انا في مصيبه [الأرشيف] - منتديات مسك الغلا

مشاهدة النسخة كاملة : انا في مصيبه

هدوء أنثي

11-30-18, 10:11 PM

هلا وغلانه اقول لكم سالفتي ابوي زعلان مني وامي هاوشتني

السبب اني صرت مااسمع كلامهم انتوا بعد قولوا الحق معي

ابوي يشتري وحده من خواتي سياره وانا قولت لهم مااحب اسوق سياره

مبلغ قيمه سياره حطوا بحسابي واعدلوا بيننا بس كلام قولت لاهلي

حتي يكلموني ماارد عليه مرا انقهرت انا جامعيه واختي اكبرمني بكم سنه

ابوي ماعمره قصر معانا بس ليه ياخذ لها سياره وانا لا

وحده من خواتي جرحتني شوفي شكلك وعمره 29 سنه ماجاء نصيبك

ابكي من رادخلي عمري ماابين لهم ضعفي قولت لها شب ولا كلمه

ذا نصيب من الله ولا حابه اتعرف لك على شاب واتزوجه

وغلطت بحقها بكلمه بعد تستاهل ليه كذا معليش واذا كانوا من اهلي مااحب

احد يجرحني بكلام الا اقص لسانه اللي يقول شي عني

مدري كيف هل معي الحق ولا انا غلطانه

M.ahmad

11-30-18, 11:22 PM

والله امرك مريب

بالله كيف تبين أبوك يشتري لك سياره وانتي قلتي له بنفسك ماتحبين تسوقين ؟

كان قلتي ايوا ابي سياره مثل أختي وبعدين إذا صارت معك بإمكانك تبيعيها وتستفيدين من فلوسها لنفسك

ويادار مادخلك شر

‏ღعـــڒٍۅڒٍ‏ღ

11-30-18, 11:32 PM

.
السلام عليكم
اول شي

اختي ارجعي .صلحي غلطك
وقولي ابي سياره مثل اختي .
وبيشتريلك اكيد مابيفرق بينكم .

والشي الثاني
كلنا نعرف ان الزواج ارزاق
وطال الزمن ولا قصر بتاخذين رزقك
لاتستعجلين واصبري واحتسبي الاجر من الله
.

ومسالت فلانه تقولي كذا وتعايرني بكذا
طنشي اختي وتاكد ان من عاب ابتلا .

أعد النجوم

12-01-18, 12:12 AM

يا سبحان الله اذا هذي مصيبه وش خليتي للي مات ابوه او امه ولا فقد احد اقربائه

ولا تهجر من ارضه مثل مايحصل في مناطق الجوار

الله يهديك بس ترا الموضوع بسيط

وكما ذكر المدير خذي السيارة وبيعيها

وبعدين الزواج قسمه ونصيب

بيجي يومك لا تستعجلي

وفي الاخير الله يرزقنا وياااااك

عطر النَّدَى

12-01-18, 01:07 AM

مرحباا عزيزتي

بما انك لا تحبين السواقة واختك تحبها واشترى لها والدك سيارة لازم تفرحي لهاا
وليس العكس الموضوع مافيه حق وعدالة لكن بما انك حابة الامر يكون فيه عدل
كنت بالحيلة خذي حقك وليس بالعصيان حبي السواقة وخذي لك سيارة ان شاء الله تتفرجي عليها بس
حتى ترتاحي من هم هذا عدل وهذا ليس عدل
فكيهاا بلاش تعقديهاا الي اشترى لها والدك سيارة اختك وليس احد غريب
خذيها مني انا لو شتروا لهم طيارة افرح معاهم واعمل لهم عيد لانهم خواتي واتمنى لهم الخير
وانت قلتي اهلك ماشاء الله مكفيين وموفيين معاكم
احمدي ربك فيه ناس همها الوحيد ايجاد ماوى في هذا البرد
اطلبي سماح من اهلك وسمعي كلامهم وجودهم جنبك كنز

اما مسالة الزواج هي نصيب ونصيبك سياتيك عاجلا ام اجلا
اكيد اختك قالت الكلمة في حالة غضب ومعروف الانسان لما يكون
في حالة الغضب ما ناخذ على كلامه وانت ايضا واضح ما خليتي حقك
يبقى ابعدي عنك شعور انك مجروحة وشعورك بالذنب
خليك حنونة على خواتك حتى لو حاولتي تقسي
عندنا مثل يقول خوك خوك لا يغرك صاحبك
يعني الاخ يبقى اخ وصعب يعوضه احد

الله يريح بالك عزيزتي

الجنرال خالد

12-01-18, 01:26 AM

اعتقد الأخوة الي سبقوني كفو ووفو
انا بقلك شيء ..،
الاب والام ما يتعوضو بالدنيا فالأولى عدم الانصياع
لفكر او لطيش قد يكون في لحظه غضب وزعل منك
او اتخاذ قرار قد تندمين عليه طول حياتك فالاهل هم سندك
وظهرك في الحياه وهم العصا التي تتكئين عليها
قولي لهم انك تبي سيارة وخلاص وخليهم يشترو لك
لكن تصرفك بعدم الانصياع لهم اكبر غلط

بالنسبة لأخوانك زي ما قالت الاخت الندى هم سندك وعزوتك
لا تتخلي عنهم حبي لهم ما تحبي لنفسك
وافرحي لفرحهم ولسعادتهم

بالنسبة لاختك الي قالت لك عن الزواج لن تضرك بشيء
فالحياة بيد رب العالمين والقدر كاتب لك بالدنيا الي بيصير
ماهو مكتوب باتاخذيه ... والزواج قسمة ونصيب
ان شاء الله ربي يكون معك ويفرح قلبك

صعفق طاش كندي

12-01-18, 02:18 AM

أقول مالت علي اذا هذي مصيبه عندك

جيت قاشع على بالي الامر كايد

اسمعي

ابوك وأمك لو يصبحونك بصاج
ويمسونك ببراد اصفر المحروق هذاك حق الطلعات .. عرفتيه!:56b889:

ماينفع تزعلينهم يابابا

وإذا جات ع السياره
أنا لو ابو بتفكيرك هذا ماعطيك بسكليت

راضي أمك وأبوك وخلي المناقر مع خواتك

ترى اللسان بدون عظم لكنه يقص العظم

أورانوس

12-01-18, 09:06 AM

عزيزتي صاحبة المشكلة /
أبعد الله عنا وعنك المصائب ..
وبعد ،

لعل والدك تعمد ضغط أعصابك بتجاهل طلبك حتى توافقي على اقتناء السيارة
وكما ذكر لك الأخوة بإمكانك أخذها ثم بيعها إن شئتِ
يا شيخة احنا نحلم إن آباءنا يعطونا سيارة
كل شيء ناخذه على حسابنا ونحمد الله على هذي الحياة
والدي على سبيل المثال رباني على الاعتماد على نفسي في مشترياتي
هو وفر لي أول جوال وأول لبس جامعي وأول ساعة وهكذا
وعندما تلفت قال لي خذي من مصروفك أنا اشتريت لك أول مره
لا أقول أن تصرف والدي صحيح ولكني لم أسيء معاملته يوماً
وأحمل له داخلي كل حب واحترام ولا أرضى بالسوء عليه
صحيح أنه أجبرني على تحمل مالا طاقة لي به وجعلني أبكي قهراً كلما احتجت شيئاً
لكنه يبقى أبي ( سبب وجودي في الحياة بعد الله )
ولن أعامله إلا بالبر ما استطعت ..

أما عن عدم عدل والدك بينك وبين اختك لعله سيعطيك بنفس قدرها ولكن بشكل غير مباشر
فهو أولاً وأخيراً محاسب أمام الله ومن واجبه العدل بينكما
لعلها مطيعةً له أكثر منك ولهذا لم يتردد في إعطاءها
ولعل عندها من المشاكل ما يرقق قلبه تجاهها
لا تظني به سوءاً ، ولا تستعجلي فلن تموتي حتى تستوفي رزقك كاملاً

أختك التي عايرتك بعدم الزواج
اخبريها بشيء مهم : من شمت على عبد بشيء فيه لم يمت حتى يذوقه
يعني اذا شمتت عليك وسخرت منك لتأخر زواجك
فستذوق بلاءً في زواجها أيضاً قد لا يكون تأخراً كحالتك
ربما يبتليها الله بزوجها أو بأحد أبناءها ولكنها حتماً ستذوق نفس الألم الذي سببته لك

وأخيراً عليك بالدعااااااء فهو المفتاح السحري لكل المشكلات
عليكِ بالإلحاح في الدعاء والتوبه عن الذنوب والصدقة
هذه الثلاث أمور سترفع عنكِ ما أصابك

دعواتي لكِ عزيزتي :MonTaseR_11:

ام سارونا

12-01-18, 09:48 AM

ابوي ماعمره قصر معانا بس ليه ياخذ لها سياره

تقولين كذا
وبس مااعطاك قيمة السيارة تقولين مصيبة :لا بالله:

ابوي بس لو انه مقابلني ماابي منه لا سيارة ولا فلوس
احس اني بنعيم .
احمدي ربك ع نعمة وجود ابوك
وفكري كيف تبرينه مو تشتكين منه .

شَغَف

12-01-18, 10:59 AM

لا توجعي قلب أبوك ،
بيصير يفكر ان عياله من الان طمعانين على فلوسه ،
صفي قلبك تجاه اختك واتعوذي من ابليس وافرحي لها بدل هذا كله ،
واكيد ابوك ما بيقصر معك :67: .
الله يسعدك 🌹

هدوء أنثي

12-01-18, 11:57 AM

‏ღعـــڒٍۅڒٍ‏ღ

12-01-18, 12:32 PM

انا اشوفها بالنسبه لي مصيبه
ايه الحمد لله صح كلامكم بس انا زعلت ومقهوره
كيف يجيب لي سياره وانا ماراح اسوق شلووون
مو قصه اغار بس ليه ياخذ لها سياره وانا لا
جامعيه مو معاقه او عله على قلوبهم زواج راح اتزوج باذن الله
مااحب احد يغلط عني مهما كان وحتي اذا كانوا من اهلي

اختي حتي لو ماتبين سياره
اقعدي معه وقولي مابي سياره ولا ابي اسوق
بس ابس مثل اختي انا وهي واحد
طيب يمكن مخبيلك مبلغ طيب وبيعطيه اياه في وقته
لاتستعجلين ع رزقك .

طيب ليه متسوقين مثلها عشان يطلع لك سياره ...!؟

الصولجان

12-03-18, 03:12 PM

..

الله المستعان .. حطي ابوك على راسك
اليوم حياه وبكره موت .. ( سالفتك مره دايخه وبايخه)..
لعن ابو عدوكم بس ادخلوا السجون وادخلوا المستشفيات

وشوفوا الناس كيف عايشه وقولوا الحمدلله بس