مقــهى البـوح الشـعري ..،، تفضل أرتشف قهوتك ...'

[.! شظايا قلب !.]

ليه السهر يفتح مجالات الحنين
كـن الحنين مبرمج لـ بعد ثنـعش

ليه الفجر يشبه شعور الصابرين
نفس السهر نفس القهر نفس الطفش

[خفوق الروح]

العمر انت ومعنى الحياه قربكَ
‏أنتَ فيني،وانت مني،وأنتَ لي

[تيه ..!]

إذا الأغصان عن ساقٍ تناءت
فجذري نحو جذركِ في إلتفافِ

وإن بتروا جذور الأرض منّا
تعانقتِ الغصونُ بلا خلاف

[6ef]

‏جعلني ما أعرض جنابي على اللي مابغاه
‏وجعلني ماسوق جاهي على اللي يرخصه

[reeman]

تذكرتك بكلمات كتبتها لك
ذكرياتي اراها تطفو علي فنجاني
تغوص في اعماق روحي
تتأرجح بين امسي وغدي
تائهه همساتي محمله باشواقي اليك
سابحه مع النجوم والقمر ومع قطرات المطر

[البرنـ،،،ــس]

يالي جعلتم ديننا شـمـاعـه
الكل مـنـكـم غـالـبـه شيطانه
ـ
اللحيه الي مـا ورآهـا طاعـه
مثل الستار الي وراه خيانه

[.! شظايا قلب !.]

من صغـرنا ما أثر القول فينا
نعرف مقام نْفوسنَا و نْحشمها

من لا يعجْبه طبعنا لا يجينا
ومن هو يطبّ حدودنا يحترمها

[تيه ..!]

ضاق الفضاء وغام في بصري
ضوء النجوم وحطم الألق

فعلى جفوني الشاحبات وفي
دمعي شظايا منه أو مزق

فيم الفراق ؟ أليس يجمعنا
حب نظل عليه نعتنق ؟

[السامي]

اخفي غلاك و فاضح الشوق يعلنك
و اشتاق لك من قلب صادق و نيّه

مشاعري .. في كل نظره تكونك
عشق و غلا واحساس حب وحميّه

[خفوق الروح]

له في قلبـي حب ما ينكتب بأبيـات
‏وله في عيوني غلا مايعرفه غير ربه

[الطفشان]

‏صبرك على الدنيا ولوكنت مهموم
كثر الزعل ماجاب للنفس راحه

تزعل وترضى والقدر شي محتوم
والعبد يلقى بالتوكل .... فلاحه

والله كتب للخلق ماكان مقسوم
ماضاقت الدنيا وفيها مساحه

سامح وبايح واترك الحقد واللوم
خلك كريم وفيك عفوا وسماحه

[خفوق الروح]

كنها لامن مشت بنت شيخً مايضام
‏من ركادة مشيها ومن وساعة بالها

[.! شظايا قلب !.]

‏" سهر " وتخيط جرحه حانة النسيان
وأجي : شهقة بكى في خيبة الهاقي

أمد أيد الضيا في عتمة :العصيان
لو أن اللي " فقدته " عمري الباقي

[سلمان الخالدي]

على رسلك ترانا يوم جمعه يافتان
تراني لو زعلت نثرت بوجهك اوراقي


على هونك وشوي شوي على سلمان
عليم الله من الي صار للفرقى هو الساقي

سلمان

[.! شظايا قلب !.]

اثر الدموع احيان ماتوجع العين
على كثر ماينكسر داخلك شي

كن الضلوع اشبه بلمّة مصلين
صلوا علي ميت وانا بينهم حي

[الطفشان]

‏للصبح طاري في عيونك وانا اغليك
مـع ريحـة ..الاشواق يسعد صباحـك

راضـي ..بحـبك والمشاعـر.. تناديـك
كن الغـلا ..طيرك .وصـدري ..جناحك

[خفوق الروح]

توثقت في حبّه مثل راعي الطير
‏لا هد طيره ف الهوا واثقٍ منه .

[تيه ..!]

واسمع عيوني كلما لاقيتني ..
فأنا عيوني في اللقاء لساني..

[السامي]

https://up.b-rq.com/do.php?imgf=158541297548891.jpg

من كثر ما كنّا نكابر على الحب
مل الظلاّل من السكوت .. وتجرّأ

[.! شظايا قلب !.]

غصن التعب مايل والأوراق يبّاس
جف العتب وجروحنا تعترينا حكي
الأوادم ثلج وصدورنا كاس
صب الجروح أوجاعنا - تحترينا

[خفوق الروح]

الشوق زآد وخابــر الشـوق لا زاد
‏قلبي لو أني ما أجـي لك يجـي لك

‏يا اللـي غلاك بداخي ماله أبعـاد
‏تبطي ولا أحد من خفوقـي يزيـلك

[reeman]

رائحة قهوتي حدثتني عن احتياجي لك
أحتاج إليك كأحتياج الأرض العطشى للماء
أحتاج إلى دفئك في ليالي الشتاء الباردة
وفي احتياجي ترادودني عدة تسألات
كيف سكن طيفك أعماقي و عيوني
كيف أذوب بـهمساتك
كيف أنغرس بقلبي حبك وعشقك
فكم كانت لذيذة قهوتي

[السامي]

يا حاجةٍ تغني عن الكل لا غاب
ويا غايةٍ تكفي عن الخلق كلّه

[سلمان الخالدي]

نمدحهم الي يستحقون وافين
هو فعلهم ماهوب منا المديحي

من له اثر في المنتدى وكافين
له طيبنا بالبذل ماهو شحيحي

سلمان

[.! شظايا قلب !.]

حرفٍ له الاحساس غنى وغنيت
وحرفٍ دفنه الوقت داخل شفاتي

[السامي]

خفوقي العاشق الولهان
يشتاق دايم بلا سبه

احس اني عاشق انسان
مدري منو لاكني احبه

[.! شظايا قلب !.]

‏تردعني العزه و يدفعني الشوق
‏محتار لكنّي على البعد ،صابر

‏مدري أسابق لهفة أشواقي بذوق
‏ولاّ اتجاهل صوت قلبي وأكابر ​

[البرنـ،،،ــس]

عندي قصايد بس ماعندي احباب
حبايبي راحو و فرصه سعيده .
تبون شعر فراق و جروح و عتاب
حاضر بـ اسمعكم قصيده قصيده

[.! شظايا قلب !.]

مآ يمُـــوتٌ مِن آلمَـــلام .. إلآ المَـــلام ,
مَــا يفيد آلمُــــوت .. تِــكرآر آلحـــكِــيٌ ..

آلعيُــــون آللي علَــى خبرِك تنَــــــام ,
يَـــا كِثر مآ تِسهَر آلليلَــة : بَـــــكِــــيٌ ..

[خفوق الروح]

ضمّني ضمّة المبطي عن المبطي
‏اللي له سنين ينتظرك .. ولا جيته

[.! شظايا قلب !.]

إلتقيتك في وجيه الناس صدفة
وإنت موعد لو رجيته مانصفني

[خفوق الروح]

يا الله رضا وجهك و درب الغانمين
‏و عقل يميّز كلمتي . . و يصونها "

[الاسطوري]

ياما دقايق وصالك طولت عمري
وياما الشتا في يديني من يدك ذابي
عقب الظما كنك الما في عطش تغري
والفيه البارده لخطاي وأتعابي
عنك أسألوني رفاقي وأحرثوا حبري
وأنا اللي أخفيك بين رضاي واعتابي
مابي عن الحب حساد الهوى تدري
لو كان هم من هلي وإلا من أصحابي

[.! شظايا قلب !.]

صوتك كفوف المشاعر و الورق فكرة
و الصبح عابر هزيل و قاطع دروبي

الموقد الصبر ، و الأوهام و العَبْرة
والغمد وجهك ليا من ثارت حروبي

[سُلْوان]

"


عادي و لو كل الوجيه أفتقدها
إحساسي البارد ذبحني وأنا حي

أنا وصلت لـ مرحلة ما بعدها
لا تشدّني حاجة ولا يهمني شي !


أنآ أشهد

ذآئقه :رحيق:

[.! شظايا قلب !.]

استعجل الإحساس والحسّ جواي
واستعجل الأشعار والرسم موجود

يانغمة الدنيا على كيف مبغاي
ياللي زرعتك فن والقلب محصود

يعني على ماقيل يارشفة الماي
هنا اجيك وداخلي طفل مولود

[شاهستا]

اعيش مع نفسي .. لـ نفسي كأني
بيني وبين الجيل هذا مية جيل

فل تشهدو اني متيّم وأني ؟
ما التفت لـ راعي القال والقيل

إن جيت مستعجل ؟ بجيك بتأني
احاول استمتع بـ كل التفاصيل

لا تقول احبك ... ي حبيبي لأني
اخاف اصدقها وهي كذبة ابريل

[السامي]

انت الفخامه والحلا وانت الذوق
وانت الغرام اللي بعشقه سحرني
ماجاز في عيني من الكون مخلوق
غيرك ولابه شخص قبلك فتني

[خفوق الروح]

لاتسأليني .. ليه انا احب وجهك
‏وجهك تفاصيل الحياة السعيدة

[منفرد]

يالله دخيلك من عنا الوقت لامال
من صدة الغالي وجاحد رفيقه
انا ادري ان الوقت قطاع الامال
لكن على الله تنجلي كل ضيقه

[السامي]

بتمر السنين وينتهي عالم العشاق
وتبقى انت اجمل من عرفته وفارقته

[.! شظايا قلب !.]

انصف شعورك صدق لا تكون جاحد
العُمر مره والوفا له مكانه

الاكتفاء بـ حبك لشخص واحد
متعه .. ما تعرفها وجيه الخيانه

[خفوق الروح]

عطني جناحين و صباح عذب
‏ و قهوة و أغنية و انت لا هنت

[.! شظايا قلب !.]

هوّ الوفاء .. عند الزمن سيل حاكر
‏والاّ السحاب المرتوي يرعد .. سكات
‏
‏يمكن : ضحى مكسوف من شمس باكر
ويمكن قصيدة شاعرٍ .. وقتها فات

[خفوق الروح]

‏و تهب من ذكراك حلو الهبايب
‏ويرجع شُعوري اللي معك صار مفقود

‏اوجع من اني افقدك وانت غايب
‏لا صار قلبي يفقدك و انت موجود !

[.! شظايا قلب !.]

نثرت روح الصبر في كل الأركان
وأقفيت وربي عالمٍ في مسيري
أحيان أحس الشوق طاغي وأحيان
أشوف نار الجرح تحرق ضميري

[خفوق الروح]

لا شال همّه . . شال همّه لحاله
‏واذا فرح وزّع على اللي حواليه !

[.! شظايا قلب !.]

لا اخفيت [ سر الحب ] وشلون ب.. اخفيك !
وانت ب.. ( ملامح ساعتي ) لا انتظرتك !

يآمرني احساسي .. [ احبك و اداريك ]
وأنا ( على نفسك ب.. حرصك ) .. امرتك

ابعدت عنّك اي ( ريبه و تشكيك ) !
ومن كثر حرصي لا إتضايق .. ( خسرتك )

[البرنـ،،،ــس]

مشتري هقوات حبه باندفاع
والغلا من يوم شفته في طلوع

عابر و ما تكسره لحظة وداع
ناثر احلامه على باب الرجوع

ما نلوم الشوق بأوقات الضياع
ان حكينا .. وان بكينا بلا دموع

[.! شظايا قلب !.]

‏ي ملتهي ف البعد والجرح ينزف
زدت الخفوق ب طاري البعد ضيقة

مشاعري باتت على العود ، تعزف
الجرح أرحم من فراقك دقيقه

[الطفشان]

‏‎يالهفة الشعر والأشواق والخاطر :
لا تكسر القلب دام القلب مفتونك !
اخطيت لجل اتحاشى لومك الماطر :
ماكان قصدي اغيضك واطلق جنونك !
جيتك من الليل أرجي بسمتك باكر :
جيتك من الدمع والأيام وظنونك !
ياثقل دم العتاب بخوفك الصابر :
قم كسّر الصمت فيني وانفض متونك !

[خفوق الروح]

لا تسأليني .. ليه انا احب وجهك
‏وجهك تفاصيل الحياة السعيدة

[تيه ..!]

قَبَّلْتُها مِنْ بَعيدٍ فانْثَنَتْ غَضَباً
وقَدْ تَبَيَّنَ فِيهَا التِّيهُ والخَجَلُ
ومَسَّحَتْ خَدَّها مِنْ قُبْلَتِي ومشَتْ
كَأَنَّها ثَمِلٌ أَو مَسَّها خَبَلُ

[.! شظايا قلب !.]

أحدٍ يجي مع باقي الناس محسوب
‏وأحدٍ يجي فوق الخلايق لحاله

[منفرد]

من زود حرصي عليك وكثره الاهتمام
بعطيك بيت يكفي عن ثلاثين بيت
م…¤
انت اخر انسان في بالي لا جيّت انام
وانت اول انسان في بالي لا صحيت

[.! شظايا قلب !.]

أنا الوطن لا غربوك المقفين..
وأنا الوفاء لا خان من هو أمنته

[البرنـ،،،ــس]

يكفيني ابكي شعر و أنت تعزفني
بالعون جرحك يالغلا يشبه الموت

حاولت اداري الجـرح لكن نزفني
الحان غدر و خيانه ما لها صـوت

[خفوق الروح]

هش الخفوق من الوله وأيبس العرق
‏لاتقطفه ،،،،،، مالك بمذبله حاجه .!

[.! شظايا قلب !.]

صوت المطر عطَّـر حنين الصباحات
‏ينزل وتصـعد لـ السماء الدعاوي

‏والقاع صارت في عيوني مرايات
‏كم شفت فيها وجهك العذب ضاوي

‏يا ما ضوى نورك عتيـم المتاهات
‏و رفّـيت لك جنحان عشقي غناوي

‏العشق كفَّن (جثته) بـ النهايات
لأن النهايه جرح ماله مداوي

[سلمان الخالدي]

ههههه

هات الي عندك من جميل المباحات
وقلي وش الي مقبل(ن)به وناوي

احذر من المجروح وللشعر ساحات
واحذر من الي يعشقك يالنداوي

عطيتك اغلى الود بسفتي واشارات
واهديتك من الروح كل الهداوي

ادمان قلبي يهتوي لك بسجات
ونجمي لنجمك ياحبيبي متهاوي

بنات فكري من غلاتك سهيرات
والحرف مني ياحياتي شقاوي

سلمان

[الطفشان]

‏أختـار ويّن اللقاء يا حلمـي الأجمل
على كْفـوف القمر ولا على الغيمـة .

[خفوق الروح]

اللي على صوتك يغمض عيونه
‏تأكد انه راح يصبح على خير

[السامي]

اضحكي لو يمتلي صدرك طعون
وغمضي عيونك وداري غصتك
ماهي نهاية قصتك يرحلون
هذي نهاية دورهم في قصتك .

[البرنـ،،،ــس]

ادخل على الله لاتقفّي وانا ادعيك
العمر واحد لاتسبب ضياعه

اكبر جريمه في الهوى بيع شاريك
واقوى خيانه من يخون الوداعه

اهل السوالف لاتغرّك وتغويك
وتصير لأوهام الليالي طماعه

تضحك لك الايام ساعه وتبكيك
وتسمع كلام مايسرك سماعه

[الطفشان]

‏مهما تباعـدنا ترى الـود واصل

لو لا ظـروف الوقـت ولاّ كورونا

لـو سكّرت أبواب كـل التـواصل
بأمر الولي انعود للي .. احترونا

[خفوق الروح]

كلٍ يصبّـح كيـف ماكـان وده
‏وأنا صباحي انت هذي كفايـه

[.! شظايا قلب !.]

لـ الفجر .. راحه في قلوب المصلين
يشعر بها المسلم لا خلصّ صلاته ..
سعادة الدنيا ، غشت راعي الدين
اللي على فروضـه .. مرتب حياته ..

[عمـر]

كان ودك تكسب رضاي بـ سهوله
ما أبي منك سوى حاجه وحيده
م…¤
الكلام . . اللي يضايق لا تقوله
و الخطأ اللي ما أحبه / لا تعيده !

[الطفشان]

‏علموه إني عشقته لو أن وصله قليل
عشقٍ أصدق من كلامٍ يقال ويفترى

آلـ,ـطـ,ـفـ,ـشـ,ـآنـ,ـ

[البرنـ،،،ــس]

انت وينك؟ اسألك بالله احساسك رقد ؟
نمت في ليلة فراق ؟ ما يعذبك الرحيل؟

ما يشدك شي ماضي؟ صوت او نبرة احد
تاه في عتمة غيابك يوم شافك مستحيل

[برنسيسة الجنوب]

ليت الصُور تبقى بـ نفس اï»·حاسيس
و تبقى مّشاعـرنا القديمة .. قديمة !

[خفوق الروح]

أشوف الصبح في وجهك
‏صَبـاح الخيـر و زياده .'

[.! شظايا قلب !.]

‏دلّني :
‏كاني ضيعت الطريق
‏و خايف إنْك
‏تملّني
‏و كانك بتجلس تجامل
‏و الله إني
‏غير كامل
‏إما تتقبلني ناقص
‏و إلا عادي :
‏خلّني !

[تيه ..!]

وكيف أمحوك من أوراق ذاكرتي ؟
وأنت في القلب مثل النقش في الحجرِ !

[.! شظايا قلب !.]

‏برد المكان ... يدوّر لصدره أحباب
تعالي ، نسولف لـ صمت المدينة

إنتي عليك الشمع دام القمر غاب
و أنا علي : أعطيك قصة حزينة

[عمـر]

تحملتك كثر ماني عليك اغار
وكثر ماضاقت أنفاسي من غيابك

اذا خايف تدق و لا اقبل الأعذار
انا خايف اجيك و تقول وشجابك

[الطفشان]

‏"

إذا أنت من سود الليالي بكيت ونمت
أنا أضحك على سود الليالي ، وأبكيها

[خفوق الروح]

يبتسم لك وجه وعيون ونسم
‏لا أبتسمتي ، والليالي باخله

‏حتى قلبي يوم وجهك يبتسم
‏والله أنه يبتسم من داخله

[سلمان الخالدي]

حتى لو اكتب واللون بالرسم
كل اللوانك ما تجيني باهته

كلها رقمك وتعرف بالوسم
مايضيع الود لعين(ن)شافته


سلمان

[خفوق الروح]

خذاني حُبك الطاغي بدون شعور
‏أشوف ان الحياة الهادية وجهك

[.! شظايا قلب !.]

لو تموت الأمآني فوق صدرٍ نزيه
ما يهزّ الغيآب اغصآن قلبي : عتب

ولو تفآرق حبيبك فـ اعرف انّك : تبيه
لا تعذّر بـ قوله : ربنآ ... مآ كتب

[خفوق الروح]

عليك أستلذ الشوف وأخايلك وأرعاك
‏وأحب السوالف يوم تطريّك وتجيبك

[.! شظايا قلب !.]

على لحن الخلود ونغمة الناي وفتـــات الشـوق
وعصــــافير الغرام اللي تغني فوق عـود الـراك

ورسايل حبنا قبل الوعد وإحســـاسي المرمـوق
وصبر العاشق اللي في ظلاام الليـل يستنــــــاك

ومراسيل الهواء اللي في ضميري منزلتها فوق
وخيالك مرني شامخ يذكرني شمـوخ إصبــــــاك

ونسيم الصبح ذكــــرني بغدر العشق بالمعشـوق
وجنون العاشق اللي هــام في حبك بدون إدراك

[خفوق الروح]

النور في وجهّك عن الشمس فارق
‏والليل في عينك سوادٍ يماري

‏كل الجهات إذا إلتّفتي مشارق
‏وكل الدروُب إذا نظرتي مساري

[.! شظايا قلب !.]

شفني من تراب الموآجع تيممت
يآ حلمي اللي فـ المحبه رسمته

شفني طريح الهم ليتك تغآنمت
احسآسي اللي فـ المودّه غنمـتـه

خليتني قصة هل الهرج والشمت
وانت الوحيد اللي من النآس همته

[ام تركي]

يقول الشاعر :
‏لاآتقربون الخيل دآم تهآبون صهيلها
‏اللــي مو قد الآصايل لآ يطآولهــآ"

[الطفشان]

‏عذب الشعر مايكتبه غير مجروح
كم شخص عانا بالهوا وصار شاعر
لا تعتذر عن غيبتك منت مسموح
عقب البطى ماعاد ... فيني مشاعر

[عمـر]

للمطر فينا حكايات وحنين
وكـم سوالف سرّها ديم و عطر

تشغل الدنيا .. حياة وعابرين
وترجع الذكرى على رشة مطر .

[برنسيسة الجنوب]

لاتكابر بالخطايا .. وإعترف إنك .. خطيت
لاتسويلي سوالف ... تقلب الحجة ..عليّه

إنت تعرفني وغلاتك .. ماخذيت الا عطيت
وإن عطيتك لاتفكر .. بنتظر رد ...العطيّة

[.! شظايا قلب !.]

إلتقيتك في وجيه الناس صدفة
وإنت موعد لو رجيته مانصفني

[برنسيسة الجنوب]

ياليت الجرح مابيـّح نزيفة باقي الأســــــــرار
ياليته كان ذنب بدون عـــــذر وتغفره توبه

[البرنـ،،،ــس]

راح بـ هدوئه و استحيت اسأله ليه
جمعني بـ دمعة وداع وذَرفني

وبقى السؤال اللي كسرني واحاتيه
شلون فارقني / عقب ما عرفني ؟

[.! شظايا قلب !.]

لا تأخذ بكل حرف و تظلم الخاطر
ما كل نظرة بعين الشعر مقصودة

[برنسيسة الجنوب]

حسافه صرت أنا وياهـ نتسابق على التجريح ...؟!!
هــدف كل واحــد منا يـفــوز ويـجـرح الـثـانـي

[.! شظايا قلب !.]

لاتنحني للزمن وتضيق وتعاني
‏ظروف الأيام تبغي من يكابدها
‏َ
‏افرح بعمرك ترى عمر الفتى فاني
‏مافيه نفسن جليل الملك خلدها

[الحر الأشقر]

‏لا شفت عينك من الأعماق أتبسم
‏أحس وجهك يحرَّك عقرب أفراحي

[خفوق الروح]

ماخذيت من السهر غير الحنين
‏ماتت اسئلتي على ابواب الغياب

[.! شظايا قلب !.]

‏




انت الشعور الصادق و غيرك سَراب
‏و انت المـقـر الـثـابت و غيرك مَـمر

‏يا اغلى البشر وجهك علاج الإكتئاب
‏ومْواصلك مثل السحاب المنهمر

‏حتى و لـو قلبي شَـعر بـ الإغتراب
‏انت الوطن و اجمل ملذات العمر

[6ef]

‏تبقى معي في خافقي دوم موجود
‏حتى ولو مالي على شوفتك حيله

[خفوق الروح]

‏ما لقيت لصوتها المُغري حلول
‏لاسمعته تهت انا كلي وضعت .'