((وش فيها الايام ما تمشي)) [الأرشيف] - منتديات مسك الغلا

مشاهدة النسخة كاملة : ((وش فيها الايام ما تمشي))

القارظ العنزي

12-08-18, 06:19 PM

وش فيها الايام . ما تمشي
وش جاها يا قوم . كسلانة
والموق من دمعته . عمشي
والدمع يزداد ......... هتانه
ولا من صديق لنا ... يرشي
ياخذ القارظ ........ لعنوانه
وانا بلاية ابو ....... رمشي
بنت صغيرة ......... وفتانة
ان شفتها مقبلة ..... تمشي
حسيت بالترف ...... عيانة
تمشي ومشية تقل خمشي
من حدة الشوق ... عجلانة
يالله يا عالي ...... العرشي
يا مكون الكون .... سبحانه
عجل لنا بشوفة ... البرشي
ابرش وتزهاه ....... خيلانه
يا رب قلبي غدا ... خرشي
والعين تبكي تبي .... فلانة
يالله عساها لنا ..... فرشي
في سنة الدين ..... واركانه
اللي شرتني بلا ..... قرشي
ولا تطري القرش .. بالسانه
يا حلوها والهوى ... درشي
سوالف تطرب ....... الحانه
بالوصف ما مثلها ... يمشي
والعين يا عين ..... شيهانة
شيهانة ضربها ...... مرشي
تاخذ على الخرب .. ميدانه

القارظ العنزي

أورانوس

12-09-18, 12:20 PM

الله الله
صح لسانك يالقارظ
والله يجمعهم بالحلال ههههههه
مررتُ من هنا على عجل

القارظ العنزي

12-09-18, 01:43 PM

صح احساسك أورانوس وامين على دواعتك حفظك الله

نجم ضاوي

12-10-18, 05:42 AM

الله الله يا .. صبي عنيزه ..
انت مجنون الحرف ...
ابداع × ابداع = رقي الكلم ...
لله درك يا .. القارظ ..

لا خلا ولا عدم ...

احلام عابره

12-10-18, 09:52 AM

صح لسانك يالقارض العنزي
مدد بلا عدد
ابدعت يغالي
عجز قلمي عن المجاراه
صايبه الكسل

لك ودي ورشة عطر

القارظ العنزي

12-10-18, 12:51 PM

الابداع في مرورك وحضورك ابو ضاوي . لاهنت يالغالي

القارظ العنزي

12-10-18, 12:52 PM

صح احساسك احلام هذا من لطفك وذوقك احترامي

سمو المجد

12-10-18, 12:59 PM

وش فيها حروفي بدت تبطي
بين كل حرفين ...ساعه
انا عن التعبير عجز وصفي
لكن اقولك لكن حروفك ...فنانة

تقبل مروري
تحياتي

القارظ العنزي

12-10-18, 05:47 PM

سمو المجد الحرف كالوقت الجميع يمشون رويدا رويدا . اسعدني مرورك .