((انا فداهم صدق حرفك دلايل))

[القارظ العنزي]

انا فداهم صدق حرفك ..... دلايل
وعشقك صحيح ولا لقينا .. مثيله
وانا بلايه ناقضات ....... الجدايل
اللي خلن مثلي سواة ...... الهبيلة
تقطعت بي سبلنا ....... والوسايل
وحيد وحدي والعواني ...... قليلة
هلت علي دموعها ........ والغلايل
لا واغليل القلب ......... لا واغليله
وانا دموعي مثل سيل ... المسايل
كني كسير ما لقى من ...... يشيله
ان كان خلك ما تواضع .... وشايل
انا حبيبي ينتظر كيف ...... اجيله
عجل عليه وانت نسل ... الحمايل
شف لي طريقة يا عزيز ... القبيلة
ودي اشوفه واهتني به .. واحايل
عساه يفرش يا عضيدي ... شليله
ودي اشوفه بالحلا كيف .... قايل
ودي اتحقق من جمال .... البخيلة
ما ينفع المحروم كثر ..... الرسايل
الياصار ما يمسك باطراف الخليلة

القارظ العنزي

[نجم ضاوي]

يا صاحبي القارظ الذي مثلك قلايل
عشت أنا وياك .. سنين ن . . طويله

ويش اقول .. في ذايبات .. الجدايل
كل حبيبه . في عين العاشق جميله

ما اقول .. الا مثل .. ما قال .. قايل
عسى يلتقي . . كل . . خل .. بخليله

هذا هو حال . . حب بنات . . الحمايل
حمولهم ياقارظ على العاشق ثقيله

تشتكي .. على فداهم .. الحظ مايل
وهو غادي . من الحب .. حياته مليله

لا عنب الشام .. ولا . بلح اليمن طايل
حظوظه في الحب يا بعد حيي قليله

مشى .. في درب . . متعرج . . ومايل
ما درى . . بهالدرب .. سكه . . طويله

تجمل يا القارظ .. وانت راعي الجمايل
اترك فداهم .. يراعي .. زرعه . ونخيله

[أنا فداهم]

-

-

خلك من جروح الزمن والهوايل
لا تشب في قلبك بقايا فتيله

الله يقدرنا على ، رد الجمايل
و يبان صبرك و يبين حصيله

يا محزمي كل هم لابد زايل
إرفع كفوفك وسبحانه يزيله

والعشق خبّل بكبار السلايل
خص لا فرق بين خل و خليله

واللي نجى منه تراهم قلايل
قد شفتهم بألف ليله و ليله

حسبي على أم الضلوع النحايل
مترامية الأطراف لصارت بخيله

عز الله إنها بنت قروم وحمايل
اللي تنتظر تصبح لك حليله

الله يكتبها لك يا ، (ابن وايل)
ويهوّن عليك الدروب الطويله

-
وسلامتك
-
القارظ العنزي
بصراحة أنت قامة شعرية و رمز يفتخر أي شاعر بمجاراتك
فمني العذر ومنك السموحة لو قصرت بالمجاراة
فقصائد كقصائدك لا تجارى بسهولة
لا خلا ولا عدم

:MonTaseR_222:

[القارظ العنزي]

يا نجم ضاوي يا لطيف . العمايل
يا نافل بالطيب ربعه ..... وجيله
الحب يا مشكاي ما به ... هوايل
مثل ما قرر فداهم ......... بقيله
الحب من ولع بقلبي ...... فتايل
احس بجوف القلب مثل المليلة
واخشى بلاهن يا نما . والغوايل
واصبح مثل ما قيل ليلة . وليلة
لو شفتها ياخي بسود . الجدايل
والله التنسى السبحنة . واتهليلة
تركع وتسجد فوق ذيك الخمايل
ويضيع حرف القاف قافك وقيله
الفاتنات المخصرات .... النحايل
المكورات الردف وعين .. كحيلة
وصدورهن مثل الكما . بالمسايل
يا دوب تو النهد يفقع ..... نثيلة
يمشي وكنه يطلع طعس النثايل
مسكين وده منه يفزع ... يشيله
واليارفض ترفعه ...... لا يتمايل
يكفيك كانه يسمح تمسك شليله

[القارظ العنزي]

لي عودة باذن يا فداهم

[القارظ العنزي]

يا انا فداهم صدق ما هي هوايل
يالفارس الجحجاح حماي .. خيله
الياكوع المقرود والسيف ... مايل
لك هدة تجتاح راع ...... الاصيلة
القاف قافك والقوافي ..... قلايل
يا ملهم العشاق باصدار ..... قيله
قافك رثع بالناس وقت . القوايل
كم عاشق يقراه ضيع ...... مقيله
وكم وحدة بالبيض ما له مثايل
ساعة تقرا لك قاف يكثر .. هميلة
هون علينا يا عزيز ........ القبايل
خفف علينا القاف خفف . صهيله
القلب يا خي منهار والترف جايل
من دونهم يا خي قطعة .. طويلة
من دونهم يا خي جيش وحمايل
بس الطلايع تنتظر ...... بالدبيلة
اخاف انا لو رحت ما لي .. دلايل
اطيح وكني مقيط وذيك الثميلة
وان ما فزعت اليوم يم الخلايل
عزي لحالي يا عشيق ... الجميلة

[نجم ضاوي]

اسمع كلامي واحفظه يا إبن وايل
كليب .. ما حال . . دون حب الجليله

الشباب منك .. يا ابو سلمان .. زايل
والحب يبقى .. ما أحد .. يقدر يزيله

مسكين يا القارظ . . مر الحب شايل
حملك ثقيل .. ولا احد . غيرك يشيله

عندي .. على حالك .. شهود ودلايل
براهين . . واضحه . . ماهي .. قليله

ذبحك .. من عمان .. خيل ن .. اصايل
نسل قوم ن .. في مرباها . . اصيله

أما أنا . . قلبي . . طار .. يم . . حايل
يا بعد حيي .. تقول . . ذيك .. جميله

اصبحت من حايل .. والبس عقال مايل
متى . . ينير .. ظلام قلبي . . سهيله

[القارظ العنزي]

ما لك وحايل يا كبير ... الجمايل
وما لك وذكر كليب والا . الجليلة
كليب جدي وهو كليب ..... وايل
كم واحد ينحاش من خوف خيله
خلك ورا جيزان وذيك ... الدبايل
وحذر ترى حايل عيطا .... طويلة
بناتهم يا خوك سون ....... هوايل
من شافهن يا فلان يصبح ... هبلة