المساعد الشخصي الرقمي

مشاهدة النسخة كاملة : زوجي متعبني مرا ياليت تساعدوني بحل :(


مشكلتي
01-23-19, 04:24 PM
السلام عليكم
كيف حالكم عساكم طيبين
ابغى اقولكم مشكلتي الي متعبتني مره ومنكده علي انخطبت مثل اي بنت ووافقت وكذا والحمد لله الامور كويسه ودايم اسولف مع زوجي وامورنا حلوه زي العسل بعدها بشهرين تقريبا صار يفرض رايه علي مثلا صوري لي اللحين ولا مااكلمك ووصلت انو بعض احيان يحظرني واحاول اتصل عليه مايرد علي
وهو اذا اشتاق اتصل وانا ارد عليه وانا الصدق كنت احبه ومطيعه له اسمع كلامه بس بعد ماصار يحظرني ويحاول يفرض رايه صرت ارفض ومااصور متى مابغى واستمرينا كذا سوي ولا بزعل ومره رفضت وحظرني بعد الى يوم الملكه وهالشيء كان مضايقني مرا الكل يسالني كيف شعورك وقت الملكه اقولهم مثل اي يوم وانا ميته قهر بعد الملكه رفع الحظر ورجعنا مع بعض وكذا يعني احسن من اول بعدها رجع ثاني يطلب صور والصور الي يطلبها صور خاصه مو يعني صوره عاديه واحس انا مو لازم هالصور بعد الزواج يشوف الي يبي واغلب المشاكل عشان هالصور المهم اني رفضت واللحين له شهرين مايكلمني وانا جد ضايق خلقي بس خلاص مطنشه مثله وش الحل ياليت تفيدوني جد تعبانه نفسيتي مرا وابغى مساعدتكم

الصولجان
01-23-19, 06:32 PM
..

هي نصيحه مثل هل الامور ..
تحليها خاص بينك وبينه لا داعي من نشرها
للملا .. كوّن غداً حينما تنضحي راح تستحقري

نفسك ..


لا صور ولا مكالمات وخليه يدق راْسه بالجدار
لسه وراك بيت وحياه يمديه يشوف اللي يبي يشوفه
جعل قلبه يتوقف وانا استغفرالله واتوب اليه
اعتذر جد عن الدعوه!


وش السخافه ذي والاستهبال
وانتي عاطيته وجه سلامات سلامات ؟؟؟؟؟؟؟


اركدي واقطعي التلفون مره
الرجال ترا ما يحب الخفيفه اللي كل شي
يقولها سوي وتسويه خلي عندك
شخصيه .. وهزئيه يستاهل بعد كفين على حسابي

يعقب ! قليل ادب

آيآم
01-23-19, 10:31 PM
وعليكم السلام ورحمه الله وبركاته


هلا فيك اختي
تقولين حظرك وطلب صورك والى الحين ماتزوجك .وبعد قبل الملكه ياسلاام زين انه حظرك

وين الاهل من حيات هالمشاكل اتركيه اختي اتركيه هذي حركات مراهق

الين يكبر ويعقل اذا عقل ان شفت فيه ركاده وعزم ورجوله اتمي زواجك

والا مدام مليان مشاكل صعبه من البدايه افضل لك



امنياتي لك بحياه سعيده

غموض أنثى
01-23-19, 10:45 PM
امر غريب يطلب صورك وقبل الملكه !!

الخطيب شي والزوج شي ثاني !!



قبل الملكه مايحق له الا النظرة الشرعية بوجود الاهل



عزيزتي من يطلب صور لا يريد زوجه استخيري وانتبهي تطيعينه

مهما طلب منك والافضل الا تراسلينه ابدا مكالمات عاديه بدون محادثات ولا صور خييير ... اتمنى الا تكوني استعجلتي .. اعيدي الاستخارة

وانتبهي من الجايات .. رعاك الله

عطر النَّدَى
01-24-19, 12:32 AM
مرحباا عزيزتي
هي الاولى تجر الثانيه وبعدها يارب استرني
وانت مخطوبة بعثتي له صورة اكيد لو كنت سكرتي الباب من الاول وعلى ايديه بظبط
ولو شفتيه يموت من الالم ما تخذك فيه شفقة ولا رحمة
ماكان تجرا يطلب منك الاكثر وبطريقة التي ترضية
اياك تخافي من الخسارة الخسارة الحقيقية انك تخسري نفسك
لارضاء احد حتى لو انه زوجك لكن بما انك للان في بيت ابوك
معززة مكرمة لا تطيحي من قيمتك
احييك على قوة صبرك لانه يعمل لك حضر في فترة الخطوبة
ومع ذلك نتقلتي معاه لمرحلة الزواج بصراحة تمتلكين بال طويل
انا كلمة حظرني وحظرته اجدهاا لعب اطفال صغار
والطفل الصغير بصراحة والغير الناضج لا يصلح لزواج
فهناك الكثير من الاشخاص الذين ينطبق عليهم مقولة اجسام ...... وعقول العصافير
اسفة على المقولة لكنها حقيقة بعض الرجال الذين تفكيرهم لا يتجاوز
ان زوجة لها مهمة واحدة خلقت من اجلهاا
انت لك كيانك ايضاا وشخصيتك ورحك كل هذه الامور تستحق الحب اكثر من صورك
نصيحة لك بما انه الان زوجك ولامافر من من هذه الزيجة
لا تعرفيه ولا يعرفك الا يوم عرسكم حتى لو اراد هو يكلمك واصر على ذلك
لانه في كل الاحوال تفكيره واحد وسيتصل بك لطلب صورك الشخصية وليس لمعرفة
الانسانة التي خلف هذه الصور الشخصية وربما هذه القطاعة فيه خير لك
وسيحترمك بعد ذهابك الى بيته ويعلم بانك لا تتنازلين بسهولة وتهديد لا يخيفك
بما انك اخترتي طريق الصبر كملي صبرك ودعي ربناا انه ييسره لك لو فيه خير
الله يعينك ويريح بالك عزيزتي

Maher-94
01-24-19, 07:48 AM
..
هي نصيحه مثل هل الامور ..
تحليها خاص بينك وبينه لا داعي من نشرها
للملا .. كوّن غداً حينما تنضحي راح تستحقري
نفسك ..
لا صور ولا مكالمات وخليه يدق راْسه بالجدار
لسه وراك بيت وحياه يمديه يشوف اللي يبي يشوفه
جعل قلبه يتوقف وانا استغفرالله واتوب اليه
اعتذر جد عن الدعوه!
وش السخافه ذي والاستهبال
وانتي عاطيته وجه سلامات سلامات ؟؟؟؟؟؟؟
اركدي واقطعي التلفون مره
الرجال ترا ما يحب الخفيفه اللي كل شي
يقولها سوي وتسويه خلي عندك
شخصيه .. وهزئيه يستاهل بعد كفين على حسابي

يعقب ! قليل ادب


وانا اتابع الردود وقرأت ردك حسّيت انك مقهورة للاخت صاخبة الموضوع.. وكنت أتصور في مخيلتي وانت تقولين هذا الكلام لها!!!
حقيقاً انا معكِ في ما اشرتِ اليه...
سواء أكان رحلا ام امرأة يجب ان يكون عنده شخصية قوية لمواجهة نصل هذه المواقف

مستحيل
01-24-19, 08:17 AM
انا حقيقه ما احب ادخل بالامور الخاصه حتى لو كانت سطحيه فما بالك امور خاصه الى هالدرجه

لكن استفزني بموضوعك قصة الصور ويطلب صور !!!!!

للاسف انك عطيتيه وجه من البدايه وصروتي له
وكما قلتي انها صور خاصه مو صور عاديه

هل يعقل ان هناك رجل عاقل فيه غيره على حرمته
ان يطلب منها وهي لم تحل له بعد في فترة الخطوبه صور كهذه الصور ؟؟؟؟
سالتي نفسك هالسؤال ؟

ومع احترامي لك ولك ولخطيبك الغريب . هذا اسلوب توافه الشباب والعلاقات وليس اسلوب رجل مع زوجته

هو غبي وسخيف
وانتي غبيه وضعيفه

سمو
01-24-19, 08:35 AM
يعطيك الف عافية اختي على طرحك الواقعي
وما شاء الله جاك الردود اللي نتفق عليها ان طلبات الاخ غلط
طبعا من مبدأ حسن الظن,,, هو مشتاقلك
وايام بدايات الزواج كنا ندور اي عذر نطلع ونشرد من الدوام لاجل نرجع للبيت :y2o01875:

بس تصويرك لنفسك وارسالها بالنت فيه مخاطر كثيرة,,
طبعا احترم ردود الجميع لكن الصولجان بردت خاطري بردها لانه واااااااااااااااقعي جدا خصوصا لما قالت "يطق راسه بالجدار"
بالتوفيق

آسيرة حرف
01-24-19, 04:53 PM
الفاضله / مشكلتي

وعليكم السلام ورحمة الله وبركاته
الحمد لله بخير انتي اللي اخبارك عساك بخير

والله انا اللي تعبانه نفسيتي من مشكلتك مو انتي :MonTaseR_104:
يعني دحين انتي انخطبتي مثل اي بنت :MonTaseR_94: والله ماشفت بنت انخطبت مثلك
للاسف ولاكلمة خطيبها ع انه زوجها وسوالفهم زي العسل
هو خطيبك مايمديه يصير زوجك مو كل خطبه تنتهي بزواج
:b: يحضرك تتصلين عليه ليه نفسي اعرف !! :MonTaseR_127:
المفروض تخلينه يكره حياته لجل يسمع صوتك من جديد يتمنى رضاك تمني
انا مو منرفزتني غير خطيبك ويفرض عليك وانتي تطيعينه وتدورين رضاه :MonTaseR_160:

هذا خطيبك اللي صار زوجك بحكم انكم مملكين مع احترامي لك وله
هو من البدايه يبتزك بطلبه لصورك وحضرك وهذا يوضح انه ماتت صفات الرجوله في نفسه
ومابقي الا الاسم
لو هو يحبك قلت لو تمام منتبهه معي لو كان يبعث في نفسك الراحه اتجاهه مو يفرض ويحظر
لكن نيابه عن العتب عليه العتب عليك لانك عاجزه ع التعامل معه وتدارينه حتى ع اخطائه
فلو هو رجل كان خاف عليك لاتتصوري يمكن جواله ينسرق يمكن جواله يتعطل يفرض الف افتراض لكن مايفرق عنده الف بنت بدالك :SnipeR93: لان انتي مافرقت عندك من البدايه
فمتوقع التسيب اللي فيه لو من بدايته وقفتيه عند حده مامد لسانه وخطى خطوه الا وحاسب عليها

باختصار
من لم يعاملك معامله تليق بك لاحاجة لك به
السعاده اللي تعتقدين بتلاقيها بين يدي الرجل هذا صدقيني مالها قيمه ولاثمن بعد اللي سويتيه صراحه لذلك وقفيه عند حده

واللحين دام صدرك ضايق ضيقي صدره كونك مملكه
لاتكلميه لاتردي ع مسجاته بالاضافه لاتحظريه خليه يرسل لين ينفجر راسه افتحي واطلعي
هذا اذا رسل وماراضيتيه :b:
والله عندي حل لكن مابكتبه لك ما اضمن قدرتك ع التعامل والتصرف
وتبين الصراحه هذا مايعاشر
اذا وانتي بعيده وسيطرته واصله عليك كيف وانتي وياه في بيت واحد
من تقلل من مقداراها تصير بلاقيمه في دارها

الله يستر عليك ويكتب لك اللي فيه الخير

تقبلي ردي وعبق وردي مع خالص احترامي لسموك
آسيرة حرف

أم الرجال
01-24-19, 06:48 PM
.





مراهق تافه ما يعرف معنى الرجولة
وضعيفة مو معطية نفسها قيمة
بصراحة الموضوع مستفز
ولا كأنها علاقة زواج ..!
ودام البداية كذا
أشوف إن الإنفصال أفضل
( علاقة خربانة من كل الجهات )
وعليكم السلام ورحمة الله وبركاته

أورانوس
01-24-19, 08:10 PM
لا أعلم لم ! ولكني لم أشعر بالارتياح تجاه خطيبك
أولاً في فترة الخطوبة لا يحق له مكالمتك والحديث معك حتى يكتب العقد
وثانياً فترة الملكة هي للتعارف فقط
للاتفاق فيما بينكما على أمور هامة ستعيشونها معاً
لأسألك بعض الأسئلة وأخبريني هل لك معرفة بها أم لا ؟
- مانوع شخصيته ؟!
- ماذا يحب في المرأة وماذا يكره ؟
- ما الهدف الذي يريده من الزواج وماذا يريد منك كزوجة ؟
- ما الأساسيات التي يرغب منك القيام بها كزوجة في منزله ؟! وما الممنوعات ؟!
- في خال أخطأ أحدكما تجاه الآخر فما الإجراء الذي اتفقتم عليه لحل هذه المشكلة ؟
- لا تخلو السنة الأولى من المشاكل فهل قمتم بتقسيمها إلى مشاكل رئيسية ومشاكل فرعيه وفصلتم فيها طرق لحلها دون تدخل أطراف خارجية ؟
- ماهي مميزاته وماعيوبه ؟!
- مانقاط القوة فيك وفيه وما نقاط الضعف ؟
- هل لديه خطه ووعي بكيفية تقسيم الراتب ليتناسب مع كافة احتياجاتكما ولأسرتكما مستقبلاً ؟

صحيح أن بعض أسئلتي تبدو كبيرة عليه
ولكنها أمور هامة جداً لو تناقشتم حولها لاختصرتم سنيناً من المشاكل الزوجية
وعشتم في سعادة وراحة

أما اهتمامه بالصور وقلة الحياء فهذا انسان لا يغار عليك
ولا يهمه شرفك واسمحيلي بذلك
فهو يعلم أن جميع الأجهزة مراقبة
وكل وسائل التواصل كذلك
فكيف يرضى لزوجته مستقبلاً بوضع صور كهذه وارسالها له ؟!

حتى وان كان هذا لا يهمه
ألا تخافي أنتِ على نفسك ؟؟
أقل شيء سيشاهدك 15 رجلاً وامرأة على فكرة
ومن بلدان مختلفه وانت خلف الشاشة تنتظري منه رضا أو رفع حظر


اسمعيني يا عزيزتي
كوني حازمة واحظريه حتى لا يتبقى على الزواج إلا شهر واحد فقط
وفي ذاك الشهر ستكوني أصلاً مشغولة جداً
وبالتالي لن تعطيه كل متطلباته
وتركيزك الأهم سيكون على أساسيات أخرى
فكل ما يريده سيحصل عليه خلال شهر
لذا لا داعي للعجلة

وتذكري أن كثيراً من الشباب يخطب ويصل مع خطيبته لأشياء حساسه
ثم يطلقها قبل الزواج لأنه لا يثق بها بعد الآن
فانتبهي
انتبهي
واحذري


بارك الله فيك :MonTaseR_1:

سحاابة عطر
01-24-19, 08:43 PM
يحظر ويرفع الحظر ويزعل وش هالعقليه.

انتبهي ترسلين له صورك وهو خليه لا يرضى الشهر فيه ثلاثين يوم أن مارضى باوله يرضى بأخرره مولازم يرضى . انتي ماسويتي شي غلط من البدايه كذا مو بعيده بكره إذا تزوجتي يحط فيك انتي ارسلتي صورك ويطلع روحك

ترآنيمـ الفرح
01-24-19, 09:58 PM
أختي زوجك يبدو من النوع الأناني اللي مايحب الا نفسه
علشان كذا يكلمك وقت مايحب ويحظرك وقت مايحب
وأخاف عليك انه بالصور الحساسة اللي صورتيها له يذلك بها
ومثل ماجاء في ردود اللي قبلي كلهم وفوا وكفوا
كوني حازمة معه ولو طلب صورة قولي له لما اكون عندك صورني
عقله فارغ استغفر الله بس
الله يعطيك على نيتك وان فيه خير يبقى لك وان مافيه خير مع السلامة
امنياتي لك لكل خير

آمتنان
01-27-19, 09:27 AM
كلمه وحده اقولها لج ..
لايستحق ..

ام عمر2
01-31-19, 05:03 AM
مادري انا رايي
ان موصاحي مريض نفسي
او يمكن يطلع خبيث يبي يستغلج بالصور
اشدعوة عليك ليش الزعل هذا يدل على انه
عقله بعد ما نضج

reef
01-31-19, 03:41 PM
حقيقة اخشى أن اقول شيئاً ثم أدخل ضمن من قال عنهم صلى الله عليه وسلم
(ملعون من خبب امرأة على زوجها)
لكن لا يحق له
يا صديقة أخبريه اذا اراد فليعجل بزواجة
فهذا الامر ليس بجيد البته


اسأل الله لك التوفيق والسداد في الرأي..

حاكم
01-31-19, 03:53 PM
الجميع مكبر الموضوع زياده ومتحمسين اكثر من اللازم
وكأنه شئ اول مره يحصل بين اثنين مخطوبين
والاغلب هنا حصلت معه نفس اللي حصل معك واكثر
طبيعي يااختي تصير هالاشياء بين اثنين مخطوبين بينهم مراسلات اتصال ومحادثات
وماارى في ذلك شئ من الغرابه واغلب الشباب مثله
الا انك لابد تكونين متحفضه من اي شي يطلبه
لجل مايمل منك قبل يوصل لك !
وزين ماسويتي من عدم الرد عليه
وعسى ربي يوفقك ويجمع بينكم بخير

جديلة ورد
01-31-19, 11:53 PM
..

هي نصيحه مثل هل الامور ..
تحليها خاص بينك وبينه لا داعي من نشرها
للملا .. كوّن غداً حينما تنضحي راح تستحقري

نفسك ..


لا صور ولا مكالمات وخليه يدق راْسه بالجدار
لسه وراك بيت وحياه يمديه يشوف اللي يبي يشوفه
جعل قلبه يتوقف وانا استغفرالله واتوب اليه
اعتذر جد عن الدعوه!


وش السخافه ذي والاستهبال
وانتي عاطيته وجه سلامات سلامات ؟؟؟؟؟؟؟


اركدي واقطعي التلفون مره
الرجال ترا ما يحب الخفيفه اللي كل شي
يقولها سوي وتسويه خلي عندك
شخصيه .. وهزئيه يستاهل بعد كفين على حسابي

يعقب ! قليل ادب


قلتي اللي بخاطري شكرا لردك الجميل
اللي يبرد التسبد



مافي شي قبل الخطبه وحتى وقت الخطبه فقط
النظره الشرعيه وبوجود الاهل


استخيري واعيد نظريتك لموضوع
او استشيري اهلك امك اختك احد قريب منك

سحاابة عطر
02-01-19, 12:00 AM
حقيقة اخشى أن اقول شيئاً ثم أدخل ضمن من قال عنهم صلى الله عليه وسلم
(ملعون من خبب امرأة على زوجها)
لكن لا يحق له
يا صديقة أخبريه اذا اراد فليعجل بزواجة
فهذا الامر ليس بجيد البته


اسأل الله لك التوفيق والسداد في الرأي..


عيييين العقل ردك :ورده:

صعفق طاش كندي
02-01-19, 05:37 AM
احذري منه

والله يهديه ويصلحه

عيب عليه هالامور

انتي زوجته مو خويته


SEO by vBSEO 3.6.1