((عفت الغزل))

[القارظ العنزي]

عفت الغزل من عقبها وعفت لونه
عفت الحياة وطعمها ... والمزايين
يا ليتها ترجع واناقش ...... عيونه
يمكن الاقي سرها داخل .... العين
فجأة تغيب وقافي يبدا .... جنونه
عيا لا يركد قافنا ...... والشياطين
خوذوا رسالة مني ياللي ... تجونه
قولوا لها يقول وش بك ... تغيبين
كان السبب مني انا افدا ... جفونه
اللي غزتني وحبها ...... بالشرايين
ازريت انا انسى صوتها مع لحونه
مع ضحكة تشفي مريض المحبين
ازريت انا انسى جذلته مع قرونه
قرونه اللي تنسدل فوق ... متنين
وخدوده براق المطر في ... مزونه
والشفة تذبح ذبحها حد ... سكين
جيد الغزال اللي يعيش .. بسكونه
ما ذيره صياد ولا شافته ..... عين
كحيل عيون وفوق كحله .. فنونه
وخشم كما سلة سيوف ... بحدين
متى عساها ترجع توفي .... ديونه
وانا اعرفها من عرب دوم .. وافين
عسى يرتاح القلب وتشفى طعونه
ويرتاح بال منشغل من .... زمانين

القارظ العنزي

[alwafa]

ـ’
.
.



و حتُى وآنت عآيف تذكر تفآصيلهآ ’
:x124:
و تتغزل ,
لآ تعودت على شي و رآح تعوف كل شي من عقبه ,
.
.
كان السبب مني انا افدا ... جفونه
صصح لسسآنك ي شآعر ’
ف آنتظآر يديدك ,
:ورده:

[القارظ العنزي]

صح بدنك يالوفاء
نعم اذكر تفاصيله
فلهذا لم اجد طعم
لغيره الا ان تخلق
نسخته من جديد
فالله ربي قادر
يخلق من الشبه
كذا شبه فحياك
الله وبياك طبت
وطاب محياك

[احلام عابره]

شبت بقلبي نار يوم بانت.........عيونه
تايه ولاعادلي بدنيتي ..........عناوين

ياطير سلم على الي باحت... شجونه
وقله ترى صدري ما بداخله ....قلبين

ياصاحب ن عشقته برزانته... .وجنونه
ماخذ راحة البال ورايح على ...... وين

افديه بروحي لو الناس .... يرخصونه
وازرعله من الشوق بقلبي ... بساتين

بيني وبينه غلا ياناس ......ماتعرفونه
لغاب عني يوم يصبح الشوق شوقين

[العـ(احمد)ـالمي]

صح لسانك يالقالرض واعتلا شانك
دايم قصايدك لها طابع خاص
يعني اي واحد يقراها يعرف انها لك
بصمتك واضحه جدا فيها ربي يعافيك

شكرا لذائقتك الجميلة

[سَمآء]

اللهَ عليكَ يَ الوايليَ صحَ لسانكَ وعتلاَ شَانكَ :نبض:
دائمًا مبدعَ بِ نصوصكَ ،
حقيقهَ كلَ الابياتَ جميلهَ والاقتباسَ منهَا نقصَ

وَتستَاهلَ الخمسَ نجومَ


بِ انتظَارَ نصَ جديدَ مميزَ :رحيق: :نبض:

[القارظ العنزي]

يا بنت ابوها يالحلا ......... يالفتونة
ياللي زرعتي بقلبك ورد ... البساتين
صومي والا حصادي يسبق .. حتونه
جانا رمضان ولا بقي غير .... يومين
احذر زميلك والقوافي ........ يجونه
في ساعة ينسى كثير ....... القوانين
عشقي صعيب يالغلا ....... يالحنونة
صعب على بعض العرب توفي الدين
لي صاحب ابطت علينا ....... عيونه
يا شيب عيني من تغيب عن . العين
يا بنت ابوها شوفي القارظ يا عونه
مثل اليتيم اللي جفوه ..... القريبين
يلعي على بلواه وزود ........ المهونة
ما له صديق يرحم حال .. المسيكين
ولا حبيب جاه طبطب ......... متونه
ويحسسه انه على البال ...... ويعين

[القارظ العنزي]

هذا من كرمك يا احمد العالمي
ولك فقدة من فترة ما دعمتنا
بكلامك الحلو هذا يالغالي
طبت وطاب مرورك

[القارظ العنزي]

صحة روعاتك سماء
هذا من لطفك يا لطيفة
لا حرمنا منك دوما وابدا

[أعد النجوم]

صح لسانك شاعرنا

ابيات جميلة جدا

تحية لك

[القارظ العنزي]

صح بدنك اعد النجوم
شرفت المتصفح بوجودك

[سالم العامري]

يا ليتها ترجع واناقش ...... عيونه
يمكن الاقي سرها داخل .... العين

العيون اسرار
ولكن الشاعر أماني
انت رائع بحق يالعنزي
اعجابي ومزيد ودّي

[حفيد الأكابر]

عفت الغزل من عقبها وعفت لونه


ابرك الساعات والله.. اهنيك على العمق الأدبي في هذا الشطر
لو كل شخص التزم هذا الشطر حرفيا كان اليوم مرتاح البال ومريح


سلمت وسلم منطوقك

[القارظ العنزي]

الروعة والذوق الراقي
في مرورك الاستاذ
سالم لاهنت

[القارظ العنزي]

ابرك اللحظات اللي مريت فيها aqsa
مرورك شرف وتقييمك شهادة لاهنت

[مساحة قلم]

كعادتك
قصائدك كلها جميله
ذات طابع تعبيري قوي


صح لسانك


يختم ل3ايام