((قلبي يحبك والحنايا تريدك))

[القارظ العنزي]

نصحتها يا بنت ماني ........ نديدك
بيني وبينك فارق السن ........ مدة
واسنين عيدي ما هي بسنين عيدك
جاك الصحيح ولا نويت ... المصدة
قالت : كلامك عندنا ...... ما يفيدك
وفارق سنينك يختفي ...... بالمودة
قلبي يحبك والحنايا ......... تريدك
ارحم حبيب مبتلى وجاك ..... سده
ارجوك خذني واحضن الشوق بيدك
وقلب يهيم بقربكم لا ......... تصده
ما تدري اني بس اتابع ...... جديدك
واسهر على حرفك بهزله ..... وجده
جاك الوكاد وفوق هذا ........ نزيدك
نذر عليه حبكم فاق ............ حده
عشقي حقيقة ما عشقنا ... رصيدك
ولا همني فرق بعمرك .......... تعده
وان عيوا الشيبان وردوا ... حميدك
والله ما نرجع لو على الدين ... ردة
قلت : اقبلي لك العهد من ... وليدك
عمري رجع كنه بعمرك ......... وقده
ياللي زهت كل القلايد ...... بجيدك
عين الوحش شاف وشلع من . يرده
عندي خبر حبي يخالط ..... وريدك
وحبك بقلبي من غلاي ..... استمده
كانك عنيد بالهوى شف...... عنيدك
القارظ يتبع منهجك ...... ما يصده

القارظ العنزي

[وجه القمر]

صح لسانك


وفارق سنينك يختفي ...... بالمودة
قلبي يحبك والحنايا ......... تريدك
ارحم حبيب مبتلى وجاك ..... سده
ارجوك خذني واحضن الشوق بيدك
وقلب يهيم بقربكم لا ......... تصده

رائعة هي كلماتك شاعر منتدانا

:81:

[القارظ العنزي]

صح احساسك يا شاعرة المشاعر كلها ، وجه القمر بل القمر كله انت ، اسعدتني طلتك البهية وكلماتك الندية ايتها العذبة ، اشكرك من الاعماق على مرورك وحسن اختيارك ونقاء ذوقك وجميل لطفك .

[فراشة كريستالية]

صح منطوقك
تستحق التقييم :نبض:
تحياتي لسموك

[القارظ العنزي]

صحة أنفاسك بنت عدنان