مدلعة زوجي بزياده

[مشكلتي]

السلام عليكم
انا متزوجه احب زوجي اموت فيه أعشقه الحمدلله ربي لايغير علينا أهتم فيه بكل تفاصيله معليش ع الشفافيه بس وربي أعامله مثل طفلي أحن عليه كثير مدلعته مرره كل شي يبيه جاهز أروشة أنومه على صدري أغسل رجوله ومساج ولبس وكل مايتمنى الزوج مستحيل يمر يوم معاي ويتكدر أتحمل مزاجة وكل شي عشان مايزعل ياناس هو روحي مو بس زوجي اللي خايفه منه الحين أشوف بالسوشل ميديا اني عبدة رجال والرجال مايصلح تدلعينه يحبون القوية اللي تسحب عليهم مايحبون الضعاف مثلي مع ان ماعمري شفت منة شي بالعكس حاطني بعيونه والكل ملاحظ علينا أقسم بالله لو مر يوم وقلبت عليه يتغير وتتعب نفسيته يقول لاتتغيرين علي أنا مرتاح معاك ومن زمان أحلم بزوجة مثلك كذا تدلعني كنت اشوفه ب الأحلام وصار حقيقه وعلى كثر ماأشوف وأقرأ ليه تصيري عبدة للرجل تعبت احس نفسي عبدة عنده هو يستاهل اخلاقه طيبه معاي حنون كريم قايم فيني ويعشقني
بس مادري افكر اصير قويه ع قولتهم اخاف يشوفني ضعيفه ويتزوج علي
اخاف يتزوج وحدة قويه انا والله العظيم قويه بكل شي بس معاه غير انا اشوفه يستاهل عشان كذااا أرررريحة !
انصحوني لجأت للمنتديات شفت فيها ناس كبار وفاهمه مو مثل السوشل ميديا . خرابين البيوت

[صعفق طاش كندي]

نفسي اعرف وش تبون بالزبط

ماشيه حياتك وأمورك طيبه

والحين بتقلبين عليه عشان كلام شفتيه بالسوشل ميديا

شوفي اذا انك خايفه تكونين مثل العبده خليك مثل النحله

وانتي وفهمك

اول مره اخاف انصح

احسك حقت دعاوي

[M.ahmad]

خليك زي منتي معاه وماعليك من كلام الناس مادام الوضع عاجبه فيك

وبعدين نصيحة لعاد تقولين تفاصيل أسراركم الزوجية بهذا الإسلوب لأحد لأن الحسادين حولكم وحواليكم وماراح يتركونكم في حالكم .

[صَوْت المَطَر]

السلام عليكم ورحمة الله وبركاته
لا عليك يا أختي أستمري على ما انت فيه إن كان في ذلك تتحقق سعادتك
ولكن المعادلة الصحيحة أن لا إفراط ولا تفريط !!
المبالغة في الإقبال والتودد قد يكون لها نفس أثر الجفاء والنفور وإن أختلفت المقاصد

وقيل سالفاً لو كان لأبن ادم واديان من ذهب وفضة لإبتغى دونهما ثالثاً ،
ولا يملأ جوف أبن أدم الا التراب !

[وجه القمر]

وعليكم السلام


الرجل يحب الزوجة القوية بالمواقف

ماعلاقة انك تدللينه بالقوة?

دللي زوجك و اهتمي فيه

وكوني قوي بمواقفك بـ فكرك

قوية بمواجهتك لـ من يحاول التدخل بـ زواجك

ولا تسمحي لـ مواقع التواصل أن تأثر بك

ولا تكرري إفشاء أسرار بيتك أبدا

[عطر النَّدَى]

اهلا عزيزتي

انت متاثرة بالكلام الكثير اللي يتقال على سوشيال ميديا
عمرك قلتي لنفسك الباب اللي يجيني منه ريح نسده ونستريح
شاهدت عدة عينات على اليوتيوب هناك نوعين
اللي تقول الرجل عبارة عن طفل واللي تقول افترسي الرجل قبل ما يفترسك
اسمعي مني اياك تسمعي لهاد النوعين
لان كل شخص فيه امور تحكم حياته انت قلتي ان زوجك كان يتمنى زوجة مثلك
لما لا تعتبرين نفسك تلك الامنية التي اهداها الله لزوجك لانه يستحق وانك رضا الله عليه
اياك وتاثر بتجارب الاخرين كل شخص له تجربته الخاصة التي تحكم ظروفة
خليك وسط اعطي لزوجك ما يستحق لانك تاخذين بالمثل
وخليك قوية عندما يحتاج الامر لذلك لا تتصنعي القوة لارضاء صاحبات الافواه فقط
وبما انك سريعة التاثر لا تخلي الشيطان يدخل لك من ابواب يسهل عليك اغلقها
قوتك الحقيقية ان لا يكون على فكرك سلطان
انت سيدته فقط اتركي عنك التفكير الزائد
فهو يقتل السعادة بصمت

الله يهنيك اكثر عزيزتي

[مرجانة]

من جد الان بتعملين قلق بحياتك غصب ليه ؟!

و لما يقولون امرأة قوية هذا مو يعني انك تكوني جافة او تهملينه
قوية بشخصيتك جريئة تتحملين مسؤولية و بالمقابل حنونة و مهتمة و مو مقصرة مع زوجها و تدلله

انتي بكذا ترضين زوجك و ترضين ربك
الكلام السلبي اللي يهدم المودة و الرحمة بين الزوجين لا تسمعينه

لان الزواج مو حرب
الزواج حياة اذا بتفترسين زوجك و هو يفترسك بالله كيف بتعيشون ؟!

الله يصلحك على سؤااالك بس

و الله يديم عليكم و لا يغير عليكم

[عاشق الحرية]

عجب ...!

وهل يعلم أولئك الذين ينصحونك بتفاصيل حياتك مع زوجك ؛؛

لآ أجد هنآ أي مشكلة بقدر ما أرى أنها محاولة خوض تجربة ...!

نصيحة إجعلي من حياتكما الزوجية عآلم لآ يستطيع أن يتخيله أحد... ولا يُسمح لأحد بالدخول إليه...

تحية طيبة

[Sarahhabibti]

استغفري ربك
حابة تخلقي لنفسك مشكلة انت في غنى عنها ليه
بتقولي انك عائشة احلى حياة و انت راضية و هو راضي و يحبك زي ما انت
عايزة تخربي حياتك و خلاص
يعني لو الواحد قالك ابقي قوية و لا تهتمي فيه و طنشيه هذا راح يريحك ؟؟
و بعدين مين قالك أن المرأة القوية ما تهتم بزوجها و تدلعو المرأة القوية يلي تعرف تسير حياتها و تحب و تقتنع باي شي تعمل فيه
و اهم شي انها لا تسير حياتها بناء على كلام قراته في الانترنت
عيشي حياتك و لا تهتمي لتفهات السوشيال ميديا يلي خربت عقول الناس
ارضي بنصيبك و احمدي ربك
الله يستر عليك و يحفظكم لبعض

[وبكاني الهوى]

السلام عليكم
انا متزوجه احب زوجي اموت فيه أعشقه الحمدلله ربي لايغير علينا أهتم فيه بكل تفاصيله معليش ع الشفافيه بس وربي أعامله مثل طفلي أحن عليه كثير مدلعته مرره كل شي يبيه جاهز أروشة أنومه على صدري أغسل رجوله ومساج ولبس وكل مايتمنى الزوج مستحيل يمر يوم معاي ويتكدر أتحمل مزاجة وكل شي عشان مايزعل ياناس هو روحي مو بس زوجي اللي خايفه منه الحين أشوف بالسوشل ميديا اني عبدة رجال والرجال مايصلح تدلعينه يحبون القوية اللي تسحب عليهم مايحبون الضعاف مثلي مع ان ماعمري شفت منة شي بالعكس حاطني بعيونه والكل ملاحظ علينا أقسم بالله لو مر يوم وقلبت عليه يتغير وتتعب نفسيته يقول لاتتغيرين علي أنا مرتاح معاك ومن زمان أحلم بزوجة مثلك كذا تدلعني كنت اشوفه ب الأحلام وصار حقيقه وعلى كثر ماأشوف وأقرأ ليه تصيري عبدة للرجل تعبت احس نفسي عبدة عنده هو يستاهل اخلاقه طيبه معاي حنون كريم قايم فيني ويعشقني
بس مادري افكر اصير قويه ع قولتهم اخاف يشوفني ضعيفه ويتزوج علي
اخاف يتزوج وحدة قويه انا والله العظيم قويه بكل شي بس معاه غير انا اشوفه يستاهل عشان كذااا أرررريحة !
انصحوني لجأت للمنتديات شفت فيها ناس كبار وفاهمه مو مثل السوشل ميديا . خرابين البيوت
الله يهنيكم يوفقكم وتكوني مثل مآنتي
عمري خرابين البيوت يطلعون لك لمن انتي تبحثين عنهم في عالم ألآفتراضي
هذا هم يطلعون لك عكس الواقع تشوفيهم
المهم خلك مثل ماانتي وب العكس تعتبري ماشاء الله زوجة مريحة
لاتتقيدي بكلام الغير وتظني انه موجهه لك
ااذا زوجك مرتاح وانتي ممرتاحه مايحتاج تدخلي مواضيع العالم الآفتراضي الي ممكن تدمر حياتك شيلي هالآفكار وعيشي حياتك ي قلبي ..
القوية تكون في المواقف لمن يضعف الرجل تكوني سند له في كثير من الآمور
لمن تحتاج المواقف انك توني قوية
مش لمن تهتمي فيه يعني ضعيفة ب العكس هذا الآهتمام اساس الحياة الزوجية
تمسكي بحياتك وحافظي عليها ولا تبحثين اكثر واكثر لحتى مايغرق تفكيرك
موفقه عزيزتي

[مستحيل]

انت وش تبين بالضبط


عايشه مبسوطه مرتاحه وزوجك يحبك وتحبينه


شوفي اللي تقول لك انك عبده ومن هالخرابيط وهالكلام
سواء بالنت او مباشره

اقسم بالله انها حاسدتك على حياتك
وانها تتمنى نصف اللي عندك

عيشي خياتك بالطريقه اللتي تريحك وترتاحين فيها


دلعيه ودلليه وحبيه وسوي فيها اللي تبين

حلال احله الله لك استمتعي فيه قبل تكبرون وتندمين على ايام الشباب

[أنثىٰ الجوزآء.]

-

حَبيبي اذا انتِ مرتاحة وهو مرتاح
مالك ومال النّاس
وبعدين الطلاق مازاد الا بعد ماطلعت هالمواضيع الهابطة
نفسك واستقلاليتك وقوتك و خرابيطك...
خلك ع ما انتِ عليه اذا هو مو مقصر معك ويعطيك !
انتِ تشوفي انه يستاهل تتغيري عليه ؟
يهون عليك ؟

[أوراق السنين]

أنا من رأيي وأنا اخوك تشوفين لك دكتور نفسي ولا مطوع يقرأ عليك لا يزود الوسواس عندك!

قفلي بابك عليك انتي وزوجك ولا توسوسين
الرجل يقدر الزوجة اللي تقدره وتحترمه

ف دعي ما يربيك إلى ما لا يريبك

[جرافيتي]

اذا مليتي عين الرجآل ،

عمت عينه عن غيييييرك ..!

ما راح يشوف غيييييرك أبد ..

لو تجي أجمل الجميلات ..

انتي ماليه عينه ونص ..

مستحيل يفكر يتزوج ثآنية ..

واقري المعوذات على نفسكم ..

الله لا يضركم ..
قولي الحمد الله ...
ترى العين حق ..!!

[نوفمبر]

،

حاولت الاقي المشكلة مالقيتها ، زوجك كويس معاك ليش تفكرين بسلبية !
بعدين سيبي السوشل ميديا ، زوج فلانه مو زي زوجك وزوجك مايشبه زوج علانه
بعدين اهتمامك بزوجك مايعني ضعف ، بالعكس هذي تعتبر قوة
بآنك جالسة تحافظين عليه ، وتدلعينه بينما غيرك من الحريم امكن مايقدرون يسوون هالشي
خوف من كلام الناس او حتى خوف من تفكيرها انو زوجها ممكن يمل منها لما يشوفها كذا
وانا اشوف هالشي ضعف !
عيشي شخصيتك ولاتتصنعين الثقل او القوه المزيفه
بالنهاية ترا الرجال يحب الدلع ، ولا ليش الكبار بالسن لو بياخذ على زوجته ، زوجه ثانيه ياخذ وحده شباب اصغر من زوجته الاولى ؟
لانه يبغى اهتمام ودلع !
انتي ماشيه زين دامك مرتاحه وزوجك مرتاح ، احمدي الله وسيبك من السوشل ميديا
لانها عباره عن كلام فاضي وتافه :MonTaseR_205:
والله يسعدكم يارب

[سحاابة عطر]

هو مرتااح وانتي مرتااحه تنكدين على نفسك وتخربين حيااتك بهالتفكير لييشش إذا فكرتي بهالتفكير راح تخربين حياتك معه دام هو راضي وانتي راضيه وش علييك من كلام النااس

[jrm99]

ماشاءالله تبارك الرحمن
الله يخليكم حق بعض
وتدلعون بعض طول العمر
ابعدي عن هالافكار
اذا تزوج عليك مارح يلقى زوحه تدلله وتدلعه كذا
صدقيني لو يتزوج مليوه مره مصيره يفقد الاهتمام والدلع الي انتي مسويته له
وكل انسان سواء امرأه او رجل
يحبون الاهتمام ويخسون بكيانهم كذا
اهنيكم ضراحه ع عمق علاقتكم
مااشاءاالله

[محمد الرباطي]

:MonTaseR_146::MonTaseR_146:

اكيد انتي معيونة اختي ..
تحصني واكثري من الذكر وربك بيفرجها ..
تحصل مثل هذه الأمور وتعدي

[ترآنيمـ الفرح]

أنا أشوف انك انتي حاسدة نفسك على اللي انتي فيه
ياشيخة كل الحريم يتمنوا يكونوا مثلك لو عرفوا
بقصتك .... تعوذي من ابليس ولا تكوني تشرحي
تفاصيلك حياتك للاخرين
وكثري من كلمة الحمدلله لأن اللي انتي فيه
نعمة من ربك لازم تحمديه عليها ..
تمنياتي لك بحياة طيبة

[سافانا]

اولا عليك ان تفهمي ان للعلاقه قدسيه
فأنتي سمحتي للأخرين ان ينتهكو هذي القدسيه بتأثرك بما يقولون
واستعدادك التام لأستخدام العنف ضد هذا الزوج لمجرد انك سمعتي ان الأزواج يفضلون القويات من النساء على حد تعبيرك
غير مباليه بهذا الزوج وهل هو يستحق القوه والصرامه ام الاحترام واللين
هذي مشكله في شخصيتك عليك التنبه لها وإلا فإن حياتك الزوجيه معرضه لمفاجاءت خطيره
قد تنهي العلاقه نهايه ماسويه

ثانيا عليك ان تعرفي ان الحب شي والغزو والاقتحام شي اخر
حتى وإن كان تحت مسمى الأهتمام
انتي فاهمه الأهتمام غلط
اعطي زوجك مساحه من الحريه
الكم الهائل من الأهتمام بهذا الشكل المبالغ فيه
من المؤكد انه سيسبب اختناق وملل
تماما كما لو كنتي تتناولي
طعام لذيذ
بكميات كبيره
وفتره زمنيه متقاربه
النتيجه
بتغم النفس
على الرغم من جودته ولذته

هدي اللعب شوي ههههه
وفري طاقاتك للأهتمام بنفسك ايضا

الوقت هذا اللي بتحاصري زوجك فيه تحت مسمى اهتامام
بتعطي نفسك جزء من هذا الوقت ولا لااااا

انتي بتستمري في الدعك والدش والدهان والورنيش ههههه وبتنسي نفسك
الحياه الصحيه هى
لا إفراط
ولا تفريط

اشعلي احاسيسه بطرق متجدده
اما اندلاق العواطف بشكل مكثف وعلى رتم واحد
حتما سيسبب الملل ومن ثم النفور

الصوره الذهنيه لديك مغلوطه
صححيها وافهمي دورك الحقيقي في حياه زوجك
الأهتمام الغير مدروس يفسد العلاقه ويسبب اختلال
حتى وإن كانت البدايات مشرقه ومشوقه
اشباع بهذه الشكل هو اشباع قاتل
يؤدي الى النفور

فلب العلاقه هو الأحتواء
افهمي معنى ان تكوني زوجه
شريكه
محبه
عبري عن مشاعر الحب لزوجك بطرق متنوعه
وعلى ايقاعات مختلفه
حتى يكون في شوق وترقب دائم لكل جديد .