استأذنك مسك الغلا ... إهداء إلى أخي النجم ضاوي

[أنا فداهم]

استأذنك مسك الغلا بعشر أبيات
أبيات ولكنها في الغزال الفريده

غزال لا هدت سابقت كل الغزالات
ما صادها غير ابن ضاوي بقيده

تسرح و تمرح و توزع له ابتسامات
و رغم هذا ياهي أجمل عنيده

اللي خذتني من الذات للذات
وخلت حياتي بقربها دايم سعيده

يا نجم ضاوي بالصدر ضيقات
من ارحلت عني و صارت بعيده

يا اخوك قربها فيه كل الملذات
وش اللي في بعدها انا بستفيده

راحت و قالت تجي واليوم ماجات
أنا أشهد إن النار حطبها تزيده

اخوك يالضاوي بقلبه قناعات
ورجله بنار الهوى تاكل وريده

مرات أقول إني دلهت ومرات
أسوي لذاكرتي مساحة جديده

أكره علاقات الرفث و الملذات
اللي تخلي وضعك على الحديده

يالله بحق كل مقيم للصلاة
ترجع الضاوي لنا قبل عيده

[alwafa]

.
.






صح لسسانكك ،
من قده كاتب له قصيده ،
.
ليه كل هذا ،؟
عسى ربِي يرده

[احلام عابره]

لولاها اهداء للضاوي ...بالذات
لكنت رديت عليها ...... بقصيده

صح الله لسانك يافداهم
مليون صح كلك
ننتظر قدوم الضاوي ورده على هذه الدره الثمينه
ابدعت بتطويع الحرف
لك ودي واكثر

[أنا فداهم]

.
.






صح لسسانكك ،
من قده كاتب له قصيده ،
.
ليه كل هذا ،؟
عسى ربِي يرده


صح بدنك الوفا..

يستاهل النجم ضاوي تنكتب فيه قصايد مو قصيدة

،

هي مجرد نداء و اشتياق للمجاراة ليس إلا

يرد لنا بالسلامة ان شاء الله

نورتي القصيدة

[أنا فداهم]

لولاها اهداء للضاوي ...بالذات
لكنت رديت عليها ...... بقصيده

صح الله لسانك يافداهم
مليون صح كلك
ننتظر قدوم الضاوي ورده على هذه الدره الثمينه
ابدعت بتطويع الحرف
لك ودي واكثر

المكان مكانك و لا فيها احتكارات
يا ملهمة كل شاعر قولي ما تريده

،،

حياك يا العابرة وصح بدنك و لو تريدين المجاراة فأهلاً وسهلاً بكِ

[مساحة قلم]

صح لسانك يا نقي
ويستاهل النجم الضاوي

يختم ل3 ايام

[محمد الرباطي]

جميلة....

[الوله]

اسمح لي بهذي المجاره البسيطه ..

النجم باقي حي في الشعر ما مات ..
فارس محنك ما حجمت يوم أيده ..

لكن مدري ليه في بعض الأوقات
قام ايتغلا يقوول فرصه سعيده ..

وبيني وبينه عيش شعر وصدقات ..
أيام ما كان الوله في قصيده ..

أيام كان يقول لزين نظرات
تجيب فيه العيد من قبل عيده ..

ياما و ياما سوا فيها بطولات ..
عنيد جداً.. والليالي عنيده !




صح الله لسانك ي انا افداهم

ابيات رائعه وإحساس أروع

ويستاهل الصديق الغالي نجم ضاوي

ومنتظرين الرد من شاعرنا


لقلبك كل السعاده .

[أورانوس]

مبدع كعادتك
أعاد الله لك صديقك عاجلاً يارب

[نجم ضاوي]

حنا يا فداهم .. بشهر . . العبادات
اعتزلت الشعر .. وصياغ .. القصيده

فرغت نفسي لصيام واداء الصلوات
اعاده الله علينا . . اعوام ن عديده

هذا شهر ياخوك فيه كثر الطاعات
وبعد رمضان ربي .. يفعل ما يريده

فيه .. خير الليالي . ذكرت في آيات
يا بخت من زود في بنك ربه رصيده

يا فداهم .. لك عندي .. بيض رايات
وحبك مع الدم .. يجري . في وريده

عسى ماجاك . عذاريب مني وسيات
عساك في خير .. وعمرك الله يزيده

ترى ما نسيتك ولك جميل الذكريات
نفسي بشوفك .. يا فداهم سعيده


صح لسانك يا .. فداهم .. وسلم نبض قلبك وبنانك ...
والمعذره على التأخير ترى ما شفتها إلا قبل شوي ...

وهذا الرد وليد اللحظه وارجو العذر ...
من الله ثم منك إذا فيه اي قصور ...

لك ودي وجنائن عطر وردي ...

لا خلا ولا عدم ...

[أنا فداهم]

الله يعطيكم العافية اخوة و اخوات على هذه الردود الجميلة و الكلام اللي يسر الخاطر و يبهجه