ماهمني كلام آلناس فيني .. مدام لي كبريائي والكرامه

[مطنش العالم]

ماهمني كلام آلناس فيني ..
مدام لي كبريائي والكرامه

الطيب يمشي في دمي وشاريني ..
يملكني الشخص بطيبه وهتمامه

اوفي ف الدنيا والدنيا بالهم تجازيني ..
وآصبر ع همي لو كان للقيامه

ماحب ابكي لو الضيقه تبكيني ..
اضحك ل الضيقه واطيرها ك الحمامه

واذا زاد الضيق ذكر الله يوآسيني ..
والشيطان لآوسوس مايوم اسمع كلامه

وصلاتي من شر الدنيا تحميني ..
امشي بدربي وماخاف الندامه

لي ام [ ن ] ع الحب والطيب تربيني ..
ما تعلمت منها الكره والذمامه

ولي ابو [ ن ] ع صلاتي يوصيني ..
ربي يحفظه اللي فيه كل الشهامه

يعل ربي لولديني يخليني ..
ويعل دارهم الجنه ف يوم القيامه

[مطنش العالم]

بعضهم يُهديك الحب رغم انك لم تُهدِه شيئاً ..

وبعضهم يُهديك الألم بعد أن أهديته كل شيء ..

وبعضهم يهبك السعادة وهو بعيد عن ناظريك
تحيه لمتابعيني الكرام

[مطنش العالم]

وإن قفّت الناس عنا ، ما لحقناها
ما نرخص النفس للي ما يقدّرها

[مطنش العالم]

علمني الوقت ..
ما اصدق ولا واحد !!
محد لـ آحد "كلهم
آيام وتعدي"

[مطنش العالم]

الصاحب اللي بالموده ، مصافيك
اللي معك في كـل حلـوه و مـره

لا تخذله فالوقت دامـه وثـق فيك
وإن كـان منـت بنـافعـه لا تضـره

[مطنش العالم]

ارسم لنفسك حد و الزم حدك
و تعوذ من ابليس ثم اسمعني
َ
و اتبع طريق العالم اللي قدك
انا طريقي صعب لا تتبعني ..

[مطنش العالم]

ستعلمك الحياة أن ...
جميعهم يرحلون ،،
ولكنهم يختلفون بالرحيل ..!!!!

البعض يرحل: اذا احتجت إليه!!
والبعض يرحل : اذا انتهى من حاجة..!!
والبعض يرحل: عندما يجد بديلا لك..!!
والبعض يرحل: ليكمل حياته بدونك !!!
والبعض يرحل: ليذهب إلى ربه!!!
ولكن كل الطرق موجعة

[مطنش العالم]

https://www.al2la.com/vb/avatars/20679.gif?dateline=1564091959
الإبتسامة أمرها عجيب
إن وضعتها للعدو شعر بالندم
وإن وضعتها لحبيب شعر بالراحة
وإن وضعتها لنفسك ازددت قوة وسعادة
وإن وضعتها لمن لا تعرف أصبحت صدقه

[مطنش العالم]

من لايعرف قيمة والديه ! لن يعرف قيمه لشيء!

[مطنش العالم]

هل تعلمون من انا





انا تاج المفاخر
ناموسنا يبقا على طول الايام

الطيب طيب والفعل فاخر
حقايق ماهي روايات واحلام

[مطنش العالم]

جامل تشوف الكل بالخير يطريك
نافق تعيش احلى حياة ب سعادھ

اكذب يزيد الحب والناس تشريك
ي للأسف اليوم ھ الوضع عادھ

[مطنش العالم]

لا تنبش الماضي …ولا تنشغل فيه
الدمع مايرقا على العين …لا طاح

لا تنتظر من فاقد الشي … يعطيه
عمر العزا ما صار في صالة افراح

[مطنش العالم]

الضمير .. اللي يسمونه ، ضمير
مالقيته غير ، في كتاب ( النحو )

[مطنش العالم]

الصديق الحقيقي ..♥a
هو الذي تتشاجر معه يوميا .. وتصبـان أنت وهو ..
بفقدان الذاكرة في اليوم التَالي

[مطنش العالم]

بعض الاوادم علي رايت بعظها تطيح ..
ولا تطيح الطيور الا علي اشكالها ..

[مطنش العالم]

كـلن بـــقدره يـحــدد _ مــــقا.مـه

[مطنش العالم]

لا تحتقر القصير .. فالسنافر هزموا شرشبيل:g:

[مطنش العالم]

تكثر وجيه الناس و العمر فاني
وكم وجهٍ من لوحة حياتي محيته

الا أنت وجهك في رفوف الثواني
من وين ما وديت وجهي .. لقيته!

[مطنش العالم]

لا مال وقتك عليك وباروا الناس فيك
والكون من ضيقة الخاطر تشوفه قبر

تدري وش اللي لك وتدري وش اللي عليك
اللي لك اجر الصبر واللي عليك الصبر

[مطنش العالم]

https://i.ytimg.com/vi/vbxld_pvARc/hqdefault.jpg
أبتدي بالحمد لله .. واحمده واثني عليه
واعترف له بالولاية .. وكل خلقه بين يديه
كان لي ذا الليل شكوى .. فابتدي الشكوى عليه
يا لا لا لا يا لا لا له .. والثمن جنّة وحور

تشتكي همّك على الله .. واشتكي همّي عليه
مالنا يا خوي غيره .. نبتغيه ونرتجيه
نطلبه درب متين .. نسلكه نمشي عليه
يا لا لا لا يا لا لا له .. والثمن جنّة وحور


فاقد لي خِل غالي .. فاقد الدرع المتين
فاقده والعين تدمع .. والضماير في ونين
خايف إن البعد يأخذ .. بيننا عهد وسنين
يا لا لا لا يا لا لا له .. والسنين ابنا تدور

بنشد القمرا وأدوّر .. في السماء مرشد دليل
وانشد الطاير وأقول له .. وين ذيّاك الزميل
قبل ما يطوى كتابي .. وين ألاقي له مثيل
يا لا لا لا يا لا لا له .. وما بدا فيكم قصور

عزّتي لك ياخويّي .. همّك الليلة طويل
فاقد لك رأس مالك .. فاقد الزًّول الجميل
أطلب الله لك جنان .. وأطلبه ظل ظليل
يا لا لا لا يا لا لا له .. والوعد جنّة وحور

منـي نصيـحه يا رفيقـي ودونـك
خذها وأنا اللي بالموده مصافيك

أختر صحيبٍ بـ الخفا مايخونك
ماهو من اللي بالخفايا يعاديك

[مطنش العالم]

الوصال اللي غرامه ما يسوق اشواقه
باهتٍ مثل الجفاء والصد صبه رده

كم رسمت من الاماني صورةٍ عملاقه
كم مسحت وكم كتبت من الشقاء مسوده

كل غصنٍ قد نفض عوده وحت اوراقه
وقد مشا كل الدروب وكل ريعٍ سده

عندنا من كثر صكات الليالي طاقه
ونعرف اصحاب الرخا واصحابنا فالشده

[مطنش العالم]

ماعاد توجعني خيانات الاحباب !!
وماعاد يصدمني الخوي ﻻ تردا..

[مطنش العالم]

في هالزمن حتى الغلا صار مقلوب
قلـوبـنا مـدري وش الي بـلاها

ناسٍ تقول ان الغلا يذبح قلوب
وآنـــــا لقيت قلـوب تذبح غلاه

[مطنش العالم]

في ناس تحتاج إلى دوره بعنوان :

كيف تجلس بجواري دون النظر لجوالي

[مطنش العالم]

طبعي ما أحب أدخل الناس فـ أحراج
لذلك : إسمع وش بقوله و شفني

اللي يحس أنـي .. مسبب لـه ازعآج
من كل قلبي بـ شكره لا يتابعني

[مطنش العالم]

نـآكر المعروف,يـجآزيه الزمن

[مطنش العالم]

شخصيتي ثابته
بس اسلوبي يعتمد عليك "

[مطنش العالم]

للطيب فرصه و أن تعدّت تعدّت
وللنفس عزه لا كرهت شيء صدّت👌🏽

[مطنش العالم]

عذرته وسامحته على كل ماسواه
ومديت له كف المفارق و ودعته
ٰ
احبه ولكن خاطري جاه ما كفاه
يكفيني اني لاجرحته ولا اوجعته

[مطنش العالم]

نقول ونطول والعين فوق السحاب
الروس فيها سطر والنفس فيها غنا
؛
نعطي العطايا ' هبا ولا ندور ثواب
ماحنا بحاجة مدييح ولا بحاجه ثنا

[مطنش العالم]

ماعندنا للناس كره وعداوه
ولحدن من افواه المخاليق سالم

نصفي مع الصافين واهل النقاوه
ونقفي عن اللي للمشاريه والم

ونجادل الجاهل بطيب وهداوه
والله مسلطنا على كل ظالم

ولانقبل التقصير ولا الرخاوه
نرقي مراقي الطيب رقي السلالم

[مطنش العالم]

الذاكرة شابت وتمسح ملفات
شي نبيه ، وشي منه إسترحنا

لكنها ما تمسح إثنين بالذات
اللي فرحنا معه ، واللي جرحنا. ً

[مطنش العالم]

اسف ؟ وين أصرفها بعد كل الاضرار !
اللي حصل خيره من الله و عفتك

لو كلمة اسف تمحي الشي لاصار
أول ما اقول ( اسف ) لأني / عرفتك

[مطنش العالم]

خل التسامح مع الاقراب من طبعك
تحط زلة رفيقك تحت حذيانك

لاتنشغل في خلافاتك معا ربعك
ف تصير صيد سهل ب ايدين عدوانك

[مطنش العالم]

الناس اللي طلعونا من حياتهم ، يا ليت لو يتكرمون ويطلعونا من سوالفهم بعد

[مطنش العالم]

حاول تعوّد على التطنيش
صمتك عن الناقص يهينه
.
لا يشغلك من يهز الريش
اغلب طيور البلد زِينه
.
امسح على روسها بشويش
ضعوف الاجواد مسكينه
.
كم واحد ٍ ما يبيك تعيش
لو ان الأعمار بيدينه !!

[مطنش العالم]

هادي وحسّاس وأعدائي ورآي
ومآ يهمني .. من ورآي يسبني
.
أنصح اللي ما قعد يقعد معآي
شرط لو يقعد معآي / يحبني

[مطنش العالم]

جيت في بالي قبل ساعه ونوّرت المحل
مرحبابك وابرك الساعات واغلى من يجي

[مطنش العالم]

بعض العرب يسعدك في حرف حرفين
من دون منطوقه ، ومن دون صوته

ياخذ ويعطي بـ السوالف معك لين
تفرح بـ جيّاته وتكره سكوته ..

[مطنش العالم]

أنت عارف وش جـوابي عن سؤالك
من قبــل عاميـن ولا ظني جهلتـه

مدري عن مغزاك والمضمـر بـ حالك
من تحـط العيـن في عيني سألتـه

[مطنش العالم]

كل شخص نعامله من طيب راس وحسن نيه
لا يحَسْب أنا ندور شي من . . حضرة جنابه

[مطنش العالم]

حلفت ما اسولف ولا اجيب طاريك
لكن عيوني للأسف سولفت بك
.
الشوق يفضح خص لا قيل وش فيك
كم دمعه يوم انشدوني سرت بك

[مطنش العالم]

حفظت لي بيت عجبني معانيه
بيت عجيب وفيه فكره عجيبـه

كبر الخطا ماكل عذر يغطيه
مثل التعازي ، ماترد المصيبـه

[مطنش العالم]

ما الله خلقني للمخاليق تبّاع
ولا أشرب الشربه وغيري سكبها

أما خذينا مطلب الروح بذراع
ولا تعف ارواحنا عن طلبها

[مطنش العالم]

ويردني عن كثرة الشرح عبرة

دام النوايا البيض عادت مفاهيم
شق الصداقه مآ تخيطه ألآبرة

[مطنش العالم]

قال الوفا قد مات والناس ادفنـوه
لا عاد تبحث فالخـلايق عن عشير

قلت الوفا عايش ولكن هم اهملوه
هو حي لكن غيبه مـوت الضميـر

[مطنش العالم]

الحب ماهو بـكلمة آهواك وآغليك
صدق المشاعر لك تبيّـنْـه الأفـعال
.
والّا الكـلام العـذب كـلّـن بيعطيك
تلقاه مع شاعـر وعاشق ومحتال

[مطنش العالم]

ﻣﺜﻠﻲ ﻣﺜﻞ ﻏﻴﺮﻱ ﻣﺰﺍﺟﻲ ﻭﺣﺴﺎﺱ
ﻣﺎﻫﻮ ﺿﺮﻭﺭﻱ ﻣﺜﻞ ﻣﺎ ﺍﺻﺒﺤﺖ ﺍﻣﺴﻲ
ﺍﺣﻴﺎﻥ ﺍﺷﻌﺮ ﺏ ﺍﺭﺗﻴﺎﺣﻲ ﻣﻊ ﺍﻟﻨﺎﺱ
ﻭﺍﺣﻴﺎﻥ ﻣﺎﻟﻲ ﺧﻠﻖ … ﺣﺘﻰ ﻝ ﻧﻔﺴﻲ

[مطنش العالم]

رضا البشر .. ماهو بـ آية منزله ..!
خل العقول الطايشة ، في طيشها

أحيان .. تفكيرك يحل المشكله !
وأحيان حل المشكلة ، تطنيشها

[مطنش العالم]

لله در الـصديق الصادق الوافـي
و لله در الـخوي مقـدر الخوه

الكفو يبقى معك مطنوخ وسنافي
واللاش فـ كل لحظه يختلف جو

[مطنش العالم]

احذر زمانك واحسب لوقتك حساب
ودنياك عشها في عيونك غريبه

واحفظ مقام اللي يعزك اذا غاب
اكبـر مصيبه مـن يعـزك تـعيبـه👌

[مطنش العالم]

لاتزعل أمــك .. اذا هي باقيـه حيّـه
رح شوف منهو فقد أمه وش أحواله
.
يبكي ندم .. بسّ لو ترجع له شويّه
وش ينفعه وذكريات المـوت قتّاله

[مطنش العالم]

الكامل الله والخطا طبع الآنسآن ،،
.والدرب يفرق يسارة عن يمينه

.والصاحب اللي له#معزه وله شآن ،،
.ان جاني بـ شينه تذكرت زينه

[مطنش العالم]

مديت كف الوفـا واثـر الوفا مايفيـد
في ناس ماعـاد طيبك يملي عيونها
..
لابارت الأرض لاترجي وراها حصيد
وش فايدة هالشجر لايبست غصونها

[مطنش العالم]

مادريت ان الزمن يعمي بصير
ولا لقيت ( أعذار ) وقتي مقنعه

وإكتشفت إني بعصر المستدير
في زمان (إسمه) زمان الاقنعه

[مطنش العالم]

اضبط لسانك بالحكي واحسن الظن
حتى مع العالم ،، يزيد احترامك

تـرى اللـطـافـه والأدب ، تعتبـر فن
والزم حــدوك ، ترتفع في مقامك

[مطنش العالم]

ماكل من تبدي له السد يعجبك
ولا كل من تسند عليه اعتنابك
.
صاف الصديق اللي فعوله تناسبك
اللي يفيدك بالحضور وغيابك

[مطنش العالم]

عليك العتب يا صانع النت والارسال
فقـدنا رسايل ناس ياحـي طاريـهم

فقدنا سلام ومرحبـا وكيـف الحال
وفقدنا العتب من ناس دوم نغليهم

[مطنش العالم]

الناس يأبن النـاس فيهـــم وفيهــم
بـ عطيـك عنهــم ما يكفيك عنهم

حاول تحب اللي ما شاء الله عليهم
و تخلـي اللــي اعـــــوذ بالله منهـم

[مطنش العالم]

الطيب ماهو عز في كل الأحيان
الطيب في بعض المواقف مذله !
لاصرت دايم تأخذ الطيب عنوان
يجيك من هو بالردى : يستغله !

[مطنش العالم]

زيّن صـلاتك وزيّن سـمعـتك فالحياه
سمعة ابن آدم ليا من مات تنبي عنه
،
إمّا يقولون ... راح ورحمة الله عـلاه
والإ يقولون ... راح وفـكّنا الله منه

[مطنش العالم]

بعطيك بيت نال للنــاس آلاعجإب
من بعدها كيفك لو تكون مشغول

معنى التغلي في مفاهيم آلاحباب
درب يـودّي للمفارق .. على طول

[مطنش العالم]

من عافني شبرانا عايفه باع
والله ما بغي واحد ما بغاني

[مطنش العالم]

من عمرنا ما أثر القول فينا
نعرف مقام نفوسنا ونحشمها
-
من لا يعجبه طبعنا لا يجينا
ومن هو يطب حدودنا يحترمها
ملاحظه
مزاج متقلب مابين مزح وجد اقول مااقول ولك حرية الفهم


https://3.top4top.net/p_1301ha3530.jpg

[مطنش العالم]

انا خوي منهو ضحوك ومزاح
وانا خوي اهل الهقاوي البعيده

وانا خوي من صان سري ولا باح
دامه صفالي والله اني عضيده

[مطنش العالم]

بيت الكفو لوهو عشيش ومن الطين
نفرح بشوف البيت من طيب راعيه
َ
وبيت الردي لوهو قصور و دواوين
مال الردي غير العلوم الرديه

[مطنش العالم]

أحدن على شانه تجوز المشاريه
واحدن تعدى ب الخطايا حدوده
.
ومن لا يعزك لا تعزه و تغليه
ومن لا رفع قدرك تجاهل وجوده

[مطنش العالم]

خلف الثياب قلوب خفية
وخلفي ثيابي قلب لااحد منكم يعرفه

لذا انا هنامن اجل مايدور بـ عقولكم
افسح لكم المجال لـ تتعرفو علي ..
لكم حق السوال ولـي حق الاجابة ام التحفظ عليها

هنا اسال مطنش العالم
https://www.al2la.com/vb/t97661-77.html#post2192348

[مطنش العالم]

مثل البحر محدٍ عرف داخلي شي
لو بان مني ثلث , ثلثيني باقي

[مطنش العالم]

صعبه تعيش افراح في وقت الاحزان
وصعبه تحب انسان عينه ،، لـ غيرك

[مطنش العالم]

لا تحاول تحسين صورتك لأحد ،
كلنا عاديون في نظر من لا يعرفنا ،
مغرورون في نظر من يكرهنا ،
جيدون في نظر من يعرفنا ،
رائعون في نظر من يحبنا

[مطنش العالم]

كثر الله خير الايام وأحلام السنين
علموني كل حاجة تبي عزم وصبر !

[مطنش العالم]

خلك قوي في الصعايب لا تلين
لو يطول الضيق ب العزم ابتره

ارض ربك و اطلبه حالك يزين
ولا تضايقت احمد الله واشكره

[مطنش العالم]

لاصار جرحك ماتداويه يمنـاك
محدن مداوي هالزمن جرح غيره
.
اشتر فراق اللي يبي اليوم فرقاك
من لايبــي قربك مفارقــه خيـره💔
.

[مطنش العالم]

شخصين جنب عنهم وابعد خطاك
لو ماتخـــاوي بالعمــر غير ظـــلك

اللي تســوي به جميــله ويجـفـاك
واللي يســوي بك جميـل ويــــذلك

[مطنش العالم]

أحيانا اجبر نفسي على تصغير عقلي
..وتظاهري بالغباء ..
لـيس لـ"( ضعف شخصيتي )
~ وإنما ~
...رأفـة بمن هم لا يصلون
لـ تفكيري

[مطنش العالم]

يضيق صدر الغريب إليا فقد داره
ويضيق صدر الحبيب إليا فقد غالي

لو أمسح الدمع تارة .. وأتركه تاره
مَن يمسح الذكريات ..اللي ع بالي

[مطنش العالم]

أُعامِلك بِالإسّلوب الذي يُناسِبك ويُناسِب أفعالُك,أعجَبك؟.نعِيماً,لم يُعجبك.جَحيماً,لستَ مجبوراً على تقبُّلي ولستُ مجبورٌ عَلى أنْ أُجامِلك

[مطنش العالم]

كُن دائماً الإصدار الأول من نفسك..
و لا تكُن الإصدار الثاني من أحد آخر

[مطنش العالم]

احمد الله ما بقى لي على الدنيا حسوف
الفرح يلقى شكر ...... والحزن دفعة بلا !

[مطنش العالم]

الظن يوجع راعـي الظن لا خـاب
والنفس لا عافت من الشي عافت

[مطنش العالم]

البعض غلطة ، والبعض درس ، والبعض ذكرى جميلة وأنتهت ."✋🏻💜

[مطنش العالم]

لاتحكم على الآشخاص من البدآيآآت !!
الوقت يبين لك معدن الشخص..سواءكان ذهب آونحاس والمواقف الصعبه تعجل لك بكشف
«« ماكان مستورخلف الستار!!"

[مطنش العالم]

ﻋـﻨﺪ ﺇﻧـﻬﺎﺀ ﻣـﺤﺎﺩﺛـﺘﻚ ﻣـﻊ ﻣـﻦ ﺗـُﺤﺐ ؛ ﺇﻣﺴـﺤﻬﺎ ، ، ﻻ ﺗـﺴﺄﻝ ﻋـﻦ ﺍﻟـﺴﺒﺐ . . ﻣـﻊ ﺍﻷ‌ﻳـﺎﻡ ﺳـﺘﻌﺮﻑ ﺍﻟﺴـﺒﺐ !! .

[مطنش العالم]

عرفت آلرفيق آللي فدآني بحآل ومآل
وعرفت آلرفيق آللي عيونه على آلصده

يا كثر آلأرقام آللي تخزن على آلجوآل
ويا قل آلـرفيق آللي معـك حـزة آلشده

[مطنش العالم]

من ( طٱح من عيني ) بـ يبطي مطيحھ
مثل ٱلشجر لٱطٱح من غصنھ ( أۆرٱق )

( ۆمن صد عني ) جعل ربي يبيحھ
مٱني (( ۆرٱ ظھر ٱلمقفين )) لحٱق

[مطنش العالم]

اخفض تناهيدك على حـد سمعك
واحذر تقول اسباب حـزنك لمغليك

ترى القريب اللي عرف سر دمعك
الـيـا تـردى يعـرف شلـون يبكيك

[مطنش العالم]

من بغاني بالرخى ولا بـ شده
[ يبشر اني عند ضنه بـ أقتداري ]

ومن جفاني ماحسبت حساب صدھ
[ لو يطول البعد ماني عنه داري ]

[مطنش العالم]

واحدً يذله كل ما كان جايب

من لا ستر وجهه عن الذل والعيب
ما عاد يلقى لذل وجهه طبايب

[مطنش العالم]

أحفظ لسانك عن لحوم الأودام
تستريح من الهروج ومن نكدها

والا قلبك لا حفظته ما أنت نادم
والله لـ ترتاح / راحه ما بعدها

[مطنش العالم]

غفلت عـن عمري وسـايرت الأيـام
والعمر مثل العصر والعصر فـوات

وكسبت مـن كثرالاماني والأحلام
حـلمً تـعـلق لا تحقق ولا مات

[مطنش العالم]

حاول تكون انسان فارق عن الناس
عندك طموح وبُعد نظرة وذمّه🌹
،
يا لعنبـوها حاجة تـرخي الراس
وتنزّلك وانته .. علـى راس قـمّـه

[مطنش العالم]

لو تشوف الكل عكس الاتجـاه
... لا تسـوي شي من غير اقتنـاع

اختـلاف الـراي مفهوم الحيـاه
... واتبـاع الناس مفهوم الضياع

[مطنش العالم]

بعض العرب طبعه مقدر ومحشوم
وبعض العرب عيبٍ عليك احترامه
،
واللي ستر عيبه عن الناس بهدوم
وش يستره لاصار عيبه كلامه!!

[مطنش العالم]

مٰنطق لسانك يكشف السـر للناس
عن تربيتك وساس جدك وٰ معدنك
لو كان للطيب علامه على الراس
ما قيل مٰن لا يعرفك مآ يثمنك

[مطنش العالم]

يامتابعيني مدينتي كلكـم دون تحديد
الله يسـعدكم ويرضـا عليــكم
'
والله يعطيكـم من الخـير ويـزيد
ويدخلكـم الجـنه ويستر عليكـم

[مطنش العالم]

سالوني من اي القبائل انت؟
قلت: آنا من نفس آلتراب الذي خلق منهه آدم ..
قالوآ : نقصد من الفلان ام الفلان؟
قلٺ : وهل سيكتب على قبري لمن أنتمي؟!

[مطنش العالم]

عليك الغلا والشوق كنك تسوقه سوق
وعليك الشفـوف من المعاليق منتحيه
؛
وعليك الضمير من التنهات فيه فتوق
وعليك السلوم من المشاريه مستحيه

[مطنش العالم]

احيانا ابتسم ولكن ليس دلاله على اعجابي بما امامي

ولكن

استهزاء وشفقه على حالهم

فأنا ابتسم وبداخلي صوت يقول

يا لسذاجتهم ويالغبائهم وتفاهتهم

وكم اصبحت عقول بعضهم اصغر حتى من الذره

[مطنش العالم]

يا صاحبي
تعرف وش معنى الصداقة !
الصداقة , أن روحي وروحك في " جسد واحد "
وتعني لي غاب الأول .. صاحبه زاد اشتياقه
ولي تضايقالثاني يكون له صاحب يساند