راح منهو يسوى بعيوني قبايل [الأرشيف] - منتديات مسك الغلا

المساعد الشخصي الرقمي

مشاهدة النسخة كاملة : راح منهو يسوى بعيوني قبايل


جملة مفيده
08-21-19, 12:03 AM
ما يغيث الدمع أو بدع الجزايل
خصّ لامنّ احتياجه يعتريني

راح منهو يسوى بعيوني قبايل
وش عزاي الاّ دعاي ودمع عيني

كفنّوا جسمه بقبرن وسط حايل
مادروا وان غاب ساكن في كنيني

عالت ظروفه علينا وألف حايل
وكان حلمي قبلها (يمسك يديني)

مابقى غير الصور فيها اخايل
وذكرياتن مع وصايا تحتريني

والمواقف والمصايب والرسايل
وغيرتي منهن عليه بكل حيني

يوم كنت البايعه لارض وحمايل
باع ربعه يوم وعده يشتريني

جاو بالحيله وفي شتى الوسايل
ورغم ما سووا على شاني يجيني

وين ابلقى له من اشباه ومثايل
يجبر الله لي مصابي في ضنيني

من بعد عينه ارى كل شي مايل
عظم الله اجري فباقي سنيني

ياعرب والشك في هالحب زايل
مات ابيه وعارفين انه يبيني

مات اصلا خاطره ماكان شايل
غير حاجه حبها بينه وبيني

والله ان يبطي وهو بالصدر صايل
وجايلن في خاطري من قبل عيني

ماني محتاجه على صدقي دلايل
اسئل الله همّ فقده مايغزيني

وما علي من هرج عاذل قول قايل
هو موصيكم وهالله هالله فيني

لو يفيد الدمع او بدع الجزايل
ماشكيت الضيم من صالي حنيني

بقلم صاحبتها..

www.************/watch?v=6sTqtdJHxyM

انفآس
08-21-19, 01:04 AM
أبيات مؤثرة
مافي أصعب من فقد انسان غالي


يسعدك ربي ضمير مستتر
ع انتقائك المتميز ،،

دمت بخير وسعاده ..

جملة مفيده
08-21-19, 10:57 AM
أبيات مؤثرة
مافي أصعب من فقد انسان غالي


يسعدك ربي ضمير مستتر
ع انتقائك المتميز ،،

دمت بخير وسعاده ..

فعلا يا انفاس.. الفقدان موجع..
هذه القصيدة اعتقد انها مغناة "شيلة" وشعرت أنها أكثر حزناً.
شكرا لمرورك الكريم..
دمتِ بخير.


SEO by vBSEO 3.6.1