المساعد الشخصي الرقمي

مشاهدة النسخة كاملة : سبحان يلي مصورنا ولله في خلقـه شـؤون....


فراشة كريستالية
02-24-19, 07:37 PM
السـلام عليكمـ ورحمـة الله


قصة بنت كانت تنآظر واحد بعين قويـّـه
المهم الرجال طلع شاعر وما قصر فيها كم بيت عشان تتأدب لكن المفاجأه هي ؟؟ .

أقروهــا للأخــر
سبحان ربي

::

::



كل شبر بهالوسعيـه ملـك ربـي تعلميـن

وأعلم إن اللي خلقني هو خلق لـك هالعيـون

لكن انتي من جلستي وانتـي فينـي تحدقيـن

كن ما به ناس غيري بهالكراسـي يجلسـون

لو سمحتي عاد أسمعي وحتى لو ما تسمحيـن

المهـم اللـي بقولـه تسمعينـه و يسمعـون

ع الأقل ليا نظرتك سـوي روحـك تستحيـن

غضي طرفك مثل غيرك خوف ربعي يلمحون

الركادة عاد زينة والحياء فـي البنـت زيـن

وفيـك جآزم لا ركـادة ولا حيـاءٍ يـذكـرون

تعرفينـي ؟! أعرفـك ؟! ماأذكـر إنــا ملتقـيـن

لا أعرفك من تكوني و لا تعرفي مـن أكـون

وإطمأني إن كان قصدك بس فينـي تشبهيـن

ما هـو أنـا إلي تعرفيـه والبشـر يتشابهـون

مـا دريتـي من التشابـه يخلـق الله أربعيـن

وأعرف أربع يشبهنك بـس والله يستحـون

وإن كان قصدك شي ثاني عاد قولي وش تبين

خايف إنا نصير فرجة وإللي ماشتروا يتفرجـون

وإذا ببالك عاجبتنـي لا يحوشـك تحلميـن

صح ربعي من جمالك فيـك صـار يمدحـون

بس وش لي في حلاتك دام فيهـا ترخصيـن

حشمة البنـت وحياهـا والكرامـة يلفتـون

ولو توفر فيك هـذا مـع حلاتـك تبشريـن

ما هو أنا ألف غيري بـاب بيتـك يطرقـون

وش علامك رغم كل اللي أقولـه وتسكتيـن

مو طبيعي هالسكوت وهالبـرود وهالسكـون

إنتـي خرسـا أسألـك ولا منتي تسمعيـن ؟؟

قالوا ربعي ذي كفيفـة قلـت لا لا تمزحـون

لين شفتك يوم رحتـي يمسكونـك باليديـن

ما دريت إلا عيونـي أربـع أربـع يذرفـون

آه ياني منه مشهـد يـوم شفتـك ترحليـن

جيت اشوف عيون ربعي لقيت الكـل يدمعـون

قلت سنّـة هالحيـاة وحـن ترانـا مؤمنيـن

الله اللـي مسيّرنّـا بيـن كافـ وبيـن نــون

وكل أبونا نختلف مع إننا مـن أصـل طيـن

سبحان يلي مصورنا ولله في خلقـه شـؤون

يعني حنا كل أبونـا عـاد إسمنـا بنادميـن

وليا قضى ربك أمر وقـال لـه كـن فيكـون

فينـا يلـي رازقه خيـر رب العالمـيـن

وفينا يلي هو لعطفه بحاجة القلـب الحنـون

وفينا يلي مـا شكـى مـن علـةٍ كالآخريـن

صـمٌ و بكـمٌ و عمـيٌ فـهـم لا يفقـهـون

بس قليل عـاد فينـا للنعـم هـم شاكريـن

والله يرزق هالخلايق من حيث هم لا يعلمون

وتدري عاد يالكفيفة حنا تراى متشابهيـن

وإن ماانعمت أبصارنا قلوبنا هـم إللي يعتمـون

يالكفيفة يالعفيفـة إن قلـت آسـف تقبليـن ؟؟

يغفر الله ذنوب عبده ليا خطا وهـل تغفـرون ؟؟


م ن ق و ل

صلاح94
02-24-19, 07:56 PM
:x30::x30::x30:
لي عودة على القراءة اللحين مشغول

فراشة كريستالية
02-24-19, 08:16 PM
:x30::x30::x30:
لي عودة على القراءة اللحين مشغول

ب انتظارك يا مدير ههههه :MonTaseR_205:

الفيفي2017
02-24-19, 08:24 PM
ابيات جميلة وقصه حلوه
سلمت اناملك اوخيه

سمو المجد
02-25-19, 02:25 PM
ابيات جميلة

صح منطوق كاتبها
وسلمت يد من نقلها :نبض:

فعلاً فيها العبرة الكثييررة

اولها واخرها "لا تحكم ع الآخرين من مظرهم "


دمتِ ودام عطاؤك بنت عدنان

لكِ ودي وحبي وباقة وردي

هدوء احساس
02-25-19, 04:57 PM
الله عليكي يابنت عدنان
تسلم يدك على الموضوع رااااااااائع

احلام عابره
02-25-19, 05:17 PM
الله الله

قصيده دراميه جميله
صح لسانك بنت عدنان
مدد بلا عدد

لك ودي واحترامي

فراشة كريستالية
04-06-19, 02:22 PM
ابيات جميلة وقصه حلوه
سلمت اناملك اوخيه

كجمال مرورك
نورتني :رحيق:

فراشة كريستالية
04-06-19, 02:24 PM
ابيات جميلة

صح منطوق كاتبها
وسلمت يد من نقلها :نبض:

فعلاً فيها العبرة الكثييررة

اولها واخرها "لا تحكم ع الآخرين من مظرهم "

دمتِ ودام عطاؤك بنت عدنان

لكِ ودي وحبي وباقة وردي

جمال روحك وتواجدك ياحلوتي:نبض:
نورتيني واطلق من يرد على موضوعي:نبض:

فراشة كريستالية
04-06-19, 02:29 PM
الله عليكي يابنت عدنان
تسلم يدك على الموضوع رااااااااائع

الله يسلم قلبك :نبض:
حياك الله نورتيني :220:

فراشة كريستالية
04-06-19, 02:31 PM
الله الله

قصيده دراميه جميله
صح لسانك بنت عدنان
مدد بلا عدد

لك ودي واحترامي

صح بدنك :نبض:
حياك الله نورتيني:رحيق:

.! شظايا قلب !.
05-26-19, 02:40 PM
طرح اكثر من رائع
سلمت اناملك
ويعطيك الله العافيه على مجهودك
في أنتظار المزيد
والمزيد من عطائك ومواضيعك الرائعه والجميله
ودائما في إبداع مستمر
لا خلا ولا عدم


SEO by vBSEO 3.6.1