المساعد الشخصي الرقمي

مشاهدة النسخة كاملة : روايتي الأولى " أنا في هوى البحر غرقت ، والبحر بادي في مدّه " /سمو المجد


سمو المجد
01-27-19, 04:33 AM
بسم الله الرحمن الرحيم

السلام عليكم ورحمة الله وبركاته

اليوم اجتاحتني رغبة كبيرة في إني ابدأ بـ /كتابة ابنتي الأولى

" أنا في هوى البحر غرقت ! والبحر بادي في مدّه"

واتمنى ان تكون تجربة ناجحة - في عام 1436 حاولت كتجربة بالبدء لكن لم تكن لدي تلك الرغبه الجامحة التي اشعر بها الآن وعاودت الكره في عام 1437و عام1438 ولم تسعفني افكاري في السرد !!
وها أنا الآن اعيد الكرّه وقد أصبح في مخيلتي سيناريو من الأحداث والأفكار التي تزاحمت بسسب ذلك الكم الهائل من الروايات
واتمنى من كل قلبي ان تكون انطلاقه رائعه تحوز ع رضى الجميع ...
بإذن الله ساجعل في وليدتي الاولى الكثير من الاحداث الغامضه والاكشن ، سأخلق في اجوائها الحب والوفاء والاخلاص كما يوجد ايضا الكرْه والحقد والغضب ،،، سيتحدث ابطالها بلغاتٍ شتى أهمها>>لغة العيون<< وما أحلاها من لغة
تتمركز أحداث روايتي في أطهر بقاع الأرض "السعوديه" ولا تخلوا من التجوال والرحلات

تاريخ انطلاقي لها كان
3 Ages 2018

المقدمة

المحبة أرض والفرقا أراضيْ
والزمن كله ترى لاغبت ماضي
والله إني ماأشوف الا عيونك
أنّ رحلت اليوم أو طوَّل مراضي
والله إني مابكيت الا عيونك
فوق خدي كحلها والدمع فاضي
قالوا العذال والعذال مرضى
وش بلا حالك من الأشواق قاضي
قلت يهجرني حبيبي لين يرضى
علّم الظالم ترى المظلوم راضي
جرحوني في هواك وقلت أبشكي
ماهو من جرحي ولكن لإعتراضي
وش علي لو قطعوا لأجلك عروقي
من رضى بالحب يكفيه التغاضي

الامير بدر بن عبدالمحسن



>>>>>الغلاف <<<<<

https://d.top4top.net/p_1121t1b5w0.jpeg (https://up.top4top.net/)

روابط الفصول :-

سمو المجد
01-27-19, 04:37 AM
صراحة ترددت كتير وكتير جداً في اني انقل اول 10 اجزاء هنا
وبعدين نستمر معاكم ف الباقي
واتمنى من كل قلبي انها تعجبكم رغم بساطتها

متابعتكم لي وتفاعلكم معايا ودعمكم بيشجعني اني استمر


يلا ننطلق سوياً في ركاب البحر << صراحة مدري ايش يعني ركاب
بس جات ف بالي هههههههه



كونوا بالقرب دوماً:نبض:

سمو المجد
01-27-19, 04:42 AM
بسم الله الرحمن الرحيم
بدايةً احب اقول اني لا احلل نقل الروايه بدون اسمي {سمو المجد}
موعد نزول الروايه بإذن الله باخليه ف احد ايام الويك اند واذا حصل لي ظرف وماقدرت انزل باحط خبر عندكم ،،
روايتي عبارة عن واقع ممزوج بالخيال يعني ليس كل م يطرح فيها يكون واقعي .
يلا بسم الله ننطلق

البآرت الأول~
مدخل>>
يومآ مآ ستُدرك أن أقسى مآ مررت بهْ كآن خيراً أنقذك لِـ يجعلك أقوى ممآ كُنت عليه ..



واقفة تحت احد مظلات المتاجر المنتشرة في تلك الزاوية من مدينة ليون في فرنسا تحتمي من زخات المطر ومالبثت دقائق حتى بدأت كعادتها تتحدث مع نفسها حيث أن من يقف بجانبها يستمع لحديثها العجيب!
-يوووه منك دايما تحبي تورطي نفسك .! يعني كنتي عارفه من قبل م تخرجي ان في احتمال امطار وعاندتي حتى نفسك خلي عنادك ينفعك ، استغفر الله ليتني سمعت كلامك ياخي اوف بس يلا لعلها خيره !! فين الخيرة ف الموضوع ي تنحة ! لا شكل البرد اثر عليكي
واستمرت في حديثها ولم تنتبه لزوج العيون الي كان يتابعها وكاتم الضحكة ...
خالد : ياربي وش دي البنت م عمري شفت وحدة مطفوقة زيها من زمان م ضحكت هههههههههه خلني اروح اشوف و.... م لحق يكمل كلامو إلـــآ وهو سامع صوت شهقه من قلب ، طلعت نفس البنت شهقت من وجود واحد معاها وسمع كل هرجها
شيمي : اههههههىء ي ماما ليه حظي كده دايما يلا سوي نفسك م تدري عن شي وامشي
خالد : ي اختي ، اااا بس لو تحسي بالبرد عادي خذي الجاكيت حقي انا متأقلم ع هالوضع من خمس سنوات مداني تعودت
تنحت البنت : يكلمني انا؟؟؟ بس انا م قلت لو اني بردانه ! اوووه ايشبك ي خبله ماهو سمعك وانتي تكلمي نفسك!!

نحط رحالنا ف اطهر بقعة ف العالم "مكة المكرمة"

جالسة بين اربع جدران وتحدث نفسها : لمتى حتفضلي كده ي ريم مالك اي احقية انك تتكلمي ؟ كانك منتي فرد من دا البيت !
خلاص لدا الحد ويكفي اتوقع سكتت عن حقي كتير مررره بإذن الله باخدو باخدو الله لايعوق بـ/شر ...

- رييييم ، انا م قلت لك تنتبهي ع اخوك الصغير؟ لمتى وانا افهم فيكي وانتي زيك زي الجدر؟؟ متى تفهمي وتحسي! اوف منك بس ربي باليني فيكي ....
ومازالت تتلقى كل يوم الطعنات بدا الشكل من ابوها وامها
حست بعيونها بتغرق دموع : خلاص ي ريم مداكي تعودتي ع هالحال 20 سنه اتماسكي ربي بيعوضك خير ومايضيع حقك ابدا ،
قامت لاخوها بعمر 5 سنوات صغير لكن بعقل كبار كان يسمع الكلام ويحاول يمسك دمعتو \ ليه بابا يقولك كده ريم؟
ريم : لا تبكي حبيبي رائد انت رجال شوف انا مـــا بكيت ، ماهي عارفه هيا تواسيه ولا تواسي نفسها المكسوره؟ تنهدت تنهيده عميييقه وقالت يااارب جلست تتأمل اخوها وهي متأملة فيه انو بيكون لها السند الي ماشافتو ف يوم ف ابوها الي المفروض يكون سندها ..

في جهة اخرى كانت تسمع كلام ابوها لاختها الكبيره وهي خلاص تحس الوضع صار روتين يومي بس فيه شي محيرها ؛ ليه يعاملوها كده وانا ورائد يعاملونا غير؟ خلاص ي ريناد لمتى تسألي نفس السؤال ولا تلقي جواب يارب كون ف عون اختي والله اني احبها بس ماما وبابا م يخلوني اكلمها كتير ...


في نفس المدينه لكن مكان تاني>>>
- أبشرك أبشرك لقيييتلك الشخص المطلوب بنفس المواصفات الي طلبتها ..
-الله يبششرك بالخير ، راقبتوه؟ ابغا عنوانو ضروري
- اكيد ي طويل العمر دا العنوان ومد له الورقه .
-م قصرت ي بدر خلاص كده ان شاءالله بنكون تممنا نص المهمه وباقي الجزء الاهم
-واجبي ي طويل العمر ، اي خدمة ؟
-روح الله يفتحها بوجهك ويسهل امورك
-امين يارب ،عن اذنك
وخرج بدر ضارب التحية العسكريه وقفل الباب وراه ، اول م انقفل الباب مسك الورقه وطالع و على فمه ابتسامة امل وتفاؤل بإذن الله بنتمم الي انتظرناه سنتين ، ف دي اللحظة رن الجوال طلعو من جيبو لقى " حلوة اللبن " يتصل بگ. ع طول زادت ابتسامته وكأن أمو حست بفرحته دحين ورد عليها
- هلا والله عااش من سمع هالصووت ي جعلني فدوة لراعيته
ضحكت امو وقالت : م يجي ترحيبك دا إلـــآ وانت فرحان ، ها بشر ي امك ايش صار معاك ؟
- لقيت الي ابحث عنو من سنتين ي امي الحممدلله بس باقي لي اروح له زياره وان شاءالله م يصير الا كل خير .
- الله يوفقكم ي ولدي ويحميكم والله اني افتخر فيك وعقبال نفتخر ف عيالك و ..
قطعها وقال : ي امي الله يخليكِ م نبي نفتح الموضوع من جديد دحين. انتي عارفه رأيي ف الموضوع
- الله يهديك ي فيصل ويرزقك من واسع ابواب الرزق
-امين امين ي رب ، يلا امي مضطر اقفل دحين وان شاءالله انا عندكم ع الساعه 9 العشا
- الله يحفظك من كل شر خلي بالك ع نفسك
-لاتشيلي هم ي غاليه ، ف امان الله .
قفل الجوال واتجهه ع العنوان وكلو امل ان الي مخطط له يتم فاقرب وقت لان الي ضاع كتيررر مررره


نرجع لليون ,,,
م زالت واقفه مكانها وتفكر بصوت عالي كعادتها مما جعل الواقف امامها يضحك بصوت مرتفع
- هيييي ليه تضحك دحين ي الاخ؟
- اسمي خالد بالاخت
- اوف منو ي ربي ليه م جا غير هو ف طريقي؟؟
خالد:-قلتي شي؟
-لا لا اقول مشكور ي خالد بس كيف دريت اني بردانه؟
خالد وهو مبتسم ؛ انتي الي قايله بنفسك
ضربت جبهتها : اييوه صحح معليش انسى بسرعه انا
- م عندك مشكلة ي ...؟
-شيمي ^_^
خالد : تشرفنا ي شيمي
شيمي : تسلم ، باقي بتديني الجاكيت ولا تراجعت؟
خالد : هههههههههههههه والله ان م عمري قابلت احد زيك ، لا م تراجعت تفضلي وخلع الجاكيت الاسود وعطاها اياه
اخدت الجاكيت ولبستو وقبل تمشي قالت طيب انت كيف بتمشي كده تحت المطر؟
خالد : قلتلك متعود عادي
شيمي : اوك مشكور مع السلامه ومشبت متجهه للشقه الصغيره بحيث كانت ساكنه فيه هي واخوها مدير شركة جو فرنسا لشغله تاخد منه اسبوعين تقريبا ، وهي م زالت ف افكارها لقت نفسها قدام الباب طلعت المفتاح من شنطتها وجات بتفتح الباب بس في يد سبقتها ومسكت يدها وغطت عيونها ، جات بتصرخ لكن اليد كانت اسرع وكتمت فمها ....

كككت ،،
ايش رأيكم ف البارت ان شاءالله تكون بدايه حلوه وعجبتكم ، اتقبل الانتقاد بكل رحابة صدر ، بانتظار توقعاتكم🙈 دمتم بود الى الملتقى القادم بإذن الله 🤚🏻

مخرج>>
لن تنضج إلا بعد أن تشعر أن لديك الكثير من الكلام،
و لكنك لست بحاجة إلى أن تخبر بهِ أحد ..!

مرجانة
01-27-19, 08:41 AM
يعطيك العافية يا سمو المجد

أحب أهنيك بانطلاق روايتك
إن شاء الله تكون مثل ما تتمنين و أكثر و تلقى الكثير من الإعجاب

قرأت شوي من البارت الأول
ربي يسعدك

إن شاء الله راجعه للقراءة لكن حبيت أضع رد قبل لا أطلع
بالتوفيق

سمو المجد
01-27-19, 03:59 PM
يعطيك العافية يا سمو المجد

أحب أهنيك بانطلاق روايتك
إن شاء الله تكون مثل ما تتمنين و أكثر و تلقى الكثير من الإعجاب

ان شاءالله يارب اتمنى من كل قلبي والله

قرأت شوي من البارت الأول
ربي يسعدك

وان شاءالله تكمليه ويعجببببك
ويسعدك يارررب

إن شاء الله راجعه للقراءة لكن حبيت أضع رد قبل لا أطلع
بالتوفيق

ي هلا ي هلا بمرجانه
منورتني بطلتك وردك الأول ع روايتي

ربي يعافيكِ ي غاليه

بانتظارك:نبض:

شهرزآد
01-27-19, 04:57 PM
بداية غامضة ولسه ما عرفنا كثير عن شخصية شيمي وخالد وفيصل وريناد
مين الشخص يلي بيدور عليه فيصل وليش ريناد ابوها يعاملها بسوء
متابعة معك و ان شاء الله نتعرف اكثر على الشخصيات
من زمات ما قرات رواية باللهجة السعودية
موفقة سمو

سمو المجد
01-27-19, 05:00 PM
بداية غامضة ولسه ما عرفنا كثير عن شخصية شيمي وخالد وفيصل وريناد
مين الشخص يلي بيدور عليه فيصل وليش ريناد ابوها يعاملها بسوء
متابعة معك و ان شاء الله نتعرف اكثر على الشخصيات
من زمان ما قرات رواية باللهجة السعودية
موفقة سمو

مو يقولوا الغموض حلو ههههههههه
باذن الله بتتعرفي ع الشخصيات اكتر ف الاجزاء الجايه
تسعدني متابعتك غاليتي شهرزاد

اتمنى تنال ع اعجابك
يسعدك ربي

أحـمـد
01-27-19, 10:20 PM
طالما بدئت فى القراءه والسرد سرقنى من اول كلمه لاخر كلمه
اذا القصه اكيد جميله ومتميزه
يمكن انا عندى صعوبه شويه فى استيعاب اللهجات
بس بصراحه لم اجد اى صعوبه فى فهم احداث القصه
شعرت انكى استخدمتى الى حد كبير لهجه بيضاء غير معقده
مبدئيا البدايه جيده وتشعب الاحداث متميز والسرد بسيط وغير معقد
تكتبين بعفويه جميله وهذا ما يشد اى قارئ لاى قصه
اتمنى ان تكون باقي الاجزاء عند نفس المستوى
وان لا يفتقد سردك الى الحبكه والترابط من اول القصه الى نهايتها
سلمتى اختى الطيبه ومتابع ان شاء الله
ملاحظه بسيطه غلاف القصه رائع ومتميز تحياتى لمن صممه

سمو المجد
01-28-19, 02:32 AM
طالما بدئت فى القراءه والسرد سرقنى من اول كلمه لاخر كلمه
اذا القصه اكيد جميله ومتميزه
يمكن انا عندى صعوبه شويه فى استيعاب اللهجات
بس بصراحه لم اجد اى صعوبه فى فهم احداث القصه
شعرت انكى استخدمتى الى حد كبير لهجه بيضاء غير معقده
مبدئيا البدايه جيده وتشعب الاحداث متميز والسرد بسيط وغير معقد
تكتبين بعفويه جميله وهذا ما يشد اى قارئ لاى قصه
اتمنى ان تكون باقي الاجزاء عند نفس المستوى
وان لا يفتقد سردك الى الحبكه والترابط من اول القصه الى نهايتها
سلمتى اختى الطيبه ومتابع ان شاء الله
ملاحظه بسيطه غلاف القصه رائع ومتميز تحياتى لمن صممه

الفاضل// أحمد
مرورك وردك العطر اسعدني والله
وما اسعدني اكتر هو سلاسة الكلمات رالاحداث بالنسبه لك
ولكل قارئـ/ة
كون بالقرب دوماً لمعرفة باقي الاحداث ان شاءالله

دمت بخير :MonTaseR_205:

الصولجان
01-29-19, 10:46 PM
..


بِسْم الله ابتدي ..

اولاً اهنيك على خيالك والظاهر اني برجع نفسيه
مثل قبل يومين ..!

تستهويني القصص الرمانسيه
وشيمي وخالد هنا الظاهرة نسخه 2 عن مسلسل
حب الصدفه .. لكن بطرق مختلفه
ومن اللي خطف شيمي ؟؟؟


استخدمتي ثلاث عوائل اما رائد وريناد قضيه
يعاني منها اكثر البنات الاهمال والقسوة من احد
الأبوين

العائله الثالثه ابطالها مخفيين باقي ما اتضحت
صورتهم بعد

اعطيك 100٪ كونها بدايات مشوقه انتظر الجديد
وفقك الله وختم

مساحة قلم
01-29-19, 10:57 PM
السلام عليكم.ورحمه الله وبركاته
داخل هنا لاعطي رايي بكل صراحه.... فتقبلي كلامي كنصائح
ساعلق على الجزء الموضوع فقط
اولا ناتي لاحداث الروايه كبدايه الاحداث جميله ومتعدده وهذاء مايضيف رونق جميلا للروايه
ثانيا..... احسست لوهله في النصف الاول من الروايه انك تجدين صعوبه في الانتقال من حدث لحدث... ولكن تفاديتي هذه المشكله بالانتقال تدريجيا في القسم الثاني


النقطه الاخيره الي احب انبهك عليها
في طريقه سردك استخدمتي نوعين من الخطاب الشعبي والفصحى نصيحتي هي اما ان تكتبي بالفصحى او بالشعبي

اما تقييمي لك فبخليه هنا80 لاني اعلم وكل يقين ان الاجزاء الباقيه ستكون اجمل وافضل

مرجانة
01-30-19, 07:15 AM
بسم الله الرحمن الرحيم
بدايةً احب اقول اني لا احلل نقل الروايه بدون اسمي {سمو المجد}
موعد نزول الروايه بإذن الله باخليه ف احد ايام الويك اند واذا حصل لي ظرف وماقدرت انزل باحط خبر عندكم ،،
روايتي عبارة عن واقع ممزوج بالخيال يعني ليس كل م يطرح فيها يكون واقعي .
يلا بسم الله ننطلق

البآرت الأول~
مدخل>>
يومآ مآ ستُدرك أن أقسى مآ مررت بهْ كآن خيراً أنقذك لِـ يجعلك أقوى ممآ كُنت عليه ..



واقفة تحت احد مظلات المتاجر المنتشرة في تلك الزاوية من مدينة ليون في فرنسا تحتمي من زخات المطر ومالبثت دقائق حتى بدأت كعادتها تتحدث مع نفسها حيث أن من يقف بجانبها يستمع لحديثها العجيب!
-يوووه منك دايما تحبي تورطي نفسك .! يعني كنتي عارفه من قبل م تخرجي ان في احتمال امطار وعاندتي حتى نفسك خلي عنادك ينفعك ، استغفر الله ليتني سمعت كلامك ياخي اوف بس يلا لعلها خيره !! فين الخيرة ف الموضوع ي تنحة ! لا شكل البرد اثر عليكي
واستمرت في حديثها ولم تنتبه لزوج العيون الي كان يتابعها وكاتم الضحكة ...
خالد : ياربي وش دي البنت م عمري شفت وحدة مطفوقة زيها من زمان م ضحكت هههههههههه خلني اروح اشوف و.... م لحق يكمل كلامو إلـــآ وهو سامع صوت شهقه من قلب ، طلعت نفس البنت شهقت من وجود واحد معاها وسمع كل هرجها
شيمي : اههههههىء ي ماما ليه حظي كده دايما يلا سوي نفسك م تدري عن شي وامشي
خالد : ي اختي ، اااا بس لو تحسي بالبرد عادي خذي الجاكيت حقي انا متأقلم ع هالوضع من خمس سنوات مداني تعودت
تنحت البنت : يكلمني انا؟؟؟ بس انا م قلت لو اني بردانه ! اوووه ايشبك ي خبله ماهو سمعك وانتي تكلمي نفسك!!

نحط رحالنا ف اطهر بقعة ف العالم "مكة المكرمة"

جالسة بين اربع جدران وتحدث نفسها : لمتى حتفضلي كده ي ريم مالك اي احقية انك تتكلمي ؟ كانك منتي فرد من دا البيت !
خلاص لدا الحد ويكفي اتوقع سكتت عن حقي كتير مررره بإذن الله باخدو باخدو الله لايعوق بـ/شر ...

- رييييم ، انا م قلت لك تنتبهي ع اخوك الصغير؟ لمتى وانا افهم فيكي وانتي زيك زي الجدر؟؟ متى تفهمي وتحسي! اوف منك بس ربي باليني فيكي ....
ومازالت تتلقى كل يوم الطعنات بدا الشكل من ابوها وامها
حست بعيونها بتغرق دموع : خلاص ي ريم مداكي تعودتي ع هالحال 20 سنه اتماسكي ربي بيعوضك خير ومايضيع حقك ابدا ،
قامت لاخوها بعمر 5 سنوات صغير لكن بعقل كبار كان يسمع الكلام ويحاول يمسك دمعتو \ ليه بابا يقولك كده ريم؟
ريم : لا تبكي حبيبي رائد انت رجال شوف انا مـــا بكيت ، ماهي عارفه هيا تواسيه ولا تواسي نفسها المكسوره؟ تنهدت تنهيده عميييقه وقالت يااارب جلست تتأمل اخوها وهي متأملة فيه انو بيكون لها السند الي ماشافتو ف يوم ف ابوها الي المفروض يكون سندها ..

في جهة اخرى كانت تسمع كلام ابوها لاختها الكبيره وهي خلاص تحس الوضع صار روتين يومي بس فيه شي محيرها ؛ ليه يعاملوها كده وانا ورائد يعاملونا غير؟ خلاص ي ريناد لمتى تسألي نفس السؤال ولا تلقي جواب يارب كون ف عون اختي والله اني احبها بس ماما وبابا م يخلوني اكلمها كتير ...


في نفس المدينه لكن مكان تاني>>>
- أبشرك أبشرك لقيييتلك الشخص المطلوب بنفس المواصفات الي طلبتها ..
-الله يبششرك بالخير ، راقبتوه؟ ابغا عنوانو ضروري
- اكيد ي طويل العمر دا العنوان ومد له الورقه .
-م قصرت ي بدر خلاص كده ان شاءالله بنكون تممنا نص المهمه وباقي الجزء الاهم
-واجبي ي طويل العمر ، اي خدمة ؟
-روح الله يفتحها بوجهك ويسهل امورك
-امين يارب ،عن اذنك
وخرج بدر ضارب التحية العسكريه وقفل الباب وراه ، اول م انقفل الباب مسك الورقه وطالع و على فمه ابتسامة امل وتفاؤل بإذن الله بنتمم الي انتظرناه سنتين ، ف دي اللحظة رن الجوال طلعو من جيبو لقى " حلوة اللبن " يتصل بگ. ع طول زادت ابتسامته وكأن أمو حست بفرحته دحين ورد عليها
- هلا والله عااش من سمع هالصووت ي جعلني فدوة لراعيته
ضحكت امو وقالت : م يجي ترحيبك دا إلـــآ وانت فرحان ، ها بشر ي امك ايش صار معاك ؟
- لقيت الي ابحث عنو من سنتين ي امي الحممدلله بس باقي لي اروح له زياره وان شاءالله م يصير الا كل خير .
- الله يوفقكم ي ولدي ويحميكم والله اني افتخر فيك وعقبال نفتخر ف عيالك و ..
قطعها وقال : ي امي الله يخليكِ م نبي نفتح الموضوع من جديد دحين. انتي عارفه رأيي ف الموضوع
- الله يهديك ي فيصل ويرزقك من واسع ابواب الرزق
-امين امين ي رب ، يلا امي مضطر اقفل دحين وان شاءالله انا عندكم ع الساعه 9 العشا
- الله يحفظك من كل شر خلي بالك ع نفسك
-لاتشيلي هم ي غاليه ، ف امان الله .
قفل الجوال واتجهه ع العنوان وكلو امل ان الي مخطط له يتم فاقرب وقت لان الي ضاع كتيررر مررره


نرجع لليون ,,,
م زالت واقفه مكانها وتفكر بصوت عالي كعادتها مما جعل الواقف امامها يضحك بصوت مرتفع
- هيييي ليه تضحك دحين ي الاخ؟
- اسمي خالد بالاخت
- اوف منو ي ربي ليه م جا غير هو ف طريقي؟؟
خالد:-قلتي شي؟
-لا لا اقول مشكور ي خالد بس كيف دريت اني بردانه؟
خالد وهو مبتسم ؛ انتي الي قايله بنفسك
ضربت جبهتها : اييوه صحح معليش انسى بسرعه انا
- م عندك مشكلة ي ...؟
-شيمي ^_^
خالد : تشرفنا ي شيمي
شيمي : تسلم ، باقي بتديني الجاكيت ولا تراجعت؟
خالد : هههههههههههههه والله ان م عمري قابلت احد زيك ، لا م تراجعت تفضلي وخلع الجاكيت الاسود وعطاها اياه
اخدت الجاكيت ولبستو وقبل تمشي قالت طيب انت كيف بتمشي كده تحت المطر؟
خالد : قلتلك متعود عادي
شيمي : اوك مشكور مع السلامه ومشبت متجهه للشقه الصغيره بحيث كانت ساكنه فيه هي واخوها مدير شركة جو فرنسا لشغله تاخد منه اسبوعين تقريبا ، وهي م زالت ف افكارها لقت نفسها قدام الباب طلعت المفتاح من شنطتها وجات بتفتح الباب بس في يد سبقتها ومسكت يدها وغطت عيونها ، جات بتصرخ لكن اليد كانت اسرع وكتمت فمها ....

كككت ،،
ايش رأيكم ف البارت ان شاءالله تكون بدايه حلوه وعجبتكم ، اتقبل الانتقاد بكل رحابة صدر ، بانتظار توقعاتكم🙈 دمتم بود الى الملتقى القادم بإذن الله 🤚🏻

مخرج>>
لن تنضج إلا بعد أن تشعر أن لديك الكثير من الكلام،
و لكنك لست بحاجة إلى أن تخبر بهِ أحد ..!


اهلا يا سمو
يسعد صباحك
رجعت بعد ما قرأت البارت كله
وجدت لمحات بسيطة عن بعض الشخصيات
و بدأ التشويق أكيد مع القفلة
جميل جداً

إن شاء الله متابعة
و ننتظر البارت القادم

فراشة كريستالية
01-31-19, 10:42 AM
ك بدايه حبيتها :61:
وان شاء الله متابعة :نبض:

حنين النوارس
01-31-19, 01:06 PM
موفقة وبرافو سمو افكار. جميلة جدااا
اذا دغدغك قلمك اطلقي ضحكته لا تهتمي للمتلقي لان الاحساس سيخرج منك وان اصبت نفسك اصبت القارى

سمو المجد
02-01-19, 02:02 AM
بسم الله الرحمن الرحيم

البـــآارت الثآنــي
مدخل>>
روحك ليست مصنوعة من زجاج
دع الحياة تصدمك
فلتُهزم فلتخطئ فلتخذل فلتيأس
لا تهرب دع الحياة تقوّيك الزمن أگبر معلّم للإنسان..!



خالد : قلتلك متعود عادي
شيمي : اوك مشكور مع السلامه ومشبت متجهه للشقه الصغيره بحيث كانت ساكنه فيه هي واخوها مدير شركة جو فرنسا لشغله تاخد منه اسبوعين تقريبا ، وهي م زالت ف افكارها لقت نفسها قدام الباب طلعت المفتاح من شنطتها وجات بتفتح الباب بس في يد سبقتها ومسكت يدها وغطت عيونها ، جات بتصرخ لكن اليد كانت اسرع وكتمت فمها ....

: اترررككهااا ي حيوان ايش تبغا فيييها؟
الي كان ماسكها انصدم ! كيف كده؟ معقولة م جا غير ف دا الوقت م قد جا ، انا متأكد مراقبوا تمام اااخ بس يالقهر ، ولا ،، كمان جات ع حظي اليوم يجي ؟ التفت بسرعه وجاتو لكمك قوية ع وجهو من الي كان واقف وراه وتلتها عدة لكمات، لين م افتكر الوضع الي هو فيه ، رفع راسه شاف اللي كانت طايحة ف الارض وباين انها متخدرة من المنديل الي جنبها ، وقف وقبل لا يروح لاختو رفز الشخص المرمي بسبب الضرب الي جاه وقال لو : قول للي راسلك تصفيه حساباتنا تكون رجل لرجل لاتدخل الحريم بيننا فااااااهم؟؟
م رد عليه غير بإيماءه خفيفه من راسو ، مشي الواقف وراح للمرمية شالها وفتح باب الشقه بمفتاحها الي طاح قدام الباب ودخل ع اول كنبه يمين الصاله سدحها وراح المطبخ جاب كوب موية وراح لها واستغرب ف البداية من الجاكيت الي كان عليها باين رجالي "معقول تكون مقابله احد منهم؟ ااخ منك ي شيمي م تجيبي لي ولك غير المشاكل ، بس خلها تصحى واتفاهم معاها"<هكذا كان يدور الحديث بينو وبين نفسو ... حاول يرش ع وجهها عشان تفوق بعد كم محاولة قال ف نفسو خلاص بتفوق من نفسها ودخل غرفتو طلب عشا من مطعم قريب منهم وراح ياخد لو شاور سريع ع مايوصل الاكل ..
^
^
^
^

في مطار الملك خالد الدولي ف الرياض
كان مع الركاب ينتظر الرحلة ، محتاج يخرج من الرياض ف الثانيه دي قبل الساعه الجايه ..يحس انو مخنوق منها م عـــآاد يفكر يرجع تاني ابدا ...

"الاعلان النهائي لرحلة طيران الخطوط السعوديه رقم (203) المتجهة من (الرياض) الى(لندن) يرجى لركاب الدرجة الاولى والاعمال التوجه الى البوابة رقم واحد استعداداً لصعود الطائرة مع تمنياتنا لكم برحلة سعيدة...

بعد سماعه للاعلان قام من الكراسي متجهه الى البوابه المحدده مودعاً انفاسه الاخيره ف مدينته الي ترعرع فيها وحملت كل ذكرياته بحلوها ومرها ، صعد للطائرة وجلس ف مقعد جنب النافذه ورتب وضعوا بانتظار الاقلاع ..
بعد فتره قصيره اعلنوا للركاب انه حان الاقلاع ، عليهم بربط الاحزمه وبعض المعلومات المهمه ف الرحلة. ماحس غير بشي ينغرز ف يدو وبشكل قوي فتح عينو لقى بنت بحجابها ومغمضه عيونها ومتشبثه فيه بقوة ، كتم ابتسامتو ع حركتها وتركها، بعد م استقرت الطياره ف السما كانت لاتزال متشبثه فيه وهو متأكد انها لو رفعت يدها بيلقى علامه كانو كان ف عراك مع قط 😂 تحمحم خفيف ، وحس ان الضغط الي ع يدو خف ،سمعها وهي تعتذر اذا كانت سببت لو جرح ف يدو،، ابتسم وهو يقول : م عليكي حصل خير ..


ييييييييس جبت الاول جبت الاول
- ي وولد اسكككت ولا والله لا اسحب السوني منكك
-لا لا خلاص حاسكت اخر مرره
-هيا نشوف ، من الصباح وانت تعيد نفس الكلام طفشتني وقسم بالله
-جوعان ايش سويتي اككل ؟
-ودا الي فالح فيه انت اكل ومرعة وقلة صنعة بس قول لي ايش فايدتك ف الحياه؟
-اهم شي اني اتنفس الهوا
-اقول فارق لا اهفك كف دحين
-طيب خلاص اسف ، احبك ي احلى اخت
-ايه بس اقعد صرفني ب احبك وماني عارفه ايش ! يلا بس امشي خخلنا ناكل
م شافت غير غبرتو ع طاولة الاكل
فههههههههد قووم غسل يدك اول
فهد: بلى ف شككلك فجعتيني لا تصرررخي خرب اسمي -_-
-لا باللهي؟؟ احلف بس
فهد: خلاص انا باخرب اسمكك كمان بس اصبري
-هين نشوف قوم بس يلا


وصل العنوان الي كتبوا له بدر ووقف قدام الباب والسعاده بتوصل منو مواصيلها ، دق الجرس وانتظر دقيقتين لين جاه شاب ف نهاية العشرينات وفتح له الباب ، طل يتأمل فيه لفترة وقال: السلام عليكم
رد الشاب ببرود : عليكم السلام
فيصل قال ف نفسو دي البدايه الله ييسر لي وما يتعبني بعنادو
- استقبال الضيوف عند الباب يكون؟ <قالها فيصل وهو مبتسم
رد عليه الشاب باقتضاب وهو متوجس من مجيء دا الشخص الغريب
- لا تخاف معاك الملازم فيصل سعود
قال الشاب ف نفسو الله يجعلو خير بس
واتجهو لمجلس الرجال قال الشاب لفيصل خد راحتك ثواني اجيب الضيافه واجي وخرج متجهه للمطبخ
جلس فيصل يتأمل ف المجلس شويه وخمن ان وضعهم متوسط الحال فجأة انقتح الباب بقوه وصوت بنت تنادي حساااام ، سووومي فينك يلا مسوية لك مفا... وبترت كلمتها يوم شافت الجالس ف الكنبه وانصدمت وماتشوف غير غبرتها
فيصل بالقوووة كتتم الضحكة اجل دا الجلمود تناديه سومي😂 شكلي بجرب اناديه فيها يمكن تفك ازمات كتير تكون بتوقف قدامي ...!

مخرج>>
ولان ابسط الاشياء تؤثر فيك ،
ستتعب كثيرا يا صديقي هذا العالم لا ينفع معه ان تشعر كثيرا ..!



انتهى البارت
معليش لو كان قصير بس فعلا م كان عندي افكار ووقتي ضيق باذن الله أعوض لكم ف البارت الجااي
دمتم بود

سمو المجد
02-01-19, 03:01 AM
اهلا يا سمو
يسعد صباحك
رجعت بعد ما قرأت البارت كله
وجدت لمحات بسيطة عن بعض الشخصيات
و بدأ التشويق أكيد مع القفلة
جميل جداً

إن شاء الله متابعة
و ننتظر البارت القادم


اهلا مرجانه
صبااحك اسعد غاليتي
اسعدني تواجدك بين صفحات روايتي
واتمنى تكوني معايا للاخير

نورتي غاليتي

سمو المجد
02-01-19, 03:02 AM
ك بدايه حبيتها :61:
وان شاء الله متابعة :نبض:

بنت عدنان
نظرة منك ع موضوعي تسعدني
وتعليقك يسعدني اكتر واكتر
كوني بالقرب دوماً صديقتي :نبض:

سمو المجد
02-01-19, 03:03 AM
موفقة وبرافو سمو افكار. جميلة جدااا
اذا دغدغك قلمك اطلقي ضحكته لا تهتمي للمتلقي لان الاحساس سيخرج منك وان اصبت نفسك اصبت القارى


حنين النوارس
كلماتك تدعم الروح معنوياً وتجعلها تستمر ف العطاء
كوني بالقرب غاليتي لنبحر معاً مع ابطالي

سمو المجد
02-07-19, 07:42 PM
بسم الله الرحمن الرحيم

البـــآرت الثالث
مدخل>>

لا تتوقف الحياة بحضور أحد أو بغيابه ؛
لذلك ,,لاتهتم إلى الابد .. !
ولكن قطارات عقولنا تتوقف عند محطة ذكريات


ف الطائرة > كان اخذ وضعية الاسترخاء يحاول م يفكر لا ف ماضي واا ف حاضر ولا مستقبل ، هدوء اللحظة عااجبو بقوة . فجأة سمع صوت ناعم من جنبو : شكلك واحد بارد الدم ..!
بينو وبين نفسو يقول شكلنا بنبدا الحين !! فضل الصمت ع الجواب
رجع الصوت : اككره شي ف حياتي الي يتجاهل كلامي ، ع الاقل رد بكلمة بس
، صار يطالع فيها بنص عين وقال: اتوقع معرفك ولا تعرفيني عشان اكون مجبور اجاوب؟
قالت : الله يخلف ع عقلك المتحجر بس
رد عليها : قصدك الله يخلف ع العقل الي ف مخك شكلو مضروب !!
م لقى منها رد وظل ساكت الىن قطعت السكوت مره تانيه وقالت : طيب انا اسفه بس دايما ف حياتي أنا ف الهامش ماحد يسمع لي ولا يوجهني ولا ينصحني احسني وحيده رغم ان عندي 3 أخوان اكبر مني واخت اصغر مني بسنه
نبرة صوتها كانت حزينه واثرت فيه " ايش فيك ي بندر ؟؟ لا تتأثر بسهوله خلك بارد مثل م انت "
م لقت رد غير الصمت ، لكنها استمرت ... تدري رغم البرود الي ف حياتي ، إلا أني احب أسوي لي جو مهما كان الوضع !
واخيرا قطع الصمت وقال : ي اختي انـ... وقطعت كلامو وقالت: بدون اختي والخرابيط ذي اسمي إلهام ي ...
- بندر .
تشرفنا بنندر ، وابتسمت .
طيب ي إلهام ممكن تسمحين لي والله اني مصدع ولا خف الصداع تكلمي براحتك ، بس الحين خلني أريح شوية بس الرحلة مطولة
حزنت عليه وأنبت نفسها : سلامات ، خلاص باسكت ،اعذرني
-مسموحة




بدت تفتح عينها وهي تحس بصداع خفيف ، بدت تفتح عينها تدريجيا لين صارت الرؤية واضحة بس كانت الاضاءة خافته ، ركزت ف الكان شوية "انا متى وصلت هنا ؟ م اذكر شي ! بعد ثواني بدت تسترجع الاحداث طالعت ع نفسها لسه باقي الجاكيت عليا ، افتكرت اخر شي صاو وهو المنديل الي جا ف وجهها... رفعت راسها شوية بتعدل جلستها وسمعت صوت ف المطبخ حاولت تركز بس تحس بصداع مو مساعدها ع التركيز او فعل اي شي
-مين هناكك؟؟
لقت ظل شخص طلع من المطبخ ع اثر صوتها و في يدو اليمين كاسة مويا ويدو اليسار ماسك فيها الجوال من للاضاءه باين
-أخيرا صحيتي ييختي !!
حسست بدموعها بتنزل من المفاجأة معقولة يكون جا ليا اسبوع استناه حاولت تقوم وقامت بس بتجري تحضنو م كان عندها قوة كافية ،، كان هوا اسبق وجا لين عندها رمت نفسها ف حضنو وكانت تبكي بصمت م يسمع غير صوت شهقاتها ،ابتسم بينو وبين نفسو " اااخ ي شيمي والله انك مو بس اخت بالنسبه لي انتي بنتي م تدري قد ايش اموت لو جاكي شي اااه ي ربي اجعلني اكون قد المسؤولية وما اجرحها ولا اسمح لاحد بجرحها مهما طال الزمن "
- ي دبة خلاص دمووع
بعدت عنو وضربتو ع كتفو خفيف انت الدب ، لا لا ديناصور شوف حتى لازم تنزل لي عشان اقدر احضنك
-ههههههههههههههههه ، طيب انا ديناصور ولا تزعلي وانتي القطو
- لاااا ووش قطططو : ( اممم خليني افكر انا ايش وحطت يدها قرب فمها ع اساس تفكر
- لا تفكري خلاص انتي كل دنيتي ،بنتي ،سعادتي ....
جا بيكمل بس لقاها رامية نفسها عليه وجلست تبكي ، في نفسو تندم انو رجع يفتح السيرة دي مرة ثانية
-شيمي ؟
م سمع غير الشهقات
-شيمي ؟ خلاص ي امي خلاص اهدي ان شاءالله احاول م ابعد واغيب مرة ثانيه ،
مرت لحظة صمت وبعدها وصلو صوت بالقوة ينسمع
- انت بكاش دايما تقول لي م تبعد وتغيب عني اسبوع
- لا خلاص هذي المرة جد ان شاءالله
-قول والله
-اممم خليها ان شاءالله
-ها شفت ! وبرطمت
-ي ماما م بتركك وعد خلاص ، كده تمام؟
رفعت راسها وهي شاقة الابتسامه ججد؟؟
-ايوه جد وابتسم ف وجهها الابتسامه الاخوية والابوية الحنونة
بعدت عنو شوية وجات بتوقف << من الرمية التانيه الي حصلت وقعو اثنينهم ع الارض وظلو جالسين ..
بس قبل لا تمشي مسكها تاني وهو يطالع ف الجاكيت
فهمت كلامو من نظرتو وقالت؛ الاسبوع الي فات انت قلت لي لا تخرجي إلـــآ وانتي لابسة ثقيل صح؟
هز راسو بإيماءة يعني صح " تتجنني لمن تجي تشرح 😂😂 احس من جد انها طفله " يلا كملي
-امممم بس كل يوم البس ثقيل والجو كان عادي لكن اليوم قلت خلاص شكل الجو بيفضل عاددي ولبست خفيف بس معرف كيف نزل المطر اليوم بالذات!!
ضححك ع كلامها وهيا تطالع فيه متنحة ! " انا ايش قلت شي يضحك؟ "
- سلطااااان ، ليه تضحك م قلت شي يضحك
تحمحم خفيف ومازالت الابتسامه مرسومة ع وجهو
-اجل م تعرفي كيف نزل المطر اليوم؟ هههههههههههههههههه
-حطت يدها ف خصرها :لا باللهي دحين دا الي يضحك؟؟
-لا لا م يضحك خلاص خفت ، المهم كملي
- المهم اول م نزل المطر كنت واقفه تحت مظل واحد من المحلات الي قريبة لاني كنت راجعه من عند صحبتي وعلقت ف مكاني ، بس في واحد عظاني جاكيتو وقال لي متعود من خمس سنين ،
سلطان ف نفسو " متعود من خمس سنين!!
واستمرت تروي الي صار : ايوه صح قال اسمو خالد
"خالد ، ي الله ليه كل م سمعت اسمك احس انك انت وفي النهاية يخيب أملي ، لاتعلق نفسك زي كل مرة ي سلطان شخص عابر زي البقية "
سلطان : عشان مرة ثانيه م تسوي فلسفة وتعاندي كلامي ، دي المرة وربي لطف ، م تدري المرة الجاية ايش يصير
-خلاص ي بابا اسفة باسمع كلامك المرة الجاية
ابتسم اابتسامة نابعة من اعماااقو بصدق فكم ييحب مررره انها تناديه بدا الاسم لانو بجد يعتبر نفسو الاب لها قبل الاخ
-فديت عيون ابوها انا ، يلا امشي قدامي ع غرفتك خذي لك شاور دافي وتعالي اكون سخنت لك العشا
راحت جري عندو ووقفت ع اطراف اصابعها وقربت خدو عطتو بوسة وراحت جري ع غرفتها
" ههههههههه والله انها خبله صدق "



-رائد حبيبي تعال
مشي لين وصل لها قال : نعم
ريم: شرايك نسوي كيكة شوكولاته؟
ابتسم وحضنها يلاااا ريم انا أحبك كتيييير قد البحر
حضنتو وابتسمت وقالت وانا كمان
وراحو المطبخ جلست رائد ع الطاولة وبدت تطلع المكونات طلع البيض والزيت جات بتطلع الحليب سمعت صوت الي اسمها أمها تقول : ماشاءالله ي ست ريم عسا م صار المطبخ ملكك بعد؟ انا كم مرة نبهت م تدخلي المطبخ يكفي وجود الشغالات ، جلست تطالع ف علبة الكيك الي فوق الطاولة والمقادير الي جنبها وقالت : لا وكمان بتسوي كيك ي ست من طالبك تسوي ولا انتي ناوية علينا ، اعرف حركات الحقد الي فيكي
طالعت فيها ريم وابتسمت بألم " دام أمي وأبوي كده يعاملوني فما بألوم الغريب لو عاملني بقسوة !! بس لا ي ريم م بيضيع الي خططتي له "
-ماما أنا قلت لريم ابغا كيكة .
طالعت ريم ف رائد واستغربت من تصرفو ،!
- انت تسكت لمن أكلمها فاهم؟؟
نزل راسو وحبس دمعتو اليتيمة قال بصوت مبحوح : طيب
قامت ريم ورجعت الاغراض مكانها وشالت رائد وخرجوا من الطبخ لكن م كملوا طريقهم إلـــآ وهيا سامعه صوت امها : إيوه دا الي فالحة فيه دايما بس طنشي لكن هين ان ما وصلت لأبوك ...
"يارب يارب ألهمني صبر من عندك ي رحمن ، تحملي ريم تحملي" ومازالت تصبر نفسها دايما وفي اصعب المواقف الي تمر عليها .
- ريم لمتى حتتحملي الوضع دا؟
طالعت ف اختها وابتسمت وف داخلها تحمد ربها ع وجود ريناد ورائد ف حياتها
- كل شي ي ريناد بيتغير أنا مؤمنة بقوله " فإن مع العسر يسرا * إن مع العسر يسرا"
- والله ي ريم انا أحبك واعتبرك مامتي
-وانا كمان تأكدي ريناد انتي ورائد لكم مكانة كبييرة ف قلبي لايمكن تتغير ..
ودخلت الغرفة قبل تجي امها وتنكد عليهم الثلاثه




-فهد احتاج كم غرض البيت احسو ناقص
- طيب ايش تبغي اديني ع بلاطة
-ياخي افهمها طايرة يعني خرجني من زمان م غيرت جوو
-امممم طيب بس اخلص قيمين واوديكي المول والعشا عليا اليوم كمان
انت فههد اكيد؟؟ O_o
-ايش شايفة فيه احد غيري يعني؟
- لا لا خلاص بروح اجهز دحين بسرعه قبل يصير شي
-ههههههههههه شاطرة
وراحت وعلى راسها اكبر علامة استفهام !!
" يووه ايشبك منال اخوكي الصغير وبيدلعك فين المشكلة؟؟ والله شكلك بديتي تنهبلي ي بنت ، خلني اخلص بس لا يغير رأيو "
بعد ساعه بالتمام كانت الساعه 5:35pm
-فهوود هيا م خلصت قيمينك ؟
- إللاالاا يلا بروح ألبس واجي
وماهي إلـــآ دقايق وخرج كاشخ تيشيرت أسود وجينز
-يلا ي ستي مشينا
<<نتركهم يتسوقوا وبعدين نرجع


بعيد جدا عن عالم البراءة والانسانية
- اسمع يوصلني المبلغ خلال 12 ساعة بالتمام وبعدها انت تعرف ايش بيحصل لك ي نايف
الطرف التاني ف السماعه >>
- ياخي حسبي الله عليك من واحد طماع تاخد م تشبع ابدا مـا عندك رحمة ف الخلق ، ربي ينتقم منك بس . وقفل الخط مقهوور "انا ايش خلاني اطيح تحت يدين اشخاص زي ذا الشخص ،حسبي الله ونعم الوكيل فيهم بس حسبي الله "
ورفع الجوال من جديد واتصل برقم جاه الرد
-هلا نايف ايش صار معاك؟
-ي فيصل ي فصيل قدامي 12ساعة بس من فين بجيب لو المبلغ الي يجلط انا حالي ع قدي وانت أبخص .وطلع تنهيدة من اعمااق قلبو " ياارب يسسر واعينني يارب "
-ابو فهد هدي حالك ياخوي مافي شي يسوى وبإذن الله بدبرها لك واعتبرها سلف لو منت حاب تتقبل
-الله يفرج همك ي فيصل والله ان جمايلك معي م انساها لك
-م بيننا ياخوي انت تعرف غلاتك فـ/ قلبي شلون ،، خلاص المبلغ بيوصلك حسابك ان شاءالله باديك خبر ف الوقت المناسب
<<فيصل جالس ف مجلس حسام افتكرتوه صح : )

قفل الخط وابتسم للي جا وجلس جنبو من بداية الاتصال
- حسام ،
طالع فيه بمعنى هات إللي عندك
- جاي وكلي أمل إنك م تردني خايب
- !!!!
- عندي مهمة .........


مخرج >>
كل العزاء للذين يبتلعون الكلام ساعة وجوبه، فيُخيّل لك أنهم لا مبالين، ألا والله إنهم غارقين في الشعور ولكن لا ينطقـون..!


ككككككت اشوفكم ان شاءالله ف البارت الرابع ع خييير
لكم ودي 🌹

سمو المجد
02-07-19, 07:52 PM
..


بِسْم الله ابتدي ..

اولاً اهنيك على خيالك والظاهر اني برجع نفسيه
مثل قبل يومين ..!

تستهويني القصص الرمانسيه
وشيمي وخالد هنا الظاهرة نسخه 2 عن مسلسل
حب الصدفه .. لكن بطرق مختلفه
ومن اللي خطف شيمي ؟؟؟


استخدمتي ثلاث عوائل اما رائد وريناد قضيه
يعاني منها اكثر البنات الاهمال والقسوة من احد
الأبوين

العائله الثالثه ابطالها مخفيين باقي ما اتضحت
صورتهم بعد

اعطيك 100٪ كونها بدايات مشوقه انتظر الجديد
وفقك الله وختم


من جد اعتذر منك حبيبتي صولا
وربي احسب اني رديت عليكي وعلى مساحة قلم
اعتذر مرة تانية منكم


لا ان شاءالله م ترجعي نفسية غلاتي
تصدقي بالله م اتابع مسلسلات ولاتستهويني
هي مجرد خيالات جات ف ذهني وباحاول اوصل فكرة من خلال طرحي

باذن الله بنتعمق ف كل فصل بالاحداث اكتر واكتر

كوني بالقرب دوما غاليتي

:نبض:

سمو المجد
02-07-19, 07:55 PM
السلام عليكم.ورحمه الله وبركاته
داخل هنا لاعطي رايي بكل صراحه.... فتقبلي كلامي كنصائح
ساعلق على الجزء الموضوع فقط
اولا ناتي لاحداث الروايه كبدايه الاحداث جميله ومتعدده وهذاء مايضيف رونق جميلا للروايه
ثانيا..... احسست لوهله في النصف الاول من الروايه انك تجدين صعوبه في الانتقال من حدث لحدث... ولكن تفاديتي هذه المشكله بالانتقال تدريجيا في القسم الثاني


النقطه الاخيره الي احب انبهك عليها
في طريقه سردك استخدمتي نوعين من الخطاب الشعبي والفصحى نصيحتي هي اما ان تكتبي بالفصحى او بالشعبي

اما تقييمي لك فبخليه هنا80 لاني اعلم وكل يقين ان الاجزاء الباقيه ستكون اجمل وافضل

اهلا وسهلا اخي مساحة قلم

نفس م قلت ف المشاركة الي قبل دي اعتذر لعدم تعقيبي ف الرد عليك!!

انتقادك اسعدني
حلو لمن يكون فيه شخص يوجه لك اخطاءك ....!

تقبل ودي ... دمت بخير

سمو المجد
02-13-19, 07:43 PM
السسسسلام عليكم ورحممة الله وبرككاته ..:نبض:

ربي يسعد مسساكم جميعاً

كل من تابعني من وعلق من جد اشكركم من اعماق قلبي

كونوا بالقرب غدا ان شاءالله

مع البارت الرابع من روايتي

ونشوف ايش بيحصل من احداث جديدة مع ابطالي ..!

جنون
02-16-19, 10:29 PM
ماشاء الله عليك سمسم
وش اقول وش اخلي
ابدعتي وابداعك فوق الخيال
افكارك جميله ومترابطه
واللي محليها الغموض
صراحه كاتبه مبدعه ومتمكنه
يعطيك الف عافيه
شوفي دام قريتها الله يعينك
ابي كل اسبوع كم بارت
تحمس ماشاءالله عليك :34:
دمتي بسعاده ياعسل

سمو المجد
02-16-19, 10:41 PM
ماشاء الله عليك سمسم
وش اقول وش اخلي
ابدعتي وابداعك فوق الخيال
افكارك جميله ومترابطه
واللي محليها الغموض
صراحه كاتبه مبدعه ومتمكنه
يعطيك الف عافيه
شوفي دام قريتها الله يعينك
ابي كل اسبوع كم بارت
تحمس ماشاءالله عليك :34:
دمتي بسعاده ياعسل


جنوو الله يسعد قلببك يختي
توواجدك بحد ذاتو سعاااده والله
وشهااده ع راسي كلامك
واسعدني مرره انها نالت ع اعجاابك
ههههههههههه
لا لا خليكي طيوبه وكل اسبوع باارت
كوني بالقرب دووماً
:ah11:

سمو المجد
02-16-19, 10:44 PM
بسم الله الرحمن الرحيم
البـــارت الـــرابع

مدخل>>
حاول أن تحب أحزانك، لعلها ترحل كما رحل كل شيء احببته ..!


قفل الخط وابتسم للي جا وجلس جنبو من بداية الاتصال
- ابو عبدالرحمن
طالع فيه بمعنى هات إللي عندك
امعن النظر ف ملامح وجهو وقال : تشبه ابوك الله يرحموا
وماخفي عليه علامات الاستغراب ! وكمل
الوالد الله يرحمو كان يفدي الوطن بالروح ،ملازم سري ولا خبر أحد ، لكن هذاني جيت وقلتلك سبب غياب ابوك الدايم

حسام تذكر اخر يوم شاف ابوه راجع ف آخر الليل وبالصدفه شافو لما دخل المكتب دقايق وطلع خارج مرة ثانيه وبعدها بفترة قصيرة جاهم خبر وفاته وقامو بالواجب ....
-طيب ليه م قال لي ع الاقل؟؟ أنا ولده البكر
- الله يرحمو لو اسبابه وبإذن الله بتعرفها ، مد له ورقة وقال خذ وقتك وقرر ، لكن حط ف بالك وطنك محتاجك وخرج

" ي الله ي حسام ايش تكون مخبيه الورقه؟ شكلنا بنبدا قصة مالها آول من آخر الله ييسر " وقام متوجه ع مكتبه دخل وقفل الباب بالمفتاح وجلس ع احد الكنبات وفتح الورقه ..."



انتصف الليل والساعه 3 الكل نايم غيرها
"يلا ي ريم تشجععي ربي معاكي "
قامت صلت لها ركعتين وختمتهم بالثالثه الوتر وناجت ربها ييسرلها دربها
ماسكة شنطة>حقيبه صغيرة حطت فيها بس عبايتها والفلوس الي كانت مجمعتها من مدة عشان تنفعها توكلت ع الله وخرجت بهدوء نزلت للدور الارضي وكان هادي المكان ومظلم. اتجهت ع الباب الخلفي عشان لاحد يصيدها وفي كل خطوة تدعي ربها ييساعدها مالها حل إلـــآ انها تعرف كل شي مخبى عنها " هانت ي رييم ، يارب ساعدني يارب "
كملت طريقها وخرجت للحديقة حاولت تتوارى ف مكان م ينتبه عليها أي احد وولبست عبايتها ونقابها وسمت بالله وتقدمت للباب حيث إنها بتودع كل ذكرياتها السيئة ف دا البيت
مسكت الباب ولفت اول للفة بالمفتاح وبقي الثانيه و فجأه...


-رييم؟؟؟؟
انصصدمت وثبتت يدها ع المفتاح ، خايفه تفشل وهيا ع اخر عتبة كملت اللفة الثانيه بسرعه وفتحت الباب وباسرع م عندها حاولت تجري وتجري "ريم لا تلتفتي لورى ابد ابد ابد كملي وانتي تطالعي للامام ببس كملي محد بيقدر يمسكك انتي لازم تواجهي العالم لازم..."


- دي ايشبها مو صااحية؟؟ خلني بس الحقها بسيارتي واشوف لوين بتوصل
ركب سيارتو وصار يمشي وراها بحيث انها م تحس ابد عليه
" انا لين الحين مو مستوعب ايش صاير ؟ توي م لحقت اسمي إلا والقاها ف وجهي؟ لازم اعرف بس ! مو معقول ريم انا عارفها من صغرها هادية وحالها حال نفسها ايش يجبرها تخرج ف دا الوقت؟ لا يكون... لا لا تعوذ من ابليس ي رجال بيوضح كل شي قريب"
شافها وقفت قريب من محطة وصارت تتلفت يمين وشمال واضح انها تايهه مررة
رن جوالو والتفت عشان يطلعو ويشوف من المتصل دا الوقت؟
رجع يطالع ف نفس المكان الي كانت واقفه فيه بس م لقاها نزل بسرعه من السيارة وصار يدورها بعيونو و لقاها متوجهه للمسجد

رجع سيارتو بسرعه وحرك بحيث صار واقف قدام بوابة مسجد النساء ، يعرفها من بين ألف وحدة كيف لا وهي كانت تربية يدو !



صحيت نشيطة ولقت الساعه 9 الصباح ، انا مو عادتي انام 5 ساعات !! ايش صاير؟ ضربت جبهتها وافتكرت اخوها الي كان معاها ف الليل تعشو سوى وجلسو ياخدو اخبار بعض وسحبهم الكلام لين م نعسوا وناموا بعد م صلو الفجر

قامت من سريرها واتجهت للنافذة وفتحتهااخدتلها شهييق طويل
" الله مرررة أعشق ريحة المطر ، فرنسا مستحيل انسى رائحتك م حييت " بعدت عن النافذة وقفلتها وراحت تاخد لها شاور
بعدم خلصت ورشت من عطرها المفضل شانيل طالعت ف نفسها ف المراية نظرة رضا " فديتني ي ناااسو 😂🙈" <<خبله
خرجت وراحت المطبخ تسوي لها كوب القهوة الفرنسيه بالبندق بحيث صارت عادة عندها من جات لفرنسا أول مره قبل 4 سنوات تقريبا
لفت بتاخد كوبها لكن في يد كانت مادتو لها
-سوووسوو صحييت؟؟
ضربها ع راسها خفيف : سووسو ف عيينك أصغر عياالك انا؟؟ كم مرة قلت لك لا تناديني بدا الاسم الخايس
-ههههههههههه تعججبني وانت معصب ياخي ،
-اهججدي ي امي اهجدي بالله
- خلاص زعلت. انا ولفت وجهها عنو
- واللي يراضيكي ،!!
-امممم مو اي شي يرضيني
- م تشوفيني صاحي بدري؟
-ايووه صح ليه صاحي بدري غريبة مو عادتك؟؟
-انتي اول ليه صاحية بدري ؟
-انا صحيت شبعانه نوم الحمدلله
- وانا صحيت عشاني سمعت صوت قربعه وخمنت انو انتي ، شرايك اليوم نخرج من البيت ومانرجع غير 12 الليل؟
O_o معقووول؟؟
حطت يدها ع جبهتو :انت متأكد انك سلطان ولد سعود؟؟؟
- لحووول لا تخليني اهون الحين!!
-لا لا لا خلاااصص والله بروح اجهز بسرعةة
-تعااالي ي هيله اول نشرب كوفي وبعدها نخرج
-رجعت جلست ف اول كرسي قابلها



نزل من الطيارة وتنههد ، "اااه بس ليتك ي الرياض م خليتيني اغترب كده، يارب اصلح الحال "
كان لابس شنطة ظهر والتانيه صغيرة مايله ع الكتف فيها الجوال والاشياء المهمة
راح للكوفي اخد لو كوب قهوة تركية ساده ، " رغم مرارة حياتي إلا إني أعشق مرارة القهوة"
جلس ف وحدة من الطاولات ف الكوفي وهو ف غمرة اقكاره لقى وحده جالسه ف الكرسي الي قدامه : انتي؟؟؟
- اسفه لو ضايقتك ، بس والله احس من اول م ركبت الطيارة وانا مشبهه عليك!
- طيب وين المشكلة؟
-ياخي عدل اسلوبك مع الناس لاتكون كريه كده!!
- دامني كريه ابعدي عني طيب
- شكرا ع المعاملة الحلوة
- العفو
قامت من الكرسي وتحس نفسها مجروحة بدون سبب " ايش فيكي الهام ؟انتي الي غلطتي خلاص تحملي "
راقبها بعينو وهي تبعد
" احس اني مشبهه عليك اننن، فايقلك انا فايقلك اوف بس استغفر الله ..."

فتح جوالو وبعد م ركب الشريحة الجديد فتح البيانات الخلوية
وصلو الككم الهااائل من الرساييل ف الواتس اب
-بندر ، بندر رد علي يرجم والدينك ، ي بندر خلينا نكمل مشورنا مع بعض ، م مبغا نهدم الي بنيناه ، بندر ، طيب ياخوي حط ف بالك إني بكون لك السند طول حياتي ، احبك ياتوأمي . كلها كانت من توأمو ورفيق دربو بدر

" ااخ ياعضيدي ، م اقول غير ربي اصلح الحااال" كلها ثواني ووصلو مسج من نفس الاسم

ياخوي يا عزوتي ياضحكتي وبكاي.
يانبضة القلب وفزت خاطري..
أنت العضيد اللي أشد فيك الظهر ياخوي..
اشتقتلك ي الغالي الله يرجعك لي بالسلامة🙁❤

كتم دمعة حبيسة عينو وخرج من الكوفي بيبعد عن الناس


- هلا نايف
-هلا بك زود
-خلاص ي خوي دبرت لك المبلغ وحولتو ع جسابك
-ي شييييخ ينصصصر ديينك، والله ي فيصل م بنسى وقفتك معايا
-م بيننا هالكلام ي رجاال ، يلا اتصل عليه وحددو المكان وانتببه انتببه ي نايف تراه غدار ..
- ابشر ياخوي دعواتك

"دا انسسب وقت عشان امسكو ياررب ساعدني واحفظ خويي نايف يارب "
مسك الجوال واتصل ع رقم
- بسررعه جهزوا السيارات وانتبببهو يكشفكم احد حيكون خويي ف خطر لمجرد م يشمو ريحة غدر منوو
- تم طال عممرك
وقفل الخط بعدها ، توكل ع ربه " يلا ابتداا الججد اخيرا

وهو ماشي سمع جوالو يتصل برقم غريب رد
الطرف الاخر : ســـلــآمـ عــلــيــگـم
-عليكم السلام
- الملازم فيصل؟؟
-ايوه معاك ، مين معي؟
- انا حسام ولد عبدالرحمن
- اهلا اهههلا حسام اخبارك؟
-نحمدالله
-الحمدلله، ها وش قررت؟
- انا موافق
- حلوو يلا نبدا من اليوم ولا تحتاج شوية وقت؟
- لا اليوم
- اوك يلا انا انتظرك عند "....."
- ان شاءالله
- فمان الله وقفل الخط
" يااااررب لك الحمد يارب لك الحممد "



جالسين ف احد المطاعم يتعشو
-فهد بروح اغسل فين الحمامات "يكرم القارئين"
- اخرجي من هنا وامشي سيدا ع اليمين
-تمام دقايق بس

وصلت ودخلت ، لكنها تنحت شوية " انا فين شفت دي البنت؟؟ شكلي مشبهه عليها بس ! لا لا متاكده شفتها بس فيين؟؟ " واستمرت تفكر وهي تتامل ف البنت الي قدامها
-سلامات اختي محتاجة شي ؟؟
" إلـــآ والله نفس الصوت كمان سمعتو ..." شافتها تلوح بيدها قدام وجهها : تكلميني؟
- اهههههىء منااال؟؟؟
- والله اني واقفه من اليووم مشبهه عليكي ، ايووه منال
- والله وحشتيييني وينك غاييبه عن العالم ، حتى جوالك احسو محروم منك!
- اي والله م اجلس عليه ابد ، اخبارك انتي واخبار الدب الي سحبت علينا وراحت فرنسا؟؟
-تمام الحمدلله ، اقولك م يصير نهرج ف الحمام امشي نخرج ، إلـــآ صح معاكي اخوكي النشبه؟؟
-هههههههههههه ايوه معايا ليه؟
- خليه يخليكي شوي كمان نجلس نطلب لنا شي نحلي فيه ونهرج مع بعض
- اوك بروح اشوفوا وارجع



خرجت من المسجد وماهي عارفة فين راح تكون وجهتها !
صارت تمشي لين خبطت ف جدر ، رفعت راسها وانصصصدمت !!!
- ا .. اا .. اانت؟؟؟؟
- إييوه أنااا!!!


مخرج>>>
الفرح المصطنع يؤلم الملامح💔



كككككت
اعتذر ع التأخير ف نزول البارت وان شاءالله يكون قد المقام.
ودي🌹

جنون
02-16-19, 11:02 PM
ياسلام عليك سمسم
كل بارت يحمس اكثرمن اللي قبله
شرايك نزلي الروايه مره وحده هههههههه
نبي كل اسبوع نشوف هالابداع
يعطيك الف عافيه
دمتي :x117:

سمو المجد
02-22-19, 03:16 AM
ياسلام عليك سمسم
كل بارت يحمس اكثرمن اللي قبله
شرايك نزلي الروايه مره وحده هههههههه
نبي كل اسبوع نشوف هالابداع
يعطيك الف عافيه
دمتي :x117:

يسسسعدلي مروورك حبيبتي جنوو
منورتني والله
هههههههه للاسف مو جااهزة كلها
ان شاءالله
كوني بالقرب دووماً

دام نبض قلبك :نبض:

سمو المجد
02-22-19, 03:18 AM
مدخل >>
مالا يرتاح له قلبك
لا تثق به أبدا
فالقلب أبصر من العين
"نجيب محفوظ"

البــاآرت الــخ ـــآامس

خرجت من المسجد وماهي عارفة فين راح تكون وجهتها !
صارت تمشي لين خبطت ف جدر ، رفعت راسها وانصصصدمت !!!
- ا .. اا .. اانت؟؟؟؟
- إييوه أنااا!!!
لفت بترجع المسجد لكن يدو كانت اسرع ومسكها من يدها
- ربم ! ايش صاير معاكي ؟؟ ليه خرجتي ف دا الوقت من البيت ولحالك كمان؟؟
م سمع منها رد
كانت خلف نقابها عيونها متحجرة بالدمع لكن م تبغاها تنزل " انا ماني ضعيفه عشان ابكي قدامك ي بدر حتى لو كنت اخوي "
- ريم ردي عليا.؟
-ايش تبغاني اقول؟؟؟ اقولك اني اهرب من بيتي لمكان م اعرفو ؟ ولا اقولك عن معاملة امي وابوي لي ؟ بدر رجاءً أنسا انك قابلت وحدة اسمها ريم ولاتعلم احد ، طلبتك ياخوي ...قالتها بصوت مكتوم
-طيب تعالي اركبي السيارة دحين عشان الناس بيطالعوا فينا
م لقت حل غير انها تسمع كلامو وتمشي معاه
ركبو السيارة وصار يمشي بهدوء وما يدور بينهم غير الصمت
" اااه ي ريم لو تدري بس بالحقيقه ايش بتسوي !"
راح عند محطة قريبه ونزل جاب لها موية ورجع
- خدي اشربي موية وهدي شويه
ادخها وشربت نصها من تعب الجري ،، بعد دقيقه مرت
بدر : هيا قولي لي بالتفصيل ايش صاير؟
ريم : م ابغا ارجع للبيت طلبتتك ياخوي طلبتك
بدر : طيب ليه فهميني ايش سوو لك امي وابوي؟
ربم : م افضل اتكلم دحين .
بدر : طيب براحتك بس حيجي وقت وتقولي لي كل شي ، اتفقنا!!
ربم : ان شاءالله ،، فين بندر؟؟ غريبة مو معاك !
انقلبت ملامحو بس حاول م يبين لها شي : ااا ... م كلمتو يمكن ف الدوام لسه ، إلا انتي فين ناوية تروحي؟؟
ريم : م عندي وجهه محدده ما ادري
بدر : ايش رايك ادور لك ع شقة صغيرة ع قدك كم يوم بس لين تهدي ؟
ريم : طيب




سلطان : ي بنتي يلا ترى والله حاكنسل الخرجة فيني نوم
شيمي : جد فيك نوم؟
سلطان وعارف انها حتحزن عليه وتخليه يبطل : لا امزح بس بسرعه لا تتأخري زياده
شيمي : طيب بس ربع ساعة بس
سلطان : طيب



-فهد فهد
كان ع جوالو يطقطق : همممم
منال :طالع فيني طيب!!!
رفع راسو : اهو طالعت ايش تبغي؟؟
منال : اوف من اسلوبك ي شيخ ، المهم باجلس شوية كمان مع صحبتي و بنطلب لنا حلى و انت كريم اكيد واحنا نستاهل
طالع فيها بنص عين : اجل انا كريم وانتو تستاهلو؟؟
ابتسمت من ورى نقابها : اكيد اخوي حبيبي الصغير م بيقول لاختو لا صح : )
فهد : اوك تمام بس لا تتأخري عن ساعه بس لاني طفشت وابغا ارجع البيت
منال : ربي م يحرمني منك ، طيب
وجات بتخرج بس سمعتو يقول وهو يبتسم ابتسامة عبيطة : تعالي تعالي مين صحبتك؟
منال : لا ي شيخ؟؟؟ عسى م تباني اخبطها لك كمان؟؟
ضحك : والله م اقول لا 😅
منال : اقول فارق بس مسوي يستظرف وخرجت " صدقت عهد يوم قالت اخوكي النشبه "

عهد : لا كان م جيتي وكملتي هرجك!!
منال : ي شيخه نشب لي
عهد : م قلت لك انو نشبه هههههههه
منال : والله صدقتي
عهد : يوووه بالله استني باكلم اخويه اديه خبر بس
منال : خذي راحتك

اتصلت عليه وانتظرت دقايق جاها صوتو البارد : ايوه ؟
- ياربي منك متى تصير حار شوية ؟
حسام : عندك شي مهم؟ ولا اقفل!
عهد : لا تجيني دحين باجلس مع صحبتي شوية وبعدين اكلمك
حسام : يمكن مقدر اجيكي، مين مع صحبتك؟
عهد : ليه م تقدر ؟
حسام : من متى تشتغلي استخبارات ي اختي؟
عهد : خلاص ي كلمة ردي مكان م جيتي
حسام : مين مع صحبتك؟
عهد : أخوها الصغير
حسام : صغير؟؟؟
عهد : ايوة عمروا 16
حسام : اها ، خلاص لو م جيت خليهم يوصلوكي البيت ف طريقهم
عهد : يكون احسن مو ناقصني اتنكد
حسام : لسانك لا يطول ي محترمة
عهد : اوف خلاص طيب باي وقفلت ف وجهو


ريم : حتروح؟؟
بدر وهو توه مقفل من فيصل وكان طالبو يجيه ضروري : ايوة الشغل محتاجينني ضروري لو تبغي شي اتصلي لا تترددي
ريم : طيب انتبه على نفسك ي اخوي
طالع فيها بنظرة بالنسبه لها غريبة لكنها تجاهلت هالشي : ان شاءالله وانتي اقفلي الباب زي الناس ولا تفتحي غير لمن اديكي رنه ف الجوال اني انا الي عند الباب فاهمه؟؟
ريم : طيب



فيصل : ها ي احمد وش الجديد؟؟
احمد : باقي شوي ويوصل خويك
فيصل : شددوا المراقبه بالله احتمال يغدر فيه
احمد : ابشر


- ي زعيم اشوف سيارة جايه من بعيد
- شكلو وصل ، في سيارات ثانيه؟
- لا بس وحدة الي جايه
- حلو يعني مطيع الأخ وضحك ضحكة كريهه تشبهو ... راقبوه عدل
- تم

كان متجه للموقع المحدد والتوتر غالب عليه يارب أولادي مالهم أحد من بعدي احفظهم لي يارب وقف ف نص الخط وفتح جوالو وكتب رساله سريعه ورسلها وحرك ...

عند فيصل سمع صوت مسج وفتح الجوال
" فيصل بنتي وولدي امانه عندك لو صار لي شي طلبتك ياخوي لا تضيمهم حطهم ف عيونك مالهم بعد الله غيري ومعرف ايش مكتوب لي ، اخوك المحب : نايف "

لا لا ي نايف لاتخليني اذوق طعم الفقد مرة ثانيه ياخوي يااارب احفظو بما تحفظ به عبادك الصالحين ياارب

اتصل ع رقم
-سم طال عمرك
فيصل : بشرني ايش صاير ؟
احمد : نايف وقف ف نص الطريق فجأه وبعدها حرك وللان مافي شي لا تقلق بإذن الله م يصيبو شي بنسوي مثل م قلت لنا
فيصل : دا العشم فيك ي احمد ، اي شي بلغني اول باول
احمد : تم


خرجو وصاروا يتمشوا برجلهم ، الأجواء كانت خياليه جددا يشجع ع انك تكنسل السياره
شيمي : والله الجو يجننن
سلطان : اكيد يشبهني
طالعت فيه بنص عين : ي شينك لا قمت تشوف نفسك
- ههههههههههههههه ، طيب طالعي عدل لا افقع عيونك
شيمي : باللهي ي شيخ!
سلطان : واللهي ي شيخه
راحت عند محل ساعات ووقفت تتفرج من الزجاج الخارجي ع الساعات المرصوصه جذبتها ساعه وطولت عندها
جا من وراها : عجبتك؟
شيمي : هيا حلوة صراحة بس مو دحين بجيبها
سلطان : اممممم طيب
وكملوا مشيهم ومروا من جنب عربة ايس كريم راح عند البائع وطلب 2 شوكلاه بالفانيلا
شيمي : م بقولك شكرا
سلطان : انا طلبتك ؟؟
شيمي : ليش م سألتني ايش ابغا نوع؟؟
سلطان : طيب ي ستي ايش تبغي نوع ايسكريمك؟
شيمي وهي تبتسم بعباطة : شوكولاته بالفانيلا
ضحك ع خبالها : والله صدق من قال انك مطفوقة تفضلي
شيمي : شكرا
- العفوو


صحي بعد نومة عمييقه فتح الجوال يشوف الساعه " والله نمت نص يوم ماشاءالله الي يشوفني يحسبني سنه م نمت !! اااه وش عليك نام نام بس م وراك شي" ورجع غمض عيونو تاني ونام


ع جوالها
- ايوه وصلت من زمان
سامر ببرود : حمدلله ع السلامة ي اختي
الهام : الله يسلمك ، ها تباني اجيبلك شي لمن ارجع؟
سامر : احلفي؟
الهام : والله ! م قلت شي غلط سألتك عادي
سامر : وفري اسألتك لنفسك مع السلامة
بقهر قفلت ف وجهو ورمت الجوال جنبها ف السرير " اوف لمتى هما يعاملوني كده ؟ نفسي اعرف ايش سويت لهم!! اعوذ بالله اخوان نكديين ، خلني استمتع بس وما عليّ ف احد أهم شي نفسي"


- ووقف مكانك
ضرب فرامل قوي ووقف م لقى غير الباب من جنبو ينفتح بقوة ............

كككت ، لنا لقاءات بإذن الله ف بارتات قادمة

مخرج >>

“قد تبكي .. وهذا حقك
قد تحزن .. وهذا حقك
ولكن إياك ثم إياك أن تنكسر !“

- جبران خليل جبران

جنون
02-25-19, 12:21 AM
ماشاء الله عليك سمسم
حمااااس
ابداااع
يعطيك العافيه
ياليت كل ماينزل بارت
يكون فيه تنبيه بالمواضيع
مجهود رااائع ومحد يدري عنه
بانتظار البارت القادم :0741:

سمو المجد
02-25-19, 12:25 AM
ماشاء الله عليك سمسم
حمااااس
ابداااع
يعطيك العافيه
ياليت كل ماينزل بارت
يكون فيه تنبيه بالمواضيع
مجهود رااائع ومحد يدري عنه
بانتظار البارت القادم :0741:


حبيبة قلبي جنوون
ربي يسعدك والله
احرجتيني والله :ah11:

ان شاءالله لانزلت البارت الجديد انبه
كوني بالقررب
وددي وباااقه وردي لكِ:نبض:

سمو المجد
03-01-19, 11:24 PM
بسم الله الرحمن الرحيم
البارت الســـآدس

مدخل>>>
على هذه الكُرَةِ الأرضية المُهتزّهْ
أنت نُقْطَةُ ارْتِكازي
وتحت هذا المَطَر الكبريتيِّ الأسودْ
وفي هذه المُدُنِ التي لا تقرأُ... ولا تكتبْ
أنت ثقافتي...

*سعاد الصباح



بعد صلاة الفجر من اليوم التاني

- هييين هيين.أنا اوريها م عرفت أربيها صح ، واتجه لباب غرفتها وصار يضرب الباب : ررررييم ياززفت اطلعي لي بسرعه
م سمع أي رد
ابو بدر : ريم وصممخ م تسمعي ؟ افتحي الباب قبل لا ينكسر ع راسك
م سمع أي رد
جات ام بدر من وراه وتزيد النار حطب : شوف إيش مهببه كمان دي البنت الله يستر بس وتروح تطيح سمعتنا ف الحضيض
ثار بجنونو مع دي الكلمات ورجع ورى وضرب الباب باقوى م عندوا وما فاد ، من العصبيه نسي إن فيه استبنة مفاتيح لكل الأبواب ف البيت صرخ ع وحدة من الخدم : جيبي لي مفتاح تاني حق الباب دا
الخادمة من الرعب ترجف وما عرفت ترد راحت جابت المفتاح بسرعه ورجعت
اخدو منها بدفاشه وادخل المفتاح بالباب جا بيفتح ...


جالسين ف المطعم وسرحانه بعيييد جدا عن الواقع " عهد خلاص م يصير انسيه ، بس والله اخد عقلي ، استغفر الله انا ايش اقول والله لو دري حسام لايقتلني قطع عليها سرحانها صوت رفيقتها وهي تقول
منال : ايوه وش جديدك ؟
عهد : أبد بس مقابله امي وحسام و4 جدران
منال : ههههههههه ع م تركتك عليه شكلك تحبي تدوجي ف الأسواق
عهد : والله منال تجيني ضيقة لما اقعد ف البيت ، ع الأقل أخرج أشم هوا وأقابل خلق
منال : الله يعين الي بيتزوجك صدق ههههه جوك عجيب والله
عهد : ي شيخه انا لو تزوجت أبغا واحد كل خمسة دقايق قايل لي يلا ي عهد نخرج أنا طفشان
منال بدهشه : لا عااد مو من جدك!
عهد : إلا والله جد اتكلم ، بس شكلي بس باحلم
منال : ي امي ربي يرزقك
عهد : اميين
منال مصدومة : لايكون متحمسة ع الزواج؟؟
عهد : لا لا لاتفهمي غلط ..اقصد يعني اتمنى الي يجي يكون بالمواصفات نفسها
منال بضحكة : والله معرف ايش ارد عليك ربي يوفقك



- ووقف مكانك
ضرب فرامل قوي ووقف م لقى غير الباب من جنبو ينفتح بقوة : تبغا عيالك ولا نفسك؟
" لا يارب إلا عيالي احفظهم بعينك الي م تنام يارب ، يارب احفظ لي اولادي وابعد عنهم شر خلقك ، يارب استودعتك أولادي يارحمن .. يحس بضعف بغصة م ابغا لهم الوجع والله إن قلبي لهم فدا "
نايف: وش تبي ؟
: بهدووء كده تنزل ومعاك الشنطة وامشي قدامي ولا أشوفك ملتفت للخلف ي نايف ولا مااراح يصير لك طيب
" حسبي الله ونعم الوكيل ، حسبي الله لا إله إلا هو عليه توكلت وهو رب العرش العظيم "
مشي بهدوء ولسانه م يكف عن الدعاء
بعد مسافة تقارب مترين مشي : وقف ..
وقف نايف جا بيلف عليه لكن ضربة المسدس ع راسه كانت اقوى وطاح مغمي عليه
بخوف من الي حصل: ي دلخ وش سويت به ؟؟!
طالع فيه ورجع نظرو لنايف الي ف الأرض : والله وابتلشنا..!
: ادعي ربك انو بس اغمى عليه ولا بتكون بقبوك اليوم
: اسكت بس ماني فايق لأهلك عااد
بحقد دفين : احترم لسانك بس
بنظرة استهزاء : ههه احلف بس ، لاتخليني اعطيك محاضرة عن الاحترام ي روح ماما
: شكلك تبي العلم يوصل لـ. وماكمل كلمته من اللكمة الي جات ف وجهه نزف انفه بالدماء طالع بنظرات كره وحقد م قدر يخفيها : هين هين ي علي لاتنساها ولف متجه للطريق الاخر
" انقلع الله لايردك ي شيخ ماوراك إلا الهم " وطالع ف نايف الي ف الارض باقي وشالوا ببساطة من بنية جسمو العملاقة ... دخل غرفة اقرب حارس وناداه : بسرعه روح هات لي موية ولا اي زفت اصحيه
الحارس بصمت اختفى ثواني ورجع ف يده قارورة موية
مسكها وبكل برودة دم كبها ع وجهه
قام اخذ شهيق عمييق من برودة المويه عليه وكتم زفير . اعتدل بجلسته ليمسكوا علي من كتفه موقفه : ضاع وقتي بما فيه الكفاية من غبائك ....

اتصل عليها بعد م شافها طولت هيا وصحبتها وبعد ثالث رنة ردت : ايوه سلام عليكم
فهد : عـــلـــيگـمـ الســــلــامـ ي اختي العزيزة ها.!. باقي م زانت لكم الجلسه؟؟
منال يضحكة خافته : والله ماحسينا بالوقت ابد
فهد: طبعا شعليكم مو انتو الي تنلطعوا اقول يلا بس اخرجي ع السيارة بسرعه خمسة دقايق لو م خرجتي دبري احد يرجعك
منال وهي عارفة انو مستحيل يسويها : ههههه طيب طيب اعصابك
قفل ف وجهها وراح للسيارة ينتظر

ف الجهة الثانيه
منال : والله اخوي دا مخلوط غريب
عهد : ليه ايش يبغا
منال : يقول يلا
عهد افتكرت : دقيقه باشوف حسام
واتصلت عليه : الو حسام
: وعليكم السلام
بخجل نزلت عيونها كانو قدامها الان وبهمس : السلام عليكم
حسام بضحكة خافته : وعليكم السلام ، امري
عهد : مايامر عليك عدو ، ها حتجيني؟
حسام : لا مقدر روحي مع صحبتك
عهد : طيب انتبه ع نفسك
حسام : ان شاءالله ، مع السلامة .. واغلقه

طالعت ف منال وهي تحس بضيقة م تعرف سببها لكن جاهدت تطلع ابتسامتها : منول ينفع تقولي لاخوكي يوصلني البيت ؟ اخوي م يقدر يجي مشغول
منال : ابد لاتشيلي هم تعالي معايا وافهمو ف السيارة
عهد : اا بس ..
منال : لا بس ولا شي يلا امشي
باستسلام ردت : طيب

ف السيارة ف يدو الجوال جا بيضغط اتصال عليها لكن لمحها وهيا جايه ومعاها وحدة خمن انها نفس صحبتها
دخلت منال ف المقعد الامامي : السلام عليكم
ودخلت عهد ف المقعد خلف منال بهمس : السلام عليكم
رد عليهم السلام وبعدها طالع ف منال بمعنى شالسالفه؟
منال : بنوصلها معانا
فهد سكت وحرك بالسيارة بعد دقايق : طيب العنوان وين؟
عهد بهمس لمنال : حي (.....) ، شارع (.....)
منال : اما قريب مننا ؟؟
عهد تحس انها تفشلت من منال و ف نفسها ودها تخنقها حركت راسها بالايجاب وهي م تدري وين بيتهم من الاساس


ف السرير منسدحه ع ظهرها وتتأمل ف السقف وتفكيرها بعيد " هالدنيا متى ناوية تضحك لي ياربي : ( ودي أفرح يوم بس ..!حتى دراستي عجزت أكملها ، يارب لا اعتراض ع حكمك وقضاءك .. أحس إني عدد زائد بينهم ، او زي م يقولوا صفر ع الشمال .. افتكرت نظرة اخوها بدر , ي ترى وش مخبيين علي بعد ، يارب الطف بحالي يارب "
مسكت جوالها الي جابوا لها اخوها " خلني اضيع وقتي فيه بس" شغلت البيانات وجات بتعمل حساب لكن ترددت ، "اذكر علمتني صحبتي عهد كيف اسويه ، ياربي وابتلشت دحين !! ايه صح قالت لي لو جاكي جوال ونسيتي اكتبي ف سفاري " كتبت طريقة عمل حساب ابل وراح وقتها وهي تتعلم

بعد 3 ساعات من المعاناه...
-تنهدت تنهيدة من قلب : ااااه اخيييرا خلصت م بغا والله وحملت كم برنامج بحيث تقدر تتواصل مع الخلق ...


ف ضواحي فرنسا تعبوا من المشي واقترحت عليه يتمشوا بالسيارة والان بعد ساعتين وهم ف السيارة ..
- ياخي قلقتني فين موديني ؟؟ خط سفر دا مو تمشيه!
سلطان: اصبري خلاص من ركبنا وانتي تزني ع راسي ناامي نامي كان مداكي نمتي وقمتي دحين راسك دايما يابس .!
شيمي : احم انت ايش يفهمك ، مااااافيني نوووم يابوي مو غصباً عني : (
سلطان طاالع فيها بنص ابتسامه ورجع يطالع الطريق : خلاص خلاص هدي لا تنامي بس يرحم والدينك لا تسأليني مره تانيه
شيمي تكتفت ولفت وجهها ع شباكها : اهو باسكت ، الله يستر بس
سلطان : ههههههه والله انك حالة
طالعت فيه بنص عين ورجعت لفت للشباك
ابتسم ع حركتها وكمل
سلطان : طيب ي ستي اقري اللوح !
شيمي : لا ي شيخ!! ع اساس اني بلبل ف الفرنسي صح؟
سلطان: هههههههههههه خلاص خلاص بارحمك ، فين نفسك تروحي؟؟
شيمي : ماني راده عليك
حرك اكتافه بلامبالاه : براحتك اجل



: مسكوه العصابه
فيصل بانفعال : ايش ؟؟؟
احمد: وصل للمقر ولمن خرج استقبلوه اثنين قدموا لين دخلوا بين بيوت صغيرة
فيصل : م تقدروا تقدموا؟؟
احمد : لا طال عمرك ناشر رجاله يراقبوا بس محد انتبه لنا للان
فيصل تنهد ومسح بكفه اليسار ع وجهه : يارب رحمتك
احمد : ايش تامر عليه طال عمرك؟
فيصل : راقب الوضع ولا صار جديد بلغني ، لاتعملوا شي غير لمن اديكم اشاره ، احتمال اغير الخطه
احمد : ابشر



: يمه الله يرضى عليكي بروح شغله وارجع باذن الله ..لاتحاتي يالغاليه
ام حسام : ياولدي ارحم حالك من عرفت بوفاة ابوك وانت قالب حالك ، ربي خذا امانته والله يرحمه ويجمعنا وياه ف اعلى جناته .
حسام : امين يارب ، يمه الله يخليك ويحفظك انا مابسوي شي غلط كل الي بعرفه ابوي ليه مخبي علي كل ذا ، يمة انتي تـ... وبتر كلمتوا
تنهد ومسح ع وجهوا : استغفر الله العظيم واتوب اليه
ام حسام : ايش كنت بتقول ؟؟
حسام : ولاشي يمه ولاشي انا خارج .. ولف ماشي بخطوات سريعه خرج وهبد الباب وراه
جلست ع الكنبه " متأكده انو كان بيقول شي ياربي استر يارب ، ايش وراك يا عبدالرحمن ؟؟ يارب ارحمني "
بعد ربع ساعه وصلت عهد دخلت لقت امها جالسه بطريقة خلتها توسوس بمليون شي " ياربي ايش صاير كمان ! دي الجلسه اذكر امي جلستها يوم جانا خبر وفاة ابوي ، يارب استر
تقدمت بهدوء منها وجلست ع ركبتها قدامها قالت بهمس : يمه ؟
رفعت راسها وطالعت فيها بهدوء : سمي يمه
عهد : ايشبك؟؟
امها بهدوء ملامحها : ولاشي ي امي ولاشي لاتقلقي بالك
عهد : يمه شلون م اقلق بالي وشكلك م يطمن ؟ حسام قايل لك شي؟؟
امها : لا يا يمه ياعهد خلاص روحي ارتاحي
عهد قامت مجبره لانها عارفة امها مستحيل بتقول لها شي : طيب ي امي تصبحي ع خير
امها : وانت من اهل الخير


بعد اخر شي وصلوا عن خويه نايف قرر يرجع لمقر العمل وكلم بدر يسبقوا هناك ...
فيصل : بدر ايش الحل ياخوي قلتلك مستحيل م يغدر فيه مستحيل
ولو سوينا مخططنا متأكد اننا بنفقدو
بدر بتنهيدة: والله يابو سعود تبغا نصيحتي ؟
فيصل طالع فيه والهم كاسي ع ملامحه : انصحني
بدر : ولد عبدالرحمن يقدرلها بإذن الله ليه م تتركهم هالفترة ونتكتك عليهم صح ؟
فيصل بتنهيده : مو قاهرني غير انهم يدخلوا من الشباب الصغار بطريقه مستلعنه ف سكتهم ، والله يابدر ان النوم يجافيني ، الوطن مسؤليتي ع كل فرد فينا فمابالك فينا احنا موظفين في قطاع امن المملكة؟
صمت بدر خلا فيصل يلتفت له ويقول: ايش صاير معاك؟ من ع بعضك من دخلت عندي !
بدر طالع فيه دايما يفهمني من دون م اتكلم اااه ي فيصل ادري منت خالي ومابي ازيدك : ابد افكر ف اخوي والله م رد علي لليوم رغم انو فتح مسجاتي ، انا عارف بندر مو شايل بخاطروا علي لان باختصار الموضوع خارج ارادتي و..بتر كلماتو ع دقة الباب والتفت

: يابو سعود جا واحد يقول انك طالبوا.
فيصل طالع ف بدر : شكلو حسام وصل ؟ مـــآ عرفت اسمه؟
زياد: حسام عبدالرحمن
فيصل : خلو يدخل


كككككت ،
قراءه ممتعه للجميع وبإذن الله البارت الجاي فيه احداث اكتر تشويق

المخرج >>>
‏اللهم نسألك في يوم عاشوراء ان تقبل صيامناً وتبدل ذنوبناً إلى حسنات نستودعك ربي ادعيه فاضت بها قلوبناً فأستجبها لنا يارب❤

جنون
03-02-19, 12:07 AM
ياعيني عليك
وش هالابداع والحركات
يختي تحمست اعرف وش يصير ههههه
ماشاء الله عليك سمسم
ربي يسعدك ياجميله
بانتظار البارت السابع بحماس :0005:

‏ღعـــڒٍۅڒٍ‏ღ
03-02-19, 01:49 AM
.

ابداع واسلوب راقي
انشهد انك مميزه
يعطيك الف عافيه
اسسستمري
.
لك الفايف ستار
تتساهلين

عاشق الذكريات
03-02-19, 05:11 AM
صباح الخير


سمو المجد
قريت من اول صفحه لين اخر صفحه
مااحب اجامل واتمنى يكون صدرك واسع
اولاً اهنيك على استمرارك للحين في الروايه
بالنسبه لي البارت الاول كان اكثر بارت متقن
اللي يميزك من وجهة نظري نهاية كل بارت
تخلين القارئ يستائل اويخمن ايش حيصير

اضافتك عبارات تلقائيه
كردة فعل ضحكه ضربه كلمه شاطحه
كانت حبكه مميزه جداً

فيه بعض الاشياء اعتقد لو اختصرتيها يمكن افضل
بالاضافه الى ملاحظة مساحة قلم ياليت تركزين فيها

كانت قراءتي سريعه وهذي اهم ملاحظاتي
ولاتعتمدين على ارائي لاني بجد ماافهم حيل في الروايات
وكل انتقاد كتبته مايقلل من قيمة قلمك ابداً
مجهودك واضح جداً واستمرارك دليل نجاح روايتك

استمري وان شاءالله فالك التوفيق
متابع لكل جديدك واعتذر على الاطاله

تحياتي:ah11:

سمو المجد
03-02-19, 03:15 PM
ياعيني عليك
وش هالابداع والحركات
يختي تحمست اعرف وش يصير ههههه
ماشاء الله عليك سمسم
ربي يسعدك ياجميله
بانتظار البارت السابع بحماس :0005:

الله يسعدك ياوخيتي

اسعدتيني بمرورك وردك الهادي

كوني بالقرب دوماً ..

اختك /سمو المجد:ورده:

سمو المجد
03-02-19, 03:17 PM
.

ابداع واسلوب راقي
انشهد انك مميزه
يعطيك الف عافيه
اسسستمري
.
لك الفايف ستار
تتساهلين

الابداع منكم وفيكم اخوي

اسعد الله قلبك مثل م اسعدت قلبي

بمرورك وكلماتك الراقيه لي..

كون بالقرب دوماً

اختك/سمو المجد :ورده:

سمو المجد
03-02-19, 03:19 PM
صباح الخير


سمو المجد
قريت من اول صفحه لين اخر صفحه
مااحب اجامل واتمنى يكون صدرك واسع
اولاً اهنيك على استمرارك للحين في الروايه
بالنسبه لي البارت الاول كان اكثر بارت متقن
اللي يميزك من وجهة نظري نهاية كل بارت
تخلين القارئ يستائل اويخمن ايش حيصير

اضافتك عبارات تلقائيه
كردة فعل ضحكه ضربه كلمه شاطحه
كانت حبكه مميزه جداً

فيه بعض الاشياء اعتقد لو اختصرتيها يمكن افضل
بالاضافه الى ملاحظة مساحة قلم ياليت تركزين فيها

كانت قراءتي سريعه وهذي اهم ملاحظاتي
ولاتعتمدين على ارائي لاني بجد ماافهم حيل في الروايات
وكل انتقاد كتبته مايقلل من قيمة قلمك ابداً
مجهودك واضح جداً واستمرارك دليل نجاح روايتك

استمري وان شاءالله فالك التوفيق
متابع لكل جديدك واعتذر على الاطاله

تحياتي:ah11:



كلامك ع راسي والله اخوي غامض

واشكرك من قلبي ع صراحتك والله

بالعكس الصراحة م تزعلني اذا كان فيها ارشاد لمصلحتي

مرورك وردك الراقي علي اسعدني جداً

الله يسعدك اينما حللت ..

كون بالقرب دوماً

اختك / سمو المجد :ورده:

سمو المجد
03-09-19, 01:02 AM
بسم الله الرحمن الرحيم

البارت الســآبع
مدخل>>
الحــياة دروس والـدنيا تـجـارب
والبشر طلاب داخل مــدرستـها

والليالي ماصفت فيها المشارب
كيف تصفى والهمــوم مكـدرتها

والبشر هذا الزمن مثل الxxxxب
لو يدينك في مـخابــيك إلـدغـتها

من أجمل قصائد الشاعر الكبير :
أحمد البلادي




: يابو سعود جا واحد يقول انك طالبوا.
فيصل طالع ف بدر : شكلو حسام وصل ؟ مـــآ عرفت اسمه؟
زياد: حسام عبدالرحمن
فيصل : خلو يدخل
دخل بثبات وعينو تتفحص المكتب باللي فيه طالع ف بدر ورجع عينه ع فيصل وثبتها : السلام عليكم
ردوا عليه السلام وهما يرسموا ابتسامه خفيفه
فيصل : حي الله من جانا
حسام بجمود : الله يحييك
وقف بدر لمن حس ان حسام مو متقبل وجوده: طيب يابوسعود تامرني ع شي؟
فيصل وعينو ف عيون حسام ثابته : ابد سلامتك
بدر وهو متعجب من هالثنائي الي قبال بعض : يسلمك، لا احتجت شي عطني اتصال
فيصل بدون م يبعد عينه : ان شاءالله
بدر يهز كتوفه " وربي حالهم مو طبيعي : فمان الله وخرج قافل الباب وراه

حسام بدون اي تعابير : ايش كان شغل ابويه؟
فيصل م استغرب من سؤالو : بعدين بتعرف ان شاءالله
حسام بصوت حاد غصباً عنو طلع: وانا ابغا اعرف الآان
فيصل ببرود: صوتك لو سمحت لايعلى ، وقلت لك بعدين تعرف ؛ كل شي ف وقته حلو
حسام بمثل برود فيصل : اجل لاصار الوقت الحلو عندك بلغني وقام لف طالع من الغرفه بدون أي كلمة زياده
"والله شكل هالولد راسوا يابس ، بس مو انا فيصل الي استسلم من اول مرة ،،، بيننا الايام ي حسام " مسك الجوال واتصل ع احمد: ايوه احمد م جد جديد؟
احمد : لا والله للان ع نــ...
فيصل استغرب صمتو : احمد ؟ معاي انت ؟ الو... رفع الجوال عن اذنو وشاف ان الاتصال مستمر !!!
احمد : ااا ... يابو سعود شكلهم م بيعدوها ع خير
فيصل وملامحه جمدت: ايش بيصير عندك ؟
احمد بعد صمت ثواني : ...



في احدى المقاهي في باريس وتحديداً فرنسا، اختار مكان جنب الشباك بحيث يشوف المارة ويتأمل سقوط المطر وبيده كوب قهوة مُرٌه " ااايه ي دنيا لمتى بفضل مجهول هوية ؟ لمتى وانا أبحث عن نفسي الضايعه ! أشتاق لأشخاص معرف من هم..! ....."
قطع عليه سرحانه صديقه واخوه وتوأم روحه بالنسبه له رغم قصر السنوات الي تعرف فيها عليه إلا انه أصبح له كل أهله و ناسو
>>أحيانا الصداقه تولد ف غضون ثواني وماتموت ؛
بغمزة بعينو سألوا: ف إيش الحلو سرحان ؟
طالع فيه بنظرات مالها أي معنى: هلا خالد
خالد : تؤ تؤ تؤ م اتفقنا ع كده .. قول لي إيش فيك أمس كنت معايا زي العسل
:والله مافيه شي ياخي ليه انت نشبه؟
خالد: أفا ياذا العلم ..! أنا دحين نشبه؟؟ مقبولة منك يالحبيب ، والله لو كنت منت اخوي كان توطيت ببطنك يادب
: دي الرشاقه والأناقه مو ماليه علينك ؟ ومخليني دب بعد ! لحوول
خالد : ايه دب وبتظل ف عيني أحلى دب عندك مانع بعد،؟؟
التزم الصمت قدام خويه الخبل "والله مامنك رجا تعقل ي خويلد من عرفتك والضحكة م تفارقك ااخ ياخوي عسى الله يمحي هالهم من صدري ، وبدا يداهمه صداع خفيف وتمر عليه خيالات أشخاص م يعرفهم "فارس حبيبيي لاتتأخر ع أختك " "فروووسي ي عين أختك انت والله أحبك " .... قطع تفكيره بسؤاله المفاجىء
: مين فارس؟؟
طالع فيه خالد بعد م كان يتأمل ملامحه المتألمه : ياخوي أهد ايش صاير معاك ؟
: مين فاروس؟؟
خالد محتار والله شكلوا بدا يسترجع الذاكره وفضل الصمت لأنو محتار ، هو يبغا يساعده وخاف انو لو قال اي معلومة غلط بتأثر عليه سلبياً



وصل فيها للمكان المطلوب وقف السيارة وفضل يتأمل فيها وهي نايمه م حب يصحيها ويزعجها "والله مدري وش بتكون ردة فعلك ي شيمي :) "

حسّت بهدوء والسياره واقفه جلست دقايق مقفله عيونها وبدت ترمش كم مرة ورى بعض عشان تستوعب الي تشوفوا لفت بسرعه ع جهة أخوها : سلطاااااااااان ..!!! ايييش هاااادا ؟؟
ضحك من قلب ع خبالها : ياختي فجعتيني بصرختك وفقعتي طبلتي تراني جنبك ،،
شيمي : دحين اديني ككف بسررعه
سلطان باستغراب من خبالها: عيدي ايش قلتي ؟؟؟
شيمي: بسرعه اديني ككف عشان اصدق إني صاحيه
سلطان باسها ع خدها بهدوء ورجع مكانو
شيمي بعد وقت : انا دحين قلت كف ولا بوسه؟؟
سلطان بضحكة غصب طلعت منو : هههههههههههههه ، وان سألوني ليه الشيب مالي راسي بقول من خبال أختي ..!
شيمي : لا ي شيخ لا ي شيخ ، خلاص اسفين ي .. ايش وظيفتك انت؟؟
سلطان م زال مبتسم : م راح اقولك
شيمي : عادي لاتقول من زينها يوم تقول عنها المهم لبسك الجيشي المعفن الي يجيب لي الكآبه والهم والمسدس م يخليني انام لو شفتو اعوذ بالله
سلطان حس فيها "للان ي اختي م نسيتي ؟ اااخ بس وقطع سلسة أفكاره الي توديه للماضي وقال بابتسامه جذابه : ودحين ي اختي الحلوة منتي ناويه تنزلي؟
شيمي رجعت تتأمل البرج من الشباك وقالت بصوت اقرب للهمس وبغصه : سلطان أحبك ياخويه
سلطان : وانا احبك ي روح اخوكي ، يلا خلنا ننزل نغير جو
فتح الباب ونزل ولمحها جايه من ورى السياره شبكت يدو بيدها ومشيوا ...


ف عز الظلام والمكيف مرفوع اعلى درجة كانت غاطسة ف لحافها ومتكرفسه <<والله مدري وش معناها بس انها داخله ع بعض من اليرد 😂😂
سمعت نغمة جوالها واستغربت مين يتصل عليا دحين؟
مسكتوا وهي فاتحه عين ومقفله التانيه شافت رقم مو مسجل "غريبة من يكون ي ربي ؟ لا والساعه 2الفجر دحين الله يستر وبدت الأفكار تروح فيها وتجي ياربي مو عارفه ايش اسوي المشكلة حسام منبه علي م ارد ع اي رقم غريب بس اخاف يكون صاير شي كايد
خلني ارد بس و على آخر رنة فتحت الخط
في الجهة التانيه " خلاص مافي امل ترد عليكي ي بت ايش بيدريها برقمي يارب ردي ي عهد ردي شالت الجوال من اذنها وجات بتقفل بس لمحت الثواني الي تمر ع طول رجعت الجوال وبحب دفين ف قلبها : الو عهد ...أنا ريم
في الجهة المقابلة شكلوا لعب بزوره بس وصلها صوت رفيقتها الحبيب معقولة ريم ؟؟ كيف : رييم؟؟
ريم : إيوه ي عهد
عهد : كيف جبتي رقمي والجوال حق مين ؟ فينك انتي ! مرة ابوكي لاتصيدك ريمم وربي اخاف عليك منها
ريم ضحكت ضحكة غابت عنها من زماااان : اااخ ي عهد لاتطمني لا مرة ابوي ولا ابوي حتى انا هربت من البيت ..سمعت صوت شهقه صدرت من عهد : ي مجنونة ايش تقولي انتي
ريم : والله كده سويت
عهد كيف كيف هربتي بالله ؟ وربي مغامرة اكشن وفينك دحين؟
ريم : صار شي م حسبت حسابو ، أخوي بدر جا وانا توي خارجة ولحقني وقلت له م ابغا ارجع البيت فحجز لي شقه وجاب لي جوال ومن يومتها م جا
عهد باستغراب من اخوها ليه طاوعها بس م حبت تبين شي : لا ضروري اجيكي اجل واخد شوي من علومك وحشتيني ي دب والله
ريم بغصة : وانتي وحشتيني عهد
عهد حست بتغير نبرة صوتها ف حبت تغير الموضوع : اجل جوال من ورانا وحركات ، إلا م قلتي لي ايش جوالك؟
ريم : ايفون 8
عهد بشهقه : اههههىء ي ظالمة أنا افحط بجوالي 6s وحسام مو راضي يجيب لي جديد الله لنا
ريم : ههههههههه ي شيخه احمدي ربك اهم شي جوال والسلام
عهد : اي والله المهم حملتي واتس؟
ريم : ايش دا كمان؟
عهد : دا الي قلتلك نتواصل بالنت بس رسايل
ريم : ايش اسمو طيب عشان احملو
....
واستمروا ....


عند مقر التسليم بين العصابه وابو فهد الأجواء بدت تتوتر وحاس نفسو انخنق من الروايح الكريهه المحيطة به
نايف : وش تبي ي ابراهيم المبلغ ووصلك اتركني ف حال سبيلي ..
"ابراهيم الوافي رجل أعمال ولو مكانتو ف سوق العمل بنعرف بعدين الباقي عنه" <<الاسماء ليس لها أي صله بالواقع فماهي إلا محض من الخيال ..
ابراهيم بضحكة خبيثة : هههههاي اتركك ي حبيبي ؟؟ انت دخلت الطريق الي مالو نهاية ، من فين جبت المبلغ؟
نايف بصدمة : ايش قصدك بمالوا نهاية؟؟
ابراهيم ببرود يقتل : جاوب اول من فين دبرت المبلغ أنا ادري ان عملك لو تشتغل سنتين قدام م خديت نص هالمبلغ ..
نايف بعصبيه : وانت ايش تبغا مني ؟؟ المبلغ ووصلك مـــآ اتووقع يههمك تعرف من فيين لي المبلغ ..!
ابراهيم اشر بعينه ع احد الحراس الموجودين
تقدم الحارس لابو نايف ولف يدينه للخلف وثبتها
ابراهيم بهدوء : صوتك لا يعلى يانايف ولا تحب اقولك يابو فهد ههه
نايف حس بنبض قلبوا يزيد والعرق يتصبب ف وجهو
تابع بنفس الهدوء : من فين جبت المبلغ ي بو فهد ؟ واخر مرة باعيد السؤال عليك
نايف بثبات يارب ساعدني يارب : من ميراث الوالد .
ضحك ضحكة صاخبه وانتشر صوتوا ف انحاء الغرفة : اجل تقول من ميراث الوالد ؟ ههههههههه والله وطلعت تعرف تنكت يانايف
غمض عينه بهدوء "اهد ي نايف اهد بس يبا يرفع لك ضغطك " : ابراهيم التزمت باتفاقيتي وسلمتك الي تبغاه ولوحدي كمان . ايش تبا تاني؟ خررررجني من هنا والي بيننا انتههى .
طالع فيه ابراهيم بغموض : اجل جاي لحالك تقول؟؟ والحراسة الي وراك ايش تسميها؟؟ نايف انا مستحيل اثق بظلي تباني أثق فيك؟؟
نايف بصدمة عن أي حراسه يتكلم دا؟؟ أنا متأكد جاي وحدي ، الله يستر .
: لآخر مرة من ساعدك ف المبلغ ؟
نايف : وانت وش تبي توصل له؟
ابراهيم : لكمه ع وجهه وبعصبيه : مااالك دخخل جااوب وانكتم بسرعه .
نايف : م عندي رد غير ردي
ابراهيم : اجل انت الي جنيت ع نفسك وش تبي قبل موتك؟
نايف : باكلم عيالي ..
ابراهيم رغم الموقف ونبرة الحنان الي تكلم فيها نايف لمن جاب سيرة عياله إلا انه م حرك من مشاعره شي ...
اشر للحارس الي معاه اغراض ابو فهد .
جا وعطاه الجوال واتصل ع "عيالي دنيتي"...


..........


كانت بترتاح شويات بس وتقوم ترتب كانت ناوية تعزم عهد ويغيروا جو مع بعض ف البيت .
حست بضيقة ف قلبها صارت تتقلب يمين ويسار بس عجزت تنام
قامت توضت وفرشت سجادتها وكبرت صلت ركعتين وفي السجده الأخيرة حست بغصه ف قلبها "صلت ع الرسول ودعت يارب يارحمن يارب ي رحيم احفظ لي ابوي واخوي يارب يارب احفظهم واحميهم بعينك إلي م تنام يارب .... وتحشرج صوتها من دموعها الي ابت إلا ان تتمرد ." من لنا غيرك يارب إن عصفت بنا الآلام ، من لنا غيرك يارحمن إن ضاقت بنا الدنيا بما رحبت ، مالنا ملجأ منك إلآ إليك .
ختمت صلاتها وجلست ع سجادتها تقرا الي تحفظ من ايآت القران تهدي نفسها ...
( وَقَالَ لَهُمْ نِبِيّهُمْ إِنّ آيَةَ مُلْكِهِ أَن يَأْتِيَكُمُ التّابُوتُ فِيهِ سَكِينَةٌ مّن رّبّكُمْ وَبَقِيّةٌ مّمّا تَرَكَ آلُ مُوسَىَ وَآلُ هَارُونَ تَحْمِلُهُ الْمَلآئِكَةُ إِنّ فِي ذَلِكَ لاَيَةً لّكُمْ إِن كُنْتُـم مّؤْمِنِينَ)
هدت شويا وكملت ...
( هُوَ الّذِيَ أَنزَلَ السّكِينَةَ فِي قُلُوبِ الْمُؤْمِنِينَ لِيَزْدَادُوَاْ إِيمَاناً مّعَ إِيمَانِهِمْ وَلِلّهِ جُنُودُ السّمَاوَاتِ وَالأرْضِ وَكَانَ اللّهُ عَلِيماً حَكِيماً ) كررتها ثلاث مرات وقامت مسكت جوالها تتصل ع أبوها الي غايب كم يوم عن البيت لكن كل يوم يتصل عليهم ويتطمن ، أبوها بالنسبه لها ولاخوها كل حياتهم
لقت جوالها ينور بأسم "كل دنيتي " ابتسمت بحنين يااه ي ابوي كأنك حاس فيني وردت
جاها صوت ابوها : السلام عليكم
منال : وعليكم السلام ، يبه كيف حالك وحشتنا والله
حس بغصة قهر كان وده يمسك سلاح ويفرغوا ف راس عديم الرحمة الي واقف قدامو وبصوت حاول قد م يقدر جاهد يخليه متوازن إلا ان نبرة الحنين غلبت : وانتو يابوي وحشتوني أكتر ، طمنيني عنك وعن فهد .
منال ونبرة أبوها خلت الدموع تنزل غصب: بخير يابوي بخير متى ناوي تجينا ؟ وقالت بشوي مرح :لو جيت باحبسك ف البيت ومابخليك تخرج شهر م بنشبع منك والله
"ليه ي منال كده ليه يارب احميهم "وضحك بمجاملة: هههه يابوك الله يحفظك انتي واخوك ويحميكم ، منول ي بنتي انتبهي ع نفسك انتي وفهد ...وبتر باقي كلامو م يبغا يسبب حزن لعيالوا.
منال : لاتخاف علينا بس انت ارجع واحنا تمام نكون
ابوفهد: ان شاءالله ، يلا ي بنتي استودعتكم الله الذي لاتضيع ودائعه . عمك بوسعود رقمو عندك صح سلمي لي عليه وقفل الخط سريع " يارب تفهمي كلامي ي منال"
منال باستغراب جات بترد إلا الخط فصل ، توقعت ان الرصيد خلص
مين عمي بوسعود دا ؟ ولا اسلم لك عليه ي يبه؟؟ والله في شي صاير ومابيقول لي .. رجعت تتصل تاني عليه جاها ان الجوال مقفول ، بدأ القلق يتسرب لقلبها يارب يارب اسألك انك تحمي ابوي يارب ...


بعد م خلص سحب منو الجوال
..وطالع ف حارس تاني واقف بعيد شوي
جا الحارس وصوب المسدس قدام نايف
ابراهيم .: يلا ي الأب الحنون باي باي هههههههههههههه
نايف بهدوووء وهمس : أشهد أن لا إله إلا الله وأن محمد رسول الله
..........
إِن يَقرُبُ المَوتُ مِنّي
فَلَستُ أَكَرَهُ قُربَه
وَذاكَ أَمنَعُ حِصنٍ
يُصَبِّرُ القَبرَ دَربَه
مَن يَلقَهُ لا يُراقَب
خَطباً وَلا يَخشَ كُربَه
كَأَنَّني رَبُّ إِبلٍ
أَضحى يُمارِسُ جُربَه
أَو ناشِطٌ يَتَبَغّى
في مُقفَرِ الأَرضِ عِربَه
وَإِن رُدِدتُ لِأَصلي
دُفِنتُ في شَرِّ تُربَه
"أبو العلاء المعري"


احمد بعد صمت ثواني : بو سعود اتصل عليك شوي وقفل الخط
فيصل استغرب أول مرة احمد يقفل ف وجهي يارب استر
وقام متوتر خرج من مكتبو وف يده الجوال جا بيتصل ع بدر لكن لمحه واقف قدامو : بدر جيت وجابك الله
بدر مستغرب من منظر فيصل : ايش صاير ي فصيل ؟
فيصل بدون أي تركيز : نايف نايف شكلوا بيروح نايف ي بدر أنا السبب انا
بدر بخوف : اهدى اهدى ياخوي ، فهمني وش صاير طيب كلموك قاولا لك شي؟
فيصل : مدري مدري ي بدر باروح للمقر واشوف بنفسي
بدر انصدم : اليش الي تروح للمقر بعقلك انت؟؟ اقول فيصل اتعوذ من الشيطان مو صاير شي ان شاءالله وبتقر عيننا بشوفه بو فهد .
م عرف بدر هو يهدي نفسو بالكلمات ولا يهدي فيصل ، منظر فيصل لحالوا قلب كيانو ولخبطو "يارب سترك يارب "
ماهي إلا ثواني وقطع الصمت نغمة جوال فيصل رد بدون م يشوف الاسم
بنبره حزينة :يابو سعود لازم نرجع م عااد لنا أي داعي هنا
فيصل بدون ملامح : احمد ايش صار يرحم اهلك طمني
احمد بغصة والدموع متحجرة ف عينه لكن تبقى دمعه حبيسة . بو فهد ...
فيصل حس أن الدنيا تلف فيه :ايش فييه يا احمد
احمد بنفس نبرة الحزن الي كاسيه صوتو: طالبك الحل.....
م قدر يتكلم ولا يقول أي حرف جلس ف أقرب كرسي له

بدر الي متابع المشهد من بدايته حس ان الموضوع اكبر مما كان يتوقع اول مرة أشوف فيصل منهار كده بعد زمن طووويل
راح سحب الجوال من فيصل وحطو ف اذنو : ايوه ي احمد
احمد وحس انو بذل جهد كبير ف نقل الخبر : بو فهد طالبكم الحل
بدر بصدمة م قدر ينطق أي شي غير : إنا لله وإنا إليه لراجعون
نزل الجوال ف جيبه بعد م قفل أحمد وجلس جنب فيصل حط يده ع كتفو يواسيه او يواسي حالو " بدت ذاكرتوا تسترجع مواقف بينو وبين نايف ... الله يرررحمك ي نايف الله يرحمك يابوي ، إيه كنت أبوي واخوي ، هين ي ابراهيم هين وعد علي لا أسلمك قصاص بنفسي "
بعد فترة مرّت مـــآ دار بينهم غير الصمت
بدر بهدوء وعينو محجرة فيها الدموع : بو سعود
رفع راسو من بين يدو وملامحو رجعتو كانو طفل فاقد شي ثمين من اشياءه وبهمس مميت : مات ي بدر ؟ صدق مات؟
بدر والغصه ذابحتوا اااه ي ربي ساعدنا والهمنا الصبر : لاحول ولا قوة إلا بالله ، ادعليوا ياخوي بالرحمة
فيصل ودمعه خاينه هربت من عينو اليمين : أنا السبب متأكد أنا السبب ااااه يارب سامحني ، سامحني ي نايف ي خوي سامحني كنت احسب اني قادر اساعدك منهم ...
بدر بهدوء : فيصل هذا قضاء ربك ياخوك لاتقول إنت السبب إنت حاولت تحميه بالي تقدر عليه ...وسكت مو عارف إيش يقول فاجعتهم جات أليمه
فيصل بنفس الصوت : بدر تدري انو وصاني ع عياله قبل لايوصلهم؟ كأنه كان حاس بقرب يومو..!
م عرف ايش يرد عليه فالتزم الصمت
..................


بعد فترة كانو يمشوا بين مولات وكافيهات
طالعت ف اخوها : م تعبت من المشي؟
رد عليها بهدوء وهو يحس باختناق غريب وصوتو مبحوح : إلا والله تعبت بس لاجل عين تكرم مدينة كم .. وماقدر يكمل حس ان الأكسجين منتهي م يقدر يتنفس
وقفت عن المشي لمن سمعت نبرة صوتو وطالعت أخوها شافت وجهوا غريب قالب ع احمر خافت وراحت : سلطاان اشبك ؟؟
طالع فيها وهو م زال مخنوق : و .. ولااشــ.. ـي
امتلت عيونها دموع ياربي احفظلي هو يارب : سلطان الله يخليك تحمل دقيقه بس
وراحت جري ع اقرب كوفي تجيب موية اول م فتحت الباب انصدمت بشخص ... بدون م ترفع راسها او تطالع : اسفه اسفه
وكلمت طريقها سريع
.....

ف نفس الكوفي الي دخلتوا .. كل واحد سارح بفكروا لمكان
"لمتى بتفضل مغترب ..! م اشتقت للوطن . م اشتقت لارضك ؟ لأهلك.؟ حقًا لا يعلم مرارة الغُربة إلا مُتجرعها ... ولا تدري النفوس التي لم تحياها أن الحياة بقُرب الأحبة هى أرض الله الواسعة حقا .. فبعيدًا عنهم حياة الجسد المرفه .. ولكن بلا روح...
قطع عليه حوارو مع نفسوا صوت راكان : خالد
طالع فيه : لبيه
راكان: لبيت حاج ، بسألك دحين انا فاقد الذاكره كم لي؟
خالد : وش جاب السؤال ع بالك؟
راكان : ابغا اعرف بس .
خالد ع حسب قول دكتورك انك حتكون ناسي احداث السنوات الخمس الاخيرة تقريبا لكن حتفتكر م قبل عام 2012
راكان بدون اي ردة فعل تنهد " ي الله ساعدني ي الله "
خالد : ركون حبيبي ترى لو شديت حيلك وتابعت مع الدكتور بإذن الله بتسترجع كامل ذاكرتك بس انت الله يهديك منت راضي تعقل وتنتظم ع مواعيدك
راكان بعصبيه: ايش دكتور وما ذكتور ي شيخ احس اني قاعد حقل تجارب ف يد بزر اصغر مني .
خالد بضحكة : هههههههه الله يقلع شياطينك ي شيخ دحين شايف نفسك حقل تجارب ؟ اقول اخزي ابليسك وارجع انتظم وصدقني بترتاح لو بشي بسيط ...
تنهد وبعد فترة : ربك يعين ياخوي ..
قام خالد حط مبلغ ع الطوالة وقال : يلا امشي نلفلف شوي ف الشوارع ..
راكان بهدوء: مالي نفس روح انت وانا بروح ع الشقه ..
خالد : ااوك اجل نتقابل هناك ان شاءالله ولف خارج

جا يفتح الباب وعينو ف جوالوا لكن صدمم ف احد رفع راسوا بيهزأ لكن واضح انها مستعجلة
: اسفه اسفه
" ي شيخ الصوت سمعتوا قبل كده!! " طالع فيها وهي مديتو ظهرها وماشيه ،شكلي مشبه بس وخرج ...
......................


مخرج>>>
"عندما لا يدرك أحدٌ حجم توجّعك، ولا يعلم أحد قدر خوفك وحزنك وغصّتك، طبطبْ على قلبك ورتّلْ عليه: "أَوَلَيْسَ اللَّهُ بِأَعْلَم بما فِي صُدُورِ الْعَالَمِين" ، وتذكر دائمًا. أن الله لقلبك، الله لأوجاعك، الله دائماً إلى جوارك، الله طبيبك وحبيبك ورفيقك الدائم، وكل ما سِواه عدم ❤


................
انتهـــى الفصـــل أتَمنٍى- يٌنال… عّلى' اعــــجاٍبكـم} واّلقاٌدٓم< أجـمِـــل: بٍإذن اُللٗه* ارِاكـم؛ تًه٘مـــــنــــيʼ وتعل٘يُقٓاتًكــــم؟ بٗعد\ أتمِنْى› لۤكِم‘ قٓراءۤة¨ ممتٍعُة و< انــتظْر« تعليقاْتـــــكٍم' بٗشوّق تۤحياااۤاٌاًاتــي› سمو المجد^_^

جنون
03-09-19, 01:26 AM
ياسلام عليك
هالبارات خطييير
والاحداث حماااس
مبدعه ولاهو غريب الابداااع
يعطيك الف عافيه
دمتي بسعاده


<<<لي عوده لتقييم

شطرنج
03-09-19, 03:31 PM
ما شاء الله
ربي يحفظك على الابداع الفني
كتابتك تؤهلك تكتبي في تأليف
مسلسلات مع شركات اعلاميه
وخاصتا فيها ملحمة اجتماعية
والاعلام يتطلب التشويق والبروز الفانتازيا
والمشاهد الاترادجيه
واصلي يا انيقه

سمو المجد
04-04-19, 01:06 PM
جنوون

مرورك سعاده ي اختي
وكلامك سعاده
عسى ربي يسعدك دوووم


شطرنج
اشكر لك اثرائك اخي
دا من ذوقك والله
الله يسعدك فين م تكون


نورتوني والله
وكونوا بالقرب (:

سمو المجد
04-04-19, 01:08 PM
السلام عليكم ورحمة الله

اول شي حابة اعتذر جد عن انقطاعي هالفترة عن الروايه

بس ان شاءالله اليوم بانزل لكم

البارت 8 و البارت 9

اتمنى يعجبوكم ويكونوا قد المقام ...

سمو المجد
04-04-19, 01:12 PM
بسم الله الرحمن الرحيم

البارت الثــآمن>

مدخل>>>
يا ليل خبّرني عن امر المعاناةْ
هي من صميم الذّات و الاّ اجنبيّهْ
هي هاجسٍ يسهرْ عيوني و لا باتْ
أو خفقةٍ تجمح بقلبي عصيّهْ
أو صرخةٍ تمرّدت فوق الاصْواتْ
أو ونّةٍ وسط الضّماير خفيّهْ
أو عبرةٍ تعلّقت بين نظراتْ
أو الدّموع اللّي تسابق هميّهْ
أعاني السّاعه و اعاني مسافاتْ
و اعاني رْياح الزّمان العتيّهْ
و اصوّرْ معاناتي حروف و ابياتْ
يلْقَى بها راعي الولَعْ جاذبيّهْ
و لاني بْندمانٍ علَى كل ما فاتْ
أخذتْ من حلو الزّمان و رديّهْ
هذي حياتي عشتها كيفما جاتْ
آخذْ من ايّامي و اردّ العطيّهْ

الأمير خالد الفيصل


———————-

صحي من نومه متعرق رغم برودة الغرفة ، مسح ع وجهو وتعوذ من الشيطان "يارب رحمتك وسعت كل شي ... قام اخذ له شاور دافي ، برودة لندن تذبحو ، ااه ليت البرد ينتقل لدمي ، وأقدر انسى شوي من همي ، بعد وقت خرج لاف منشفة ع خصرو والتانيه ع راسو ينشف راسو فيها ، اتجه للدولاب اخد لو جنز وتيشيرت كحلي خلص لبس وصلى الي فاته من الصلوات " اخد بوكه وجواله وخرج يبغا يمشي برجلو منها يستكشف المنطقه الي هو فيها أكثر ومنها يدور له ع كوفي يفطر فيه ....


——-
خرجت من الشقه الي حجزها لها أخوها سامر ف لندن قفلت الباب والتفتت بتنزل من الدرج .. لمحت الباب الي مقابلها ينفتح ويطلع منه احد " انا ليه ملقوفه دايم؟ خلني انزل م علي " ونزلت اول خطوتين لكن في شي شدها ... "كأني شفت هالملامح من قبل؟ "
لفت بتطالع لكن اختفى داخل المصعد....


——————-


عندها ف الشقه كانت فرحانة إنها بتجتمع مع رفيقتها واختها إلي م جابتها أمها ، من فرحتها م جاها النوم كانت تتقلب لين طفشت وقامت
اخدت لها شاور سريع وبعد م خلصت
-يوووه انا كيف م فكرت فيها؟؟ من فين دحين بأدبر لي ملابس، ياربي ايش الوهقه دي.
لبست نفس ملابسها مضطرة حتى منشفه مافيه
"انا لازم أكلم بدر يجيب لي اي شي م حقدر استقبل عهد بملابسي دي .. رجعت للغرفة واخدت جوالها واتصلت ع الرقم الي سجلوا لها بدر وما رد
افتكرت ان دحين الوقت متأخر اكيد بيكون نايم من فرحتي م ركزت ف الوقت ... سكرت الجوال واتجهت للمطبخ تشوف إيش فيه اشياء ضيافه خفيفه ،
-ي الله ودي الوقت يمشي بسرعه


الوقت ..! بطيء عندما ننتظر ..! سريع عندما نخاف ...! طويل عندما نحزن...! قصير عندما نفرح...! قاتل في حالة الفراغ...! يتوقف عندما نحب ...! فالوقت لاتحدده xxxxب الساعه...؟ بــــل تتغير نبضاته حسب حالتنا النفسية...!

————————-

ياسلاام ع راحة الباال ،.. انا متأكد لو انها وافقت تجرب تلعب قيم بس حتتدمن السوني ، بس ايش اسوي دي اختي وراسها يابس ..!
جالس ع السوني ومطفي الاضاءة ف المجلس ومن الحماس ف اللعب م حس في اللي دخلت عليه وعقلها مشغووول ، النوم ماجاها من كثر التفكير .
جلست ع احد الكنبات الي ف المجلس بهدوء ودموعها صارت تنزل بدون شعور "انا ليه احس قلبي يوجعني ؟ اااه ياااارب خفف عني هالألم فيني ضيقة غريبه "

كان بيطق رقبته ويلف يمين ويسار فجأه لمح زول احد ف الكنب
: ااااااااااا ي حرامي وكمان بكل وقاااحة عين جالس يعنني أعمى م شفتك ؟؟ مسك أقرب شي طاحت عليه يده ف الظلام ورماه ع الي جالس ع الكنب
: اااااي فهد ي مجنوووون انا اختك
فهد بتناااحه : اختي؟؟؟؟
منال ونبرة صوتها الحزينه : لابنت الجيران
جا بيرد عليها بس انتبه لنبرة صوتها اتجه لمفاتيح الاضاءه فتحها ورجع عندها : فين عورتك؟
طالعت فيه ودموعها مازالت تنزل
استغرب : بالله منول ألمتك بقوة؟ تحتاجي مستشفى
م جاه رد غير انها رمت نفسها ف حضنو وجلست تبكي بشكل يقطع القلب
فهد تأثر بقوة : منوول والله والله اسف ماكنت ادري انك انتي والله
رفعت راسها شويه وحطت يدها ف فمه تسكتو
احترم رغبتها وصار يمسح ع ظهرها "مالها غيري انا وابوي حتى لو كنت اصغر منها باعتبرها بنتي"
بعد فترة بعدت عنو بهدوء وحاولت تبتسم لكن الضيقه ملاحقتها
فهد : ارتحتي؟
هزت راسها بايوه
فهد: اسـ..
حطت يدها ف فمه من جديد عشان يسكت
وبصوت مبحوح من البكا : م عورتني لاتخاف
فهد باستغراب : طيب ليه تبكي؟
هزت كتوفها بـ/ مادري
فهد: منول فيكي شي انا صرت متأكد دحين قولي لي ايشبك انا اخوكي ،
طالعت فيه بحب اخوي: رببي مايحرمني منك ولا من ابوي
فهد بابتسامه : امين ولا منك ي احلى أخت، إلا ع طاري أبوي ، م كلمك؟
منال ودموعها رجعت لمجراها : إلا
فهد وهو بدا يستغرب زياده من دموعها الي بدون سبب : منال ابوي فيه شي، ؟
منال : مـــآدري يافهد ماادري ورجعت تبكي تاني
فهد حن عليها : طيب خلاص هدي ابوي مافيه غير كل خير
وكمل: طيب ايش قالك؟
منال بصوت متقطع : يقول انتــ..ب..هـ..ـي ع نفس..ـك انتي وفهد
وفـ..ـي نهاية المـك..ـالـ..م ـه قال...

———————

وصّل فيصل لبيته وحرك متجه ع بيت أبوه وهو ف باله كيف بياخد حق نايف من ابراهيم وصل اللفه الأخيره وضرب جبهتو " يوووه أنا كيف نسيت ريم .طلع جوالو من جيبو ولقى مكالمه من نص ساعه تقريبا منها ..! استغرب خاف عليها يكون صايبها شي وغير وجهته وزاد السرعه ع الشقه اتصل عليها وبعد دقايق


عندها رجعت انسدحت بعد م فقدت الأمل ف ان بدر يرد وشافت المطبخ مافيه اشياء ضيافه تحس تكاسلت وفقدت عزمها وحماسها
غمضت عينها لعل النوم يجيها لكن قطع عليها سكونها صوت جوالها العالي : أوف ياربي من بيتصل دحين يعني خلاص ابغا انام م صدقت يجيني النوم . رفعت الجوال من الكومدينه وشافت بدر يتصل بك
فتحت الخط :الو بدر كيفك ؟ فينك م جيتني كم يوم وربي طفشت لحالي
انرسمت ابتسامه خفيفه ع ملامحو : هلا ريم وعليكم السلام والرحمة
انحرجت وبصوت خفيف: السلام عليكم .
بدر: ههههه فديت الي ينحرجون ، وعليكم السلام
ريم : لا تطقطق
بدر ويحس ان الخوف الي من دقايق عليها تلاشى: ابشري ياعيوني انتي
ريم : مروق ماشاءالله
بدر: احد يسمع صوت ريم ومايروق؟
ريم :.......
بدر بضحكة رغم الالم إلي مالي قلبه : هههههه استحت استحت ، ههههههه خلااص خلااص ، لقيتك متصله ايش صاير ؟
ريم:كلمت صحبتي واتفنا انها تجيني بكرة وافتكرت م عندي ملابس ولا اي غيار
بدر: اممم طيب ايش رايك الساعه 9 الصبح اخرجك؟
ريم بوناسه حقيقية : الله من جدد؟
بدر بضحكة : ايوه ايشبك مستغربة؟
ريم : لا لا خلاص 9 اكون جاهزة ان شاءالله
بدر وهو يوقف عند العمارة : أصلا انا تحت ، توي واصل
ريم بشهقة : اما ماقلتلي من اول كان عرفت اطلبك
بدر وهو ينزل من السيارة : خلاص يختي قلنا بنخرج الصباح جا بيدخل العمارة لكن حس بضربة قوية ع راسه خلت العالم يلف فيه

عندها جات بتتكلم لكن سمعت صوت ضربة وفزت من مكانها بخرف : بدر ..... بدر انت معايا ع الخط؟

عند بدر ، سحب الجوال الي طاح وهو بيفقد وعيه وبصوت رايح : ريم
ريم من سمعت صوتو الي اختلف جذريا بدت الدموع تجتمع ف عيونها : بدر الله يخليك تحمل ، بالبس عبايتي واجيك دحين.
بدر ولسانه بدا يثقل : لا تفتحي الباب ياربم..... ولا تخرجي ابدا
ريم : خلي الجوال مفتوح لاتقفل ، بدر
م سمعت رد
ريم بانهيار وتتكلم بدون وعي : بددددر الله يخليييك تحمممل بدر مالي غيرك احد ..
.........
———————

عند فيصل نزل من السيارة وفتح الباب وهو منهار لآخر حد ، حتى الجثه م استلموها للان ، "إيش نهايتك ي ابراهيم الوافي؟ لمتى باظل افقد اغلى ناسي لمتى ، والله م اخليك تتهنى يابراهيم ووعد مني لك "
جلس ف احدى الكراسي الموجودة ف الحديقة الخلفيه التابعه للفله حقتهم حاول يكسب لو جزء من قوته ،

كانت نايمة ف غرفتها بس حست بيد صغيرة تحركها : ماما ماما
ام فيصل: هممم ، ايش تبغي ي ماما ؟
رتيل الصغيرة وعمرها 5 سنين : في حرامي دخل البيت
ام فيصل : رتيل حبيبتي مافي حرامي نامي حبيبتي
رتيل وهي شويه وتبكي : ماما سمعت صوت باب .
أم فيصل والنوم بدا يطير : ايت باب ؟
هزت كتوفها : ماعرف
قامت من السرير ومسكت يد بنتها واتجهت للشباك ، >>>غرفتها مطله ع الجهه الخلفيه للفله >> لمحت ظل ولدها وحيدها جالس وباين عليه الهم من مسكتو لراسه ، •ااخ ي فيصل متى ترحم نفسك ي حبيبي"
اتجهت لباب الغرفه خرجت وجات بتنزل الدرج وفي نص الدرج سمعت الباب الداخلي ينتفح ، وقفت مكانها : فيصل يمه

عندو قام من الكرسي واتجه للداخل بيقوم يصلي ركعتين يهدي حاله ويحاول ينام لو ساعه بس ، فتح الباب وتقدم للداخل وقفلوا .. مشي اول خطوة ووصلوا صوت نبع الحنان "اااه ي يمه لو تدري وش ف القلب من جرح لو تدري ايش ف القلب من بوح ، ي يمه أحس بالذنب يمه نفسي اشكيك همومي وارتاح منها " اتجه للدرج بخطوات بطيئة ووقف عند نهايته وعينه تحكي كثيييييير .اول حكيو ندم واخرو ندم ...

طالعت ف ولدها ملامح وجهو ابدا م ريحتها ، قلبها انقببض
نزلت بخطوات حاولت انها تسرعها لكن لكبر سنها م قدرت تسرع

حاول يطلع الدرج عشان امه لا تتعب لكن رجلو خانتو يحسها متجمده مكانها مو راضيه تتقدم ولا تتأخر "ااااخ وش يصير فيني أنا "

أم فيصل تنزل وهي للان مستغربه ولدها مو طبيعي ، أول مره يخليها تنزل بدون م يقدم لها أي خطوة ، بعد شوية وقت وصلت لآخر درجة ورتيل ماسكه يدها اليسار للان خايفه من شكل أخوها اول مره تشوفوا كده م تعرف غير فيصل راعي الابتسامه الحلوة وبس ، لكن الي قدامها موفيصل ابوها ابدا الي قدامها كائن بدون اي حياه ..
ام فيصل بنيرة ام حنون وهي تطالع ف عين ولدها : فيصل حبيبي.
فيصل مسك يدها اليمين ونزل لمستواها وقبلها بعممق ،ثبت يدها وجلس يستنشق ريحتها الطاهره ،: بعد ثواني رفع عيونو لاممه : لبيه ي جنتي .
ام فيصل م قدرت تكتم دموعها صارت تنزل بدون م تحس : علامك ي يمه ؟
فيصل وقف ومازالت يد امو بيده مشي فيها لين وصلوا الكنب ف الصاله الداخليه . جلسها ف الكنب وجلس ف الأرض حط راسو ع رجلها ومازالت يدها ف يدو ، :يمه طلبتك أقري علي
أم فيصل بصوت هادي ومازال دمع أم خايفه ع ولدها ماخذ مجراه : ابشر ي وليدي ..وبدت تقرا عليه (الله لا إله إلا هو الحي القوم لاتأخذه سنةٌ ولانوم له مافي السماوات ومافي الأرض من ذا الذي يشفع عنده إلا بإذنه يعلم مابين أيديهم وماخلفهم ولايحيطون بشيء من علمه إلا بما شاء وسمع كرسيه السماوات والأرض ولايؤوده حفظهما وهو العلي العظيم) .... ( هُوَ الّذِيَ أَنزَلَ السّكِينَةَ فِي قُلُوبِ الْمُؤْمِنِينَ لِيَزْدَادُوَاْ إِيمَاناً مّعَ إِيمَانِهِمْ وَلِلّهِ جُنُودُ السّمَاوَاتِ وَالأرْضِ وَكَانَ اللّهُ عَلِيماً حَكِيماً).....
واستمرت تقرا عليه لين حست انو هدي


—————————

فهد : منال يرحم والدينك ترى وترتيني ، ابوي ايش قالك ؟؟
منال طالعت ف أخوها بهدوء بعد م حاولت تكتم دموعها: يقول عمك ابو سعود رقمو ف جوالي ، طلبني أسلم عليه..!
فهد باستغراب : عندنا أعمام احنا؟؟
حركت كتفها بمادري
فهد : طيب عطيني جوالك دقيقه
قامت من مكانها : طيب اجيبو من الغرفة بس ثواني
خرجت وتركت اخوها ف دوامة من التفكير " يبه هو لنا عم وحنا م نعرف؟ طيب لو ايه ليه خبيت عنا ؟ ليه م قلت لنا؟ خلني اشوفك يايبه واعرف كل المخفي ان شاءالله "

عند منال دخلت غرفتها اخدت جوالها لقت مسج من رقم غريب !
فتحتو وانصدمت ،طاح منها الجوال ورجلها خانتها وطاحت ع الارض بصرخة وصلت لمسامع أخوها ......!

جالس يستنى ف المجلس ، استغرب تأخير أخته ، لكن بعد دقايق قليله مرّت سمع صوت صرختها . فز من مكاانه جررري على غرفتها .
انصدم شافها طايحه وشكلو مغمي عليها . قرب منها بسرعه وصار يضرب خدها خفيف : منال .. مناال ويضرب زياده
تركها وقام خارج يجيب مويه يرشها فيها لكن لمح جوالها مفتوح وطايح جنبها . راح اخدوا وشاف ايش كانت فاتحه وانصصدم هو الآخر ...

——————————-

رجعت بسرعه بعد م عاانت وهي تفهم الي عند الكاونتر يديها مويه
لكن جاها واحد من الجالسين وخمنت من ملامحه انه سعودي
طلب لها بعد م تابع الفلم الي مسويتو عشان مويه وهو كاتم الضحكة .. اخدت الموية سريع وهي خارجة قالت بدون م تطالع فيه : شككرا
راكان : العفو

اتجهت للباب بسرعه فتحته .....
———————-
بعد م خرج من الكوفي راح لمواقف السيارات وركب سيارتو
طلع جوالو من جيبه وجلس يدور ع المحفظة لكن م لقاها
اتصل ع راكان وبعد دقايق : هلا راكان
راكان : مسرع وحشتك؟
خالد : انت م عرفتلك ساعه تكون رايق وزي العسل ، وساعـ.
قاطعه: ساعه اكون زي العسل وساعه اكون اخس من ابليس فهمتها وقسم بالله ..
خالد بضحكة : يغربل عدوينك ي شيخ ، هيا نسيت ايش كنت ابي منك
سمع الخط قفل ف وجهه طالع ف الجوال بصدمة وصار يضحك ع خويه
————-
عند راكان .. كانت عينه تتابع البنت الي من شوي دخلت حاس انها موبطبيعيه ، خرج بعدها بدون لا تحس عليه وقعد يلحقها ، شافها كانها ضايعه وتدور ع احد .. تقدم خطوتين وبصوت مرتفع : ي اختي تبين مساعده؟
طالعت فيه شيمي وعيونها محبوسة الدمع حركت راسها بالنفي وفي نفس الوقت : أخوي م لقيته..
راكان وصداع بدا يداهمه من شاف عيونها وبدت تتردد لو اصوات واجساد بدون ملامح مسك راسه بين يدينه :اااااه يااارب

كانت ثابته مكانها خافت من شكلوا ياربي ايش يصير معايا انا ، فين اختفيت ي سلطان فينك ياخووي ؟ ااهىء ياارب رحمتك يارب
حاولت تسأل الشخص الي قدامها ايش فيه : اا

قطع عليها شخص جاي جري من نفس المنطقه : راااكان ، راكان علامك ي خوي

راكان بدون اي تعبير كان يطالع ف البنت الي قدامو وعينه ثابته ف عينها ..
ركز خالد ع نظراته فين متجهه وشافها ..
"كانت ف ليون كيف جات هنا ؟ هي الصدف تخلق سريع؟ ولا القدر ؟
فاق من سرحانه ع صوت راكان : خالد بارجع مابي اشوفها عيونها عذبتني ياخالد ، احسني شايفها قبل بس معرف م اذكر شي ابد "

خالد باستغراب : شايفها قبل؟؟ وكمل خلاص ولايهمك ، بس جيت ادور ع محفظتي ولقيتها ف الطاوله ناسيها.
طالع فيها وباين عليها وحده ضايعه تدور اهلها : شيمي ،

كانت طول الوقت تطالع فيهم وسمعت كلام راكان الغريب "كيف شافني من قبل دا؟ " انتبهت لاحد يناديها : ها !

خالد كان بيضحك لكن مو وقت ضحك : هويتي للجنه ، ايش عندك هنا؟

"سخيف مو وقته" وبنرفزه ردت : ماحد معينك ولي امر لي ي استاذ.
طالع فيها بقهر : اجل انطقي مكانك وشوفي وش يصير لك لو كنتي لحالك ."اوف منها عنيده وترفع الضغط اعوذ بالله بس،، وانا وش علي مع نفسها"

م اهتمت لتهديده كل همها أخوها سلطان فين اختفى..!
————————

مخرج>>
لم يعجز عن خلق سبع سماوات و سبع أراضي ، أيعجز عن جبر قلبك ؟ أيصعب عليه حمل ما فاض فؤادك به من ضيق و ألم و حزن ؟ ثق بربك فقط .



انتهـــى البارت

أتَمنٍى- يٌنال… عّلى' اعــــجاٍبكـم} واّلقاٌدٓم< أجـمِـــل: بٍإذن اُللٗه* ارِاكـم؛ تًه٘مـــــنــــيʼ وتعل٘يُقٓاتًكــــم؟ بٗعد\ أتمِنْى› لۤكِم‘ قٓراءۤة¨ ممتٍعُة و< انــتظْر« تعليقاْتـــــكٍم' بٗشوّق
تۤحياااۤاٌاًاتــي› سمو المجد^_^

سمو المجد
04-04-19, 01:14 PM
بسم الله الرحمن الرحيم

البارت التـــاسع>>

مدخل>>
نبي .. نطفي قمرنا ..
لو يعذبنا السهر .. والخوف ..
نبي ننثر قهرنا .. يا حبايبنا ..
على مد النظر .. والشوف ..
نبي ننزع من أعماق الحشا سكين ..
نبي ننزف حنان العاشق المسكين ..
ونجرح في سواد العين .. صورنا ..
ونبي نطفي قمرنا ..
سامحينا يالمحبة .. لو جرحنا وانجرحنا ..
س امحينا لو نسينا .. في الهوى ضحكة فرحنا ..
وآه يالنصل الحرير ..
ياهوى القلب الضرير..
يالجروح اللي مضت .. واللي بتصير ..
نبي ننزع من أعماق الحشا سكين ..
نبي ننزف حنان العاشق المسكين ..
ونجرح في سواد العين .. صورنا ..
ونبي نطفي قمرنا ..

الامير بدر بن عبد المحسن

>>>>>>>>>>>>>>>>

وصلت للباب الرئيسي للعمارة وشافت المصعد ينفتح ، طالعت فيه وبشهقه: انت؟؟
بندر بطفش : ايه انا ،
الهام : طيب الناس تسلم. السلام لله
طنشها وخرج من العماره ، بعد م كان مفكر يمشي غير رأيه وأول تاكسي شافه اشر له ، فتح الباب الاملمي وركب جنب السايق ، لكن انصدم لمن سمع الباب الي ورى انفتح ودخلت الهام ..
" ياليييييييل ، ياربي انا وش سويت ف حياتي عشان ابتلش بهالنشبه! "وصار يطالع قدام ولا كان يسمع الي جنيوا يتكلم .
———————-

: عهههد روحي عن راسي م تشوفي الساعه كم ؟؟ احد يروح عند صحباتو ف دا الوقت،؟

عهد وهي شوي وتبكي : حساام وربي قلبي يقول اختي فيها شي الله يخليييك
حسام بتعجب من دي البنت : انتي ايش تركيبه عقلك؟ قلتلك ماني مودي يعني ماني مودي
عهد : حسام البنت لحالها ف شقه والله م يسير كده اقل شي معاها احد ولقيتها متصله علي ودحين اتصل م ترد ابدد جوالها مقفول كسرت جوالها اتصالات .
حسام ببرود : يمكن نايمه الادميه ، ليش مكبره الموضوع؟
عهد ومالها غير انها تنزل دموعها عشان يحن وفعلا بدت دموعها تنزل : الله يخلي حسام الله يخليك
طالع ف دموعها " لدي الدرجة تعزها ؟ عهد واعرفها م تحب اي احد بسهوله ، الله يعين ،
حست من سكوتوا انو قرب يوافق : حسام الله يخلييك ياخوي الله يخلييك طلببتك ..
حسام بتنهيدة : خلاص خمس دقايق وانتي جاهزه لو ...
م لحق يكمل الاا وهي مطلعه العبايه من المدخل ولابستها
ملامح وجهه تحولت لضحكة : والله انك داهيه ،
ابتسمت من بين دموعها : احبك ي اطلق اخو
حسام بابتسامه اخوية : يلا بس قدامي ع السيارة
——————————-

عند ريم بعد م سمعت اخر كلام بدر كانت بترد لكن انقفل الخط ف وجهها،، ترددت تنزل او تسمع الكلام ، لبست عبايتها وطالعت من الناظور ولمحت شخصين عند باب الشقه واقفين ، انتفضت من الرعب "ااه ي رربي ايش دا مين دول وايش يبغوا ؟ الحمدلله الباب مقفول عدل " ورجعت بعد ثواني تنحت من جديد " بدر ايش صار عليك ياربي احفظوا يارب"
راحت بهدوء لجوالها الي فضي شحنو وشحنته
بعد ثواني جاها شعار ابل دليل ان الجوال اشتغل ، وطت الصوت مرره وبعد دقايق اتصلت ع عهد ،

———
ف السياره طالع فيها : طيب فين العنوان؟
عهد وتحس فعلا انها توهقت سكتت شوي يعنني تفكر ، لكن قطع تفكيرها صوت الجوال ، شافت المتصل وتهلل وجهها بالفرحة
ردت : رريم فيينك قلقتيني ي قلبي
ريم اول م سمعت صوت عهد بدت دموعها تنزل ، لها يوم كامل مواصله ومع اخر الاحداث تحس خلاص م فيها اي طاااقه : صارت تتكلم بصوت مرخي : عهد خايفه والله
من سمعت صوتها طالعت ف اخوها من ورى النقاب بنظرة عتاب : ليه ي قلبي خايفه ؟ ايش صاير معاكي، ؟
ريم بصوت متقطع : بدر
عهد وهي مازالت تطالع ف اخوها : ايش صار له؟؟
قالت لها كل السالفه : عهد خايفه يكون صار له شي
عهد بعد صمت ثواني ،: متى اخر مرة كلمك؟
ريم :قبل ساعه وشوي .
عهد : خلاص هدي انا ف الطريق بس ارسلي لي اللوكيشن ف الواتس زي م علمتك اول
ريم : طيب
عهد :تمام استناكي .
ريم بسرعه : عهد عهد في رجالين واقفين عن باب الشقه واشكالهم تخوف
عهد م عرفت ايش تسوي وسكتت ، لف عليها حسام بعد م استغرب صمتها واشر لها بمعنى ايش فيه؟
عهد : ريم حبيبي خليكيي ع الخط دقايق بس لاتقفلي وسوت كتم
طالعت ف اخوها : انا م قلت لك احس صاير فيها شي ؟ أخوها تقول شكلوا انضرب وانقفل الجوال ف وجهها وهي تكلموا ، ودحين فيه رجالين قدام باب شقتها .. هيا كيف بادخل دحين؟
حسام باستغراب من الي بيحصل.. : كيف كده ؟ ايش مصلحتهم منها؟
——————-

بعد فترة بدأ يفوق وحاول يتذكر ايش صاير فيه ، طالع ف المكان الي هو فيه زي الخرابه ، وفوق دا مربطة يده ورجله ع الكرسي .. "ياربي ريم ايش صار فيها ؟ لايكون عاندتني ونزلت ، احميها يارب وابعد عنها كل سووء "
بعد دقايق انفتح الباب وطلع من وراه شخص اول م شاف بدر فاتح عينه رجع خرج بسرعه وجا مره تانيه لكن معاه شخص تاني ،
بدر بهدوء: مين انتو ؟ وانا ايش جِــــابني هنا؟
واحد منهم بضحكة خبيثه : هههههههههه ، ي حبيبي ودع عمرك دامك طحت ف يد ابراهيم .
من سمع هالإسم هااجت شياطيننه : وووويننه الحيواااااان ويييينه خلو يطلعلي كانه رجااااال ، اتفووو عليه .
رد عليه نفس الشخص ببرود يقتل: تؤ تؤ تؤ ي بابا انت كده تخلي الزعيم م يعطيك حلاوة ، خلك عاقل ومؤدب ، وتلاها ضحكة كريهه ههههههههههههههههههههه .
—————————

عند فيصل : حاول ينام بعد م صلى الفجر لكن م قدر لكن دحين الساعه بتدخل 7 قام من السرير وعينه يلفها سواد ، الي يشوفوا يقول مدمن مو ملازم ، " ااه ي هم وش جنينا منك غير الشيب والمعاناه " لبس لبسه العسكري ونزل الدرج بخطوات بطيئة ، شاف امه واخته جالسين ف طاوله الاكل وبيفطروا
امه بابتسامه : ها يمه عساك ارتحت؟
طالع فيها وجاهد عشان يرسم الابتسامه وبصوت مبحوح : الحمدلله ع كل حال ي يمه
امه وهي تتامل ملامحه ولبسه : رايح الدوام وانت بدي الحاله؟
فيصل تقدم منها وباس راسها : لاتشيلي هم يمه
امه : الله يهديك ويصلح حالك ي وليدي
شاف رتيل تطالع فيه بنظرات عتاب تقدم منها وباسها ع خدها : روح اخوها ليه زعلانه؟
رتيل بدلع : وحشتك
فيصل بابتسامه : اكيد وحشتيني ي بابا
ابتسمت وماصدقت انو ابتسم لها نقزت ع حضنو : احبك بابا
فيصل : وانا احبك ي روح بابا باسها ورجعها مكانها ، لف ع امه بعد م حس بنظراتها له : متى ناوي تقر عيني بشوفه احفادي ي فيصل ؟
فيصل تنهد : خليها ع الله يمه . ولف خارج دعواتك ..
——————
بعد فترة تعبت وهي تدور عليه لكن ماله اي اثر ، كان الارض انشقت وبلعته ...!
اااه ي سلطان كيف تحركت وانت تعبان كده؟ انا اول مرة اشوف ملامحك كده يارب احميه ، اخوي عزوتي ضحكتي فرحتي وكل دنيتي
فين اهلي ليه م يسألو عنا ، أمي فينك؟ ابوي فينك؟
قامت تدور لاخر مرة علها تلقاه ، دورت ف نفس المنطقة للمرة المليون ، فجأه لمحت اشخاص يتحركوا بخفه خلف احد جدران البيوت قريب من المنطقة الي كانت فيها هي واخوها ..
اتجهت بهدوء وما انتبهت للي وراها ، دخلت بين العماير لكن في يد قوية سحبتها للخلف كتم ع فمها ولفها عليه وبهمس : انتي غبيه تدخلي هالاماكن؟ هنا ينتشروا العصابات ولو احد شافك الله يرحمك
كتمت دموعها الي بدت تجتمع من خوفها ع اخوها ومن الي ماسكلها ويهزأها " الله يخليك ارحم قلبي الي فيني كافيني ، أي ذنب ارتكبته عشان اشوفك ف وجهي كل شوية "
انتبه لعيونها الغرقانه بالدموع وبنبره حنونه : هشششش لاتبكي
وكأنه مع هالكلمات أذن لدموعها بالانهيار ، ضمها لصدره : شيمي هدي لاحد يسمعنا بس خلنا نخرج من هنا حاولي تهدي طلبتك ..
مع نبرته الهادية تزيد دموعها م تخف " قلبي ظمآن ، قلبي تايه يبغا دليل ، احتاج حضن أم و نصايح أب ، اااه فينكم يممه يببه والله احتااجكم والله "
حس انو توهق بقوة شكلها كاتمه ودحين ساعه انفجار مشي معاها بهدوء لين وصلوا نفس الكوفي دخلوا وجلسوا ف اخر طاولة عشان تاخد راحتها اكتر
سندت يدها ع الطاوله وراسها ودمعها مازال ينزل وقلبها يهمس بدعوات خافته صادقه مبتهله لله ان يرحم كل وطنها ودنيتها سلطان
———————
وصلوا للموقع الي رسلتوا ريم
حسام : عهد خليكي هنا ثواني وقفلي التأمين
عهد : طيب لاتتأخر
حسام : ان شاءالله ونزل ، قفلت التأمين كم مرة خلاص م تقدر تطمن حتى ع نفسها ..
تقدم بخطوات هادية للعمارة وشاف الوضع جدا هادي واستفسر عن كم شغله ورجع للسيارة
شافته عهد جاي ولمن قرب فتحت له التأمين
حسام : يلا تعالي باوصلك للشقه
عهد : كويس كنت باطلبك نفس الطلب اصلا ونزلت
وصلوا للشقه لكن استغربوا ان مافيه اي رجال عند الباب!!
طالعت عهد ف حسام ورجعت طالعت ف الباب اشر لها براسه روحي دقي الباب..
عهد طلعت جوالها واتصلت وبعد تاني رنه : ريم انا عند الباب افتحي .
نقزت من الكنب بسرعه واتجهت للباب طالعت من الناظور : وتطمنت لكن ف نفس الوقت استغربت فين اختفوا الاتنين ؟
فتحت الباب ودخلتها ...
——————————-

مخرج>>>
من الوصايا المفضلة لديّ لجبران خليل ، قوله :
" صدّقني .. لو فقدت ما فقدت ، لو كسّر الحرمان أضلاعك ، ستجتاز هذه الحياة كما يجتازها كل أحد ، فاختر الرضا يهُن عليك العبور ".
- اختاروا الرضا دائماً


انتهـــى الباارت

أتَمنٍى- يٌنال… عّلى' اعــــجاٍبكـم} واّلقاٌدٓم< أجـمِـــل: بٍإذن اُللٗه* ارِاكـم؛ تًه٘مـــــنــــيʼ وتعل٘يُقٓاتًكــــم؟ بٗعد\ أتمِنْى› لۤكِم‘ قٓراءۤة¨ ممتٍعُة و< انــتظْر« تعليقاْتـــــكٍم' بٗشوّق
تۤحياااۤاٌاًاتــي› سمو المجد^_^

غيث الربيع
04-07-19, 04:19 AM
السلام عليكم ورحمة الله وبركاته
صباح الخير اخت سمو المجد
لا اخفيكي سرا انني قرأت البارت الأول فقط
وانا لست بخبرة في مجال ادب القصة والرواية حتى ابدي برائي بشكل جيد واكاديمي فأنا مهندس كهرباء وتحكم الي اي اختصاصي علمي وليس أدبي
ولاني اتابع اغلب المدونات هواية واطلاع ساقتبس من مدونتك هذه المقولة ل تشارلز بوكو فسكي
( العبقرية قد تكون القدرة على قول شيء عميق بأسلوب بسيط )
من هنا ابدأ القول اكتبي ما تشائين وكما تتخيلين وكما يسبح فكرك في بحور أحلامك لترضي نفسك اولا واخيرا
فثقتك بنفسك بما تقدمين هي اول درجات نجاحك بالحياة وطبعا ليس على حساب تقدمك الدراسي وتخرجك من جامعتك فهو هدفك المنشود لك ولاسرتك الكريمة ان شاء الله وفقك الله وحماك الرحمن
جميل ما تكتبين ولو بمرحلة أولى
واترك الرأي للأخوة والاخوات الذين قدموا رائيهم بالرواية بالشكل الجيد والمفيد لك
تحياتي لك بكل خير
اخيكي جمال /الزائر الرابع

ZYON
04-08-19, 05:39 AM
السلآم عليكمَ ورحمةَ اللهَ ..

ماشاءالله عليكَ سموَ .. بدآية رهيبهَ وكمية الأحداث مشوقهَ جدًاَ ..
أناَ كنت بحطَ تقييميَ 90% لكنَ صارت بالخطأ عال80َ .
جدًا جميلهَ .. قرأت أول 3 بارتاتَ .. " وشوي من البارت الأخير عشان التقييمَ "
لاحظت انك سلسه اكثرْ بالبارت الاخيرْ ، مرتاحه وانت تكتبي ومنسجمه وكأنك معاهمَ
وهذا جميلَ .. وو أنا ك قآرئه كنت بحب لو تدخلينا أكثر بخيالكَ
يعنيَ توصفي لي الموقف بالضبطَ ماتختصريها "بعض المواقفَ"
مثلَ ف اول الروايهَ لما احد حاول يتعرض لشيمي عشان مشاكله مع اخوهاَ
تمنييت كثيرْ لو وصف الموقف اخخذ سطور اكثرْ .. مثللًاَ :

وقفت شيمي عن البابَ حستَ بحركةَ مفاجئهَ .. ريحةَ غريبهَ افقدتها تركيزهاَ
" بدأت انفاسها بالتقطع ونبضها بالبطئَ أثر المخدرَ "

صوت من الخلفَ "خطواتَ واضحهَ بسبب وجودَ بعض البرك الصغيره من المويه المتجمعه بسبب المطرَ"
.. تجمدَ الرجُل الغريبَ للحظهَ " كيفَ! كانت الخطهَ محكمه! مو معقول يكونَ احد جا! "
التفتَ بمحاولة فاشله للفرارَ .. لكنَ استقبل وجههَ لكمهَ من شدتهَا نزلته للأرضَ
نزف انفهَ .. وعينهَ تراقبَ بحقدَ وضغينهَ . . . " خلاص واضح تحمستَ هههههههههَ "
يعنيَ انت قلتي الموقف بشكل مبسطَ وكل هذا الخيال وصل لراسي هههههه ..
حلوه فبعض المواقف التفاصيل تعيشنا جو الموقف الحقيقَي
متشوقه جدًا اكممل البارتتاتت احس انها رهيبه مره
ششكًرا لككَ .. :رحيق:

Mahmoud l
04-24-19, 12:23 PM
مشكووور اخوي

سمو المجد
06-29-19, 02:29 PM
السلام عليكم ورحمة الله وبركاته

بعد غياب مدري كم شهر
رجعت وخاطري اكمل الروايه واخلصها :670:

والله اني ف تردد كبييير مرة بين اني اوقف كتابه
او اني اكمل م بديت للاخير
بس صدق الاقكار ماتسعفني :(

جيتكم اليوم بالبارت العااشر ..



بسم الله الرحمن الرحيم

البارت العــإآشر.

مدخل>>

من بلاه الله تصبّر واحتسب
عادة المسلم على الشدة صبور

لا تعجّب ما على الدنيا عجب
حكمة الرحمن خلاها تدور !

خالد الفيصل




————————-

ضاعت فرحتي ، واظلمت الدنيا ف عيني ، لا لا لم يمت حبيبي فهو موجود ... رحيلك مرٌ ي أبي ؛ ليس ع النفس أقوى من رؤية حبيبك مسّجّى بلا حراك ، تراه ولا يراك .. تراه للمرة الأخيرة ولا يكاد يصدق عقلك م توصله له عيناك ،
ي أيها الطآهر النقي ،، ي أيها الطيّب السخي
ليتك تسمعني الآن ؛ لأخبرك أن فراقك ينتزع روحي من جسدي ، ويقذف بي إلى أعماااق المجهوول..

فتحت عيونها لقت نفسها ف سريرها بدت تتذكر اخر شي شافته " معقول ؟ اااه ي يببه ليييه رحت عني لييه وربي أحبك ي يبه احتاجك " بدت دموعها تنزل للان مو مستوعبه هل ابوها الي ف الصورة فعلا؟ ابوي مات؟؟ ومقتوول؟؟ مين لو مصلحة طيب " مسكت راسها بيدينها وبدى صداع قوي يداهمها وبصوت حاولت جاهدة انو يكون عالي نادت أخوها : فهههد
خانتها اتارها الصوتيه وخرج صوتها مبحوح استسلمت للبكاء من جديد

——————-

ف الكوفي ..
بعد وقت مو كثير رفعت راسها عن يدها وهي تمسح دموعها بعد م انتهت نوبة البكا ، لقت كاس مويا بارد قدامها اخدتها وشربت تلات ارباعها ، وماهي منتبهه للي قدامها يطالعها.

"دي من البشر ؟ ولا ملك ؟ توقعت لارفعت راسها باشوف خرايط ف وجهها ههههههه ! الله يخلف ع مخي شوف افكر فين والعالم فين.. ااه بس ربي فرج همها.. "

انتبهت لعيونو مثبته عليها وابتسامه صغيره مرسومه ف وجهه ، استحت من نظراته وحاولت تشتت عيونها ف كل مكان غيره

حس ع نفسو وبنفس الابتسامه : احم احم ، كيفك الحين؟
ردت وعينها مثبته ع يدها بصوت مبحوح: ابي سلطان

بعد صمت م يسمعوا فيه غير صوت رواد الكوفي قطعت الصمت :مالقيتوه
كان يطالع فيها ويشوفها تكلموا لكن م سمع ايش قالت
لوحت بيدها قدامو : انت معايا؟
صار يحرك راسو كم مره : ها ايه ايه لا ، ركز عينو بعينها : ايش كنتي تقولي؟
شيمي بابتسامه صفرا خرجت غصباً عنها : كنت اقول م لقيتو اخوي سلطان؟
خالد وتكررارها للاسم اربكوا وبدت نبضاتو تخفق بشده" ااه سلطاان ي عضيدي ليتني ألقاك بعد هالسنين " رد عليها بعد فترة وهو م زال شارد بذهنه : لا والله بـ....
قطع كلامو يوم شافها مسكت جوالها وكان خبر صاعق جاها
خالد بهمس مسموع: ايش صار؟
طنشتو ورجعت تطالع ف جوالها ...

بعد ثواني رسلت لتووأمتها
: توتي فينك؟
م انتظرت كثير وجاها الرد : ي بنتي قلقتي اهلي عليكي ،، فيينكم ؟؟
شيمي: انا ف كوفي ،
رفعت راسها لخالد : ايش الكوفي الي احنا فيه؟
خالد : كوفي .....

رجعت تككمل : انا ف كوفي ال....
تغريد: اههىء ايش موديكي باريس؟؟
شيمي بصدمة :نسيت مرره اننا ف باريس!!
تغريد : ههههههه وربي دايما مضيعه ، المهم جايتك . خيانه جايه باريس ولاتقولي لي ؟؟ لا وانا اقول ليه اشوف باريس منورة اليوم
شيمي بابتسامه: هههههههه اوك استناكي لاتطولي
——————-

جالس ف مكتبه والجوال بيده لو قريب ساعتين وهو يتصل عليه لكن م يرد . تنهد تنهيده هم ساكن قلبو "بدر والله مو ناقصني رد علي والي يرحم والدينك وحاول من جديد لكن زي كل مره >> مغلق<<
راح للرسايل وشاف رساله نايف بدا قلبو ينبض من طاريه ليه سويت كده انا ليه؟ ليتني م خليتو يروح ليتني قدرت اساعده ، رحمة ربي عليك يابو فهد .. اتصل ع رقم معين .بعد ثواني جاه رد : سلام عليكم ...... اقولك بالله اختارلي حارسين ابغاهم ضروري هاليوم ..... لا لا هقوتي فيك ابغا من رجالك مو غيرهم .... ايه ربي يسهل .. فمان الله .
قام من المكتب وفي باله يروح بيت خويه بو فهد ..
وجرب يتصل للمرة المليون ع بدر لكن لامجييب..!

—————

عند فهد مازال مصدوم ومو مستوعب ، ف البدايه ابوه يقول لاختو سلمي لي ع عمك بوسعود ، ودحين تجيه صورة ابوه بدمه وميت!! ولييه ع جووال اختي لييه!!! ، كل م يتذكر الصورة يحس بالرجفه ف جسمو كامل . نزلت دمعه يتيمه من عينه اليسار أبوه سندهم الوحيد ف الحياه بعد توفت أمهم يوم كان صغير بسبب المرض الي فتك بها ، راحو اثنينهم الحين...
مين له يد يقتل ابوه مين.. بدا يفتش ف الارقام لين لققى اسم شد انتباهه " fs” رسل الرقم ع جواله واتصل عليه بعد ثواني جاه الرد : الو
فهد : سلام
: وعليكم السلام ، مين معي؟
فهد : انا متصل باعرف انت مين؟
: شالعقل الي فيك؟ متصل وبتعرف مين؟ صدق عالم فاضيه..!
فهد : طيب اسمك بس
: الملازم فيصل سعود
فهد باستغراب: كاني سمعت ابوي قال اسمك من قبل!
فيصل وكلام فهد شد انتباهه: م عرفت من انت؟
فهد : مو لازم انا ، تعرف نايف آل متعب؟
فيصل ومجرد ذكر الاسم قدامه يحس انه حينهار : ايووه من انت طيب ؟؟
فهد : انا فهد ولده
فيصل بتنهيده : والله يافهد اني توي ناوي ازوركم ،
فهد وعلامات تعجب فوق راسه: تزورنا ؟ وش تبي!
فيصل ومافيه يجادل : تستقبل ضيوفك بأسأله؟
فهد وابتسامه خفيفه انرسمت ف وجهه: عفوا لا تؤاخذني ، طيب بانتظارك ..
فيصل : اوك سلام

—————————-
راح لغرفة أخته لمحها مسوية نفسها نايمه لكن واضح انها بتبكي تحت لحافها ، تقدم لين وصل عندها وبهمس : منال
م جاه رد ، رجع بهمس أعلى : منول حبيبتي ردي علي لاتسوي بنفسك كده
رفعت اللحاف عن وجهها وطالعت فيه والدموع تجري ف خدها وبصوت مكتوم : كيف ..كيـ.ف انـ.. ااانـقتـ.. ااه فههد قلبي يوجعني
فهد م تحمل يشوفها كده راح جلس جنبها وحط راسها ف حضنه :هشششش ، خلاص ي قلبي هدي والله م حسيب الي سوى فيه كده يهنى بحياته ،اوعدك ياخوك
منال وهي تشهق من البكا : ابيه م شبعت منه ، فهد ليه ليه تركنا ليه راح ، م سلم علينا ااه يبه اببييييييك ..ودفنت وجهها زود ف حضن اخوها
حاول يهديها ويقرا عليها لين حس فيها استكانت ، نزل راسها ع مخدتها وقام بهدووء عشان لا يزعجها . غطاها باللحاف وباس راسها وخرج قافل الباب وراه .

اتجه لباب الفله ، ولمح سيارة جايه ف اتجاهه خمن انو الملازم . انتظر لين وقفت السياره ونزل الي فيها ..

تقدم منه فيصل وجاااهد يرسم ابتسامه لكن كانت ابسامة صفراء واضح
"والله قدامي نسخه مصغرة منك ي نايف الله يرحمك "
فهد : ارحب..
فيصل: البقى
فهد : تعال المجلس نسولف هناك ودخلوا وهما ياخدو الاخبار برسميه...
—————————

في لندن ...
نزل ف اقرب كوفي وقفو عندو ، وجا بينجلط لمن شافها نازله معاه ..
لف وجهه عليها وبعصبيه: إنتي ايش تبغي ف كل مكان لاحقتني!؟
ردت عليه وهي تمثل اللامبلاه : لاتحسبني ميته عليك.
بندر باستفزاز صريح: انتي الي قلتيها ميته علي
الهام وبدت تتنرفز فعلا: اقول لا يكون التاكسي ولا الشارع باسمك؟
ببرود : ايوه باسمي عندك مانع ؟
لفت وجهها ومشبت مديته ظهرها ..

كانت تمشي وتحاول تحبس دموعها " ليه ي دمعه تعانديني ، ليه الكل يكرهني ؟ ابي احد ف حياتي م بكون وحيدة ، اااه يااارب توجهت لاقرب كوفي ف طريقها ودخلتو ...

عند بندر راقبها وهي تمشي من عندو وعقلو عاجز يفسر تصرفاتها
ي ربي وش تبي هالبنت مني ؟ اصلا ليه لحالها م عندها ولي امر شكلوا ؟ نفض الافكار من راسو وبصوت يسمعوا لحاله: وانا مالي ؟ ليه اتلقف فيها؟ ... وصار يمشي يستكشف شوي ف المكان


———————————

بصوت مستفز لابعد الحدود : هلا هلا بالحلو الي منورنا اليووم هلا
ها يابابا تبغا شاهي ولا قهوة ؟ وتلاها بضحكة عاليه ههههههههه
بدر يحاول قد م يقدر يتصنع البروود مارد عليه .
ابراهيم ويمثل الحزن بصوته : لا لا م أوضى ع ضيوفي يكونوا زعلانين .
بدر: وش تبي ي ابراهيم م كفاك روح قتلتها؟؟
ابراهيم تصنع الصدمه : افاا انا قتلت ؟ تؤ تؤ لاحول لله
بدر باستفزاز : تؤ تؤ انت مسكين حبيبي الكل يظلمك .. وبصوت اعلى : ليييييه قتلتو ليييه؟
ابراهيم بعصبيه : ماالك دخل فيني ولاتنسى انك رهينه ف يدي حالياً لين يصير إلي ابيه فاهم ولا لاء؟؟
بدر بتهديد وعيونه مثبتها ف عيون ابراهيم : والله والي خلق سبع سماوات اقولها ف وجهك ي ابراهيم م بتهنى لحظة ف حياتك
ابراهيم : هههههههه هههههههههه ههههه ، والله وطلعت تعرف تهدد ي ولد ابوك ، وبنفس نبره بدر الاولى : اسمع وحطها حلق ف اذنك ، ماا عااش ولا بيعيش من يقكر يهدد ابراهيم الوافي ، ســـآامع؟؟
بدر : لا أطرش م اسمع عيد ..!
م قدر يتحمل استفزازه وراح وجه له لكمه ف وجهه : اسمعني زين ي بدر ، الي بيلعب معاي بيندم صدقني .. لسه م انتهى حسابنا بس باخليك تروق ي حبيبي ههههههههه ولف معطيه ظهره خارج
بدر بصوت رايح : حــقـير والله لا اندمك ياوافي والله .

——————————-

صديقتي ، لا أريدُ بديلاً عنگِ ، سَأحبگِ حَاضرةً أۆ غائِبہ $♡♡"


عند ريم كانت مسدوحة ع رجل عهد تحس بهدوء تتمنى لو اختها معاها يشاركوا بعض همومهم ويمزوحو ويلعبو ، بس مابيدها حيله خلاص ..
قطع عليها سلسلة افكارها : ريم طيب ليه م تجي عندي البيت؟ رفعت راسها وجلست تطالع وجهها : عهد والله صعبه اخوكي ف البيت م بياخد راحتو ..
قاطعتها :انتي لاتشيلي هم صدقيني حسام اغلب وقته ف غرفته او برة البيت ، وانتي بتكوني معاي طول الوقت يعني. وبعدين كلها يوم او يومين لين نشوف اخوكي فين اختفى..!
ريم بتفكير : طيب الشقه ؟ وبدر ايش بيصير لو جا ومالقاني.. رجعت قاطعتها تاني : ي مخ انتي ارسلي له انك بتجي عندي ،لا فتح جوالو بيعرف ،
ريم : والله عهد اخاف اغامر تاني يكفي ان الوضع للان هاجد وابوي اخاف يكون الهدوء الي يسبق العاصفه
عهد: والله ريم ضميري م بيرتاح لو خليتك لحاالك والله م برتاح صدقيني انتي مو بس صديقه بالنسبه لي! انتي ااخت ااختي الي ماجبتها امي ..
ريم وذمعتها محبوسه ف عينها وبصوت مكتوم: الله لايحرمني منك .....
عهد : ولا منك ياروحـي ، أجل باتصل ع حسام ياخدنا البيت .وما انتظرت رد منها : الو حسام .... اقولك فينك انت؟ .... اممم حلو طيب بس استنى ابو 10 دقايق او اقل بننزلك ...ايه ايه جايه معي .... ي خي مو وقتك وربي افهمك بعدين.... اوك سلام .
لفت ع ريم ولقتها متنحة فيها : فين الحلوة سرحانه
ريم: ها ، لا لا ولاشي بس ايش قال؟
عهد بابتسامه حلوة: يلا جهزي اغراضك
. ——————————

ف فرنساا...

*ماني شاطرة ف الفرنسي عشان كده باكتب الترجمة عربي فصيح واذا م عرفت حاكتب عامي🙈"

بعد م نزلت من التاكسي كانت تمشي مستعجلة بعد م كلمت توأمتها .. حست نفسها صادمة ف احد رفعت راسها وبفرنسيه ركيكة : "اعتذر"
طالع فيها بحجابها واضح سعوديه : ماعليكي
ابتسمت نص ابتسامه وكملت طريقها ..
غير وجهتو وصار يمشي وراها بدون م يحس ع نفسو
كانت تمشي بس تحس كأن أحد وراها لفت وجهها سريع لمحت نفس الشخص الي صدمت فيه
حاولت تتجاهل لكن صوته وصلها : تبي اوصلك مكان؟
بربكة وخوف غمروها : لا شكرا وكملت مشي بخطوات اسرع
بضحكة خفيفه : والله ماني ماكلك ، كل بنت سعوديه هنا كانها اختي والله م ااذي احد
بطفش "ياربي وش هالنشبه : انا شكيت لك طيب ؟ مشكور وماتقصر ياخوي اعرف دربي .. ولفت متجاهلته تماماً
راكان " ههههههه وربي ماهي بهينه . بامشي وراها مدري ايش جاذبني ف هالانسانه " وفعلا استمر مشي وراها
رغم انها حاسه انو باقي وراها لكنها م التفتت له ..

بعد وقت اخد منها اقل من 10 دقايق مشي وصلت للكوفي وقفت قريب من الباب ورسلت ف جوالها : شييم ، انا برة

داخل الكوفي سمعت وصول مسج ف جوالها فتحتوا ولفت ع خالد : مشكور انا باخرج واعتذر لو تعبتك معايا..

خالد بهدوء : ماعليكي سويت الواجب لا اكثر .

قامت وخرجت من الكوفي صارت تدور بعينها ع رفيقتها لين لمحتها ولمحت شخص وراها ، حاولت تتذكر وثواني وهي تسرع لجهتها : تغريد ، ايش يسوي دا وراكي ؟
ارتبكت تغريد لكن طنشت وبهمس : اسأليه صدمت فيه بالغلط لكن نشب لي ..
شيمي : اها يلا اجل نروح من هنا انا تضايقت
تغريد وهي تلتفت: فين اخوكي؟
شيمي بضييق واااضح : ضايع..
تغريد مصدومة وتحاول م تضحك: طفل هو عشان يضييع؟؟
شيمي : بالله مو وقت تريقه ، تعب فجأه ويوم دخلت الكوفي اجيب له مويه رجعت م لقيتو..
تغريد باستغراب اكبر: بسم الله كيف اختفى فجأه ؟؟ م اذكر ان فيه مرض مزمن؟
شيمي : شفت وجهه تغير لونه وقعد يتلوى ع نفسو خوفني ، والله خايفه عليه للان ، يااارب احفظو
تغريد يارب م يكون فيه إلا كل خير..

كل هالكلام دار بينهم وكان فيه شخصين وراهم وقدامهم سمعوا كل شي ..

—————
مخرج>>
..كلٍ يعوّد لاصل جدّه ومرباه
راعي الشرف يشرف والانذال يهبون

..الفْرع من عوده شرابه ومسقاه
والحنظلة مرّه ولو تشرب مزون
-
خالد الفيصل

انتهـــى الفصـــل

أتَمنٍى- يٌنال… عّلى' اعــــجاٍبكـم} واّلقاٌدٓم< أجـمِـــل: بٍإذن اُللٗه* ارِاكـم؛ تًه٘مـــــنــــيʼ وتعل٘يُقٓاتًكــــم؟ بٗعد\ أتمِنْى› لۤكِم‘ قٓراءۤة¨ ممتٍعُة و< انــتظْر« تعليقاْتـــــكٍم' بٗشوّق
تۤحياااۤاٌاًاتــي› سمو المجد^_^

خلدون مكتوم
07-08-19, 06:15 AM
ممتااااااز يابطل راااااااائع جدااااا

Ro7i.enth
07-31-19, 07:52 PM
لي عوده باذن الله


SEO by vBSEO 3.6.1