عقيم الدمع ... حصرية

[أنا فداهم]

ظنك بخاف إن قلت عني بتبعد
والا بترك الدنيا لجل عينك و اجيك

لا والله إلا إبعد بعيد وجعلك ما ترد
ماني على شوفتك ميت ولاني مرتجيك

ماني بحاجة قرب اللي خذلني و جحد
سلام يا شعرٍ من إحساس إنكتب فيك

لا تحسب خطى الفرقا و تبلل الخد
الدمع ما يصلح ما كسرته بيديك

وبليلة البرد لا ترجعك ذكراي و ترتعد
جمر إنتطارك دسته ساهي برجليك

عمر عقيم الدمع ... ما ينجب ولد
لذا لا تدور فيني دمعتي الله يخليك

يا حسافه بعت ناسٍ لجلك يا وعــد
و تبيعني بارخص ثمن لجل مغليك

صدمتني لكن اخترت أترك هالبلد
عشان أنسى زمانك و حبك و طاريك

على شاطي الفرقا صورة من جحد
يا بحر خذ وجه الفرح جيتك أواسيك

أنا الشاعر اللي سكر بشعره و فقد
يا نشوة الحرف اختلط مرك بحاليك

على مسرح من الأحزان صمتي شرد
وأخذت أجمع أجزائي الضايعة فيك

[أنثىٰ الجوزآء.]

-



آحححححيه حححااارّة :30:
قصيدة مميزة تجمع مشاعر الـ عتب و اللومّ و الكبريآء !
متت متت عليها :نبض:
الفقد موجع :30: بس لازم نصير أقوياء :نبض:
من المفضّلات .. قصيدتك :رحيق::نبض:
و من المفضلات أصبحت أنت :نبض:
استمر متابعة ل كتاباتك الراقية :رحيق:
سلم بـوحك .. صح لسانك

[أعد النجوم]

صح لسانك شاعرنا

ابياتك راقيه كرقي حظورك

تحيه لك

[غريب الدآر]

صدمتني لكن اخترت أترك هالبلد
عشان أنسى زمانك و حبك و طاريك
الله شقد كلامك وابياتك لهم هيبة وحضوووررر!!
صح لسانك ياشاعرنا ودام لنا قلمك!!

[alwafa]

.
.
.
.
.
لا تحسب خطى الفرقا و تبلل الخد
الدمع ما يصلح ما كسرته بيديك
بيدك :30:
.
.
صح لسسسآأنكك شآعرنآ ,
وآضح الندم و القهر في آبيآتكك .
و ي قوة قلبكُ ,:0741:
.
.
آرقب كل مآ هو يديد من شعركك ’:h:

[مساحة قلم]

صح لسانك
ابيات جميله
يختم ل3ايام

[عايض العتيبي]

قصيده مميزه ويعطيك الف عافيه