مافي شئ يرضيني

[مشكلتي]

السلام عليكم ورحمة الله وبركاته .
الحمدلله تزوجت حبيبي ولله الحمد وزوجي طيب طيب لأبعد درجة ومب مقصر معايا مايقصر معاي الا اذا كان ضغط عليه بالعمل ورحت معه مدينته تبعد عننا الف كيلو وشوي 😢... دوامه طويل مرررره وانا ببيت أهلي كان البيت أمي وأبوي وأخواتي وأخواني وجاراتها وبيتنا مايفضى صاحباتي وجمعات وأقارب أهلي جيت هنا وحيدة اهله معانا بنفس المدينه مابيننا الا حي واحد بس واهله طيبين بس خايفة ادخل فيهم وتصير مشاكل لانهم جداً هادين وحالهم بشأنهم وانا اذا طاحت الميانة اصير معاهم خلاص بس خايفه من المشاكل قاعدة اكون حذرة قد مااقدررر احاول اكون خفيفة بس والله انا اجتماعية حتى جيران مافيه 😢💔 ونفسي اشتغل وأحس مايعجبه احيانا يقول اي احيانا يقول لا وانا جامعية ودي اشتغل استغفر الله فيني طفش مو طبيعي واذا رحت لاهلي يخليني أسبوع ويجي يأخذني يقول ماتزوجتك عشان تصيفين عند أهلك 😑 صح يطلعني يمشيني يسفرني بس حقيقة مافي زي الأهل 😑
اول نزلت مشكله متى اتزوج والحين مشكلتي عدم التأقلم حقيقي الدنيا مافيها راحة يارب الجنة يارب يارب ، وانا مع بداية الدراسة يجيني إكتئاب لاني ماتوظفت وأحس شهادتي راحت كذا وتعبي 💔💔💔💔
أعطوني نصااااايححكم بالله ...

[Ro7i.enth]

دام تزوجتي و انتي مقتنعه ،
انصحج تقتنعين و تتاقلمين و تكسبين زوجج،
انتي يمكن طفشانه و ك بداية الزواج يصير تطفشين
وبيصير كل شي بس مع الايام
راح تتعودين ويصير عندج عيال و ماراح تطفشين
لو زوجج مقتنع في انج تتوظفين توظفي بس لو تحسين
انه مو متقبل الفكره تمي عند زوجج و اهتمي ببيتج افضل
لج من الدوام خصوصا انه مش مقصر ف حقج ،

انا اشوف اتجابلين نفسج و بيتج ابرك ،
وترى نحن البشر نبا كل شي
بس يوم انحصله نبا اكثر و اكثر طبع البني آدم
طمااع ، :)


ومشكلج مره بسيطه لاتتسرعين ،
اهم شي رضى زوجج عليج

[آسيرة حرف]

الفاضله / مشكلتك

وعليكم السلام ورحمة الله وبركاته


:MonTaseR_112: عنوانك (( مافي شيء يرضيني ))
يقولي لاتتعبي تردي :b: مابيرضيها ردك

بالنسبه لاهله (( قلتي ادخل فيهم وتصير مشاكل ))
لاتقولي مايرضيني ردك تعالي جنبي اجلسي اللحين خلينا عقلانين هما اللحين يعتبرو اهلك
مافي مثل الاهل :xss: تمام تمام اتفقنا ما اختلفنا بس والله انتي اخذتي ولدهم او هو اخذك
خلاص اهله اهلك
ليه تسبقي الموضوع وتتوقعي مشاكل المستقبل بحد ذاتو صعبه نتوقع وش يصير فيه
ادخلي بينهم الود ب الود يدوووم وان جاك صد منهم البعد عنهم وقتها لك حق فيه
اما تظلي هاكا متوقعه الشؤوم منهم او منك لا
لاتسبقي العالم بتوقعات مترنحه قد تخيب اكثر مما تصيب

اما بخصوص اكتئاب الوظيفه :MonTaseR_38: اصبري رزقك جاااي باذن الله
لو جت وظيفتك ربي راح يسهل امورك وبيكون الله راضي من سابع سماء
ما بيرضى زوجك وقتها !!!
قد سهلها الله ويسرها بتتعقد عند زوجك يعني اكيد لا

لا اشوفك بعد فتره تنزلي موضوع :b: ماني متأقلمه ع الوظيفه ومقدرة اوفق بينها وبين بيتي :xss:


واللحين رتبي وضعك عيني ليوم مناسب لهم وجهزيلك حلا وحامض وشاي وقهوه ومفرحات للسهره وبوكيه ورد
وزوري اهل زوجك وعيشيء حياتك وانبسطي طلي عليهم ويطلو عليك
وشيلي الافكار السوداويه ممكن تحبين جلستهم ويعشقون جلستك


تقبلي ردي وعبق وردي مع خالص احترامي لسموك
آسيرة حرف

[جرحي دفين]

اشوف انه ماعندك مشكله بالمعنى
متزوجه والحمد لله وعندك زوج يسفرك لاي مكان
ويلبي طلباتكـ ومرتاحه نفسيا
غيرك عنست ومتوظفه واملها تتزوج وتترك الوظيفه
فالهموم مختلفه من شخص لاخر
فقط تعايشي مع الوضع وستنجحين :MonTaseR_205:

[عماد العنزي]

الله يكون في عونك المشاكل تختلف من شخص لشخص ولكن نصيحة مني ان اردتي خذيها ..
تصالحي مع وضعك انتي في نعمة يتمناها الكثير .. ادخلي مع الاهل بما انهم هادين ما راح يبدون هم انما ينتظرونك تبدين بما انك اجتماعية ما شاء الله و هذي صفة جميلة و الكل يتمناها ..
بالنسبه للوظيفة .. خليها ع جنب بما انك جامعية كملي جامعتك و انشغلي في بيتك ما راح تطفشين ان شاء الله .. اشغلي وقت فراغك .. لا انتهيتي من الجامعة شوفي لك وظيفة..
اما اذا كان عندك شهادة جامعية ف دوري لك على وظيفة باذن الله بتلقين ..
و بس والله المهم احمدي ربك على حياتك انتي بجنة بنظر غيرك ..
يعطيك العافية و ان شاء الله من حياة افضل الى افضل .

[انفآس]

لامشكله لديك والحمد لله

احمدي ربك ع نعمه اللي اعطاك إياها .. انتي متزوجه وكل متطلباتك مجابه ..
هذي نعمه كبيره ماشاء الله .. اجتماعيه والشخصية الاجتماعيه محبوبه جدا
مراح يكون فيه مشاكل بينك وبين أهله بإذن الله .. واذا تحبيه جد حبي أهله
وزوريهم وتوددي لهم ومتى ماطفشتي روحي لهم .. وبكره بيجونك أطفال
وبتنشغلي فيهم ومعهم ..
وبشأن الوظيفه انتي تقدري تقنعيه بإسلوبك ..

دمتِ بسعاده وتوفيق ،

[ملامح فرح]

يعني اسمحي لي انتي صنعتي حواجزك و جدرانك على نفسك بيدك.اهل الزوج اهل بعد هم بيكونون اهل عيالك و سالفة الميانة و الله مافي احسن من انك تكونين على طبيعتك مع الناس.. فمابالك بادوام صاروا الزامي جزء من حياتك.. صح مافي زي اهلي .. بس طبيعي ما رح يكون المحيط زيهم ..

هو تتأقلمين و تدخلين على عمانك بشي حلو صينية حلا ترمس قهوة و تسولفوين و تنبسطين و تتعرفين على الجيران و تعزمين الصديقات اوعدك حتى اتصالات ما رح تفضين , بس تقفلين على نفسك و تقولين طفش حتى لو توظفتي محيطك بيكون خالي من الاحداث .:)
انتي مشكلة نفسك اخرجي من قالبك الرسمي و اندمجي و اعتبري اعتبري اهل زوجك اهلك و شيلي الفوارق و علميني كيف بتصير حياتك^^

[مسكك الغلا]

مافي بعد رد أسيرة الحرف شي



بالتوفيق:ah11: