((لا تشاكس البشر في طيبتك))

[القارظ العنزي]

لا تشاكس البشر في ....... طيبتك
تستفز القاف وتقفي ....... بالردود
لا تظن القاف داخل ........ جيبتك
تسحبه وتصرفه صرف ..... النقود
ارجع ارجع لا تطول ....... بغيبتك
تزعل القارظ ويزعل ....... يالعنود
القوافي ترتعد من .......... هيبتك
تركع القيفان وترقى لك ..... سنود
روح روح لا تزيد ..... ..... بريبتك
قلبي ابيض عجل او يصبح حقود

القارظ العنزي

[alwafa]

،,
.
.
.
تستفز القاف وتقفي ....... بالردود
بآلردود ,
.
.
صصح لسـآأنكك شآعرنـأإ :61:
عيبني ,:Dl3:
في آنتظـآأر آشعـآأر يديده ,
:x117:

[القارظ العنزي]

صحة أنفاسك .... الوفاء
ربي يعافيك على مرورك
العطر

[أنا فداهم]

يا الوايلي غيابها كان من هييتك
ما هي بتكذب ولا .. تخلف وعود
دام المصيبة ترتكز في ...عكازتك
قلبك أخضر ... ما يعرف ....صدود
إفرح إفرح جبتها. ... من قريحتك
لو بكت ..عبلة .. تسعدها الردود
والحقيقة ...كل ما غابت نجمتك..
لابد في يوم... للقارظ .. .تعود


-


صح لسانك يابو سلمان أبدعت و أمتعت و حبيت أجاريك للإستفادة والتعلم من شاعريتك العذبة

سلمت وأتمنى لك فال السعد:MonTaseR_98:

[مساحة قلم]

صح لسانك يا راقي
ابدعت
يختم ل3ايام

[خفوق*]

يسلم بوحك واحساسكك ي جميل

[القارظ العنزي]

يا هلا بك يا فداهم ...... تيتك
عندنا تسوى المصاري والنقود
واسعدتني يا فداهم ..... نيتك
وحسن ظنك بالبشر دايم يزود
وحنا نقبل ما يقوله .. حضرتك
والحياة دايم سهود مع . مهود
ونحتفي في قافك .. وتحيتك
ونتعلم مثلكم باقي ..... البنود

[القارظ العنزي]

صح بدنك مساحة قلم لاهنت

[القارظ العنزي]

الجمال في
طلتك خفوق
كلك ذوق

[نجم ضاوي]

يا اللي كسبت الروح بطيبتك
افرش لك الارض ازهار وورود

لك وقار .. يبان . في شيبتك
الذي مثلك . . ما يخلف وعود

أنا اخوك .. بفرحتك ومصيبتك
أنا لك .. مثل . . برق .. ورعود

ما عاش .. من ينزل . . هيبتك
دامني عايش واسي بالوجود

اخسر اللي . ما يحس بقيمتك
حظك الواقف وحظها مقرود

[أعد النجوم]

صح لسانك شاعرنا

[القارظ العنزي]

اهلا بالحاضر الغايب ابو ضاوي :

لا مصيبة عندي غير . امصيبتك
المصيبة انت يا راع ...... القعود
غبت عني تطرد ورا ...... ذيبتك
لبوة ما عندها غير ...... الصدود
وانفرد بي عقبكم ....... نديدتك
بالقوافي حطمت قافي ... وزود
عذرها قالت هات اللي . بعيبتك
وانثر العيبة وقوسك ... والزنود
افطن لي ترى ماني ... خطيبتك
والقوافي بالعرب لها ..... حدود
والله لاصلخ جلدك زي ذبيحتك
ولا تذكر عقبها شكل ..... العنود

[القارظ العنزي]

هلا بك مراقبنا اعد النحوم
مرورك أسعدني وعطر صفحتي

[نجم ضاوي]

خابرك . . بين الملا . . لك هيبتك
القوافي تنقاد في سردك وفود

مير البلا .. كل البلا . في طيبتك
بسبها .. ضاق فيك .. كل الوجود

مابك ضيم . . إلا . . فراق حبيبتك
مابك وجع .. ولا .. سحر .. معقود

هي سبب بلاوك . وهيه مصيبتك
بأسبابها حظك في دنيتك مقرود

كان الهوى . . وده ينقص قيمتك
لا أبو الهوى إللي يخليك مسيود

[القارظ العنزي]

ماثق فيك وماثق في نصيحتك
تخدع المسكين مثلي ... بالردود
كم سمعت القول واتبع .. طيبتك
حتى ضاع الوقت ما جاني وفود
ليتها تعود واكشف ......... ربيتك
ليتها تعود بس قلي .......... تعود
وامنحه من هيبتي مع .... هيبتك
واتنازل عن حقوقي ........ للعنود
والقوامة خلها في ......... جيبتك
ما نبيها دام خلي ......... بالوجود

[فراشة كريستالية]

ابداعك فاق الكلمات والحروف
راق لي كثيراً ما قرات

تقبل مروري :رحيق:

[القارظ العنزي]

بنت عدنان كلك ذوق

[احلام عابره]

جيت اشاكس اخجلتني ........ طيبتك
وضاع قلبي بين انفاسك ..... والزنود

وتاه حرفي والقلم من ...... هيبتك
وكل ما قلت ابعد غصب عني اعود

مشتاقه وروحي ولهانه .. بغيبتك
والغلا بقلبي كل لحضه ....... بزود

يحلالي اشاكس بالوما ... شيبتك
غلاتي يالقارظ تفداك ...... الردود

[القارظ العنزي]

شيبتي اللي تعشقك مع خيمتك
ترمي العنود ولو كانت ... شرود
ما يعيب الشيب ان قلت شيبتك
اتشرف بالبياض يام .... الخدود
ليتني بس التقي ....... بذويبتك
واخذ منها عطوة عند .. الحدود
من يراها يقسم من ... خطيبتك
من علامة الوفاء ونعم .. العهود
لا تعير شيبتي ......... ياخيبتك
ان غدر بك الفتى فتل ... الزنود
لا تغشك يالغلا .......... شبيبتك
الكرم مع الوفاء في بيت . العود