سود المحاجر سحبني جنوبي

[القارظ العنزي]

كل نشد عن صاحبه واشعل . النار
ونيران قلبي تشتعل .. ما دروا بي
يا لعن ابوكم يا عرب يا هل . الكار
ما شفتوا اللي طاح توه ... يدوبي
لا ناشد عني ولا شفت ..... مسيار
مادري علام العرب ما شقوا ... بي
تغيرت دنياي مع كل ........... تيار
تيار يصدمنا وتيار ............. لوبي
واخر اصحابي صار بالناس سمسار
يبيع ويشري بعرضنا ..... ما يتوبي
يالله تعوضنا عن مر ......... الامرار
بالطفلة اللي في هوانا ....... لعوبي
تاخذ علينا امرار لعبات ...... وامرار
خلتني كالمجنون شققت ..... ثوبي
هي منوتي من بين ترفات . الاعمار
صغار سن وعقلهن ......... بالهبوبي
وان عاينن بالعين يرمن . بالاخطار
سود المحاجر سحبني ..... جنوبي
وخدودهن نور القمر وقت الاسحار
من شافهن ينسى الصلاة . ويروبي
يا لعن ابوهن كيف حطن لي اهجار
كني كسيح ما يجيد ....... الركوبي

القارظ العنزي

[نجم ضاوي]

ويش .. بعقلك .. ياصاحبي .. صار
شايفك ذا اليوم .. شاعر . طروبي

ويش سوت بك .. بعدنا . . الاقدار
وويش القدر . . اللي رامك صوبي

تذكر يوم إني . . اعطيتك . . انذار
زعلت وحطيت . . دوبك في دوبي

تحسبني أنا اللي .. بحت . الاسرار
هقوتك .. فيني . . صاحب لعوبي

الله يا الدنيا .. دولاب الفلك . دار
اشرقت شمسي وشمسك غروبي

نظرتك بعيني ونظرت لي بمنظار
منظار اغواك .. عن كل .. الدروبي

ادري بقلبك .. وألتمست لك اعذار
تعال يمي واترك الظبي اللعوبي

[القارظ العنزي]

العشق عشق الروح يا سيدي البار
ما هو من عشق قلوبنا يا محبوبي
الروح تقرا روحها وكشف الاسرار
والقلب يلعب لعبته ..... ما يتوبي
ارواحنا تعاشقت رغم ..... الاعمار
ما همها ناس تخب .... وسعوا بي
ولا همها اديارنا وبعد ..... الاقطار
ولا همها من نجد والا ..... جنوبي
شي مقدر يا عزيزي ...... بالاقدار
غصب يجيك الترف لو كان نوبي
ما تبعد الارواح مع بعد . الامصار
حتى بمنامك تطربك ... باللعوبي
تمرك زيارة وتعطيك ..... ما صار
تقول تقرا يا حياتي ..... اسلوبي
مع ضمة تشفي غليلي . والاكدار
ضمة حبيبي من خفايف ذنوبي

[مارغريت]

صح لسانك شاعرنا ابيات جميله
وزادها جمال المجاره بينك وبين نجم ضاوي :نبض::نبض:

[العـ(احمد)ـالمي]

صح لسانك واعتلا شانك شاعر مبدع
ونجم ضاوي زاد على الجمال جمال
بس قولك:
وخدودهن نور القمر وقت الاسحار
من شافهن ينسى الصلاة . ويروبي
بلاش منها اجل كان بتنسيني صلاتي هههههههههه

ربي يسعدك

[احلام عابره]

ليتك ياساكن القلب .. لي جار
اويجيبك الشوق ياخل ..صوبي

تزهابك حياتي وتزين ...هالدار
واقول للعالم هاذهو.محبوبي

ياصاحبي مهما الزمن فينا دار
ولفت دروبك تلتقي مع دروبي

لاتحسبني ناسين لك ....وغدار
والله الزمن عن عادته مايتوبي

*((القارض العنزي))*
ابدعت وامتعت
صح لسانك مدد بلا عدد

[القارظ العنزي]

مارغريت أسعدني مرورك يالجزلة وتعطيرك متصفحي هلا بك

[القارظ العنزي]

احمد العالمي صح بدنك وكلك ذوق ، واسعدني مرورك وتعطيرك متصفحي ، ومن لم ينسيك جمالها صلاتك أقصد غير الفرض ، خلها على جنب ههههههه ربي يحفظك

[القارظ العنزي]

كل المشاعر يمكم وانت ... بالغار
وشلون لو جيتك أو جيت صوبي
والله لاصلكم ولو شو .... ما صار
ولو دونك العدوان . والا الدبوبي
على النقى يا بنت ماني كما الفار
اللي على الفسلات دايم .. يهوبي
اقلط على بيت ن لمسير وخطار
تفرح به الهشال كرب .. القطوبي
اقول انا يا ناس خاطب ومختار
بنت جميلة يمها جيت ... احوبي
كانك على ما قيل جاهز وبيطار
عجل بها يا سترنا .... بالخطوبي

احلام عابرة كلك لطف وذوق

[نجم ضاوي]

القلب يامشكاي .. غدى لكم دار
لا شفتكم باحت .. عني .. كروبي

من شانكم ذللت .. كل .. الاخطار
يا حالي المبسم والكلمه عذوبي

كتبت لك . . داخل القلب . . تذكار
في قافلة حبي لا نويت الركوبي

صوتك يذوبني . . يا نغمة المزمار
مدري عن قبلتي شرق ولا جنوبي

التبس كلي . . كني .. بي . . الزار
يا قلب اتعبتني .. ويا نفس توبي

سببت في النفس .. اتلاف واضرار
وكل الجوارح غصب .. يمك سروبي

كثير . قد سقت لك .. للقلب اعذار
واليوم اودعك . يا الظبي اللعوبي

[القارظ العنزي]

يا هيه ياللي شعرك يطرق على الطار
خلك مع الطيران واترك ....... هبوبي
لك لعبة خطرة واخطر من ...... الغار
الغار ابو الديبان وذيب ....... يحوبي
يا نجمنا يكفيك بالبيض ...... ما صار
ضيعتنا من البيض جعلك ..... تتوبي
اشوف انا العصفور جاء غرد .. وطار
مستغرب وش فيه واثرك ..... بثوبي
عجزت انا لاشوف زولك ... والاسرار
تلبس طواقي الخفا ......... ياللعوبي
اليغرد العصفور يصيبك ......... الزار
حرام عليك الزار وانت ...... العروبي