المساعد الشخصي الرقمي

مشاهدة النسخة كاملة : ماودى احضرها الزواج


هدوء أنثي
12-09-18, 10:27 PM
مسااء الحب جانا كرت قبل اسابع زواج من قرابتنا
احسها ناس نظرهم علي لانه ماتزوجت وانا عمري 29 سنه
طيب نصيبي ماجاء وش اسوي انا مالي ذنب
صرتها مااروح بسببهم والله كلامهم جارح ويقتل
وش اسوي بحياتي انا مااحسد ولا حقوده بس نظراتهم تقهريني
انا جامعيه وقبائل واخلاق
وناس اردي من كذا لا جامعه ولا قبائل ولا شي ناقص لهم حظهم زين
دنيا سبحان الله ليش اهم كذا حظوظهم جميله وانا لا
ايه اتزوجت وسافرت مع زوجها برا وقالوا شفتوا فلانه قبل سنه زوجها حامل صارت
نعزات بكلامهم وعباراتهم صرت ابعد عنهم كثير
صح نصيب من الله بس محد فاهم الامور ذا ولا ابغي اتزوج او اتعرف على شباب وبعدها بشهور اتطلق انا عاقله وافكر قبل كل ذا وحتى خطابه اخاف اروح مع واحد خلاقه زفته واندم طول حياتي

مرجانة
12-10-18, 01:36 PM
قلبي روحي و وسعي صدرك في الزواج و لا يهمونك
لا تتحسسين من سوالفهم عن المتزوجات يمكن مو متقصدينك لكن انتي حساسة من هالمواضيع


و انتي واثقة ان الأمر مو بيدك هذا نصيب
خلاص طنشيهم و تجاهليهم
و اللي يغثك قومي عنه و لا تكلمينه او ببساطة قولي له لا تشيل همي عندي رب متكفل فيني


الله يرزقك ما تتمنين و يبعد عنك الناس اللي تجيب الهم
موفقة حبيبتي


و أبداً أبداً لا تدفنين نفسك بسبب كلام الناس

جميلة الشرق
12-10-18, 01:43 PM
يا بنتي لو حضرتي الفرح دا اضحكي وارقصي وقضي وقت حلو ولا يهمك منهم
ولو حضور الفرح هيعملك اكتئاب وزعل ولا تحضري ولا تسألي وخدى نفسك وروحي
اقعدى في حديقة حلوة وهاتى بيتزا وعصير واقطفي ورد ولو فيه بحر اقعدى قريب منه
واسمعي اغنية بتحبيها بالهاند فري وامسكي ورقة وارسمي او اكتبي بس حاجة حلوة
فرفشي نفسك وسيبك من اللى يزعلك الفاروق عمر بن الخطاب قال "اعتزل من يؤذيك"

آسيرة حرف
12-10-18, 01:52 PM
الفاضله / هدوء أنثى


مساء السعاده

:26: تحزني نظرتك لنفسك كذا ليه يدور في خاطرك كذا او بالك من الاساس
المشكله انك مجاوبه نفسك
(( طيب نصيبي ماجا ))
هذا مهوب ذنب يابنت الناس هذه اقدار ان لم يكن لك زوج ع الارض لك في الجنه
لعل الله ان لم يكتب لك خيره لك لجل تعيشي حياه اسعد
والله ربي مايظلم مخلوق خلقه
ناقصك ثبات نفسي ورضى بما منحك الله وعدم الاستعجال ع امور بسيطه كهذه
حطي في بالك لاجامعتك ولاقبيلتك ولا اخلاقك بتخلي اقدارك مثل اللي في بالك
مايكتبه الله مقبل عليك ومايدبره الاماتحيكه نفسك لنفسك

تعلمي حبه حبه تاخذين كل كلمه يقولونها من باب حسن الظن وبكذا تجنبي نفسك التفكير
وقول ليه حظهم زين وانا لا
لاتاخذين كلامهم دقه لك حتى لو كان في بالهم كذا
انتي لاتنسي ان اللي خلقك ماهو تاركك

خذي كلماتهم برحابه وسعت صدر شاركيهم ابتسمي واستنشقي الهواء اللي في الحياه
لاتكبتي نفسك وتنعزلي باسباب كلمات عابره قد لاتكون مقصوده وان كانت مقصوده
مانطبقت الارض وانتهى العالم
اللي عندك اكيد اشياء عديده منحها لك الله وهم يتمنونها

ثقي بمن خلقك ولن يميل عقلك ولن يضعف قلبك ولن ترهقي نفسك بعدها بما يقولونه


الله يرزقك حياه اجمل بكثير مماتتمني
تقبلي ردي وعبق وردي مع خالص احترامي لسموك
آسيرة حرف

سحاابة عطر
12-10-18, 02:22 PM
ومسسسسسساك ووورد
الحلوات اللي قبلي ماقصرووا :Dl3:

روحي وسعي صدرك وارقصي وفلييييها بسس بتحرمين نفسسك عشان نظرتهم وش استفدتي ؟ عيششي حياتك غيير جووك وكل واحد بيجيه نصيبه نظرة الناس تجاهليها اويمكن ماينظرون لك نفس النظره اللي تنظرينها لنفسك كلامهم دااام موو موجه لك بذاات انتي ماعليييك منه

واذا جت وحده ودقتك اكثر من مره قولي ((العيين علىى زوجججك زوجينيااه :g:امزح امزح قولي كل شي نصيب ومكتوب ))

ولا تحسسين من كلامهم شيلي هالتفكييير من راسك واستانسي الله يسعدك

صعفق طاش كندي
12-10-18, 04:01 PM
واضح ان شخصيتك ضعيفه

لازم تكونين قويه :MonTaseR_206:

صحي الوحشه اللي بداخلك خلي الناس تخاف منك

سوي نفسك مبسوطه .. لو ماقدرتي تظاهري
لاتضعفي لكلام الناس ونظراتهم

انتي ناقصك الرضا .. ارضي وأحمدي الله ولاتكثرين شكاوي

Maher-94
12-10-18, 04:36 PM
لا يقول هذا الكلام واحدة متعلمة و واعية ومتفهمة وعاقلة.
زرقك راح يجي أمامك وعندها تگولي والله كلام ماهر كان الصح..
وش دراك اذا واحدة تزوجت وبعد كم شهر وقع للشاب حادث وصار معاق
وهي راح تندب على حظها... أليس كذلك ؟
الإيمان بالقدر واحد من اركان الإيمان .. ونصيبك راح يصيبك بس اصبري
واستغفري الله .. وتعوذي الله من هذا الوسواس...
هل كانت ام سلمة تعلم ان بعد وفات زوجها ستكون زوجة للنبي ؟؟
الأجمل مافي الحياة انك لا تعرف رزقك كيف يأتي اليك ولا تعرف متى تموت...

كلام الناس ورضى الناس غاية لا تدرك.. روحي وتقبلي الدعوة وانبسطي وافرحي
ولا تشغلي بالك بمن هم ادنى منك تعليماً وحكمة .. كوني انتِ وكوني شخصيتك
كما هي بلا تمثيل ولا تكليف...

:ah11:

شَغَف
12-10-18, 06:02 PM
كل تأخيرة فيها خيرة ،
و ٢٩ مش كثير ،
يختي اعرف ناس اتزوجوا بعمر الثلاثين ومن رجال اعمارهم بالعشرين 😂
والله جد ، يعني عريسك الان احتمال يكون طالب جامعي ، هذا اذا ماكان بالثانوية :PV503112:
امزح امزح ، بس ماعلينا اضحكي شويه :in_love:
روحي افرحي ولا تشيلي هم ، اللي كاتبه لك ربك بيجيك 🌹🌹🌹
لقلبك السعادة .

ام سارونا
12-10-18, 09:08 PM
احس المشكلة فيك موب الناس
اتوقع مااحد يقول شي لكن انتي حساسة ف الموضوع هذا
وتتخيلين كل الناس تنظرك ع كذا
و29 مو كبيرة بعدين
كل تاخيرة خيرة
يااختي ملاحظة انك مركزة ع سالفة الزواج
تري الزواج موب اهم شي ف الحياة
جامعية توجهي لان تحققين طموحك
كملي ماستر
ومثل ماقلنا سابق ادخلي دورات
هذا اهم لك من الزواج كله
سبحان الله :MonTaseR_211:

ربي يوفقك

مارغريت
12-10-18, 11:51 PM
استسلم صراحه لمشاكلك اللي انتي اساسها :wallbash:
ياختي غيري من شخصيتك وتعوذي من الشيطان تراه معشش في مخك :26:

هدوء أنثي
12-11-18, 11:37 PM
شكرا لكم من اعماق قلبي بحاول اكون قويه بس لسانهم جارحه جعل في عيالكم
يتالموا ويحسوا في غيرهم اذا القريب ماسلمت من كلامكم كيف اجل البعيد مالومهم
بحاول اطبقها كل كلمه تقولوهااا ناس كثير صاروا عانس وصلوا الاربعين انا خايفه يجي لي
واحد متزوج ومعه عيال وانا بنت مااودي ادخل على زوجته ثانيه ماارضي عليهاا
وبعد مع عيال قويه مرا ولا اقدر اتعايش معاهم يصير لي مشاكل مالها اول ولا تالي
اكون حسن ظن بالله مااقدر اوفي بحقكم يابعد قلبي

سحاابة عطر
12-12-18, 02:43 AM
شكرا لكم من اعماق قلبي بحاول اكون قويه بس لسانهم جارحه جعل في عيالكم
يتالموا ويحسوا في غيرهم اذا القريب ماسلمت من كلامكم كيف اجل البعيد مالومهم
بحاول اطبقها كل كلمه تقولوهااا ناس كثير صاروا عانس وصلوا الاربعين انا خايفه يجي لي
واحد متزوج ومعه عيال وانا بنت مااودي ادخل على زوجته ثانيه ماارضي عليهاا
وبعد مع عيال قويه مرا ولا اقدر اتعايش معاهم يصير لي مشاكل مالها اول ولا تالي
اكون حسن ظن بالله مااقدر اوفي بحقكم يابعد قلبي

لا تخاافين النصيب والممكتوب إذا جاء جاء قريبه وصل عمرها 41 وماتزوحت الا تو وشااب بعد وكلي أمرك لله

سكوت
12-12-18, 05:38 AM
حبيبتي لا تهتمي بكلام الناس الفارغ هم فاضين
وبعدين الزواج وش سوى للمتزوجات هاه هم في هم

نادر تحصلين احد سعيد ولا إذا حصلتي قالوا هي ساحرته
عيشي حياتك وانبسطي إذا لك نصيب مناسب وزين والله بتتزوجينه
لو عمرك أربعين أهم شيء رجال يقدرك ويحترمك ولا يخونك ولا يغثك بحياتك

فكري عدل ترى الزواج مو نهاية الحياة بالعكس في حريم أعرفهم ماتزوجن وحياتهن زي العسل

إذا الله رزقك بوظيفه وإذأ أهلك والناس الي تحبك حولك ماعليك من الباقي أدعسي على كلامهم

الي يتكلمن ويسون نغزات بالمناسبات ويقال أني ملكة الحياة لما تزوجت وكملت كل طموحي

هذولي حريم فارغاااااات والله بالعكس يمكن الله مبعد عنك الشر

لو تزوجتي وطلع خاين أو داشر أو مو محترم أو بخيل أو كذاب أو عصبي أو ماهو قد المسوؤلية,,,,إلخ من العيوب المنتشره بالرجال هالزمن بكثير

وقتها رح تتحسفين على الساعه الي تزوجتي فيها لا تستعجلين على رزقك الله عالم بالي فيه خير وصالح لك

ويخصوص أنك ماتحضرين لا ياحبيبتي لا تضيقين على نفسك روحي ولابسي أفخم ماعندك من البس وأرقصي وأضحكي وأنبسطي ولا تهتمين ولا تتحسسين من كلام هالفرغات ناقصات العقل
وكل مناسبه فيها الي ينغزن روحي بس كذا عناد لهن وكسر لخشومهن ورزي نفسك بصدر المجلس
وخليك واثقه بعمرك والله وأنا أختك ماحد نافعك غير نفسك
لكسرتي مجاديفك بنفسك والله مارح تحصلين أحد يمد لك مجداف ورح تغرقين بالاحباط وعدم الثقه والتعب

كلهم بيتعدونك وطلعون فيك بنظرات الشفقه أو السخريه

إلا الناس الي تعرفك حق المعرفه وتعرف معدنك ززين

كلام الناس لايقدم ولايؤخر
والله لو عندك وش ماعندك مارح تسلمين من هرجهن


SEO by vBSEO 3.6.1