العناد بين الزوجين ˙ !؟

[‏ღعـــڒٍۅڒٍ‏ღ]

العناد بين الزوجين ˙ !؟
ذكرلي صديق .
في المحكمه . تجيهم حالات طلاق
عجيبه غريبه .
وقال موقف بين زوجين
طالبين طلاق .

والسبب . ان الزوجه معزومه ع عرس .
وقالت لزوجها ابي اروح السوق.
والزوج توه راجع من الدوام .
وقال بريح شوي واوديك بلليل .
او بكرا .

الزواج بعد ٤ ايام .

وعاندت الزوجه الا تبي اليوم والحين
تروح لسوق .
والزوج عاند وقال مافي سوق .
وكبرت السالفه .
ووصلت لين عندنا بالمحكمه .
واالاثنين معندين ويبون الطلاق ..


المقصد من القصه .

هل اوصل الحال في بعض الازواج الى هاذا الحد؟
يطلبون الطلاق . ع اتفهه الاسباب .
وانت يا زوج ليه ماتصير لين متسامح متعاون .
وانتي يازوجه ليش ماتتعبين ع راحه زوجك
لان راحته من راحتك .


يا اعضاء مسك الغلا
اطرح موضوعي
عم العناد بين الزوجين .

تعليقكم ع القصه اولا !
وثانيا ما اسباب العناد . وماحله ومعالجته
وما نصائحك لازوجه والزوج .


وشكرا

[ملامح فرح]

انا كإمرأة متزوجه ^^
يعني بالعقل يجب اختار الوقت المناسب اللي يناسب زوجي للطلب بالنهاية بشر ماهو مكينة واللي ما جا اليوم يجي بكرة
لكن وش نقول صار اسهل شي يصير هو يطلق و يفتك و هي كيفها تتزوج و الا اللي يجيها من الضمان يكفي
و الله الحياة اسهل من ذا كله
العناد معليش لكل بنت تمارس ذا التصرفات مدلله فيصير عندها متلازمة الزوج الصرافه هههههه انك زوج لازم ح م تنزيل لاي طلب و جيبك لازم يكون
عادة تصير بين الازواج الاصغر سن هذا الاشياء
بس يفترض ان الرجل في هذه الامور يكون اكبر و اعقل لان الرجل ينضج اكثر بحكم محيطه و بيئة عمله و ضغوطات الحياة عليه
و لكن الحقيقة لما تصير هي و الحياة عليه يصير الطلاق اقصر طريق لراحته

هنا صراحة اشوف الحق على الزوجة لانها سوت من الحبه قبه و فوقها مختاره وقت سيء
خليه يرتاح و يفلل نوم و يشبع بطنه ثم اطلبي

تخيل انه العكس ماذا سيقال عن هذا الادمي هههههه
لو كانت هي في ظرف خاص تعبانة نفاس اي عارض من عوارض الي تصيب المرأة و عزم مجموعة بدون ما يقول و يلا قومي هنا تقوم القيامة

ركزوا على الدورات للشباب و خلوا البنات

فالملخص لما يصير في تفاهم تفاهم و حب حقيقي بين الزوجين يصير الطلاق مثل بوابة جهنم
الفهم بالتفهم ما شي يجي جاهز

ملاحظة : المصابات بمتلازمة الزوج الصرافة كثييير لكن برضو الرجال يختلفون :1:

كنت هنا .

[‏ღعـــڒٍۅڒٍ‏ღ]

.
كلام سليم
يعطيك العافيه
نورتي

[شطرنج]

هههههه
وكأنك يا المهلهل ما غزيت
كانو يقولونها بعدما أخذت الاغماد سيوفها

كان يدرس معنا في الابتدائي ولد نناديه حفروت
كلما يتأخر عن حصة الحديث
يمزح معه الاستاذ (اكيد ام الاولاد خلتك تجلي الصحون)

والزوج هنا معذور
ولكن بعض الزوجات يتبرى منها
مقياس ريختر للكوارث

الحل بينهما
قال تعالى
(وجعلنا بينكم مودة ورحمة)


عزوز اشكرك على الموضوع
دمت بود

[‏ღعـــڒٍۅڒٍ‏ღ]

.

يعين الله
شطرنج نورت
شكرا ع رائيك

[فاطمه]

معاك السبب تافه ..جدا جدا
ولكن هذا السبب يطلق عليه
القشه إلا كسرت ظهر الجمل ..
كان الطلاق من تراكم وتكديس المشاكل ..
العناد نوعان المذموم وفي نهايته الطلاق
والعناد المحبب وهو ما ينتج عنه ملح الحياه
مشاكل طفيفه حتى تتجدد الحياه بعده
ويتوقف ع معرفه نوعه ..الحب ...
بين الزوجين ..
الله يعطيك العافيه ..

[‏ღعـــڒٍۅڒٍ‏ღ]

كلام سليم
اختي فاطمه
نورتي

[ذات]

السلام عليكم
،
،
ايش اللي تبي من الرجل يكون لين و متسامح اكثر من كذا؟
الرجل بكل احترام قال لها برتاح و اوديك بليل
و هي الا تبي الحين؟ على اساس السوق بيطير
في الاصل و قت رجوع الزوج من شغله للبيت من حقه يرتاح فيه
تعبوا الكتاب وهم يكتبون بكتبهم و مقالاتهم
ان ماينفع تتطلب او تتذمر اذا الزوج لسه راجع من دوامه
الا على شيء ضروري جدا
بعض الحريم تحسب الرجل خلق لسعادتها ورافهيتها بس
وان المسكين ماله اي حقوق
انا مو بصف الرجال على النساء
ولكن والله بعض الحريم غلطاتهم كثيرة وتافهه و غبيه احيانا
و انا مع الحق و رغم ان الاشاعات تقول ان السعادة الزوجية بيد الرجل
لكن الحقيقة انها بيد المرأة قبل الرجل
و بصراحة العناد في غير مكانه من صفات الناس الغير ناضجه
و ايش التافهه هذي يطلقون عشان ماوداها السوق هههه
بصراحه هي مستفزه بعنادها التافه و طلبها اللى بغير وقته
بس كان صبر عليها و عقلها
ماشوف سبب للعناد الا غير النضج
و لا علاج له الا انهم يحسنون من شخصياتهم و ثقافتهم الزوجية
وثاقفتهم بشكل عام عن الحياة
لان الوعي مريح لنفس ومريح لناس اللى حولك.




احترامي لك

[الحر الأشقر]

العناد مصيبه والله خصوصا اذا كل واحد ركب راسه
خويي طلق بسبب العناد عشان باب فقط
الزوجة طالبه تغيير باب وهو رافض يغيره الا اذا رجعت للبيت
ركبو روسهم وطللق
حاولت معه والاخير قال اطلع من الموضوع
والححين ندمان ويقول ليت سمعت كلامك

الله لا يبلانااا

< معاندي كبير بس ما اطول كم دقيقه واهججد

كلمتين حلوه من الزوج او الزوجة ويطيح العناد

ششكرا لطرحك