((ما يجتمع بالقلب صاحي ومجنون))

[القارظ العنزي]

يا ليلة قضيتها بهم ............ وغبون
ليلة بلا من صاحب ........... ما يبينا
ما يجتمع بالقلب صاحي ... ومجنون
يا اما لنا والا تشطب ............. علينا
حنا انتظرنا بالوفاء تكحل ..... عيون
تكحل عيوني بشوفتك ..... يالخدينا
وشكلك اخترت مكوفر كله ... جنون
الله يكفيكم من بلاه ........... ويعينا
هاتي عطينا الحق كامل ...... موزون
هاتي حقوق القلب هاتي ...... عطينا
وحنا لنا رب الخلايق مع ....... الكون
يرسل لي اللي بالغلا ......... مشتهينا
والياطلبته حبته جابها .......... سون
يعطي العطا ولغيرنا .......... ما يلينا
وش شفت مني بالردى وش تقولون
حنا وفينا بحاجتك .......... ما سهينا
يوم انحشرتم كنكم داخل ... سجون
حنا وفينا بالعهد لك ............. وفينا
جبت المشاعر كلها لاجلك ...... فنون
ونثرتها في صدركم ........... وابتلينا
ثم ابتدينا بالمحبة على ........ الهون
حسبي عليكم سقتها ........ وابتدينا
حتى غدينا بامركم كافك ...... ونون
مواصلين الحب لين ........... انتهينا
وفي ليلة بعتوا هوانا ........ بمجنون
ما كنا عشنا بقربكم .......... واهتنينا
وما كنا عشنا ما طلبته ....... وتبغون
وياما سجدنا لاجلكم ........ وانحنينا

القارظ العنزي

[حسين سلطان]

يعطيك العافيه على الشعر الحلو
صح لسانك
واصل يا بطل

[احلام عابره]

لك بالصدر كنز من الغلا مكنون
ولابعنا في هواكم ولا اشترينا

حاشاكم ما سائت فيكم الظنون
ولا نقول انا في هواكم ابتلينا

ماهو بلوى الاهو عشق وفتون
وفراقكم ياصاحبي لا ما.. رضينا

انكان البشر من الهوى يطيحون
حنا بهواكم للسحاب ...... اعتلينا

فدا الغوالي قلب وروح.. وعيون
وليالي سهرناها ولا .......هدينا


الناس بالهوى ساهي ومجنون
وحنا بالهوى عقلنا ... واهتدينا

ياكثرهم الي لغلانا....يشتهون
وسوى غلاكم حنا ما.....ارتضينا

ااقارظ العنزي
ابدعت
تقبل مروري ومشاكستي كما هي

تحياتي

[مساحة قلم]

السلام عليكم ورحمه الله وبركاته

عزيزي العنزي

تحيه طيبه لقلمك الجميل ولقصيدتك الاجمل
انتقالك من بيت لاخر هو انتقال سلس يشاد به
وزنك لاغبار عليه

فارس انت لايشق لك غبار


لروحك كل الود

[القارظ العنزي]

حسين سلطان كلك ذوق يا بعدي

[القارظ العنزي]

يا كذبكن يا فروخ حواء .. بهالكون
كل تقول الحب يمي .......... وهينا
واليافتشت القلب تلقاه ... مسكون
ما هي علينا يالغضي مو ...... علينا
دور على غيري يحبك .... ومجنون
مجنون وزاد بجنه دعم ...... القرينا
ودي حبيب يمشي معيه على الهون
ناخذ ونعطي والحلا في ...... يدينا
والياتعبنا شالنا بعالي ........ امتون
والياعطشنا يسقي مي ...... ويعينا
اما غلا وشلونكم كيف ..... وشلون
والله ما يمشي عندنا ...... يالخدينا

كلك ذوق حلومتي العابرة وصح السانك يا صغيرتي المدللة

[القارظ العنزي]

مساحة قلم مرورك على متصفحي شهادة فخر بذاته ، كيف وقد ملأت المكان نورا وعطورا بالاشادة التي تفوق شعري مكانا وزمانا ، وانما هو الحظ الذي ارسلك وهدية من السماء جاءت بك نعم القلم قلمك ونعم المساحة الفكرية مساحتك

[احلام عابره]

ههههههه
مانت بهين يالقارظ
صح لسانك

[القارظ العنزي]

لا تهونين يالغالية

[القارظ العنزي]

شكل الزعل يملاك يا قرة العين
العذر يا سيدي ...... والسموحة
حنا نتجارى والمجارى عناوين
وانت ثقلية ولو كنت ي مزوحة

اليك احلام