مساجلة شعرية

[دخوون]

بوح قلبي ، عن لساني يكفيك
مع كل نبضه لك ، حرف وغرام

يامالك أحساسي وفكري يراعيك
والله ما اقوى على بعدك ، حرام..

[صَوْت المَطَر]

مرني طيفك على العادة عجول
عز طيفك مثلما عز الكرى ،

بسألك قلّي ولو فيها فضول
كيف تذبح من يشوفك ما درى

[الوسم]

يسعد صباحك كل ما بين النور*
ويسعد مساك ألي بليلك وقمراك

[سُلْوان]

"



كفوا الملام الا في القلب احزان
ونار الشوق في قلبي بركان
شوقا اليهم احبتي لا ليس
ينسيني اياهم السلوان


" حرف الـ ن "

[سحاابة عطر]

نهيت قلبي من طبوعه ولا تاب
قد قلت له خل الصراحه على جنب

لأن الصراحه دايما تفتح ابواب
صار الكلام الواقعي يشبه السب

[احلام عابره]

بالله ياصاحبي ترجع.. خفوقي
مادام خفوقك نزلته .... للمزاد

يكفي سلبتني كامل حقوقي
ربي بلاني بك من بين العباد

[دخوون]

دايم بعــيني ويـن مَ رحـت الآقــيك
حــبك ترى عن حب غــيرك سـرقني

[عطاء دائم]

يداهمنا الحنين لأيام مضت
ويتجلى فجر الحسن والنعم

[دخوون]

مـن راح عنّا ما لحقناه بالشـوف
ندعي عسى المولى يسهل طريقه​

[نساي !]

هو يحسب إن .. الموت / يستأذن الحال ..!
لا قلت : صل .. يقول : بكرة أصلي ..!

[إشراق !]

يا كريمه ( بكل شيء )
الا في وصلگ : بخيله !

[دخوون]

هلآ بك والجروح اللي سببهآ غيبتَك تفدآك
هلآ باللي حضوره عن جميع النآس مغنيني

[نساي !]

يارب : وأحلام البشر تمضي .. وتنساها الليال ..!
ولو يتحقق بعضها .. نقول : ما هي كافيه ..!

اللي عطيته " عافيه " يحلم فـ / ( بيت وراس مال ) ..!
واللي عطيته ( راس مال وبيت ) .. يبغى / " العافيه " ..!

[دخوون]

هذا المسا .. [ أخــر مسسآ ] أعذرك فيه
لا شك .. ما .. يكفي .. سوى .. حَدّ فاصل

بعض التمادي .. يتعبك .. وأنت , تعطيه
غلاك .. لكن .. : / صار .. مثل .. العواذل

زرعت .. لك .. إحساس .. بيّن .. مباديه
وحصدت , / [صدك ] بعد .. كلّ .. السنابل​

[نساي !]

لا تحسب إن / العلم .. ينفع لـ حاله ..!
علم .. بدون / أخلاق .. خيبة لـ راعيه ..!

[دخوون]

هات صوتك امتلى قلبي وله ..
ودي اسمع بحتك كلي حنين

[إشراق !]

نكتم جروح القلب لو كانت جبال
‏و نصبر على الدنيا و نخفي وجعها !

[حَمد]

‏،

‏أتجاهلك وأنا كل شي فيني منتبه لك

[إشراق !]

كأن في ضحكته عُمري اللي ضاع
‏ وكأنه لا سولف يستحي حـزني !

[حَمد]

‏ياسيّدي أنا الفقير ابن الأصول
‏اللي يشوف إن الهوى فرصة عمر

[تيه ..!]

رَسَمَتْ مشاعرُ حبنا في عيشنا
معنى الحياة بطيب عيشٍ مُسْعد

[دخوون]

‏دخيل الله لا تاخذك السنين القاسيه و تغيب
‏كفايه ماخذت منّا السنين .. الله يسامحها

[تيه ..!]

إنّي أتيتُ بأشتاتي لتجمعها
ما لي أراكَ وقد شتّتَ أشتاتي؟

[إشراق !]

‏يا أنيق المشاعر مابقى لي شعر
‏كل حرف كتبته فيك مايحتويك
‏أنت فايق غلاك كيف فيك أختصر
‏فيك كل الحروف تقول يصعب عليك

[دخوون]

كل شيء حولها منها يغير
و الحكي يستفز سكوتها

والصباح اللي تحراها بخير
لا اغمّست في شايها بسكوتها
:iqf03163:

[ازال]

أسديتم فوق التي تبغي العلا **
وبذلتم ما يرتضيه الجود...

[دخوون]

دآيـم أقـول الحُب عنوآن الإنسآن
مآهو بَقصدي حب نظـره وعلآقة

الحب نصح وعطف وإخلآص وإحسآن
هو تضحيه وأجمـل مثآل الصـدآقـة

[نساي !]

تحسب انك تمشيها عليّه
وتضحك بي على قولتْك آسف

أنا لو بس بانوي فيك نية
أدخلك البحر واطلعك ناشف

[دخوون]

في طرف صدري بقايا من حنين
و إن بغيت الصدق
كلي حنَّ لك ..!
ما هي قصة شوفني بعدكَّ حزين
............ بـس ليهَّ تروح ..!؟
وفيني شي لك ..!

[عايض العتيبي]

كان ودك بالوصل لاعاد تخفيه
ترا التغلي ماوراه إلا الحسايف

[حَمد]

‏في غيبتك لا ينشغل بالك على
‏ شوفني ويا الحزن جداً سعيد ؛)

[عايض العتيبي]

دام حبك ريح وإحلامي رمل
ليه قلت من البدايه نجتمع ،

[حَمد]

على فكرة بديت احن لك وأشتاق
‏وأعانق ذكرياتك و أحضن طيوفك ..!

‏كثـر مـا أردد اسمك داخل الأعماق
‏بديت أحس قلبـي ذاب بـ حروفك ..!

‏الايام بـ غيابك ؟ حيييل ما تنطاق ..!
‏فقدتك كـثـر مـا ودي على شوفك 💔

[إشراق !]

كثير فيك " الشوق " لو كابرته
هذا الشعور ، اللي عليك مبيّن !

[دخوون]

نصبح على شوق ونمسي على شوق
وارواحنا يَ شوق والله غرايق

يَ دافي الإحساس يَ منتهى الذوق
ما غاب طيفك عن عيوني دقايق

[نساي !]

قل للمليحة في الخمار الأسود
ماذا فعلت بناسك متعبد ؟!

[دخوون]

دامهه بيقفي .. ليهه قلبي غدابهه
ليهه يتذرى ويترك بوجهي السيل !
.
ابكيء قههر لاممن طرولي غايبهه
ضاع العمر ما شفت منه محاصيل ..

[عايض العتيبي]

ليه تتركني معذب واحتريك
مالقيت اللي يسلفني صبر

تعرف إني ينشغل بالي عليك
لا تغيب بدون ماتترك خبر

[دخوون]

رقيت بْخيالي فوق قمة مشاريفك
وغنيت يوم الشوق من خافقي غنا .
وشربنا دلال الكيف من كيفي وكيفك
على جال ضوٍّ تشتعل والحطب منا .
جمعنا القدر من غير علمي وتوصيفك
ياليت القدر يتبع هوانا ويضمنّا

[إشراق !]

أدري … إن كل درب وله نهاية ،
‏بس أنا باقي معك لآخر دروبي !

[متمــردة]

ياهيه .. ياللي تدور عن عذاريبي
تبطي فديتك تلاقي عندي الزلة

مانيب كامل مير أعرف مواجيبي
والله خلقني أعرف الحق و أدله​

[عايض العتيبي]

همت في حبك ولا كنك عدوي
يا حلاة الحب من بعد العداوة

[شاهستا]

هذي اغنية وداعك .. يغنّيها الحبيب
ما بكت عينك على لحنها .. وترنيمته

انت ما تحسّ في قيمة الشيّ القريب
بسّ لا منك فقدته .. تحسّ بقيمته

[متمــردة]

هوّن على روحك من الضيقه وغن
اللي سواتك زين يشرب وياكل
عندك مشاكل بس مدري مع من
مع ان شكلك ما تحب المشاكل

[غباب]

لك حبيبي في ثنايا جوف هالقلب احترام
لك حبيبي قولتي:لبيه .. آمر .. يا بعدي
كيف اصبحك بسلام وكيف امسيك بسلام
وانت في مجرى وريدي مع سواقيه تغدي !

[متمــردة]

ياصــــــاحبي
هانت عليك المحبه
لاوحسايف عقـب هاك المواثيق

جمر الغضا في
وســط قلبي تشبه
نــار حـــطـبها يابسات المعاليق

[غباب]

قدرتي تغرزين الشوك في جوفي وتدمينه
وهجيتي خيول الحب عن صحراي بخبالك
غرامك اشبه بصدفه بلا ميعاد تنهينه
مثل برقٍ يلوح بشوف ظلمة ليلك الحالك

[الاسطوري]

كم مفرقٍ كل ما جيته تعديته
لا اشوف خطه ولا اقرا ويش لوحاته
يا كود مَفرق رقبة العطف لا جيته
يفرض علي التفاته والتنهاته
في حشمة اللي مصافيني وصافيته
من خلقتي ماحدٍ سوابي سواته
ما يسمح البال لين اقف على بيته
اضرم له ضرامة الزيدي على قاته

[متمــردة]

هزتني الذكرى و انا حيل مشتاق
وسقت القدم ليت الظروف امنعتني

[سَمآء]

ياصاحبي لا تشاورني على الردّه
لو كنت برد لك رديت من مبطي ..

حنا انتهينا وسامحني على الصدّه
الوقت مخطي وانا مثله بعد مخطي

[خفوق الروح]

يالله ياللي فزعتك تكشف الضيق
‏في بحر عفوك ماتضيق المراسي

‏انا فوجهك من قليل التوافيق
‏ومن موقفٍ مايرتفع فيه راسي

[حَمد]

ياقلب اصبر والصبر لاتمله.... الصبر مفتاح الفرج لو تأنيت

[غموض أنثى]

تفدآك عين تعشقك وآنت موجود
.. ويفدآك قلب يذكرك وآنت غآيب

[حَمد]

بين الفرح والحزْن والشوق والبين
‏خليتني في بٰـحر الأوهام غـارق ..!

‏تقسّم شعوري بـ شوفتْـك ما بين
‏حلاوة الصدفه / و مُـر المـفارق ..!

[رونق]

قربُ تريُ القلب مآيطيق فرقآك..
قرب.. ترى في قربك لي رآحه

[حَمد]

هذا انت ما خليت قلبي بـ حاله
‏كل مانساك اتصحّي الجرح وتروح

[غموض أنثى]

حبك طـراة العمر .. وأجمل هداياه*
كنت أنتظر يوم الحصاد .. وجنيته

ينسى .. غريب الدار ناسه ومرباه
وأنسى أسمي وحبك (هنا )ما نسيته ...

[عايض العتيبي]

هذي تفاصيل المفارق والغريب
أشيائك اللي تسعدك قد تهلكك

ارتباط العطر في فرقا حبيب
هذا الشعور بحد ذاته يقتلك

[حَمد]

‏كل شي نبدى به .. يبي منا ثمن
‏وأنا ما عاد اقدر ، على عجايبه !
‏ٰ
‏الحب مهما طال في هذا الزمن
‏بكره نبي ندفع ترىٰ ... ضرايبه !

[شاهستا]

هو جاه ماجاني من الشوق و أشقاني
هو ينطوي من وجع كبده من الصده ؟

[متمــردة]

هذا كل اللي بقى بيني و بينك ؟
و الغرام اللي اشعل الدنيا طفى ؟

هذا مو وجهك و لا هذي يدينك
كان فيهم شي احبه و اختفى !

[غباب]

‏اترك رفيقٍ لا بغى منك حاَجه
وازريت فيها صدّ عنّك وعاداك

عليك باللّي ما، يقوده مزاَجه
منين ما لقّيت وجهك تلقّاك

[سَمآء]

كل عآشق يحمل ب صدره طفل
تحزنه كلمه و كلمه .. تفرحه !

[حَمد]

‏هذا صباح الخير مابه خير
‏هذا صباح الي على احزاني

[عايض العتيبي]

يا أحبابي الغيّاب
الله .. يرجعكم

رحتو بدون أسباب
وشلون أودعكم

[شاهستا]

سبقتني يا عايض:MonTaseR_184:

مايرد النفس عن درب السخط غير القناعه
والرضا .. حكمة تشد العزم بالحزن الثقيل

لام

:MonTaseR_196:

[متمــردة]

ليتني فـ بعض
آلأحــلآم حــددت آلمصـير
كآن مــآ ضــيعت اوقـــاتي على تصــديقهآ

[سَمآء]

اعطيه من قلبي ولا قلت كافي
مهما طلبني الحب ما قلت بعدين
طبعي ب حبه مثل طبع السنافي
يكرم معازيبه ولو كان ب الدين ،

[غباب]

نعمْ... رماني في بحره وأنا...
أجهلُ العومَ والبحر بلا شُطآنِ.
وغرقتُ في الأعماقِ كأني...
سفينةٌ عظمى لامرساة ولاقبطانِ

[متمــردة]

نهاية احلام عمري دمعتين وعناق
‏ضيّعت دربك وقلبي في رحيلك شكىٰ

‏قلبي يشابه طفل ضايع بيوم الفراق
‏طالع يمين ويسار وما لقاك .. وبكىٰ

[إشراق !]

افتحي شبّاك وجهك للظلام!
علّمي هذا الظلام انّك قمر ،

[عايض العتيبي]

رضيت أني اعيش بواقعك مهزوم
لو أني ماطيق الوضع بالمره

خطاي أني احبك والهوى مقسوم
أعاند بالخطا واعاود الكره

[متمــردة]

همي بحر وضلوع صدري مجاديف
والعمر مركب .. بين الأمواج طايف
وقلبي وطن وعروق قلبي تجاووويف
للحزن.. وهمومي شعووب وطوائف

[عايض العتيبي]

في جرهد الضيق ماعودت خطواتي
على التساهل لحلم ودي اوصله

وضاقت جميع السبل بالقادم الآتي
واعتقت الاحلام والدنيا لوجه الله

[متمــردة]

هاتك من البُعد يا سيد الطبع الثقيل،
غيبتك ماخلّت لغيرك حضور

[عايض العتيبي]

رضيت بغيابك وأنا خاطري فيك
ماهمني لو خاطري مارضا به

[متمــردة]

هويتك كثر رعشات الخفوق وثانيات اليوم.
هويتك كثر ماصاح اسمك بداخل شراييني
هويتك كثر ماطيفك لفاني وانحرمت النوم
هويتك كثر مانادوا على اسمك وادمعت عيني

[سَمآء]

يا مالك المُلك يا الله يالشديد القوي
أنا بوجهك ... مِن الدنيا وصَكاتها

[متمــردة]

أحيـان تلقـى شخص يفـرق عن الناس
في عزتہ في طهرهہ وطيب قلبہ
وتلقاهہ يحمل في ثنى صدرهہ إحساس
تنسـى معہ كـل البشـر وإنت جنبہ .

[شاهستا]

هو وجه واحد.. في حياتك تحبّه
والباقي تدوّر على مثل هالوجه

[متمــردة]

هلا بصاحب عزة النفس و الجود
اللي تسعد النفس ساعة وصالة..

لو يبتعد عنا على البال موجود
ذكره على الخاطر برغم إنشغالة..

وافي ولا به من العذاريب منقود
جعل السعادة عبر الأيــام فـالــه..

[ازال]

هي الاخلاق تنبت كالنبات

إذا سقيت بماء المكرمات ..!

[متمــردة]

تبي تعرف ولو يسمح زمانك
تشوف الهـــم في نفسي العليله

اجامل ناس اكرهـم عشانك
وهي غاية لى احسن وسيله

[غباب]

هدي سنينك اكثر العمر قد راح
يا ما خذا مني سنيني عجاله
باقي سنة والكل منا بيرتاح
باقي سنة ونروح كل لحاله "

[حَمد]

‏هات صوتك
‏جفّ سمعي من سكوتك
‏وين وعدك وإنتظارك ؟!
‏دار عمري في مدارك
‏وإنت لاغيني ابـ برودك !

[غباب]

كأن القلب من بعدك حبيبي قفّل البيبان
لك الله كل ماحن لك خذاني ثم توجه لك
يبيك ..!؟ وكل مافيني يبيك ولك بعد شفقان
يبيك بزينك وشينك .. يبيك بصعبك وسهلك

[حَمد]

‏كم احبك ماتت بطارف لساني ؟
‏كم ابيك بعيني ضاقت بي وصبرتك
‏

كل حاجة مرت فـ بالي تعاني
‏صوتك المحبوس فيني به ذكرتك

[سَمآء]

كلام عادي .. ظلمة الفكر تغشاه
ياصبر من يسمع وياصبر صبري

وإن جيت أقول الصدق والصدق منجاه
أكثر قصيد اليوم ما عاد يغري

[حَمد]

‏يوجعونك كثر ما تطري عليهم
‏قاصدين الجرح ويدينك عرايا

‏قد ما قدمت خيرك ترتجيهم
‏قد ما ذلوك قدام .. البرايا

[سَمآء]

أنا ضحيت لك !
بـ اجمل سنيني
وانت :
غايب م ملى عينك حنين
لا تقول انك تبيني !
لو تبيني م تخليني حزين
انا تمنيتك عمر
بس العمر جداً حزين ،

[شاهستا]

نامي على النية ، وقولي على خير
بكرة تطل الشمس ، والحلم يضحك .
،
من علّم غيوم السما تحضن الطير ،
قادر يزيح الحزن ، و يضم جرحَك

[متمــردة]

كلن وبسلوبه مع الناس تكفيه
يكفيك بالانسان منطق اسلوبه
.
كم كلمةٍ تفتح عليك المشاريه
لو كان عفويه عليك امحسوبه
.
حلو الكلام الرب لناس يعطيه
غير التصنع في كلام العذوبه
.
مالك ومال الناس واللي تسويه
عنك ابخفا ولا عليك اجهروبه

[سَمآء]

هم اخذلوه … ولا لقاله طريقه ،
رغم إن معاه الحق لكن ما باح !

عشانهم ربعه : ما قال الحقيقه ،
دخّل يديه بجيبه / ودنّق / وراح !

[متمــردة]

حاولت اردّ الشوق ما طاعني الشــوق
إن جيت لك مشتـاق وان رحت مشتـــاق
يسوقني يمـّـك هبوب الهوى ســــوق
وأنساق مثل السحب وشلون مانســاق ؟!
يا صاحب الطيبة و يا صاحب الــذوق
ذوقي بحبك فـــوق عن كلّ الاذواق

[عايض العتيبي]

قلب صفالك بالوفا يوم مغليك
ماهو بعاجز لاتكبرت ينساك.

[متمــردة]

كثر المخاليك عيوني تشوفهم وبرمشه يختفون
وانتي لاشافتك عيني تضمك

وبعض البشر بنفحات نسايم طيبهم يمرون
وطيب قلبك ملكني شايل همك

[سَمآء]

كم خاطرن عانا وكم روح عاانت
والعون عونك يا معين الصابرين

بغت تزيـن وقدر الله وشاانت
وان قدر الله يصلح الحال وتزين

[متمــردة]

نهاية احلام عمري دمعتين وعناق
‏ضيّعت دربك وقلبي في رحيلك شكىٰ

‏قلبي يشابه طفل ضايع بيوم الفراق
‏طالع يمين ويسار وما لقاك .. وبكىٰ

[شاهستا]

إن خسرتك ما على الأيّام شرهه
أنا من اللي ما يعدّون الخساير

[غباب]

‏رمشك طويل .. وعيونك ليل
ومن شاف زولك حلت دنياه

تشبه قصيده جميله .. حيل
لا شفت وجهك اقول الله