منتديات مسك الغلا

منتديات مسك الغلا (/vb/)
-   همومنا ومشاكلنا وإحتياجاتنا الشخصيه ( مشكلتي ) (https://www.al2la.com/vb/f77.html)
-   -   زوجي واهله ودوامه (https://www.al2la.com/vb/t100020.html)

مشكلتي 09-02-19 04:17 AM

زوجي واهله ودوامه
 
السلام عليكم متزوجة قريب لي شهور بعد علاقة حب6 سنين أحب زوجي ويموت فيني متأكده والله يخلينااا لْبعض يارب طول العمررررر ،، زوجي متعلق في أهله مرره مره اكثر من أي شي من اول ماعرفته يكررر علي أنتِ بكفه وأهلي بكفه الحين اللي موترني أول شي زوجي دوامه من 8-5 يجي يروح بيت أهله يريح لين العشاء له يومين ع الحال ذا تمام مايجي بيته عندي الا 9 المساء يجيب عشاء ويسولف شوي وانا متحمسه بسولف الا القاه نايم وانا تخيلووو لحالي طول اليوم اهلي منطقة ثانيه الف كيلو وعليها ومافي صاحبات ولا جيران خاصمته قال لازم أتفقد شيباني( أمه - أبوه ) مالهم غيرررررررري هم أهم مااملك صعب أرجع لهم مرة ثانيه وأنتي على العين والرأس واذا حصل فرصة عوضتك جسدي منهك وعقلي منهك رجاء لاتوتريني قلت خلاص وديني لأهلي شهر لاني طفشانه وقال بلا دلع شهر في عينك فاضيلك انا اللي ماتصبر ع زوجها ذي ماتستاهل شي قال شهر قال الحريم في الزمن ذا ماينعطو وجهه تقعدي في بيتك اذا قصرت معاك في شي تعالي قولي لي معززك مكرمك حقوقك على أكمل وجهه معطيك بس عشان يومين رحت لأهلي قومتي الدنيا ،،، سكت قدامة ماقلت شي قسم بالله إني مرااا طفششانة مايحس فيني انا عارفة ضغط الدوام وضغط اهله لان اهله مالهم غيره كل شي عليه وضغطي انا كزوجة بس وش ذنبي 😭😭هو طيب وأحبه وأموت فيه بس احس انا اخر شي في حياته يعني العمل ثم اهله ثم اناااااا ... والله اهله طيبين وربي بس انا زوجة كمان هو بنظرة اكل شرب بيت فلوس خلاص الحب والأشياء الثانيه بعدين وقت مانكون فاضييييين ،،،،،، قلت جيب اهلك يسكنون عندنا أبوه رافض مايبي الا بيته وحارته وبيتنا يبعد عنهم ساعة ممكن .. الله المستّعاااان .💔💔😐 مادري انا فاضيه ولا جد وضعي يحزن .

M.ahmad 09-02-19 04:59 AM

يابنت الحلال ترين كلها يومين او ثلاثه أيام ما امداه حتى يتنفس فيها عند أهله إلا وأنتي جايه تختلقين مشكله معاه

الله يهديك بس

خليه على كيفه يروح عند اهله او يخرج مع اصحابه وإذا شفتيه زودها لدرجه بدأ ينساك عاد وقتها قولي له ( ماني فندق تجيني وقت النوم ) .

مرجانة 09-02-19 05:56 AM

ما لك حق حقيقة
تهاوشينه عشانه يزور امه و ابوه ؟!

طيب عندي لك حل

قولي له لا تروح لوحدك لامك و ابوك خذني معك
و تعشوا يوم هناك مع امه و ابوه و يوم لا

صدقيني بينبسط منك أكثر

برضوا انتي ما بتنزعجين عطول
روحي يوم معه لامه و ابوه و يوم لا اذا مو عطول تحبين تروحين

الزوجة حلاتها تكون تعين زوجها على والديه مو تمنعه عنهم

و انك تروحين شهر تقعدين بيت اهلك تراها مالها داعي من جد !!!

خليك خفيفه و صابره و سهلة مع زوجك لا تعقدين الامور
و لا تنكدين عيشتك بنفسك

الله يسعدك و يملأ حياتك سعادة و فرح

alwafa 09-02-19 06:57 AM

،’













آولآ ي قلبي ’
كآن يحبج و خذج هذآ آول دليل حبه لج ’
يعنيي حمدي ربج وين ف هالزمن وآحد يحب و يآخذ الي يحبها ’

ثآني شي طبيعي دوآمي بعدين آهلي بعدين آنتي ,
و بعدين طلعي الوسوآس الي ف قلبج آنا انتي بعد الدوآم و آهله ه ’

دوآمه مصدر رزقكم ف شي طبيعي لازم يهت به ه ’
آهله هالشيلآ بد منه حطي في بآلج شيي الي م فيه خير لـىهله ما فيه خير لنآس ,
دآم يقدر آهله يعني آنتي منهم ’


شكلج بدآيةة الزوآج آحين من جيي تبينه يجآبلج 24 سآاعه هههه ’
روحيي خليه يتنفس الريـآل م يحب الحرمه يوم تنشب و لا تقآرن و لآ تقول له جيي ’

خلي على رآحته ه لـ فتره شهر بالكثير ’
آذآ شفتي على حـآله هني تكلمي ’


شرآت م قآلت مرجـآنه صدقها ’
سويي و جوفي النتيجـه ه , آمم عزززوز خببره ’
على قولتههم خذو العبره من آفوآه الخببره ’:رجل خجول:


و بعدين ي قلبيي ,
لآ تقولين بروح بيت آهلي و توج معرسـه ه ’
و آن بغيتي يوم يومين بالكثييير ,
مب حلوه شهر في حقج و لآ ف حقه ه ’


و ربيَ يعينجج و آييسر آمورجج ’
لآ تسرعين في آي ششي ,

:MonTaseR_137:

طيف الأمل 09-02-19 09:26 AM

هلا ومرحبا
ماشوف انا مشكلة ولا شيء
فقط الرجل زار اهله ووضح لك حقه عليهم
ومن البداية ماكذب
غالبية اللي دواماتهم كذا يكون وقتهم قليل جداً
يعني حتى لو ماكان فاضي ورجع للبيت الساعة 9
يكفي تواجده معك يخفف عليك شيء كبير
انتي تتعبي من الانتظار وجلوسك وحيدة
حتى هو يتعب ويحس بضغط ويحس فيك
ضغط عمل وانه بيطلع وبيزور اهله من ثم بيرجع
للبيت
بكره الله بيرزقكم ذريه , وبيكون وقتك معهم
هو عمل هالشيء يومين وكان ردك انك بتروحي بيت اهلك شهر
من ثم بتقولي يافلان ترميني بيت اهلي شهر وماتسأل عني
وتبدأ حكاية عتب جديدة.

ماشوف فيها اي مشكلة
شوية تنظيم وبيرجع زي ماكان وبيعوضك
غالبيتنا ايام الاسبوع نكون مضغوطين ومانرفه عن حالنا
الا بايام الويكند واحيان يكون هاليومين مخصص لاحتياجات الاهل

لاتهدمي بيتك بيدك ولا تفتحي لك باب انتي في غنى عنه

الله يوفقكم

العـ(احمد)ـالمي 09-02-19 09:35 AM

انتي سويتي مشكلة من لامشكلة
انتي عارفه وضعه قبل الزواج خصوصا علاقته باهله
وبما انك وافقتي على الارتباط فيه يعني انك راضيه بوضعه
لكن يبدو ان الغيرة بدت تشتغل عندك من اهله وهذا شي طبيعي
لذلك نصيحتي لك خليه على وضعه واذا رجع لك بالليل غيري باثاث
البيت يعني تغيير الاماكن وحطي روائح جميلة ورحبي فيه
ترحيب يليق فيه صدقيني راح يتغير بس اصبري

ربي يوفقكم


الساعة الآن 09:09 PM.

Powered by vBulletin® Copyright ©2000 - 2024, Jelsoft Enterprises Ltd.
SEO by vBSEO 3.6.1 al2la.com
HêĽм √ 3.1 BY: ! ωαнαм ! © 2010
new notificatio by 9adq_ala7sas
جميع الحقوق محفوظه لـ منتديات مسك الغلا