... أنا ضاقت بي الدنيا ...

[نجم ضاوي]

الا يا هاجسي وينك .. تعاله .. وانشد الاشعار
تعاله . اسألك بالله .. تعال واشرح .. معاناتي

أنا ضاقت بي الدنيا ولا ادري ويش فيني صار
بعد ذاك الوفا والحب .. نكر حبي . ونكر ذاتي

عصف في داخل ضلوعي من كثر الوهم اعصار
خذا عقلي خذا كلي .. خذا ضحكي . وبسماتي

ادري هذي اقداري . ولا لي في حكمة الاقدار
شسوي بحظي العاثر .. رسم عل قلب . آهاتي

بعاده حيل اتعبني .. معي صار الهوى . تذكار
واعيش .. بعالمي تايه .. وحدي .. كل اوقاتي

حبيبي . لا تعذبني .. احبك لو .. زماني .. جار
اريدك لي أنا وحدي .. قصيده .. بين .. طياتي

رحل عني حبيب القلب . بغمضة عين دون انذار
وخلاني .. وسط دنياي . . تايه .. في مجراتي

بعد .. ما بانت اعلومه .. عرفت ان الزمن غدار
ولكن توي افطن له . . بعد ما عمري قد فاتي

خلاص الخافي بينته ..خلاص .. انباحت الاسرار
تعال وشوف كثر الدمع .. حرق قلبي ووجناتي

خلاص ارجوك انساني .. خساره ماعرفت اختار
كفايه اللي حصل منك . سلبت فرحي وضحكاتي

خلاص ابعد وأنا اببعد .. ولا عاد .. تنفع الاعذار
وفيك اتقبل عزايه .. واقول . . إن الحبيب ماتي


... وسلامتكم ...

اخوكم الشاعر .. نجم ضاوي ..

[أنثىٰ الجوزآء.]

،-

خلاص الخافي بينته ..خلاص .. انباحت الاسرار
تعال وشوف كثر الدمع .. حرق قلبي ووجناتي

آهٍ آه :30::30:
وجّعت لي قلبي وآلله .. : (
كلمآت مؤلمة جداً تصف معاناة صعبة :30:
ما أصعب فراق الحبيب :30:
إسم الله عليك من الأحزان :رحيق:
راق لي ماكتبت :نبض: صح لسآنك شاعرنا :رحيق:
ودّي :رحيق::رحيق:

[مساحة قلم]

صح لسانك يا فاضل
قصيده معبره


تختم ل3ايام

[أعد النجوم]

صح لسانك شاعرنا

ابيات رائعه كروعت صاحبها


يعطيك العافيه يارب

تحيه طيبة لك ولقلمك

[احلام عابره]

انا مانسي حيات الروح ولو زماني عليه جار
انا مابيع غلا عمري وحلمي الماضي والآتي

تعال نطوف بالدنيا واسولفلك وش الي صار
تعال اشكيلك الغربه واوصفلك معاناتي

انا من غبت عن عيني تلاعبت بي الاقدار
وغابت فرحتي وماتت على شفاهي ابتساماتي

انا اليا شافتك عيني قلبي من مكانه طار
وغدت روحي تهليبك وعخدي تسيل دمعاتي

تعال وشوف حالي كيف من فرقتك في دمار
تعال انشد ولو مره تشفبها .... جراحاتي

نجم ضاوي ابدعت
صح الله لسانك

لك ودي واحترامي

[القارظ العنزي]

يا حظنا اللي جابك من اللي هج عنك .......... ونار
تركتني واحلام ورحت ولا تدري وش ........ بذاتي
تركتنا ومسك الغلا تقل يتامى ............. تو اصغار
اقفيت وتطرد بهواك اللي جلب ........... الحسراتي
عسى الله يجزاها الخيرات اللي بنت لك حب وطار
نعم غداره يالحبيب لكن اهدتني ............ فرحاتي
قلنا لك اركد يالحبيب ما لك ومال بنات ....... الزار
ورفضت تسمع نصايحنا ، تقول انك ........ فهلواتي
شفت النتيجة كلها شفت النتيجة واللي ...... . صار
هيا احصد زرعك الميت واحصد دموع ...... وآهاتي
ارجع لمسكك يالغالي ما لك مع الهوى .......... معبار
وفي مسكك تعلن التوبة وتتوب من حبك ..... الآتي

[الشاعر سراب]

حبيبي . لا تعذبني .. احبك لو .. زماني .. جار
اريدك لي أنا وحدي .. قصيده .. بين .. طياتي
ابداااااااااع بمعنى الكلمة
صح لسانك يا اخي نجم ضاوي واسمك على مسمى
تقبل تحياتي

[ضمير الحب]

الله اكبر عليك يااخوي

شو هذا الحسن والجمال

شمسوي بيك العشق

ظليت حاير محترق

والله يكون بعونك

على هذا الحبيب

كل هذا الذي سواه

وانت لسة تحبه زود

ما شاء الله تبارك الرحمن

كلماتك روعة وجميلة للغاية

والله انك استاذ كبير

بالشعر والقصيدة

مااني عارف شو ارد عليك

دائماً كلماتك تصدر من قلب موجوع

من الحبيب الله يساعدك على هالحبيب

المعذب قلبك

والله انك اسم على مسمى

نجم ومثل القمر ضاوي

الله يسعدك

وصح لسانك ياشاعر الجمال والابداع

مودتي اخوي الغالي

[alwafa]

.
.
.
.
.
رحل عني حبيب القلب . بغمضة عين دون انذار
وخلاني .. وسط دنياي . . تايه .. في مجراتي

مجرآتي ’
صصح لسآنكك ,
مولم الفرآق ’
.
.
آرقب يديدكك ’:in_love:

[وهج]

من الرّجوى للعتب للياس
يشتعل حرف ، وحرف
وهنا اشتعلت بجمال
صح لسانك نجم
ودمتَ مضيئًا

[أورانوس]

صح لسانك اخي نجم
قصيده كلها احساس منهمر
كهطولك هنا ..
دمت كما تحب

[مرجانة]

موجعة جداً ، لكنها جميلة جداً جداً ..

دام حرفك يا ضاوي ..