المساعد الشخصي الرقمي

مشاهدة النسخة كاملة : ((واجهته وجه لوجه))


القارظ العنزي
06-11-19, 12:40 PM
العيد قرب واريش العين ....... ما رد
مدري زعل والا يتغلى ........... عليه
واجهته وجه لوجه ولف وجهه وصد
ودي انا افهم السبب ........ والقضية
يمكن حسدني البشر والزعل ..... جد
عين الحسود اللي علينا ......... قوية
يا صويحبي صبري على شانكم . مد
في انتظارك يمكن تشفق ...... شوية
والا ترى لو مد ، حنا لنا ........... حد
من يحتمل نار الجفاء ........ يالعذية
يا بو العيون السود والكحلة ... وخد
خد كما البراق وسط ............ بردية
وخشم حنية كنه السيف ..... ابو حد
يقطع وريد المعتدي مع ........ خويه
والقد قد وقد والردف ......... ابو قد
والا الشطية تشتكي من ..... الشطية
والا جديل فوق الامتان ........ ممتد
متسلسل فوق النهود ......... الغضية
ومبيسم يقفل ويفتح عن ....... العد
ميه قراح وينتثر من ........... اشفيه
وبيض الثنايا عدهن صاحبي ..... عد
قالت : ثمان وقلت : نعم ....... الثنية
هذا الجمال اللي صنع لي معه .... ود
ود تجارا في عروقي ............ ادميه

القارظ العنزي

alwafa
06-11-19, 12:45 PM
،,









صح لسآنكك ’
كلمآتك هالمره جريئه ه :x147: ,
محد يحسد حد الا اذا وده بالصد تعذر ’ :g:
وآن يبيك صدق مرده يرد لكك :دموع الورد:
.
.

ف آنتظآر يديدكك

القارظ العنزي
06-11-19, 12:51 PM
يا ليت يالوفاء يرد عقب ما صد
من بوءك لباب السماء اسعدني
مرورك العطر .

العـ(احمد)ـالمي
06-11-19, 02:59 PM
انت تقول العيد قرب ترى العيد راح وخلص
كان قلت العيد روّح مجرد ملاحظة
اما القصيدة واضح انها من قلبك
وعسى الله يرد لك صويحبك
شعور جميل وقصيدة رائعة كالعادة
ومثل ماقالت وفا فيها جراءة
خصوصا الشطية تشتكي من الشطية ههههه

القارظ العنزي
06-11-19, 03:08 PM
هلا بك غالينا وحبيبنا
احمد العالمي نعم العيد
روح والقصيدة سبقت العيد وأحساسها
بأيام قليلة . اما عن الجرأة ما شفتوا شي
بعد لولا ولولا كان كان اللي ما يكون ههههه
ولا بعد كان . اسعدني مرورك العطر وكل
عام وانت بالف خير ومسرات

العـ(احمد)ـالمي
06-11-19, 03:10 PM
وانت بصحة وسلامة
وخلنا على كذا بس كويس ههههههههههه

احلام عابره
06-11-19, 04:26 PM
عديت انا الايام بغيابكم ....... عد
الدقيقه تساوي من الايام . ميه

بالبال كنتم ولا قطعنالكم .. ود
الشوق زاد وضاق الفضا ... عليه

انادي باسمه وصدى الصوت يرتد
ودموع عيني على خدي .. سخيه

ضميان قلبي وموجوع من الصد
ماكان ظني فيك تقسى . عليه

كانك تلعب بالهوى عشقي جد
عشقت عيونك وهاذي كل القضيه

القارظ العنزي
06-11-19, 05:25 PM
يا كذبهن بنات حواء مع . الود
ما يوم شفنا من عطاهن عطية
لا ند زولك يمنا ولا ... زولنا ند
وشلون شفت ي شكلنا يالعذية
مع ان اديارنا قربكم يالغلا جد
ما قلتوا نجبر خاطره لو شوية
ان ولا بد ومن بدكم ........ بد
عجل عليه يالغلا عجل .. عليه
تراني على درب عجلون واربد
بين العشاير والعرب .. مشقبية
حياك ربي ترحيبة ترعد وتزبد
والمنسف ومن قلبه .. الشاذلية
فوق الشحم نزيدكم زايد الزبد
عاداتنا نكرم جناب ..... العذية
سفيرة العدوان الياجدنا الجد
نبني لها البيضاء براس . الثنية

مساحة قلم
06-11-19, 05:32 PM
اريش العين رافع السماعه ويستهبل
وخلى الاتصال مشغول ....
لازم يسكر السماعه لان العيد قرب

صح لسانك


يختم ل 3ايام

القارظ العنزي
06-11-19, 05:42 PM
صحة أنفاسك مساحة قلم
كلك ذوق وكرم لاهنت

عتيم
06-13-19, 10:33 AM
..

العيد قرب واريش العين ....... ما رد
مدري زعل والا يتغلى ........... عليه

،،

السحاب يتغنى بأثيرك الهاطل

يالــ قارض

صح لسانك

..

القارظ العنزي
06-13-19, 10:42 AM
مرور باذخ عتيم
مرور وتقييم ينثر
عطرا ما ننحرم
من هذا التواجد
ايها الاستاذ الجهبذ الفذ


SEO by vBSEO 3.6.1