((ياللي سرقت اسمه ورسمه وطاريه))

[القارظ العنزي]

ياللي سرقت اسمه ورسمه ... وطاريه
ادخل على الله ليه تسرق ....... شبابه
اسرعت وجيت لصفحتك قلت يا هيه
واثره شبيه صويحبي في ....... ثيابه
يا فرحتي غابت عقب شوف ... غاليه
يا فرحتي غابت ساعة .......... غيابه
يا ليتها ترجع واقول وش ......... فيه
وش السبب تقطع يا خير ......... لابه
ما تدري ان النوم عفته ........ وعازيه
من عقبكم نومي غابت .......... ركابه
يا رب صبرني ترى القلب ....... يبغيه
والعين تصب الدمع صب ... السحابة

القارظ العنزي

[الفيفي2017]

صح لسانك وسلم بنانك

ولافض فوك

[القارظ العنزي]

صح بدنك غالينا الوافي
الفيفي 2017

[أعد النجوم]

صح لسانك شاعرنا

كالعادة مبدع

ماشاء الله عليك فيض من الشعر كالسحابة الماطره

تحية طيبة لك

[احلام عابره]

قالو صاحبي رحل قلت . وشفيه
من كم يوم ن وانا اطرق . بوابه

ليه يرتحل ويشقي قلب. مغليه
وطيفه يمر بحلمي مر . السحابه

ماني عاتب ن بس خايف. عليه
اخاف الي صابني بالبعد. صابه

سكن قلبي غلا مانيب . قاويه
كل البشر غابو بلحضة ... غيابه

علموه اني صاين الود وشاريه
غلاه صاره لقلبي زاده وشرابه

لبيه لاشواقه ياناس ...... لبيه
اشتاق لبسماته واحن . لعتابه

[القارظ العنزي]

صح بدنك أعد النجوم
اسعدني مرورك العطر لاهنت

[القارظ العنزي]

عزاه يا قلب تزايد ........ طواريه
قلب العنا قام يتزايد ....... عذابه
حاولت انسى ما مضى من بلاويه
لكن تجدد البلا ............. بالقرابة
قرابتي اللي قام يتلبد .... ويغريه
لا منعش قلبي ولا صك ...... بابه
ليته يتفهم حالة القلب وش فيه
ويرحم ضعيف ما لقى له صحابة
كم مرة اصيح واقول ..... يا هيه
انت الشبيه اللي يغطي .... غيابه
لكن شبيه الزين ما هو ... حواليه
ولا يشبهه لو كان يلبس .... ثيابه
يا رب صبرني على الخلق والتيه
بنات حواء ظلمهن ينحكى .... به

[مساحة قلم]

صح لسانك شاعرنا المميز
سلمت
يختم ل 3ايام

[القارظ العنزي]

صح بدنك مساحة قلم
اشكرك مرورك العطر