((قلبي يبيها وهي تدري))

[القارظ العنزي]

ابا اعترف ضايق .... صدري
ولا من صديق ... . يسليني
واصل البلا صاحب الخدري
ما مثلها .......... بالمزاييني
حبيتها وحبها ....... .. بدري
قسمة عسى الرب . ينجيني
قلبي يبيها وهي ...... تدري
لكن هواها ما هو ..... فيني
صارحتها وقلت انا .. عذري
وهي صارحتني بعد . عيني
قالت : مقاسيم .... يا عمري
عز الله قامت .. .... تهديني
واخر كلامي انا ..... مهذري
وبعقلي منه ......... يعزيني

القارظ العنزي

[نجم ضاوي]

وانا .. وين .. رحت . . يا قدري
اللي يعنيك يا القارظ يعنيني

عمرك مرتبط ياصاحبي بعمري
النوم .. من حالك . . مجافيني

علامك .. منته .. على .. خبري
افتح لي الخفاق .. لا تعنيني

ترى تعب . . من صبركم صبري
من بعدكم ما به احد يسليني

تعال يا القارظ . زورني بقبري
وابكي على القبر وثم ارثيني

[القارظ العنزي]

يالضاوي ما عيش مع فقري
وانا من اهل ...... الملاييني
كم وحدة ضمها ..... صدري
كم وحدة عندنا ....... هيني
كم وحدة مشيها ..... بامري
وان قلت هاتي قالت عيني
والا انت حالك والله مدري
شايب ما عندك ... مزاييني
ما دام تسولف عن .. القبري
القبر ما به .. .... حبيبيني
الحب حول بنا ...... حدري
والا انت عايش ... بنهديني

[قيثارة]

الله الله
مشاعر رقيقة غمرت الحروف هنا
ففاضت ابداع وجمال
ما أجمل ما نثرتوه هنا شعراءنا
دام نبض حروفكم
يختم الموضوع لمدة 3 ايام

[القارظ العنزي]

اشكرك قيثارة
على جمال مرورك
واطراءك اللطيف

[نجم ضاوي]

اولآ .. عمرك مثل عمري
عدينا .. سن . . خمسيني

فات . العمر .. وما ندري
ويش باقي . . من سنيني

لا تقول .. إن العمر بدري
والامر . . باقي . . بيديني

مابك حيل تمشي أو تجري
اشغلت .. أم العيال دفيني

كل يوم .. وأنت في حدري
الله يصيبك بعمرك معنيني

[القارظ العنزي]

يا ضاوي كنها ... القمري
تخط خطوة وخطوتيني
هواها بالحشا .... يسري
لو قالت لي .. ما تعنيني
هواها اللي حفر .. قبري
يا ضاوي ان مت ترثيني

[احلام عابره]

قول يامسا الخير من بدري
على اغلا واعز .......محبيني

لو الايام على كيفي تجري
ما فرقت بينك ........ وبيني

لك عشق شامخ ن... يسري
مع دمي في ...... شراييني

ونار الآه احرقت ..... صدري
ودموعي غرقت .... خديني

ياصاحبي آه لو ....... تدري
الفرقا وش مسويه ..فيني

تعال ودي اخبرك .... بسري
اسرع قبل يقتلني ....حنيني

وان مت وقف على ... قبري
وبابيات شوقك ........ ارثيني

[القارظ العنزي]

يالترف قبرك على .. قبري
ارثيك والترف .... يرثيني
واللي مقدر لا بد ... يجري
ولا هو غريبة .... بقبريني
نعيش مع حبنا ... العذري
وتشهد كل .... الجواريني
والضاوي يالترف ما يدري
ان الحبايب ..... بلحديني
بس الملايك تجي . تجري
بامر الملك تخدم . اثنيني
ان وافق الترف . يا عمري
جهزت انا اليوم .. كفنيني

[احلام عابره]

ههههههه
يفداك الردى يغالي
ربي يعطيك الصحه والعمر الطويل

❤❤❤❤❤❤❤❤❤❤❤❤

يفداك الردى . ياعمري❤
وتفداك باقي. سنيني💚

تعال لا تقول ... بدري💛
طويل ليل العاشقيني💜

من قلبك لا تفك اسري💓
شوفك عن الكل يغنيني💗

[القارظ العنزي]

يا بو جديل لمع خمري
ياللي بالشوق .. مشقيني
متى تسقيني من الخمري
متى يالترف .... تسقيني
يكفين يكفين من . قهري
القارظ هالك من الزيني