على سبيل ...

[وهج]

على سبيل الحالة التي يعيشها الشاعر في ذات اللحظة


هنا للحظة حياة تشكّل سبيلها ، وتشقُّ طريقها للوجود
.


.


:ah11:

[وهج]

وعلى سبيل السّؤال :

سؤالي يا زمن ليه البشر صارت بـــدون أحســاس
تقـــاسيم الوجيـــه الآن ...... مــــا تظهــر طبيعية

تـــزاحم بعضها حتّــى علــــى تطليعــة الأنفــاس!
كــأنّ الأُكسجين أعلـــن مـــراسمْه الـــــوداعيّــة!

وليــه الغطرسة عيّـــت تحمّـل غطرسة هالنّاس!؟
وليـــه الكـــره بيديهــم تثنّــــى فــــي طـــواعيّـة؟!

وليــه الـــدّائرة مـــا عـــاد فيهـا للوصال أقواس؟!
أحــاسيس الوصـــل بــاتــت ثنايـــاهــا رُبــاعيّــة!
/
وهــج

[وهج]

على سبيل النّداء :



نــادت أســـرار الطّفـــولة والتّفاصيل النديّة
عــوّدي بي للونــاسة ... للطّفــاقة وأسئلتها

عــوّدي بي للآمــان وللسـّــواليــف الشقيــّة
والضّجيج العــذب حتّى لــو تمادت ثرثرتها

عـــوّدي بي للمـــزوح وللشّغـــب والعنجهيّة
والدّمـــوع الّلي تطيح ان قصّروا بملاطفتها

علّمي كيـــف السّعــادة كانت اسمــاها هديّة
ترســـم البسمة على ثغر الزّعول وعاطفتها
/
وهج

[إحساس شاعر]

موضوع جميل وفكرة رائدة بمثابة عنوان جانبي لحالاتنا التي ترسم سبل حياتنا دائماً ..
ومن منا لا يريد أن يعرب عن حالته على سبيل الحياة ...

وهج
حرفك وهاج وفكرك ينير هذا القسم دوماً ماشاء الله

لي عودة حينما يتضح لي سبيلاً بين تلك السبل التي اجتمعت هذا المساء

[وهج]

موضوع جميل وفكرة رائدة بمثابة عنوان جانبي لحالاتنا التي ترسم سبل حياتنا دائماً ..
ومن منا لا يريد أن يعرب عن حالته على سبيل الحياة ...

وهج
حرفك وهاج وفكرك ينير هذا القسم دوماً ماشاء الله

لي عودة حينما يتضح لي سبيلاً بين تلك السبل التي اجتمعت هذا المساء




أنرتَ الرّكن

بالتأكيد بانتظار عودة الجمال

[وهج]

وعلى سبيل الخوف :


هناك بعيد ... سما طفلة
تعرف ترّتب الأحلام
وعلى كثر النّجوم
تخاف
يموت الّليل
في غفلة ...
/
وهج

[إحساس شاعر]

على سبيل
على سبيل انتظاري في ليال الوعود
شاب حرفي وعيا يستبين الوفا
طال ميقاف حرفي وأذبلن الورود
في يدين الزمان اللي كساه الجفا

[وهج]

وعلى سبيل الحزن :

ما أثقل من حروفنا الّلي هزّت الصّبر الجميل
غيــــر حـــزنٍ لا قـــروه العابــرين باهتمــام
.

[احلام عابره]

على سبيل الفرح بليلة ...... العيد
العيد مر.... عالبشر ....... وتعداني

عيدي دمع عيني وافراحي تناهيد
واشواق تبحر بي لعالم ن ... .ثاني

[وهج]

على سبيل الغرور :


لولا غرورك ماعرفت انّ التّواضع أجمـلك
أو ماعرفت ان الغرور أحيان يمكن يستساغ

/
وهج

[إحساس شاعر]

# على سبيل الشوق
على سبيل الشوق وأوطان الإحساس
غرد من الخافوق سرب المشاعر
لجة تغاريده بدت تطرب الناس
واستولت أصواته على إحساس شاعر

[احلام عابره]

يعطيكي العافيه نجمة المسك المتوهجه
موضوع جميل يليق بابداعك

اك ودي ورشة عطر

[وهج]

على سبيل اليأس :
واقفة ما بين صمتي وانهمار الغيمة
ممتلي كفّي دُعاء ولا اثمرت قيفاني

/
وهج

[وهج]

يعطيكي العافيه نجمة المسك المتوهجه
موضوع جميل يليق بابداعك

اك ودي ورشة عطر


ممتنة عزيزتي

أنرتِ المكان بحرفك وحضورك :ah11:

[إحساس شاعر]

على سبيل التأمل :
بين خطوة أمام وخطوتين لفكر
هاضني بهجة الإقدام عند الجسور
:
المواقيف نعمة و الشجاعة شكر
والسلامة غنيمة بين ظلمة ونور

[احلام عابره]

على سبيل السؤال
ياشوق عندي سؤال خلى عقلي به يحير
ويحجم قلبي ويمنعني كل ماجيت اسالك

ليه قلبك يوم يعشق يقبل بهيبة .. امير
ويوم ماينوي عالهجر يرحل بعزة .......ملك

علقتني في غرامك واصبح قلبي لك اسير
والحرف مايطاوعني غير يوم اكتبه .... لك

[وهج]

على سبيل الشّغب :


تعال نشاغب الغيمة ، ونسألها : مطرها لميـن ؟
إذا لــك...ودّي أحايل سحابك ، وأمطـــرك أكثــر
/
وهج

[وهج]

على سبيل الفرار :

فرّت عاصفير الحكي
ومن يشتكي
والخاطر المرتاب
فــر ...؟؟
بسرق من أغصان الحلم
عصفور واحد واتّكي
برسم له إحساسي وطن
بيت ، وشجر
غصن ، وسما
وأسراب
/
وهــج

[احلام عابره]

على سبيل الدفا

ياسقى الله ليالي الشتا والبرد
والسحب هماله والحضن دافي

[احلام عابره]

على سبيل الحظ

ليه انا واياك من بد .. البشر
مالنا حظ بهالدنيا .... سعيد

نلتقي يومين والفرقا . شهر
ولالتقينا كان ذاك اليوم عيد

[إحساس شاعر]

على سبيل الذكرى
أوردني الخاطر اللهفان لدياره
أقطع فيافي الليالي وانحر النجمة
"
كني جريح القهر ويطارد لثاره
يراقب الوقت كله طالب الهجمة

[وهج]

على سبيل الثّرثرة :



فيني سوالف شايبٍ ينصت لها الجمع الغفير
وفيني سوالف طفلةٍ محدٍ يراعــــي طيشهـا

/
وهج

[احلام عابره]

على سبيل الجنون
تبي تعرف ليه قلبي بك ...مجنون
روح للمرايه وركز في ....... عيونك

وقول اماشاءالله على ذي لعيون
واعذرني لاقلت بالهوى....مجنونك

[الوله]

على سبيل البوح ..



انا السعيد اللي ملا دمعه الخد !
وانا البعيد اللي تزايد حنينه ..


انا المزاح اللي تخالط مع الجد !
وانا الحقيقه و الحقيقه ثمينه ..


انا الوفي اللي به الظهر يشتد ..
ابيع روحي لجل خلي وعينه ..


انا الضجيج اللي في البوح يوجد ..
وانا هدوء الصمت أمن وسكينه ..


انا شعور الشوق والبعد والسهد ..
وانا الوصال اللي فقد شوف عينه ..


ياما مشيت دروب مالي بها يد !
وياما سكنت قلوب فيني رهينه !!


اجيك شاعر كن مابه اله ند ..
وارجع وانا مـ كـ سـ و ر / روحي حزينه ..





لـ ولـه ..

[احلام عابره]

الله الله الله
صح لسانك وله مليون ولا يكفون
جميل هاذ البوح من اجمل ما قرأت

على سبيل الاحساس الاحساس تايه
والقلب حيل تعبان والمشاعر .. حزينه

[الوله]

صح الله بدنك ي شاعرتنا الانيقه ..


ممتن لك والله ..



على سبيل الطيش ..

لو تسمعين إحسآسك المتجدد ..
يسمح بالليله بالمحبه تعيشي ..


غصنك سلآم / وانا سربي مُغرد ..
طيشي بهالليله معآيآ طيشي .


لـ ولـه .

[وهج]

لوّنتم الرّكن بجمالكم


:ah11::ah11::ah11::ah11:

[وهج]

على سبيل المغفرة :


في وجيـــه العابـرين أقراك ذنب
وفعيوني شـــوف حــدّ المغفـرة !

أغفـرك حرفٍ ترعرع بي وشب
وأرتكبك إحساس صعب أستغفره
/
وهج

[الوله]

شي مما عندك ي وهج الشعر ..


على سبيل الحزن ..


الـكـتـآبـه ذنــب لابـد آقـتـرآفـه ..
لجل اشرح ليه هذا الصدر ضآيق ..


فيه آحس ان الهموم اكثر لطافه ..
لجل هذا الحزن بالشعر لآيق ..


ما يكدر خآطري اي حزن تآفه ..
والله ان الحزن متأصل وفايق ..


مآ خذيت الا الهزيمه والحسآفه ..*
الكدر سآعآت و افرآحي دقآيق ..


وانت ياللي شفت شعري لا تخافه ..
الهموم هموم قلبي / لا تضايق ..



لـ ولـه .

[احلام عابره]

على سبيل الندم

جيتك الليله نادم على......... مافات
واعتذر عن غيابي وارجو.. السموحه

لاتحسب حبك بين الحنايا ....... مات
ياطبيب القلب من اوجاعه وجروحه

[عتيم]

..

على سبيل
إني أدوّرني
بعين الصبح
وآفتّش انفاسه // وتغريني


..

[احلام عابره]

على سبيل ال

ليالي الصيف يا خلي يفتح فيها زهر..... الحب
عسى حالك بنار الشوق يكون اليوم مثل حالي

[عتيم]

..

وعلى سبيل الأيادي ؟


ما يحبط انفاس التفاصيل فيني
إلّا إذا صرنا .......... نهمّل بعضنا

مدّي يديك ارجوك وإخذي يديني
قبل الرياح العاصفه .... تعترضنا


عتيم


.

[وهج]

على سبيل الفرح :


وافر جفافـــك تنتشي فيـــه السحايــب والمطر
يا أول مطاليع الفرح بالله وش معنى الجفاف؟

[أنا فداهم]

على سبيل الحيرة

أنا ريشة العود وعودي فاقد الأوتار
شلون أبعزف وعودي رافض عناقي؟

[إحساس شاعر]

على سبيل الهناء
ارتوى الخاطر من وعود الرجا
وانتشت منها القناعة والقرار

[احلام عابره]

على سبيل الغلا
ليت الغلا فنجال دله . وينساق
لسقيك انا من دم قلبي فناجيل

[وهج]

على سبيل الضّجيج:
كلّ معنى فيـــك يسكنــــه الضّجيج
ياضجيج الصّمت كيــف الانسجــام

[احلام عابره]

على سبيل الغموض
غموض حرفي من معانات ذاتي
وكل (ن) تترجم مفرداته حياته

فيـامـا ويامـا حـرف مـات بلهـاتي
حـكمت باعـدامه وهـانت وفاته

[أميرة شاعر]

ع سبيل الصباح:
اتمنى للجميع يوم ،جميل مليء بالسعاده والرضا:eh_s(21)::MonTaseR_2:

[وهج]

على سبيل التّساؤل :


باتكيّف كيـــف ودّي مـــع سواليف العطور ؟
وانـــت عطـــرٍ قابـــلٍ فيــه الولـــه للانتشار


كيف بشعل لي سكوتك واملي الصّفحات نور؟
وان خذاك البوح دوني أطفي أنفاس الحوار ؟
/
وهـج

[إحساس شاعر]

على سبيل الوفاء /
أمضي على أسلوب الوفاء ما أتغير
نفس اتجاهي لو تصادمني ظروف
:
حتى لو اني في طريقي مخيّر
اخترت امشي درب أنا فيه معروف

[وهج]

على سبيل الأمل :

أكذّبني أنا الصّادق / أقنّعني بـــدون إقنــــاع !
وأشوف الصّبح في ليلي ولوّ الّليل بي حالك

يقولـــون الأمـــل مـــرّات دربه عاثرٍ خــدّاع
وأقول انّ الأمل من كثر ظنّ الحالمـة سالــك


/
وهـج

[احلام عابره]

تعبت ........من طول السهر وإنتظاره
أبي أستريح ........اليوم مانيب سهران

شفت الهوى يذوي ..وعشت إحتضاره
مانيب موهوم ٍ .........ولا نيب غلطان

[نسيت انساك]

عىى سبيل الشوق
مشتاقلك بس المسافه بعيده
وبيني وبينك بحر عاليه امواجه

[نسيت انساك]

على سبيل الدمعه


الوجد سطر على خدي سطرين
تحكي وش قاسيت منــك يالغلا

سطرتها بالبـــكا دمعــة العـين
من غبت وايامي ما شافت حلا

[أنا فداهم]

~،،،على سبيل المواساة،،،~

تدري ليه الليل يتليه النهار
لجل تفرج بعض ضيقة صابرين
وتدري ليه الحب ما فيه اختيار
لجل نبلا ثم نعين و نستعين
وتدري ليه الله خلق قلبي يسار
لجل قدرك دايم فصدري يمين

:MonTaseR_1:

[دخوون]

على سبيل الجنون
أحاول استدراج الثقة
واكورها
وادحرجها بعيدا عن الظنون
وابتعد عما يثير الغيرة
واغلف كلماتي بالسكون ..

.
دخون ذات جنون

[وهج]

على سبيل الكتابة :

أخــاف أكتــب .. يخــالف لا كتبـــت إحساسي المغمور
وأخــــاف الصّمـــت مـــن غِلّـه يصير بصوتي الشّاعر


أخــاف أعيـــش بعيـــون الشّعـــر طفـــلٍ كذا مـيسـور
صمـــد للآن فــي وجـــه الــورق مـــن حظّــه الــوافـر
/
وَهَــج

[وهج]

على سبيل السّراب :

لو صحيح إنْ الهجير إليا أنثنى فيه انتعاش
مـا تقهوينا السّـراب الّلي مـعَ النّظرة يخيل

/
وَهَــج

[الوله]

على سبيل الشعر


الليل مرهف.. والشعر لو يثيرك ..
كتبت.. ما يذهلك من يوم تقريه ..


دام إنتي ملهمة الحروف بعبيرك ..
وحتى الشعر في شوفتك قال لبيه ..


لـ الـولـه ..

[وهج]

على سبيل الصّبح :

صباح الخير ..
لا أبدًا
أنا ماجيت أقول
أبدًا / صباح الخير
ياخير الصّبح ...
أنا في قلبي المتروس
من مبطي
خساير ربح
أبيها تطير
وأبي فعلًا يحسّ
الصّبح / بأنّه صبح
ويكون الغير

/
وهــج

[عتيم]

على سبيل الصّبح :

صباح الخير ..
لا أبدًا
أنا ماجيت أقول
أبدًا / صباح الخير
ياخير الصّبح ...
أنا في قلبي المتروس
من مبطي
خساير ربح
أبيها تطير
وأبي فعلًا يحسّ
الصّبح / بأنّه صبح
ويكون الغير

/
وهــج

::

وعلى سبيل المحاولة : لا أسطيع

البلاغة هنا // مكمّمة للأفواه

يكفي التأمل

..

[مـسًٌُُتـ,رٍيَح]

وعلى سبيل السّؤال :

سؤالي يا زمن ليه البشر صارت بـــدون أحســاس
تقـــاسيم الوجيـــه الآن ...... مــــا تظهــر طبيعية

تـــزاحم بعضها حتّــى علــــى تطليعــة الأنفــاس!
كــأنّ الأُكسجين أعلـــن مـــراسمْه الـــــوداعيّــة!

وليــه الغطرسة عيّـــت تحمّـل غطرسة هالنّاس!؟
وليـــه الكـــره بيديهــم تثنّــــى فــــي طـــواعيّـة؟!

وليــه الـــدّائرة مـــا عـــاد فيهـا للوصال أقواس؟!
أحــاسيس الوصـــل بــاتــت ثنايـــاهــا رُبــاعيّــة!
/

[وهج]

على سبيل الـ ( لا ) :

لا تردّوا كيدِ هذا الصّمت في نحـر الكلام
قاتـل الله كلّ صمتٍ ما يجي كيده عظيم

خاليٍ من كلِّ شـــيٍّ مـا يثيــر الاهتمام
فالقلوب الّلي تبي كلّ المعاني فالصّميم

/

وهــج

[طير]

على سبيل الشــوق ..,

ألديك عطر يشبه صوتها !؟

[الوله]

على سبيل الإنتظار


علام الليل ما عطاني بشاره
لوصلك يا قمر غيب علينا


خساره في خساره في خساره
ثواني تمر وحنا ما التقينا



ولـه .

[الوله]

على سبيل الإنتظار 2


يمر الوقت من دونك خساره
مثل من فارق أحبابه وداره


يضيق الصدر والمشتاق يذرف
دموعه من عيونه ابغزاره


يحن لشوفت إخوانه و أمه
يحن حتى لـ ألوان الستاره !


صعب هالوقت احرمني قراري
ولا لي غير امشي في قراره


انا يا فاتنه في كل وقتي
معذب ما لقى قلبه بشاره .




ولـه .

[الوله]

على سبيل الشعر


الشعر يا سيدي شبه إنتحار ..
لجل اعيش تنزف الأبيات فيني ..


وسط صدري معركه واطلاق نار ..
والخسائر من شعوري ومن حنيني ..


طاح دمع
وراح حلم
وحزن ثار ..
والاماني تموت في راحة يديني ..


ولـه .

[احلام عابره]

على سبيل الفقد

يالله تجيب الي على البال.. طاريه
وترد لهفة قلب من الفقد.. موجوع

ويالله ترحم عبد غابو ..... غواليه
تنام الخلايق وهو يكفكف دموع

[سلمان الخالدي]

على سبيل الوصل

اشتقت لك يالي من بعيد فتان
واصبحت حاير وماعرفت الطريقه

شتان مابين الوصل واليوم شتان
هجرك عنيف وما اتحمل اطيقه

سلمان

[إحسآس]

على سبيل الشوق ..

إشتقت للي غاب عني ومجبور
خذاه ربه والعيون اتباكى

لبية ياوجهه مثل فلقة النور
عسى جنان الخلد فيه اتباهى

[سلمان الخالدي]

على سبيل البعد

البعد كنك من ورى القطب يالزين
والا الجدي وسهيل ونجم المجرات

سلمان

[إحسآس]

على سبيل الجرح ..

اقسى جروح القلب هو جرح غـايب
غايب ولا تدري غيابه .. على ويـن

عـزآه ياجرح له بصدري لهـايب
وعـزآه ياروحً ذبلت من سنيـن

[سلمان الخالدي]

نبقى على سبيل الجرح وانت السبايب
..............حاظر وغايب ومتخفي عن العين

حطاب ليل وصاير(ن ) لك حبايب
...............انا وحيد الاسم وانتي لك اسمين

سلمان

[إحسآس]

لاتلومني ياخوي في صدري انياب
ناب غرس في داخلي علته .. لـين

ايقنت ان الاحباب اخرهم غياب
وايقنت ان البكـا مايرحم العـين

[الوله]

على سبيل التعب

من بداني هالتعب بأول طريق ..
وانا عمري راح من تعب لـ تعب ..

علموني لو هي ضاقت ما اضيق ..
وكيف احذف مفردة كلمة صعب ..


لـ الـولـه .

[سلمان الخالدي]

وعلى سبيل التعب و منشف الريق
............خلي غداء مابين جمهور ملعب

واوقات اصير البحر والزين بطريق
.............واوقات يصبح من تلويه ثعلب

سلمان

[الوله]

على سبيل الشوق ..

لا تقطعي احبال وصلي كلها
لو حبل واحد لو تغيبي اوصلك

دونك حياتي ما قدرت افلها
تعبت انا من كثر ما اتخيلك

[سلمان الخالدي]

ونبقى في الشوق


كل الوله والشوق او طاري الشوق
.............بحر وهديره والجفا يستديره

انا على المركب والباااال مرشوق
............والدم ينزف وهاااالني من خريره

غديت انا والطيف عاشق ومعشوق
.............سهوم المحبه والمنايا مريره


سلمان

[احلام عابره]

قال احبك لو بقربك ...... تسمحين
من شوقي سبقت دموعي بالجواب

قال وش تسوى الحياه لو..ترحلين
قلت من غيرك حياتي في ...عذاب

ياحلاة الحب لو جمع ........ قلبين
وصارو لبعضهم وطن بعد اغتراب

[سلمان الخالدي]

ونبقى في الشوق

اشتقت لك والليل هز الاحاسيس
مدري انا ادعي والا اناديك ولهان

غديت انا المسجون بين المحابيس
الشوق زايد والغلا صار بركان

سلمان

[وهج]

على سبيل الثّرثرة :


حاذر شعور المرهفين إليــا اشتعـــل
ولا تامـــن أعصــاب القلوب الباردة


مـــا بين يمكن ، أو يكون ، ومحتمل
كـــلّ احتمالات المشـاعــر ... واردة





وَهَج

[الوله]

على سبيل الحب




هلا هلا ماهي من الروح والعين
هلا هلا من كل كلي لقلبك

والله خذاني الشوق والحب ي زين
وجيتك وانا عشطان ودي بصبك

لا يزعلك لو هو غدى بيننا بين !
هذا انا جنبك و بظل جنبك

ماغير حاجه تسعد القلب / تدرين ؟
اروح و ارجع ما نقص يوم حبك .

عادي تقولي ما أحبك من الحين
ي زين صوتك بس ويا زين كذبك

حنا اتفقنا ( حب دايم ) من اسنين
لو نختلف ما طاع قلبي و قلبك


لـ الـولـه .

[سلمان الخالدي]

على سبيل الذكرى

ذكرى لقانا والي كتبناه غلاب
.......يانجمة المريخ والا عطارد

سلمان

[وهج]

على سبيل الحب :
يا أبوي أنا من كثر ما أغليك (ما أغليك )
اللهِ يــــا قــــلّ الغـــلا ... وانْ نصفتــــــك

مــــــحدٍ يزاحمهــا ســــوى أُمّهـــا فيــــك
وشلـــــون وانــتّه بالغــــلا اوليـــــد بنتك ؟


وَهَج

[سلمان الخالدي]

على سبيل الفرح

نفرح بشوف النو والبرق مناك
يازين برقه فوق دار المحبين

عسى حقوقه ياصل اطرف يمناك
وعساه يظفي كل شي(ن تحبين

سلمان

[إرحليّ بسكـآـآت]

على سبيل ... العتب:

تعبت من كثر العتب والمشاريه
الناس ماهي مثل ما كانت اول

اللي نقول اليوم بكرة محاريه
ما عاد يفرق لو مع الوقت طول

[سلمان الخالدي]

على سبيل الصبر

ترى الصبر للي على الصبر صبار
نعمه كبيره كثير الناس يجهلها

هذا زمان فيه اعاصير وغبار
المايله يالله عسى ربي يعدلها

سلمان

[شبح الشمال]

حلفت بلي غيب الشمس مناك
والصبح بأمره تطلع الشمس منا

ان اسعد الايام شوفك ولقياك
وان اقشر الايام غيبتك عنا

[سلمان الخالدي]

على سبيل الطيب

يالي وضح في النور بالطيب شفناك
.........الطير طيري والسما فيه حمنا

وقت مضى لي منك حنا عرفناك
..........انت المعلم ويم علمك فهمنا

سلمان

[إرحليّ بسكـآـآت]

على سبيل .. القهر

يا زيِن بيتً فيه كنّا [ انتلاقا ]
أصغرهم اللي بالسوالف / محنّك

واليوم صار البيت فيه [ اختناقا ]
أكبرهم اللي خايبٍ فيه / ضنّك

[احلام عابره]

حيان بعض العشق يصبح مصيبه
وتبات ساهر العين وانت .. مغلوب

وتبقى المشاعر من جفا هم صويبه
والقلب خوف من الفراق .. مرعوب

غدرات الزمن لي ماهي ...... غريبه
كن بيني وبينه ثار .........وحروب

لي صاحب ادعي ربي ........يجيبه
وانا افرشله الورد على كل الدروب

[الوله]

على سبيل الوله



ي روح الروح ي فرحي و يا.. يا ..
عسى عيشك معي دآيم رغيد ..


ابجمع لك وله كل الحنايا ..
واعزفهم الى عيونك نشيد ..


وابنثرني الى حسنك عطايا ..
ويجمعني شعورك من جديد ..


ابروي بك عروقي الضمايا ..
وكل ليله نعيش الحب عيد ..



الوله .

[إرحليّ بسكـآـآت]

على سبيل .. الاجتناب

———————

جنب عن الطيّب ليا صار يوذيك
ما كل طيّب طيبتك جازتً له

تدري وش اللي بالغثى يا كلً فيك
رجلً عزيز وغثتك هرجتً له

هي الحياه دروس والكل يعطيك
من شوفتً لك ولا من شوفتً له

خلك مع الطيّب ليا صار شاريك
كنّه مقدم بالوفاء رقبتً له

[إحسآس]

على سبيل الـ

كرهنا لمـة الاقراب وبعدنا
لقينا في هالبعد راحه

مانسينا ولا قسينا ولكنـا
تعبنا من مشاريه القرابه

[الوله]

على سبيل البرد ..



بردان محتاجك
والليل ي طوله

لو اشعل اسراجك ؟!
يمديني اطوله !؟

بعبر من سياجك
ولا تقولي معقوله

الغمد في حجاجك
والعين مسلوله

قول اللذي حاجك
يا زين محلوله


الوله .

[سلمان الخالدي]

ونبقى في البرد

هبة هبوب البرد الاااام واوجاع
وامطر سحاب الود شوق المجاريح

سلمان

[وهج]

وعلى سبيل الغياب :



فـي غيابــك تختفي كــلّ التّفاصيـل الجميلـة
وفـ/حضورك تنـولد كـــلّ التّفاصيل الجـداد

[سلمان الخالدي]

ونبقى في الغياب

وفي غيابك تهتوي الافكار حزني وتستميله
وفي حضورك تكتوني منك نظرات(ن) حداااااد

سلمان

[وهج]

على سبيل الإثبات :

لــوّ المشاعــر تسامى .. بـــــسّ نهملهـا
عُمر العتب ما جرح خدّ الهوى العــذري

[وهج]

وعلى سبيل التّباهي :


كيـــف أجنّبْك الغرق لوما غَرَقْهــا :
سُكـــّرة عيّــا عليها كـوب شــاهي ؟

[وهج]

وعلى سبيل الحيرة :


يا سيْد كلّ الغطرسة يا سيْــدي المتباهي
الله على كـــلّ القلوب الّلي تبــاري ظلّك


مدري أحبّك في هدوء العالمين السّاهي ؟
ولّا أحبّــك فـــي جنـــون العالم المتملّك ؟

[إحساس شاعر]

على سبيل الاكتفاء
"
باكتفي بآخر ملامح للوطن
واستمد من الصدى بحة نداي
:

[سلمان الخالدي]

ونبقى في الكتفاء


بكتفي بالسااااحل ويازين البحر
واطلق جفوني في نوم وسلهمه

سلمان

[سلمان الخالدي]

على سبيل الرجاء

ارجي من المولى يحفظك ويهديك
.........ويعطيك كل الي توده وترجيه

[إرحليّ بسكـآـآت]

على سبيل ... كرة القدم.

بعد الهزيمة من روسيا بخماسية.

——————

تبغى تشوف الحزن في [ صورة إنسان ]
فرحت مواطن [ منتخبنا ] اكسروها

حتى [ ولي العهد ] ضايق وزعلان
جيت ولي العهد [ ما قدروها ]

[الوله]

على سبيل الليل



ما يسعد الروح الا الليل وجنونه
ليله .................................


جتني تقول بصراحه حيل ممنونه
ليله مع الشوق لوهو الوقت خطافي


وشلون اخاف البعد والبرد ومزونه
وانتا بقربي حبيبي مثل ما لحافي





لـ الـولـه .

[الوله]

على سبيل الوحدة





وانا لوحدي وكآن جوي غآيم ..
مآ كني الا منتظر نآسيني ..!


جـتـنـي*وكنها مثل طير(ن) حآيم ..
شيـهـانت(ن) فيها الحلى يغريني ..




لـ الـولـه .

[عطر الرومنسيه]

علي سبيل التعجب

اما شبعت صمت