((هاتي عطيني هيا هاتي عطيني))

[القارظ العنزي]

لا تستحين الطيب ما به .. معيبة
قول ي وهاتي علتك ... يا غلاتي
الكل منا يشتكي من ...... نصيبه
وما قدر الله للمخاليق ...... ياتي
همومنا متشابهة ....... والمصيبة
وكل شكى من علته .... يا غناتي
وحنا ترانا دروعكم ..... بالحريبة
من دونكم نثني ونرخص حياتي
عشنا زمان شين وشان .. بحليبه
وغاب الشقيق اللي يعز الخواتي
هاتي عطيني واكتبي .. يالحبيبة
والا تراني جيتك وابدا . بوصاتي
ابي اشتكي لك حظ زاد . بنحيبه
وانت احتويه بسترتك . والعباتي
هيا احتويه بطيبتك .... يالنجيبة
ايضا احتويني قبل يبدا الشتاتي
هاتي عطيني دون شك ... وريبة
هاتي عطيني هيا هاتي .. وهاتي
وانا بابوح بعلتي ......... والغليبة
اللي كتمت اسرارها في ... لهاتي

القارظ العنزي

[أورانوس]

صح لسانك يالقارظ
ولا فض فوك


جميله هذه الابيات
اراك تحلق كل يومٍ نحو السمو
وتزين سماءنا بشعر أجمل كل يوم


لا عدمناك

[القارظ العنزي]

صح احساسك أورانوس ما ننحرم من تواجدك في متصفحنا ، فلا نحلق بغير دعمكم لنا فالكاتب والشاعر وغيره يكمن عطاءه بجمهورة ولا يحلق بدونهم . حفظك الله

[احلام عابره]

راااائعه واكثر
ابدعت وربي
هي ما اقدر اجاريها
صح صح لسانك مليون لا والله ملايين
ولا يكفون
وعدهم صح كلك

لك ودي واحترامي

[القارظ العنزي]

صح احساسك احلام عابرة هذا من ذوقك الرفيع

[مسكك الغلا]

صح لسانك واعتلا شانك
فالك البيرق وربي يحقق لك مرادك

[القارظ العنزي]

اللهم آمين مسك الغلا وهذا من لطفك