((انا القارظ))

[القارظ العنزي]

انا القارظ اللي يشتكي من .. جنونه
قولي لي من اللي صيره . بالمجانين
متى تملكين الروح وقلب .. الحنونة
متى تملكين احساسنا .... والمحبين
متى تملكين العطف ولطف ومرونة
متى ترحمين اللي يبيك .. وتحسين
انادي وانادي باسمكم ...... يالفتونة
ولا جيت انا ابالك ولا انت ي تردين
ما شفتي القارظ عبرته في .. عيونه
دموعه تهل الدم ودمعك على . وين
رسمنا هوانا وحبنا في ....... ايقونة
فقط حرك الماوس وتلقى . العناوين
انا القارظ اللي دايم يوفي ... ديونه
ديون العهد ما هي ديون .. الملايين

القارظ العنزي

[مساحة قلم]

صح لسانك عزيزي القارظ
انت القارظ جزل المعاني
والكلمات
يختم ل3ايام

[القارظ العنزي]

صح ذوقك مساحة قلم لاهنت
على المرور والتقييم والختم

[وهج]

وما زلت تنشر الجمال

صح بوحك

[القارظ العنزي]

وما زلت وفية للموقع وأهله
اشكر طلتك البهية وهج

[احلام عابره]

ياويل قلب القارظ لا ثارت شجونه
ولاحل طاري خله بليل وزاد الحنين

قولوله جنون احلام يشابه جنونه
ثنيناتنا من الفرقا صرنا .. مجانين

ياويل قلبي ويل من نظرة عيونه
يفز له قلبي ويجرحني ..... الانين

ان كانه يشتكي غياب خله يومين
انا ادور غالي فارقته من .... سنين

[القارظ العنزي]

عزاه يا احلام ونوني ....... ونونه
والكل منا دمعته فوق ..... خدين
كل يصيح ويشتكي من .. طعونه
ولا دري به خله ولا له ... معاوين
يا احلام شوفي حالتي كيف لونه
اشكي من هموم كثيرة لها سنين
اللي نريده غابت عني ..... عيونه
ما ظنتي يرجع واشوفه لو شوين
علمي بها قفت وتطرد ..... ظعونه
تمشي وتلفت يمنا بنظرة ... العين
يا عشقتي ما شفت مثله ... نمونة
متميزة ما مثلها ......... بالمزايين
راحت وقلبي ثايرات ..... شجونه
والجوف كنه يصلخنه . سكاكيين

[أوراق منسيه]

صح لسانك

[القارظ العنزي]

صح بدنك أوراق منسية