من سمع عن قلب ذاب ...باشتياقه [الأرشيف] - منتديات مسك الغلا

احلام عابره

08-02-19, 10:13 PM

من سمع عن قلب ذاب ...باشتياقه
والي سكن نبضه امعن في العتاب

ومن سمع ان نفس للرمس ..تواقه
وتنتظر ساعة يواروها ......التراب

ياشعاع الشمس اسرف في ..عناقه
وخبره ان قلبي عايش في...عذاب

لو ترجمت شعور قلبي في ....فراقه
وكيف طيف الفرح من حياتي .غاب

وكيف دمعتي وسط الجفن . حراقه
كان الورق من حرة الوجد ..... ذاب

ابسال العشق انصف يوم ...عشاقه
الي ذاق العشق يعرف ......الجواب

بقلمي
احلام عابره

الجنرال خالد

08-02-19, 10:22 PM

العشق لا ينصف عشاقة احياناً
واحياناً ينصفه وينتهي هذا العشق بنهاية
جميلة تكاد تكون ولا في الأحلام

ما كمية الجمال هذا والإبداع الذي رأيته هنا
بصراحه ذووق راقي بالكلمات والابيات
صح لسانك ونبض قلبك اختي الفاضلة
بصراحه راق لي كثيراً ما رأيته هنا
تحياتي لك سيدتي :ah11::ah11:

أعد النجوم

08-03-19, 02:59 AM

صح لسانك
ابدعتي وامتعتي

ابيات جدا راقيه

يختم ل 3 ايام

القارظ العنزي

08-03-19, 07:46 AM

القارظ قاف الشوق يا ناس . راقه
كم مرة قاف الغلا يفتح .... الباب
يروقني واكتب واعبي ... البطاقة
كله لعيون اللي نحسب له حساب
شوق الصبايا سبب للروح .. عاقة
كم مرة من شوقها القلب منصاب
من بعدها كني بفقر ......... وفاقة
او اليتيم اللي فقد كل ... الاحباب
ما لي بعد حبيب الروح ..... طاقة
مع كثر ما نشكي وناخذ بالاسباب
قولوا لها ترجع ترى القلب . شاقه
والا نضيع وذنبنا طوق .. الارقاب

صح السانك شاعرتنا الغالية احلام
وتقبلي مجاراتي كما هي

احلام عابره

08-03-19, 09:08 AM

العشق لا ينصف عشاقة احياناً
واحياناً ينصفه وينتهي هذا العشق بنهاية
جميلة تكاد تكون ولا في الأحلام

ما كمية الجمال هذا والإبداع الذي رأيته هنا
بصراحه ذووق راقي بالكلمات والابيات
صح لسانك ونبض قلبك اختي الفاضلة
بصراحه راق لي كثيراً ما رأيته هنا
تحياتي لك سيدتي :ah11::ah11:
الجنرال خالد
لمثل هذه الاذواق تكتب الحروف
ويسكب الاحساس العذب بين السطور
وتنتثر المشاعر عطرا بالاجواء
لمرورك رونق وجمال غطى على جمال النص
اسعدني مرورك واسعدني اكثر ان الموضوع حاز على اعجابك

لك كل الشكر والامتنان

احترامي

احلام عابره

08-03-19, 09:11 AM

صح لسانك
ابدعتي وامتعتي

ابيات جدا راقيه

يختم ل 3 ايام

اعد النجوم
صح بدنك وطال عمرك
دائما انتظر مرورك بمواضيعي
واسعد جدا حين ارى توقيعك تحت الموضوع
لا خلا ولا عدم

احترامي

احلام عابره

08-03-19, 09:25 AM

القارظ قاف الشوق يا ناس . راقه
كم مرة قاف الغلا يفتح .... الباب
يروقني واكتب واعبي ... البطاقة
كله لعيون اللي نحسب له حساب
شوق الصبايا سبب للروح .. عاقة
كم مرة من شوقها القلب منصاب
من بعدها كني بفقر ......... وفاقة
او اليتيم اللي فقد كل ... الاحباب
ما لي بعد حبيب الروح ..... طاقة
مع كثر ما نشكي وناخذ بالاسباب
قولوا لها ترجع ترى القلب . شاقه
والا نضيع وذنبنا طوق .. الارقاب

صح السانك شاعرتنا الغالية احلام
وتقبلي مجاراتي كما هي

جاني اعذب رد من عز ...الرفاقه
قمت اهلي وروحي ترد الترحاب

ياهلا بالي العين ........ تشتاقه
وقلبي شرع للغلا كل ....الابواب

انا من الفرح والسعاده ... بفاقه
يوم الغلا راح وعن عييني ..غاب

سهران ودمعتي عالخد ... حراقه
وتعبت ادور لصد الغالي. اسباب

واليوم كل الغلا والشوق ساقه
ليمي ونساني ليالي .... العذاب

الشاعر القدير
القارظ العنزي
صح بدنك مليون
اسعدني تواجدك بمتصفحي
وردك دائما انتظره واتمناه
مو بس اتقبله
احترامي

القارظ العنزي

08-03-19, 10:58 AM

يا احلام ما لي بالمزايين ...... طاقة
عظمي ضعيف وصرت دايم ع الباب
من اول نطرد على كل ..... ناقة
مثل الجمل نسنها ونجدع .... ارقاب
واليوم غدينا يا سيد البيض ... عاقة
حتى اللي وده حبنا نطعمه ...... ناب

احلام عابره

08-03-19, 12:07 PM

يا احلام ما لي بالمزايين ...... طاقة
عظمي ضعيف وصرت دايم ع الباب
من اول نطرد على كل ..... ناقة
مثل الجمل نسنها ونجدع .... ارقاب
واليوم غدينا يا سيد البيض ... عاقة
حتى اللي وده حبنا نطعمه ...... ناب

لا يشيخ
شو حالحكي
انت شيخ الشباب اسم الله حولك
هههههههه
كان الله بالعون ياصديقي القارظ
خلك متفائل
صح لسانك يغالي
اسعدتني مجاراتك العذبه
لا خلا ولا عدم

وهج

08-03-19, 07:36 PM

صح بوحك

يا عذبة الشّعور