((يا من يعزيني بالضاوي خسرته)) [الأرشيف] - منتديات مسك الغلا

مشاهدة النسخة كاملة : ((يا من يعزيني بالضاوي خسرته))

القارظ العنزي

12-04-18, 09:17 PM

يا من يعزيني بالضاوي ....... خسرته
كنت احسب انه مات واثره معي حي
يمكن زعل مني وانا ......... ما قهرته
بس الحسد والعين تلعب به ... شوي
يا ليتني مريت حيه ............ وزرته
وقريته له في سدرة وخلطتها ... مي
الغالي اللي لو غضب ......... ما نهرته
لو اني ادري انه في غضبته ....... ني
ولو انه ينوي قبرتي .......... ما قبرته
افداه انا بالروح حيثه لي ...... اوخي
واليانكسر بالعون جيت ....... وجبرته
عظمه عزيز وجبرته تجبر ....... الحي
عيبه يحب البيض موت ...... وخبرته
الياشافهن يذوب من هذي ....... وذي
يدور من بين الصبايا ............ ودرته
وياما نصحته من هواهن وهو ... عي
وياما لقيته بينهن من ........... سبرته
متى يتوب ويطوي من صفحته طي
ياما رجيته يبتعد ........... واختبرته
واليانصحته رده باقي لنا ....... شوي
اخشى عليه من الهوى لا ...... طمرته
ويصبح خفيف بينهن يطلب ... اثدي

القارظ العنزي

الفيفي2017

12-04-18, 09:34 PM

صح لسانك ولافض فوك

القارظ العنزي

12-04-18, 09:40 PM

صح بدنك واحساسك الفيفي 2017

مسكك الغلا

12-04-18, 09:43 PM

صح لسانك واعتلا شانك لكل غائب عذر وماتوقع خيك غايب الا من سبب
فقد قيل التمس لاخيك ٧٠ عذر ... ارجو ان تعود المياه لمجاريها ويرجع الاخوان
كما في السابق ... مررت هنا

القارظ العنزي

12-04-18, 11:36 PM

هلا بك مسك الغلا والضاوي عندي اكبر من العذر وان شاء الله يعود الينا كما عهدناه وبلوناه . حفظك الرب

نجم ضاوي

12-05-18, 01:02 AM

هذا قصيدي . بدم القلب صغته
ردآ على قافآ كوى خافقي كي

من صاحبآ .. لا جاني ولا شفته
عزالله انه .. صديقآ عزيزآ وخي

اعذب كلام . . من فؤادك نطقته
رويت عروق يبسى بأعذب المي

اعلا المراتب .. عند النجم . نلته
انتظرني يا القارظ انا يمكم جي

في غيابك .. دمع عيني . هملته
يانعل ابو دمعي عشانك ولا شي

لو اطول سهيل بيدي لك حضرته
امر تدلل . اعطيك لو تطلب كلي

يكفي بقافك .. جرح قلبي جبرته
خذيتني من حر . جلستني بالفي

اما الحب .. ترى . كم لي هجرته
حلفت يا اخوك ما احب دامني حي

القارظ العنزي

12-05-18, 06:33 AM

يا مرحبا بك يا صديق .......... صنعته
يا مرحبا بالقاف ويا مرحبا ...... بخي
قافك لفاني وانا بقافي ...... تبعته
حيثك خبير القاف وفي حرفتة شي
والحمد لله يوم حبك ........... قلعته
ما لك ومال الحب في وقتنا السي
الحب في ايام قابل .......... خبرته
وباب الشريف وباب مكة لنا .... حي
كم واحد جاني وجيته ........... وزرته
وخذيت لي معاه جلسة ..... ونحكي
والا ترى يا خوك حبي ......... هجرته
مير البلا صغيرة السن ........... ياخي
لولا العهد اللي بقلبي ....... عقدته
ما لي ومال الحب في سننا .... ذي
تقول وش بك يالعود قلبي دمرته
توي صغيرة وانت شايب .... ومرعي
وانا صغيرة ما لي راعي .... واخترته
الا انت ياللي تشبه العود ... والخي
فيك الامان ومثلكم ستر ....... مرته
هذا قراري ويشهد القول كل حي

نجم ضاوي

12-05-18, 08:31 AM

الله يعينك .. على .. زرعآ . . زرعته
اما يثمر جناه .. او يطلع ولا شي

زين العقل والتواضع عنك سمعته
ماتنظر بعينك .. لا لهذي ولا ذي

صدق الحكي والقول عنك خبرته
واضح كلامك . كنه وضوح الضي

الحب .. انا ترى .. يا اخوك جربته
واخر الحب .. علاج . . بماء مقري

يقطع سنين الحب يومي ذخلته
غرربي شبابي .. ولوني وعطري

كل من لامني في مثلك عذرته
وانا في حبك محدآ قبل عذري

يا القارظ يا اغلا صديق قابلته
وقت النوايب اشد بك ظهري

ترى حبك لساكنة عمان انكرته
اخاف لا تبيع بك يوم وتشري

القارظ العنزي

12-05-18, 09:02 AM

الحب يا مشكاي والله ..... جمعته
في وحدة خدودها كنها ..... ضي
لفت على عقلي وقلبي .. وسقته
للجادل اللي مثلها ما بعد ... جي
داره جنوب ولا حصل يوم .. شفته
وداري شمال وداركم دونه اشوي
ان كان ودك تلتحق بي مع . اخته
يالله مشينا نخطبه يا بعد .... حي
لو شفتها يا خوي عقلك... فقدته
ولا ظنتي يرجع ولو تدفع . الشي

العـ(احمد)ـالمي

12-05-18, 09:13 AM

ماشاء الله كلكم مبدعين مافيكم حيله
وعسى الله يديم العز والمحبة اللي بينكم ولا يحرمنا

الله يعطيكم العافية

القارظ العنزي

12-05-18, 09:17 AM

احمد العالمي هذا من ذوقك والابداع في وجودك ومرورك وتعطيرك متصفحي المتواضع

نجم ضاوي

12-05-18, 09:52 AM

شاعر .. ويا زين قاف ن لي كتبته
ماشبعت من زين قافك وانا اقري

اعجبني كلام ن . . بالقاف صغته
افكر اقوم واروح . . للرنج واكري

قلها اني .. اغلا صديق ن عرفته
وإني عليك .. عقب يومين ابلفي

لو مهرها مليون يالقارظ دفعته
ماشي وراك بس على وين مدري

ام سارونا

12-05-18, 10:31 AM

صح لسانكم جميعا
الله يدوم المحبة بينكم

الله يعطيك العافية ي القارظ :ورده:

القارظ العنزي

12-05-18, 12:34 PM

ابشر بعزك يا فتي .......... اليانحرته
اشتر البشت وزين كيها ....... وطي
يمكن يشوفك لو انك ............ أذية
ويعطيك في قلبك من نظرته كي
ترى حبيبي زاد فوقه ......... اشوية
حيثك كبير السن من فوقنا اشوي
وابي اكلم امها ........ والغشمرية
يا جعلها توافق وتبطل ....... الغي
يمكن تتوب وتسحي .......... يالبلية
الياوين وانت مفحط مع هذي وذي
اعقل عسى ربك يرزقك ....... بهدية
فيها الصلاح وينصلح حالة ... الخي
يا طول ما ذبيت لاجلك ........... ثنية
ويا كثر ما ونيت من قافك .... الني

القارظ العنزي

12-05-18, 12:35 PM

الله يديمك ياسمينة وصح احساسك وبدنك

نجم ضاوي

12-05-18, 04:06 PM

يبشرك .. ربي .. بأمر ن .. عقدته
وصار مده .. وانت .. له .. محتري

تجيك البشاير .. عقب صبرآ صبرته
تفز من نومك . . سعيد ن وتجري

لك حب مابين المحاني .. سطرته
ليتك .. بهذا الحب .. تعلم وتدري

يا القارظ مافات من عمري دفنته
لا تقول لها .. عن ماضيه وتطري

الماضي اسود . وانت فيني خبرته
دامها لي . . تشفي القلب وتبري

أورانوس

12-05-18, 04:19 PM

صح لسانكم جميعاً يا شعراء المسك
نثرتم طيباً مزيناً بدهن العود
وضربتم أروع مثال في الصداقة
أدامها الله بينكما

القارظ العنزي

12-05-18, 04:20 PM

الله يعين اللي بكفرك ......... هبرته
ما ظنتي ينساك كانه بقي ...... حي
والقاف اللي بالصبايا ........ سطرته
وشلون نمسح جملته يا بعد ... حي
والا ترى مثلك ابد .......... ما كفرته
يبقى على الايمان يا نادر ..... الخي
واللي مضى وراح وش بك .. ذكرته
انسه مع الايام وزمزم هو ..... المي
وتبدا طهورك في ختان ....... نذرته
في ديرة الخلان يالله نبي ...... مي
مي ومرام وبينهن من ........ شهرته
يا حلوهن يا خوك وخلي هو .. الفي
شد الرحال وشد رنج ........ اخترته
وهات المشالح وابيض اللون هو لي
نبي ديار قبلنا ............... ما نحرته
مسافة تطوى من دونهن ........ طي
وناقف مع اللي شوفها لي ... ذخرته
والباقي ادرع كان عندك لها .... شي

القارظ العنزي

12-05-18, 04:22 PM

هلا بك اورانوس صح بدنك يالغالية ، وهذا من ذوقك

مسكك الغلا

12-05-18, 04:35 PM

:reading:

وعادا نجما هذا الصرح كما السابق

جميل ماقرأت ابدعتم 👍🏾

القارظ العنزي

12-05-18, 04:38 PM

الابداع في مرورك يا سدتي مسك الغلا ونجمته .