محدش عارف

[بكاء بلادموع]

السلام عليكم ورحمة الله وبركاته

اسعد الله اوقات الجميع

مطر خفيف بالعاميه المصريه
ولهجتي الصعيديه


محدش عارف


محدش عارف ان الحزن بالكيله
والجراح تلاليس
تقيله علي محزم القلب يا شيله
ومصكوك عليك يا هوى بالمتاريس
معروف هتعيشها متغرب
100 ليله في الليله
معروفه موته وهتموتها
موته فطيس

يا راضي بمقسوم همك
ربك قالها في كبد هتعيش
وهتفرح لو التراب لمك
من عيشة التهميش

عيشها ببساطه يا قلبي
منا طول عمر الهم دا صاحبي
عارفه من وانا عودي اخضر
علي التراب يحبي
ولا عمري خبيت عليه فرحه
ولا عمره كان في عيني متخبي

عيشها بالرضا يا عمري
واطلع كل يوم علي الغيط
وفي القياله يا همي اجري
وخدني معاك تحت شجرة سنط
نلعب بقرضها الحنضل
ونرسم بيه علي ارضنا 100 خط

خط عمر وخط هم
وخط فرح مش باين
وخط الغربه يا طوله
ما باين له اول ولا آخر
وخط الوجع فاجر

بيضحك علي كل الخطوط في الارض
بيضحك علي كل دقه في قلبي ونبض
يا دنيا منا عايشك بالطول وبعرض

ومتقسم علي حدودك
ولا مره علي ترابك
علي نفسي بتلم
ولما بلاقيني علي حدودك
بلاقيني سايح دم
بلاقيني سايح دم


17 يناير 2019

بقلمي ياسر ابراهيم
بكاء

http://www.************/watch?v=UmFNp94UFCw

[رحيق الصمت]

بارك الله فيك على الطرح الجميل:s::s:

[احلام عابره]

رائع ومبدع كالعاده
يا بكاء
راقني مانثرته هنا من عطر الحرف
ونقاء المعنى
اخي ياسر
ابدعت
لك ودي واحترامي

[بكاء بلادموع]

شكراً من القلب أحبتي
على روعة وجمال حضوركم
ورُقي حروفكم وتعقيبكم

شكراً ولن تَفي كل كلمات الثناء والشكر

مودتي وتقديري
مع فائق الاحترام

[احلام عابره]

بكاء بلا دموع
وييين هالغيبه زمان ماشفناك
صاير تبخل علينا بمداد قلمك خي
اتمنى ان تعود

احترامي

[ترآنيمـ الفرح]

قصيدة جميلة بلهجة جميلة جداً
يعطيك العافية على الطرح الجميل
تحياتي لسموك اخي ياسر

[وهج]

يا راضي بمقسوم همك
ربك قالها في كبد هتعيش
وهتفرح لو التراب لمك
من عيشة التهميش


اختزلت حالة بجمال وإحساس

طرحك جميل ويلامس الشعور

[بكاء بلادموع]

شكرا لتواجدكم الكريم أحبتي