﻴﺮﺍ.
26- ﺭﺑﻨﺎ ﺁﺗﻨﺎ ﻣﻦ ﻟﺪﻧﻚ ﺭﺣﻤﺔ ﻭﻫﻴﺊ ﻟﻨﺎ ﻣﻦ ﺃﻣﺮﻧﺎ ﺭﺷﺪﺍ، ﺭﺏ ﺇﻧﻲ ﻭﻫﻦ ﺍﻟﻌﻈﻢ ﻣﻨﻰ ﻭﺍﺷﺘﻌﻞ ﺍﻟﺮﺃﺱ ﺷﻴﺒﺎ ﻭﻟﻢ ﺃﻛﻦ ﺑﺪﻋﺎﺋﻚ ﺭﺏ ﺷﻘﻴﺎ.
27- ﺭﺏ ﺍﺷﺮﺡ ﻟﻲ ﺻﺪﺭﻱ ﻭﻳﺴﺮ ﻟﻲ ﺃﻣﺮﻱ ﻭﺍﺣﻠﻞ ﻋﻘﺪﺓ ﻣﻦ ﻟﺴﺎﻧﻲ ﻳﻔﻘﻬﻮﺍ ﻗﻮﻟﻲ، ﺭﺏ ﺯﺩﻧﻲ ﻋﻠﻤﺎ.
28- ﻻ ﺍﻟﻪ ﺇﻻ ﺃﻧﺖ ﺳﺒﺤﺎﻧﻚ ﺇﻧﻲ ﻛﻨﺖ ﻣﻦ ﺍﻟﻈﺎﻟﻤﻴﻦ.
29- ﺭﺏ ﻻ ﺗﺬﺭﻧﻲ ﻓﺮﺩﺍ ﻭﺃﻧﺖ ﺧﻴﺮ ﺍﻟﻮﺍﺭﺛﻴﻦ.
30- ﺃﻧﻲ ﻣﺴﻨﻲ ﺍﻟﻀﺮ ﻭﺃﻧﺖ ﺍﺭﺣﻢ ﺍﻟﺮﺍﺣﻤﻴﻦ.
31- ﺭﺏ ﺃﻧﺰﻟﻨﻲ ﻣﻨﺰﻻ ﻣﺒﺎﺭﻛﺎ ﻭﺃﻧﺖ ﺧﻴﺮ ﺍﻟﻤﻨﺰﻟﻴﻦ.
32- ﺭﺏ ﺃﻋﻮﺫ ﺑﻚ ﻣﻦ ﻫﻤﺰﺍﺕ ﺍﻟﺸﻴﺎﻃﻴﻦ ﻭﺃﻋﻮﺫ ﺑﻚ ﺭﺏ ﺃﻥ ﻳﺤﻀﺮﻭﻥ.
33- ﺭﺑﻨﺎ ﺁﻣﻨﺎ ﻓﺎﻏﻔﺮ ﻟﻨﺎ ﻭﺍﺭﺣﻤﻨﺎ ﻭﺃﻧﺖ ﺧﻴﺮ ﺍﻟﺮﺍﺣﻤﻴﻦ.
34- ﺭﺑﻨﺎ ﺍﺻﺮﻑ ﻋﻨﺎ ﻋﺬﺍﺏ ﺟﻬﻨﻢ ﺇﻥ ﻋﺬﺍﺑﻬﺎ ﻛﺎﻥ ﻏﺮﺍﻣﺎ ﺇﻧﻬﺎ ﺳﺎﺀﺕ ﻣﺴﺘﻘﺮﺍ ﻭﻣﻘﺎﻣﺎ.
35- ﺭﺑﻨﺎ ﻫﺐ ﻟﻨﺎ ﻣﻦ ﺃﺯﻭﺍﺟﻨﺎ ﻭﺫﺭﻳﺎﺗﻨﺎ ﻗﺮﺓ ﺃﻋﻴﻦ ﻭﺍﺟﻌﻠﻨﺎ ﻟﻠﻤﺘﻘﻴﻦ ﺇﻣﺎﻣﺎ.
36- ﺭﺏ ﻫﺐ ﻟﻲ ﺣﻜﻤﺎ ﻭﺍﻟﺤﻘﻨﻰ ﺑﺎﻟﺼﺎﻟﺤﻴﻦ ﻭﺍﺟﻌﻞ ﻟﻲ ﻟﺴﺎﻥ ﺻﺪﻕ ﻓﻲ. ﺍﻵﺧﺮﻳﻦ ﻭﺍﺟﻌﻠﻨﻲ ﻣﻦ ﻭﺭﺛﺔ ﺟﻨﺔ ﺍﻟﻨﻌﻴﻢ ﻭﻻ ﺗﺨﺰﻧﻲ ﻳﻮﻡ ﻳﺒﻌﺜﻮﻥ ﻳﻮﻡ ﻻ ﻳﻨﻔﻊ ﻣﺎﻝ ﻭﻻ ﺑﻨﻮﻥ ﺇﻻ ﻣﻦ ﺃﺗﻰ ﺍﻟﻠﻪ ﺑﻘﻠﺐ ﺳﻠﻴﻢ.
37- ﺭﺏ ﻧﺠﻨﻲ ﻭﺃﻫﻠﻲ ﻣﻤﺎ ﻳﻌﻤﻠﻮﻥ.
38- ﺭﺏ ﺃﻭﺯﻋﻨﻲ ﺃﻥ ﺍﺷﻜﺮ ﻧﻌﻤﺘﻚ ﺍﻟﺘﻲ ﺃﻧﻌﻤﺖ ﻋﻠﻰ ﻭﻋﻠﻰ ﻭﺍﻟﺪﻱ ﻭﺍﻥ ﺍﻋﻤﻞ ﺻﺎﻟﺤﺎ ﺗﺮﺿﺎﻩ ﻭﺍﺩﺧﻠﻨﻰ ﺑﺮﺣﻤﺘﻚ ﻓﻲ ﻋﺒﺎﺩﻙ ﺍﻟﺼﺎﻟﺤﻴﻦ.
39- ﺭﺏ ﺇﻧﻲ ﻇﻠﻤﺖ ﻧﻔﺴﻲ ﻓﺎﻏﻔﺮ ﻟﻲ، ﺭﺏ ﺍﻧﺼﺮﻧﻲ ﻋﻠﻰ ﺍﻟﻘﻮﻡ ﺍﻟﻤﻔﺴﺪﻳﻦ.
40- ﺭﺑﻨﺎ ﻭﺳﻌﺖ ﻛﻞ ﺷﻲﺀ ﺭﺣﻤﺔ ﻭﻋﻠﻤﺎ ﻓﺎﻏﻔﺮ ﻟﻠﺬﻳﻦ ﺗﺎﺑﻮﺍ ﻭﺍﺗﺒﻌﻮﺍ ﺳﺒﻴﻠﻚ ﻭﻗﻬﻢ ﻋﺬﺍﺏ ﺍﻟﺠﺤﻴم
41- ﺭﺑﻨﺎ ﻭﺃﺩﺧﻠﻬﻢ ﺟﻨﺎﺕ ﻋﺪﻥ ﺍﻟﺘﻲ ﻭﻋﺪﺗﻬﻢ ﻭﻣﻦ ﺻﻠﺢ ﻣﻦ ﺁﺑﺎﺋﻬﻢ ﻭﺃﺯﻭﺍﺟﻬﻢ ﻭﺫﺭﻳﺎﺗﻬﻢ ﺇﻧﻚ ﺃﻧﺖ ﺍﻟﻌﺰﻳﺰ ﺍﻟﺤﻜﻴﻢ ﻭﻗﻬﻢ ﺍﻟﺴﻴﺌﺎﺕ ﻭﻣﻦ ﺗﻖ ﺍﻟﺴﻴﺌﺎﺕ ﻳﻮﻣﺌﺬ ﻓﻘﺪ ﺭﺣﻤﺘﻪ ﻭﺫﻟﻚ ﻫﻮ ﺍﻟﻔﻮﺯ ﺍﻟﻌﻈﻴﻢ.
42- ﺭﺑﻨﺎ ﺍﻛﺸﻒ ﻋﻨﺎ ﺍﻟﻌﺬﺍﺏ ﺇﻧﺎ ﻣﺆﻣﻨﻮﻥ.
43- ﺭﺏ ﺃﻭﺯﻋﻨﻲ ﺃﻥ ﺍﺷﻜﺮ ﻧﻌﻤﺘﻚ التی أنعمت ﻋﻠﻰ ﻭﻋﻠﻰ ﻭﺍﻟﺪﻱ ﻭﺍﻥ ﺍﻋﻤﻞ ﺻﺎﻟﺤﺎ ﺗﺮﺿﺎﻩ ﻭﺃﺻﻠﺢ ﻟﻲ ﻓﻲ ﺫﺭﻳﺘﻲ ﺇﻧﻲ ﺗﺒﺖ ﺇﻟﻴﻚ ﻭﺍﻧﻲ ﻣﻦ ﺍﻟﻤﺴﻠﻤﻴﻦ.
44- ﺭﺑﻨﺎ ﺍﻏﻔﺮ ﻟﻨﺎ ﻭﻹﺧﻮﺍﻧﻨﺎ ﺍﻟﺬﻳﻦ ﺳﺒﻘﻮﻧﺎ ﺑﺎﻹﻳﻤﺎﻥ ﻭﻻ ﺗﺠﻌﻞ ﻓﻲ ﻗﻠﻮﺑﻨﺎ ﻏﻼ ﻟﻠﺬﻳﻦ ﺍﻣﻨﻮﺍ.
45- ﺭﺑﻨﺎ ﺇﻧﻚ ﺭﺀﻭﻑ ﺭﺣﻴﻢ، ﺭﺑﻨﺎ ﻋﻠﻴﻚ ﺗﻮﻛﻠﻨﺎ ﻭﺍﻟﻴﻚ ﺃﻧﺒﻨﺎ ﻭﺍﻟﻴﻚ ﺍﻟﻤﺼﻴﺮ، ﺭﺑﻨﺎ ﻻ ﺗﺠﻌﻠﻨﺎ ﻓﺘﻨﺔ ﻟﻠﺬﻳﻦ ﻛﻔﺮﻭﺍ ﻭﺍﻏﻔﺮ ﻟﻨﺎ ﺭﺑﻨﺎ ﺇﻧﻚ ﺃﻧﺖ ﺍﻟﻌﺰﻳﺰ ﺍﻟﺤﻜﻴﻢ.
46- ﺭﺑﻨﺎ ﺍﺗﻤﻢ ﻟﻨﺎ ﻧﻮﺭﻧﺎ ﻭﺍﻏﻔﺮ ﻟﻨﺎ ﺇﻧﻚ ﻋﻠﻰ ﻛﻞ ﺷﻲﺀ ﻗﺪﻳﺮ، ﺭﺏ ﺍﺑﻦ ﻟﻲ ﻋﻨﺪﻙ ﺑﻴﺘﺎ ﻓﻲ ﺍﻟﺠﻨﺔ ﻭﻧﺠﻨﻲ ﻣﻦ ﺍﻟﻘﻮﻡ ﺍﻟﻈﺎﻟﻤﻴﻦ.
47- ﺭﺏ ﻻ ﺗﺬﺭ ﻋﻠﻰ ﺍﻷﺭﺽ ﻣﻦ ﺍﻟﻜﺎﻓﺮﻳﻦ ﺩﻳﺎﺭﺍ ﺇﻧﻚ ﺇﻥ ﺗﺬﺭﻫﻢ ﻳﻀﻠﻮﺍ ﻋﺒﺎﺩﻙ ﻭﻻ ﻳﻠﺪﻭﺍ ﺇﻻ ﻓﺎﺟﺮﺍ ﻛﻔﺎﺭا.
48- ﺭﺏ ﺍﻏﻔﺮ ﻟﻲ ﻭﻟﻮﺍﻟﺪﻱ ﻭﻟﻤﻦ ﺩﺧﻞ بﻴﺘﻲ ﻣﺆﻣﻨﺎ ﻭﻟﻠﻤﺆﻣﻨﻴﻦ ﻭﺍﻟﻤﺆﻣﻨﺎﺕ ﻭﻻ ﺗﺰﺩ ﺍﻟﻈﺎﻟﻤﻴﻦ ﺇﻻ ﺗﺒﺎﺭﺍ.
اللي هيعرف الأدعية دي بسببك " صدقني" هتتفاجئ باذن الله يوم القيامه بجبال حسنات .. وفـ الدُنيا بشلال أمُنيات متحققه .. بأذن الله.
اللهم اميييين
اللهم بارك لنا فى رجب وشعبان وبلغنا رمضان لا فاقدين ولا مفقودين
كل عام وانتم الى الله اقرب وعلى طاعته أدوم
منقول مما أعجبني
عام واحد بس 🙄
لا ده حتى شهر واحد أو يوم واحد برضه يقدر يغير كتير
https://g.top4top.io/p_1559ugncv0.jpg (https://top4top.io/)
اللهم لاتحرمنا لذة رمضان، وسماع الاذان ، وصلاة التراويح، وتجمع الاحبة اللهم ارفع عنا الوباء وادخل علينا رمضان بالخير والسلام والآمان
اللهم بلغنا رمضان لا فاقدين و لا مفقودين
يارب
إن شاء الله خلال الوقت ده قبل رمضان مين عارف يمكن تتحسن الأمور أو على الأقل يبدأ الموضوع يقل تدريجيا
https://d.top4top.io/p_1559ezoq10.jpg (https://top4top.io/)
جميلة
و يا سلام لو الاتنين موجودين 👍👍👍
ربنا يرحم دكتور مصطفى محمود
من الشخصيات الرائعة
من الذكريات اللي بفتكرها في طفولتي
برنامجه العلم و الإيمان
كان والدي بيحب يتفرج عليه زمان و انا معاه
و من أيامها و انا بحب البرنامج ده و فضلت أتابعه لفترة كبيرة
مع إن كان ليا موقف مع تتر البرنامج ده و انا في مرحلة اصغر حسب حكاياتهم يعني😂
كمان قرأت من كتب مصطفى محمود
رحلتي من الشك الى الايمان
حوار مع صديقي الملحد
https://e.top4top.io/p_15604aqxb0.jpg (https://top4top.io/)
أخبرت الله بكل شيء
https://e.top4top.io/p_15604gqdz0.jpg (https://top4top.io/)
و نعم بالله
https://a.top4top.io/p_1560g2e3u0.jpg (https://top4top.io/)
و انا بمسح الرسائل الخاصة لأنها كانت ممتلئة و انا اصلا بكسل امسحها و بنسى لغاية ما بلاقيها فجأة اتملت ع الآخر
المهم قعدت افتح الرسائل وشوفت رسائل جميلة مش هنسى أصحابها ابدا مهما مر الوقت و افتكرت مواقف جميلة معاهم
صديقتي الغالية وحشتيني و وحشني الكلام معاكي و الراحة اللي بحسها لما بتكلم معاكي
يارب تكوني بألف خير 😘😘😘😘😘
فبدأت تظهر حالات غريبة ..
مرضٌ أشبه بالطاعون ، ولكنه ليس بطاعون .. ظهر في حالات متفرقة ثم بدأ يكنس الناس كأنهم ذباب يتساقطون أمام رذاذ غير مرئي .. يشمونه يتورمون ويموتون كأكياس نتنـة ..
ظاهرة غريبة صاحبت هذا المرض .. لقد ساوى في دقّة غريبة بين كل الناس .. لم يترك مدينة ولم يدع قرية ولم يعفُ عن دولة .. لا يوقفه برد ولا يوقفه صقيع ولا يرده لهيب ..
ولأول مرة في تاريخ البشرية وقف البشر جميعاً أمام منجلٍ يساوي بينهم كأسنان المشط ويحصدهم جميعاً في عدالة مروعة ..
ولأول مرة في تاريخ الإنسانية الدامي جمعت الناس أخوّة ، ليست أخوّة خطب وشعارات ، ولا أخوّة شعر ومجاز ..
وإنما أخوّة حقيقية لا تفرقةَ فيها .. أخوّة الألم والعذاب والموت ..
أخوّة العجز .
..
د. مصطفى محمود رحمه الله .
من رواية : رجل تحت الصفر .. تدور الاحداث حول خيال علمي عن المستقبل - تاريخ النشر 1967 ..
جمعة مباركة ع الجميع
https://k.top4top.io/p_15607mo490.jpg (https://top4top.io/)
اللهم احفظ لي عائلتي و احبابي أينما حلّت خُطاهم، اللهم إني استودعتك حياتهم وصحتهم وسعادتهم ... ربي اني اخاف من فواجع القدر اللهم احفظ لي عائلتي وأحبتي ومن هم حولي ولا تحرمني منهم يارب العالمين
كل أسبوع يجي بيكون هو الأسبوع الأهم في الحظر🙄
و كل ما يتقال أهم اسبوع الناس بتزيد اكتر في عدم الالتزام و اللامبالاة
معاتش تقولوها سيبوها بقى كده و خلاص يمكن الناس تحترم نفسها شوية و تهدى أو تتهد
https://a.top4top.io/p_1562y7gpj1.jpg (https://top4top.io/)
والله حاجة توجع القلب و تحرق الدم
مفيش فايدة
مسلسلات ايه و زفت ايه و تصوير ايه في الوقت اللي احنا فيه ده
بتنتقدوا استهتار و لامبالاة الشعب و ده شيء مننكروش فعلا حاصل
لكن انتم اللي بتعملوه ده ايه على أساس وجودكم في أماكن التصوير و تصوير مشاهد من المسلسلات مش هيكون فيه تجمع مهما كنتم عاملين احتياطكم
ربنا يسترها معانا
اللهم لا تؤاخذنا بما فعل السفهاء منا
https://l.top4top.io/p_156295ar30.jpg (https://top4top.io/)
https://c.top4top.io/p_1562iky0t0.jpg (https://top4top.io/)
انتقوا كلماتكم فإن لم تكن تداوي فلا تجعلوها تجرح
لو هتخاف من طبيب بيندفن عشان هيعديك👇
(ودا احتمال ضعيييف جدااااا)
يبقى من حقه ميكشفش عليك عشان هتعديه👇
(ودا احتمال قووى جداااا)
خليكوا فاكرين كويس اسماء القري والمدن اللي رفضوا يدفنوا الدكاترة شهداء ال كورونا
اوصموهم بالعار ابد الابدين
نزلوا اسمائهم في الاعلام
ده مش جهل
ده مش خوف
ده مش تخلف
دي حاجة اسمها نداله وقلة اصل وقلة دين
انتم بلا اخلاق وبلا دين وبلا كرامة
https://k.top4top.io/p_15629ikek0.jpg (https://top4top.io/)
https://l.top4top.io/p_1562rhu5o1.jpg (https://top4top.io/)
🙄🙄🙄🙄🙄
وصلت البيت و اخيرا
😂
من امبارح بالليل و انا في حالة عطس بشكل مستمر و غريب و بدايات دور برد وزاد انهاردة الصبح
اكيد بدأت حساسية فصل الربيع
الحمد لله على كل حال
دلوقت وإحنا في قلب مصيبة كبيرة الفنانين شغالين عادي والبيزنس بتاعهم داير عادي علشان يلحقوا "موسم رمضان" اللي مينفعش يخلو من المسلسلات وبرامج المقالب لكن ينفع يخلوا من التراويح وريادة المساجد ومن الصيام نفسه 😥😥
وبرضه في قلب المصيبة نفسها جنود المعركة الحقيقيين - الطاقم الطبي كله- بتتم إهانتهم وتهميش دورهم والنظر إليهم كمصدر للعدوى
فنلاقي ناس بترفع قضايا على أصحاب العمارات علشان يطردوا الدكاترة منها
ونلاقي ناس بتطارد دكتورة ويصمموا تمشي من الشارع اللي قاعدة فيه لأنها مصدر عدوى ليهم
ونلاقي ناس تمنع دكتور من دفن والده اللي انتقلت ليه العدوى منه فمات ولما راح يدفن والده بعض أهالي المنطقة يحاولوا يمنعوه 😢😢
وغالبا برده الفنانين دول هيعملوا أفلام ومسلسلات هيكونوا فيها دكاترة وتمريض ويتصقف لهم ويقبضوا منها ملايين بينما الجنود الحقيقيين هيتزود مرتبهم 200 جنيه في الشهر ويرجعوا يتهانوا في استقبال المستشفيات!!
by/ DrHany AbdElhamid
منقول مما اعجبني
https://a.top4top.io/p_1563uc48h0.jpg (https://top4top.io/)
فرق كبير بين يمين الصورة و يسارها
فرق كبير بجد
vBulletin® , Copyright ©2000-2024,